गृह लक्ष्मी रियल्ट लिमिटेड
का.जि. का. म.न.पा. वडा नं. २, लाजिम्पाट, काठमाडौँ
चौथो वार्षिक साधारण सभा सम्बन्धी सूचना
प्रथम पटक प्रकाशित मिति : २०८३/०४/२०
आदरणीय शेयरधनी महानुभावहरू,
यस गृह लक्ष्मी रियल्ट लिमिटेडको सञ्चालक समितिको मिति २०८३/०४/१५ गतेको बैठकको निर्णयानुसार यस कम्पनीको चौथो वार्षिक साधारणसभा निम्न लिखित मिति, समय र स्थानमा देहायका विषयहरू उपर छलफल गरी निर्णय गर्न बस्ने भएको हुँदा सम्पूर्ण शेयरधनी महानुभावहरूलाई उपस्थितिको लागि हार्दिक अनुरोध गर्दछौँ।
सभा हुने मिति, समय र स्थान:
मिति : २०८३ साल भाद्र ९ गते, मंगलबार (तदनुसार २०२६/०८/२५)
स्थान : कम्पनीको रजिष्टर्ड कार्यालय, का.जि. का. म.न.पा. वडा नं. २, लाजिम्पाट, काठमाडौँ।
समय : बिहानको ११:०० बजे।
छलफलका विषयहरू
क) साधारण प्रस्तावहरू:
१ सञ्चालक समितिको तर्फबाट अध्यक्षज्यूले प्रस्तुत गर्नु हुने आ.व २०८२/८३ को सञ्चालक समितिको प्रतिवेदन उपर छलफल गरी पारित गर्ने सम्बन्धमा।
२ आ.व. २०८२/०८३ को लेखापरीक्षकको प्रतिवेदन सहित २०८३ आसाढ मसान्त सम्मको वित्तीय विवरण, सोही अवधिको वार्षिक विवरण सँग सम्बद्ध अनुसूची छलफल गरी पारित गर्ने सम्बन्धमा।
३ कम्पनी ऐन २०६३ को दफा १११ अनुसार आ.व. २०८३/८४ को लागि लेखा परिक्षकको नियुक्ति गर्ने र निजको पारिश्रमिक निर्धारण सम्बन्धमा।
ख) विशेष प्रस्तावहरू:
१ कम्पनीको प्रबन्धपत्र तथा नियमावली संशोधन गर्ने सम्बन्धमा।
२ सर्वसाधारणलाई कम्पनीको साधारण शेयर जारी गर्ने सम्बन्धमा।
३ साधारण शेयर जारी पश्चात् प्राप्त पूँजीको उपयोग सम्बन्धमा।
४ माथि प्रस्ताव गरिए अनुसार कम्पनीको साधारण शेयर जारी गर्ने लगायत सोसँग सम्बन्धित कार्यहरू स्वीकृतिका क्रममा कम्पनी रजिष्ट्रारको कार्यालय लगायतका नियमनकारी निकायहरूबाट कुनै विषय, शर्तहरू लगायतमा संसोधन/फेरबदल गर्न निर्देशन प्राप्त भएमा आवश्यकता अनुसार थपघट, परिमार्जन, संशोधन, भाषागत लगायतका अन्य सुधार समेत गर्नका लागि सञ्चालक समितिलाई अख्तियारी दिने सम्बन्धमा।
५ सञ्चालकहरूको बैठक भत्ता लगायतका सुविधा निर्धारण गर्ने सम्बन्धमा।
ग) विविध।
सञ्चालक समितिको निर्णयानुसार
कम्पनी सचिव
