संस्थापक शेयर खरिद गर्न चाहानु हुने संस्थापक शेयरधनी महानुभावहरुलाई जरुरी सूचना
(प्रकाशित मिति: २०८१/०२/२७)
यस वित्तीय संस्थाका शेयरधनी श्री कल्याण राज बराल, श्री सत्यभम निरौला, श्री निरज बराल, श्री शंकर प्रसाद दाहाल, श्री प्रतिमा उपाध्याय दाहाल, श्री सौरभ दाहाल र श्री विष्णु सुवेदीले आफ्नो नाममा रहेको यस वित्तीय संस्थाको क्रमश १,३०,४६१ कित्ता, १,९२,९३५ कित्ता, ५५,५१३ कित्ता, १,३२,६०७ कित्ता, १,३१,७५१ कित्ता, १,३३,२३२ कित्ता र १,२३,०८४ कित्ता संस्थापक शेयर चलनचल्तीको मूल्यमा बिक्री गर्ने इच्छा राखि निवेदन दिनु भएको र उक्त निवेदन यस वित्तीय संस्थाको संचालक समितिको बैठकमा पेश हुँदा प्रचलित नियमानुसार बिक्री गर्न प्रक्रिया अघि बढाउने निर्णय भएकोले उक्त संस्थापक शेयर खरिद गरी लिन इच्छुक हाल कायम यस वित्तीय संस्थाका संस्थापक शेयरधनी महानुभावहरुलाई नै पहिलो प्राथमिकता दिनु पर्ने प्रावधान भएबाट विद्यमान संस्थापक शेयरधनी महानुभावहरुको जानकारीको लागि यो सूचना प्रकाशित गरिएको छ ।
यदि कुनै विद्यमान संस्थापक शेयरधनी महानुभावहरुलाई उक्त संस्थापक शेयर खरिद गरी लिन इच्छा भएमा यो सूचना प्रकाशित भएको मितिले ३५ (पैंतीस) दिन भित्र आवश्यक प्रमाण कागजातहरु संलग्न गरी यस वित्तीय संस्थाको केन्द्रीय कार्यालय थापाथली, काठमाण्डौमा आफुले खरिद गर्न चाहेको शेयर कित्ताको व्यहोरा खुलाई निवेदन दिनु हुन सूचित गरिन्छ ।
संस्थापक शेयर खरिद गरी लिने सम्बन्धमा तोकिएको उक्त समयावधि भित्र हाल कायम संस्थापक शेयरधनी महानुभावहरुको निवेदन पेश हुन नआएमा यही सूचनालाई आधार मानी प्रचलित नियमानुसार अन्य व्यक्तिलाई बिक्री गर्ने सम्बन्धी आवश्यक प्रक्रिया अघि बढाईने व्यहोरा समेत सम्बन्धित सबैको जानकारीको लागि यो सूचना प्रकाशित गरिएको छ ।
