सुनचाँदीको भाउ वृद्धि: सुन ५ सय, चाँदी २५ रुपैयाँले महँगियो

नेपाल सुनचाँदी व्यवसायी महासङ्घका अनुसार आज सुनको भाउ तोलामा ५ सय रुपैयाँले वृद्धि भएको छ। यो वृद्धि पछि सुनको कारोबार मूल्य तोलाको १ लाख ५१ हजार ५ सय रुपैयाँ पुगेको छ। हिजो भने सुनको मूल्य तोलाको १ लाख ५१ हजार रुपैयाँ रहेको थियो।

यस्तै, चाँदीको भाउ पनि तोलामा २५ रुपैयाँले बढेको छ। चाँदी अहिले तोलाको १ हजार ७ सय ९० रुपैयाँमा कारोबार भइरहेको छ।

पछिल्लो समय सुनचाँदीको मूल्यमा निरन्तर उतारचढाव देखिएको छ। व्यवसायीहरूले अन्तर्राष्ट्रिय बजारका उतारचढावका कारण मूल्य परिवर्तन भइरहेको बताएका छन्।