Empower Your Trades
with Intelligent Insights

चुलिँदै आर्थिक भार : सार्वजनिक ऋण पहिलोपटक ३० खर्ब नाघ्यो, तीन महिनामै सावाँ–ब्याज तिर्न झन्डै १ खर्ब खर्च

लक्ष्यअनुसार बाह्य ऋण परिचालन हुन नसक्दा सरकार आन्तरिक बजारमै बढी निर्भर देखिएको छ। असोज मसान्तसम्म उठाइएको कुल १ खर्ब २३ अर्ब नयाँ ऋणमध्ये १ खर्ब रुपैयाँ त आन्तरिक बजारबाटै उठाइएको छ। विदेशी दातृ निकायबाट ऋण लिने वार्षिक लक्ष्य जम्मा ९.३९ प्रतिशत मात्र पूरा हुँदा आन्तरिक ऋणको प्राप्ति भने लक्ष्यको २४ प्रतिशत नाघिसकेको छ। एकातिर नयाँ ऋण लिएर पुरानो सावाँ–ब्याज टार्नुपर्ने चक्र र अर्कोतिर आन्तरिक स्रोतमाथिको अत्यधिक निर्भरताले आगामी दिनमा मुलुकको सार्वजनिक वित्त व्यवस्थापन थप चुनौतीपूर्ण बन्ने जोखिम बढाएको छ।

सानिमा बैंकको लोभलाग्दो वित्तीय छलाङ: खुद नाफामा १३१ प्रतिशतको उछाल, खराब कर्जा घट्यो

वित्तीय स्थायित्व र जोखिम बहन गर्न सक्ने क्षमताको मापन गर्ने पुँजी पर्याप्तता अनुपातमा पनि सानिमा बैंक सुरक्षित र बलियो अवस्थामा देखिएको छ। हाल बैंकको प्राथमिक पुँजी पर्याप्तता अनुपात ९.७० प्रतिशत र कुल पुँजी पर्याप्तता अनुपात १२.३७ प्रतिशत रहेको छ। नेपाल राष्ट्र बैंकले तोकेको न्यूनतम मापदण्डभन्दा निकै सन्तुलित अवस्थामा रहेको यो सूचकले बैंक सम्भावित वित्तीय झट्काहरूको सामना गर्न पूर्ण रूपमा सक्षम रहेको देखाउँछ। समग्रमा, चालु आर्थिक वर्षको सुरुवातसँगै सानिमा बैंकले प्रस्तुत गरेको यस तथ्यांकले सुशासन, सबल व्यवस्थापन र सुरक्षित लगानी नीतिको स्पष्ट झल्को दिएको छ।

नेपाल इन्भेष्टमेन्ट मेगा बैंकको ८२ हजार बढी संस्थापक सेयर बिक्रीमा

तोकिएको ३५ दिनको म्यादभित्र हालका संस्थापक सेयरधनीहरूबाट सेयर खरिदका लागि कुनै पनि आवेदन नआएमा उक्त सेयर अन्य व्यक्ति वा संस्थालाई बिक्री गर्ने प्रक्रिया अघि बढाइने बैंकले जनाएको छ। सेयरसम्बन्धी थप विवरण बुझ्न बैंकको दरबारमार्गस्थित केन्द्रीय कार्यालयमा सम्पर्क गर्न सकिनेछ।

शेयर बजारमा प्राविधिक ‘ब्रेकआउट’सँगै लगानीकर्ता उत्साहित, एकैदिन साढे ७ अर्बको कारोबार

पुँजी बजारमा फर्किएको यो चमकले सरकारी राजस्वमा पनि राहत दिएको छ। चालु आर्थिक वर्षका लागि सरकारले पुँजीगत लाभकरको दर घटाए पनि कारोबार दिन र शेयरको मूल्य बढेका कारण असोज महिनामा मात्रै करिब ५० करोड रुपैयाँ बराबरको शेयर कर संकलन भएको छ, जुन अघिल्लो महिनाको तुलनामा करिब दोब्बर हो। यद्यपि, चालु आर्थिक वर्षको पहिलो त्रैमास (साउन–असोज) को समग्र राजस्व संकलन भने अघिल्लो वर्षको सोही अवधिको तुलनामा ४१ प्रतिशतले घटेको तथ्यांक छ। तर, सूचक र भोल्युमले देखाएको पछिल्लो चलायमान प्रवृत्ति कायम रहेमा आगामी दिनमा राजस्व संकलनमा सकारात्मक र उल्लेख्य योगदान पुग्ने निश्चित छ।