विशाल बजार कम्पनीको लाभांश सुरक्षित गर्ने अन्तिम दिन आज, बुकक्लोज भोलि

विशाल बजार कम्पनी (BBC) ले फागुन ९ गते बुकक्लोज गर्ने भएकाले फागुन ८ गतेसम्म नेप्सेमा कारोबार भएका शेयरधनीहरुले १४% नगद लाभांश प्राप्त गर्न सक्नेछन्। कम्पनीले फागुन २८ गते त्रिभुवन आर्मी अफिसर्स क्लब, काठमाडौँमा वार्षिक साधारण सभा आयोजना गर्दैछ। सभामा लाभांश वितरण अनुमोदन, सञ्चालक राजेन्द्र कुमार वैद्यको राजिनामा स्वीकृति, सर्वसाधारण तर्फबाट नयाँ सञ्चालक नियुक्ति, पसलकवलसँगको सम्झौता खारेज, तथा लेखापरीक्षक नियुक्ति लगायतका प्रस्तावहरु पारित गरिनेछन्। शेयरधनीहरुले लाभांश प्राप्त गर्न तथा साधारण सभामा भाग लिन आजसम्म शेयर कायम गर्नुपर्नेछ।