Empower Your Trades
with Intelligent Insights

विभिन्न कम्पनीका शेयरधनीको प्रमाणपत्र हराए, प्रतिलिपिका लागि दाबी विरोध आह्वान

उल्लेखित शेयर वा एकाइहरूमा कुनै हकदाबी लाग्ने व्यक्तिले यो सूचना प्रकाशित भएको मितिले ३५ दिनभित्र स–प्रमाण कमलादीस्थित एनआईएमबी एस क्यापिटलको कार्यालयमा दाबी पेस गर्नुपर्नेछ। तोकिएको म्यादभित्र कुनै दाबी विरोध नपरेको खण्डमा भने आवश्यक कानुनी प्रक्रिया पूरा गरी निवेदकहरूलाई नयाँ प्रतिलिपि शेयर प्रमाणपत्र जारी गरिने क्यापिटलले प्रस्ट पारेको छ।

सन नेपाल लाइफको झन्डै ५३ हजार संस्थापक शेयर बिक्रीमा, पहिलो हक विद्यमान शेयरधनीलाई

बिक्रीमा राखिएको शेयरको मूल्य प्रचलित बजार मूल्यभन्दा कम नहुने गरी बिक्रेता आफैंले तोकेबमोजिम हुनेछ। शेयरको सटिक मूल्यबारे जानकारी लिन खरिदकर्ताले कम्पनीको कानुन विभागमा सम्पर्क गर्नुपर्नेछ। यदि तोकिएको ३५ दिनको म्यादभित्र विद्यमान संस्थापक शेयरधनीहरूबाट खरिदका लागि कुनै निवेदन नआएमा भने, कानुनबमोजिम अन्य जोकोही व्यक्ति वा संस्थालाई उक्त शेयर बिक्री गर्ने बाटो खुल्ने कम्पनीले प्रस्ट पारेको छ।

कुमारी बैंकको १ लाख कित्ता संस्थापक शेयर सर्वसाधारणका लागि बिक्री खुला

उक्त शेयर खरिद गर्न इच्छुक सर्वसाधारण लगानीकर्ताले सूचना प्रकाशित भएको मितिले १५ दिनभित्र आफ्नो आवेदन बुझाइसक्नुपर्नेछ। आवेदन दिनका लागि नक्सालको नागपोखरीस्थित बैंकको शेयर रजिष्ट्रार 'कुमारी क्यापिटल लिमिटेड' वा टंगालस्थित कुमारी बैंक लिमिटेडको प्रधान कार्यालयमा पुग्नेगरी दरखास्त दिन सकिने बैंकले जनाएको छ।

एनआईसी एसिया इक्विटी अपोर्चुनिटी फन्डको ८ करोड एकाइ बाँडफाँट

आवेदन दिएका लगानीकर्ताहरूले बाँडफाँटको अन्तिम नतिजा सिडिएस एन्ड क्लियरिङ लिमिटेडको 'मेरोशेयर' (www.meroshare.cdsc.com.np), आईपीओ रिजल्ट हेर्ने आधिकारिक वेबसाइट (www.iporesult.cdsc.com.np) वा एन आई सी एशिया क्यापिटलको वेबसाइट (www.nicasiacapital.com) मार्फत सहजै हेर्न सक्नेछन्। साथै, बाँडफाँटमा नपरेका वा माग गरेबमोजिम सम्पूर्ण एकाइ प्राप्त गर्न नसकेका आवेदकहरूको बैंक खातामा रोक्का रहेको रकम तत्काल फुकुवा गरिदिन सम्पूर्ण सि–आस्वा (C-ASBA) सदस्य बैंक तथा वित्तीय संस्थाहरूलाई क्यापिटलले निर्देशन समेत दिइसकेको छ।