Ref No.: 115-082/083
मिति: २०८३/०२/२६
श्री नेपाल स्टक एक्सचेन्ज लि.
सिंहदरबार प्लाजा काठमाडौं।
विषय : वार्षिक साधारण सभा प्रयोजनका लागि शेयर दाखिला खारेज कार्य गरिदिने सम्बन्धमा।
महोदय,
उपरोक्त सम्बन्धमा यस कम्पनीको मिति २०८३/०२/२६ गते दिनको ५:३० बजे बसेको संचालक समितिको बैठकको निर्णय अनुसार कम्पनीको छैठौं वार्षिक साधारण सभा निम्न मिति, समय र स्थानमा गर्ने निर्णय भएकोले साधारण सभा प्रयोजनका लागि यस कम्पनीको २०८३ आषाढ १२ गते १ (एक) दिन शेयर दाखिला खारेज सम्बन्धि कार्य बन्द गरिदिनुहुन निर्णय अनुसार अनुरोध गर्दछु।
सभा हुने मिति, समय र स्थान:
मिति: २०८३/०३/२६ गते शुक्रबार,
समय: बिहान ११:०० बजे
स्थान: कुपण्डोल बैंक्वेट, कुपण्डोल ललितपुर ।
भवदीय,
सजल मास्के
कम्पनी सचिव
बोधार्थ:
श्री नेपाल धितोपत्र बोर्ड ।
श्री विद्युत नियमन आयोग ।
श्री विद्युत विकास विभाग ।
Ref No.: 116-082/083
मिति: २०८३/०२/२७
श्री नेपाल स्टक एक्सचेन्ज लि.
सिंहदरबार प्लाजा, काठमाडौं ।
विषय: वार्षिक साधारण सभाका प्रस्तावहरुको जानकारी सम्बन्धमा ।
उपरोक्त विषयमा यस कम्पनीको मिति २०८३/०२/२७ को सञ्चालक समितिको बैठकको निर्णयानुसार कम्पनीको छैठौं वार्षिक साधारण सभाको आयोजना गर्ने मिति, समय र स्थान एवम् साधारण सभाको उपस्थिती प्रयोजनका लागि शेयर दाखिल खारेज कार्य बन्द हुने दिनको बारेमा निर्णय गरेको र समय अभावका कारण साधारण सभामा छलफल हुने नभएकोले आज मिति २०८३/०२/२७ गते दिनको ६:० बजे बसेको सञ्चालक समितिको बैठकको निर्णयले उक्त साधारण सभाको छलफलका विषयहरु निम्न बमोजिम रहने गरी निर्धारण गरिएको व्यहोरा निर्णयानुसार जानकारीका लागि अनुरोध छ।
छैठौं वार्षिक साधारण सभा छलफलको विषयसूची:
क) साधारण प्रस्तावहरु:
१) वार्षिक साधारण सभामा सञ्चालक समितिको तर्फबाट अध्यक्षज्यूले प्रस्तुत गर्नुहुने आ.व. २०७९/०८० को वार्षिक प्रतिवेदन छलफल गरी पारित गर्ने सम्बन्धमा ।
२) आ.व. २०७९/०८० को लेखा परिक्षण प्रतिवेदन र सोही आ.व. को वार्षिक वित्तीय विवरण अन्तर्गत वासलात, नाफा नोक्सान, हिसाब, नगद प्रवाह विवरण, ईक्विटीमा भएको परिवर्तन र सोसँग सम्बन्धित सम्पूर्ण अनुसूचीहरु अनुमोदन गर्ने सम्बन्धमा ।
३) कम्पनीको आ.व. २०८०/०८१ को लेखा परिक्षण गर्न कम्पनी ऐन २०६३ को दफा १११ बमोजिम लेखा परिक्षण गर्ने कम्पनी र निजको पारिश्रमिक तोक्ने सम्बन्धमा । (हालका लेखा परिक्षक चार्टर्ड एकाउन्टेन्ट के.सी. सापकोटा एण्ड एशोसिएट्स पुनः नियुक्ती हुन सक्नेछैनन्)
४) संस्थापक शेयरधनी समूहका सञ्चालक-३, सर्वसाधारण शेयरधनीहरुको प्रतिनिधित्व गर्ने सञ्चालक-१ (एक) को निर्वाचन तथा स्वतन्त्र विशेषज्ञ सञ्चालकको मनोनयन सम्बन्धमा ।
ख) विशेष प्रस्ताव:
१) कम्पनीको सञ्चालक समितिमा संस्थापक शेयरधनी समूहबाट-३, सर्वसाधारण शेयरधनीहरुबाट प्रतिनिधित्व गर्ने २ (दुई) तथा स्वतन्त्र विशेषज्ञ सञ्चालक १ गरी ६ (छ) जनाको सञ्चालक समिति हुने गरी नियमावलीको नियम २७ (२) मा संशोधन गर्ने सम्बन्धमा ।
ग) विविध सम्बन्धमा ।
सजल मास्के
कम्पनी सचिव
बोधार्थ:
श्री नेपाल धितोपत्र बोर्ड ।
श्री विद्युत नियमन आयोग ।
श्री विद्युत विकास विभाग ।
