बैंकहरूको मुद्दती निक्षेपको ब्याजदर ५ प्रतिशतभन्दा तल झरेको अवस्थामा पनि सामूहिक लगानी कोष (म्युचुअल फन्ड) हरूले भने लगानीकर्तालाई आकर्षक प्रतिफल दिएका छन्। गत आर्थिक वर्षको नाफाबाट हालसम्म लाभांश घोषणा गरेका १३ वटा म्युचुअल फन्डमध्ये ८ वटाले ५ प्रतिशतभन्दा बढी प्रतिफल प्रस्ताव गरेका हुन्। सेयर बजार लामो समयसम्म 'साइडवेज' रहे पनि केही फन्डले दोहोरो अंकको लाभांश घोषणा गरेर लगानीकर्तालाई आकर्षित गरेका छन्।
म्युचुअल फन्डहरूको आम्दानी दोस्रो बजारको कारोबारमा मात्र सीमित नहुने भएकाले उनीहरूले राम्रो प्रतिफल दिन सकेका हुन्। सर्वसाधारणका लागि खुल्ने आईपीओमा पाउने ५ प्रतिशतको निश्चित कोटा, मुद्दती निक्षेपको ब्याज, ऋणपत्र र सूचीकृत कम्पनीबाट प्राप्त लाभांशले उनीहरूको नाफा बढाउन मद्दत गरेको बजारका जानकारहरू बताउँछन्। प्रतिफल घोषणा गरेकामध्ये ६ वटा योजनाको बुक क्लोज भइसकेको छ भने सिद्धार्थ क्यापिटल र एनएमबी क्यापिटलका ३/३ वटा योजना तथा रिलायबल समृद्धि योजनाको बुक क्लोज मिति नजिकिँदै छ।
लाभांश घोषणा गर्नेमध्ये ४ वटा फन्डले सबैभन्दा धेरै १० प्रतिशत नगद प्रतिफल दिने भएका छन्। जसमा सिद्धार्थ इन्भेष्टमेन्ट ग्रोथ स्किम–३, एनएमबी सुलभ इन्भेष्टमेन्ट फन्ड–२, कुमारी धनवृद्धि र कुमारी इक्विटी फन्ड रहेका छन्। यसैगरी, रिलायबल समृद्धिले ८.४२ प्रतिशत तथा सिद्धार्थ इन्भेष्टमेन्ट ग्रोथ–२ र एमबीएल इक्विटीले समान ८ प्रतिशत लाभांश प्रस्ताव गरेका छन्। बाँकी रहेका अन्य योजनाहरूले ३ प्रतिशतदेखि ५.२५ प्रतिशतसम्म प्रतिफल घोषणा गर्दा कुमारी सबल योजनाले सबैभन्दा कम २.९ प्रतिशत लाभांश दिने जनाएको छ।
यसैबीच, फन्डबाहेक अन्य तीन सूचीकृत कम्पनीले पनि गत वर्षको नाफाबाट सेयरधनीलाई आकर्षक लाभांश प्रस्ताव गरेका छन्। कामना सेवा विकास बैंकले १५ प्रतिशत नगद र सांग्रिला डेभलपमेन्ट बैंकले ४ प्रतिशत बोनससहित कुल १०.५३ प्रतिशत लाभांश घोषणा गरेका छन्। त्यसैगरी, भदौ ५ गते नै बुक क्लोज गरिसकेको माण्डु हाइड्रोपावरले अघिल्लो र गत आर्थिक वर्षको नाफा जोडेर कुल २२.५२ प्रतिशत लाभांश वितरण गर्ने प्रस्ताव अघि सारेको छ।
Even as commercial banks' fixed deposit interest rates drop below 5%, mutual funds have stepped up to offer lucrative returns to their investors. Despite a prolonged sideways trend in the stock market, eight out of the 13 mutual fund schemes that recently announced their dividends for the last fiscal year have proposed returns exceeding 5%, with several even offering double-digit yields.
Market experts attribute these strong returns to the diversified income streams of mutual funds, which are not solely reliant on secondary market trading. Their profitability is heavily bolstered by a guaranteed 5% quota in initial public offerings (IPOs), alongside income from bank interest, debentures, and corporate dividends. Book closure has already been completed for six of these schemes, while three funds from Siddhartha Capital, three from NMB Capital, and Reliable Samriddhi Yojana are approaching their book closure dates.
Leading the pack, four funds—Siddhartha Investment Growth Scheme-3, NMB Sulav Investment Fund-2, Kumari Dhanabriddhi Yojana, and Kumari Equity Fund—have proposed the highest cash dividend of 10% each. Following closely, Reliable Samriddhi Yojana has offered 8.42%, while Siddhartha Investment Growth Scheme-2 and MBL Equity Fund have both proposed 8%. The remaining funds have announced returns ranging from 3% to 5.25%, with Kumari Sabal Yojana offering the lowest at 2.9%.
In addition to mutual funds, three other listed companies have also declared their dividends from last year's profits. Kamana Sewa Bikas Bank has proposed a 15% cash dividend, and Shangrila Development Bank has announced a total dividend of 10.53% (including a 4% bonus share). Similarly, Mandu Hydropower, which already closed its books on Bhadra 5, has proposed a substantial 22.52% total dividend, combining profits from the previous two fiscal years.
