चालु आर्थिक वर्ष २०८३/८४ को पहिलो त्रैमासमा नेरुडे मिर्मिरे लघुवित्त वित्तीय संस्थाको वित्तीय अवस्था निकै दबाबमा परेको छ। अघिल्लो वर्षको पहिलो त्रैमासमा साढे ५ करोड रुपैयाँभन्दा बढी खुद नाफा कमाएको यस संस्थाले चालू वर्षको असोज मसान्तसम्म आइपुग्दा झन्डै ३ करोड रुपैयाँ (२ करोड ७९ लाख ९९ हजार) खुद घाटा व्यहोरेको छ। संस्थाको वित्तीय स्वास्थ्य बिग्रिनुमा मुख्यत: खराब कर्जा (एनपीएल) मा आएको अस्वाभाविक वृद्धि र मुख्य आम्दानीको स्रोत खुम्चिनुलाई जिम्मेवार मानिएको छ।
सार्वजनिक अपरिष्कृत वित्तीय विवरणअनुसार एक वर्षको अवधिमा लघुवित्तको खराब कर्जा १५.७० प्रतिशतबाट ह्वात्तै बढेर २१.७३ प्रतिशत पुगेको छ। खराब कर्जाको दर २१ प्रतिशत नाघ्नुले संस्थाको कर्जा असुली संयन्त्र निकै कमजोर बनेको र सम्पत्तिको गुणस्तर खस्किएको देखाउँछ। समयमै कर्जा उठ्न नसक्दा संस्थाले सम्भावित जोखिम व्यवस्थापन (इम्पेयरमेन्ट चार्ज) का लागि मात्रै १० करोड २७ लाख रुपैयाँभन्दा बढी छुट्याउनुपरेको छ। यसका साथै, बैंकको मुख्य व्यवसाय मानिने खुद ब्याज आम्दानी पनि करिब २८ प्रतिशतले घटेर २८ करोड ८९ लाख रुपैयाँमा खुम्चिँदा संस्था ३ करोड ७ लाख रुपैयाँ सञ्चालन घाटामा धकेलिएको छ।
खराब कर्जा र सञ्चालन खर्चको भारले संस्था घाटामा गएसँगै लगानीकर्ताले पाउने प्रतिफलका सूचकहरू पनि ऋणात्मक बनेका छन्। अघिल्लो वर्ष १५ रुपैयाँ ८४ पैसा धनात्मक रहेको प्रतिसेयर आम्दानी (ईपीएस) अहिले ८ रुपैयाँ १ पैसा ऋणात्मक अवस्थामा झरेको छ। त्यसैगरी, लगानीकर्तालाई लाभांश बाँड्ने क्षमता अर्थात् वितरणयोग्य नाफा पनि १५ करोड ८१ लाख रुपैयाँले ऋणात्मक देखिएको छ। यद्यपि, विप्रेषण तथा कमिसनतर्फको आम्दानीमा भने संस्थाले सामान्य सुधार गर्दै ४ करोड ४५ लाख रुपैयाँ पुर्याएको छ भने प्रतिसेयर नेटवर्थ १८४ रुपैयाँ ४० पैसा कायम रहेको छ।
Nerude Mirmire Laghubitta Bittiya Sanstha Limited has come under severe financial pressure in the first quarter of the current fiscal year 2083/84. The microfinance institution, which had recorded a net profit of over Rs 55.36 million in the corresponding quarter of the previous year, has now incurred a net loss of Rs 27.99 million by the end of Ashwin. This drastic deterioration in its financial health is primarily attributed to an unnatural spike in bad loans (NPL) and a significant contraction in its core income streams.
According to the un-audited financial report, the institution's non-performing loan (NPL) ratio surged dramatically from 15.70 percent a year ago to a concerning 21.73 percent. An NPL ratio exceeding 21 percent indicates a severely weakened loan recovery mechanism and a sharp decline in asset quality. Consequently, the institution was forced to allocate a massive Rs 102.74 million solely for impairment charges (provisioning for potential risks). Furthermore, its core business revenue—net interest income—plunged by approximately 28 percent to Rs 288.94 million, ultimately dragging the institution into an operating loss of Rs 30.72 million.
As the institution slipped into losses due to the heavy burden of bad debts and operating expenses, key shareholder return indicators have also turned negative. The annualized Earnings Per Share (EPS), which was a positive Rs 15.84 last year, has now plunged to a negative Rs 8.01. Similarly, its dividend-paying capacity, or distributable profit, has plummeted to a negative Rs 158.11 million. Despite these overarching setbacks, the institution did manage a slight improvement in its net fee and commission income, which increased to Rs 44.56 million, while its net worth per share stood at Rs 184.40.
