सुनको मूल्यले नयाँ रेकर्ड कायम

सुनको मूल्यले नयाँ रेकर्ड कायम गरेको छ। शुक्रबार सुनको मूल्य प्रतितोला एक हजार रुपैयाँले बढेर हालसम्मकै उच्च मूल्यमा पुगेको हो। नेपाल सुनचाँदी व्यवसायी महासँघका अनुसार छापावाला सुन प्रतितोला एक लाख ४५ हजार रुपैयाँमा र तेजाबी सुन प्रतितोला एक लाख ४४ हजार ३०० रुपैयाँमा खरिद बिक्री भएको छ।

बिहीबार छापावाला सुन प्रतितोला एक लाख ४४ हजार रुपैयाँ र तेजाबी सुन प्रतितोला एक लाख ४३ हजार ३०० रुपैयाँमा कारोबार भएको थियो। बिहीबार कायम उक्त मूल्यलाई ब्रेक गर्दै सुनको हालसम्मकै उच्च मूल्यमा पुगेको हो।

यस्तै, शुक्रबार चाँदीको भाउ पनि तोलामा ५० रुपैयाँले बढेर प्रतितोला एक हजार ९०० रुपैयाँमा पुगेको छ। बिहीबार चाँदी प्रतितोला एक हजार ८५० रुपैयाँमा कारोबार भएको थियो।