काठमाडौं — चालु आर्थिक वर्ष २०८३/८४ को सुरुवाती दुई महिनामा वाणिज्य बैंकहरूको निक्षेप संकलनमा सामान्य सुधार देखिएको छ। साउन र भदौ महिनामा मात्रै बैंकिङ प्रणालीमा ६७ अर्ब ३४ करोड रुपैयाँ निक्षेप थपिएको हो। यद्यपि, सञ्चालनमा रहेका २० वटा वाणिज्य बैंकमध्ये १४ वटाले आफ्नो खातामा रकम बढाउँदा ६ वटा बैंकको निक्षेप भने अघिल्लो आर्थिक वर्षको अन्त्य (असार मसान्त) को तुलनामा खुम्चिएको छ।
तथ्यांकअनुसार भदौ मसान्तसम्म आइपुग्दा वाणिज्य बैंकहरूको कुल निक्षेप ७५ खर्ब ६५ अर्ब ५५ करोड रुपैयाँ पुगेको छ। यस अवधिमा नयाँ निक्षेप तान्ने प्रतिस्पर्धामा नबिल बैंक सबैभन्दा अगाडि देखिएको छ। नबिलले दुई महिनामै झण्डै १९ अर्ब (१८ अर्ब ६८ करोड) रुपैयाँ निक्षेप थपेको छ। नबिललाई पछ्याउँदै नेपाल एसबीआईले १६ अर्ब ३५ करोड र कुमारी बैंकले १५ अर्ब २६ करोड रुपैयाँले निक्षेप बढाएका छन्। समग्र निक्षेपको आकार हेर्दा भने ७ खर्ब १ अर्ब रुपैयाँभन्दा बढीसहित ग्लोबल आइएमई बैंक पहिलो स्थानमै कायम छ भने राष्ट्रिय वाणिज्य बैंक र नबिल क्रमशः दोस्रो र तेस्रो स्थानमा छन्।
एकातिर अधिकांश बैंकले निक्षेप बढाइरहँदा केही स्थापित बैंकबाट भने पैसा बाहिरिएको छ। यस अवधिमा सबैभन्दा बढी निक्षेप गुमाउनेमा एनआईसी एसिया बैंक परेको छ। दुई महिनामै एनआईसीको निक्षेप १३ अर्ब ९० करोड रुपैयाँले घटेको छ। त्यसैगरी, प्राइम कमर्सियल बैंकको ९ अर्ब ३ करोड र कृषि विकास बैंकको ८ अर्ब ९० करोड रुपैयाँले निक्षेप ओरालो लागेको छ। यीबाहेक नेपाल इन्भेष्टमेन्ट मेगा, प्रभु र एनएमबी बैंकको निक्षेपमा पनि गिरावट आएको छ। समग्र प्रणालीमा निक्षेप बढे पनि बैंकपिच्छेको अवस्था भने निकै फरक देखिएको छ।
Kathmandu — Deposit collection in commercial banks has shown modest improvement during the first two months of the current fiscal year 2083/84. A total of Rs 67.34 billion was added to the banking system during the months of Shrawan and Bhadra (mid-July to mid-September). However, while 14 out of the 20 operational commercial banks managed to grow their deposits, six banks witnessed a decline compared to the end of the previous fiscal year.
According to the data, total deposits in commercial banks reached Rs 7.565 trillion by mid-September. Nabil Bank led the race in attracting new deposits, adding an impressive Rs 18.68 billion in just two months. It was followed by Nepal SBI Bank and Kumari Bank, which expanded their deposits by Rs 16.35 billion and Rs 15.26 billion, respectively. In terms of overall deposit size, Global IME Bank retains the top spot with over Rs 701 billion, followed by Rastriya Banijya Bank in second and Nabil Bank in third.
While the majority of banks successfully expanded their deposit base, some established institutions experienced an outflow of funds. NIC Asia Bank faced the steepest drop, losing Rs 13.90 billion in deposits over the two-month period. Similarly, deposits at Prime Commercial Bank and Agricultural Development Bank fell by Rs 9.03 billion and Rs 8.90 billion, respectively. Nepal Investment Mega Bank, Prabhu Bank, and NMB Bank also recorded declines. Although the overall banking system observed net deposit growth, the performance of individual banks varied significantly.
