‘तपाईंको बैंक खाता लक भयो’ भन्दै ठगी !‘Your Bank Account Has Been Locked’ — New Cyber Scam Spreads Panic
साइबर अपराधीको नयाँ जालोबाट सर्वसाधारण त्रसित
कनेक्ट आईपीएसकै शैलीमा नक्कली सन्देश, क्लिक गर्दा खाताबाट रकम गायब
साइबर ब्यूरोको नाम दुरुपयोग गरेर ठगी गर्ने चार जना पक्राउ
पछिल्लो समय मोबाइल र इन्टरनेट बैंकिङ प्रयोगकर्तालाई लक्षित गर्दै साइबर ठगीका घटना तीव्र रूपमा बढ्न थालेपछि नेपाल प्रहरीको साइबर ब्यूरोले सर्वसाधारणलाई उच्च सतर्कता अपनाउन आग्रह गरेको छ । बैंक खातामा अनधिकृत पहुँच पु¥याएर रकम चोरी गर्ने गिरोह सक्रिय भएको भन्दै ब्यूरोले चेतावनी जारी गरेको हो ।
साइबर ब्यूरोका प्रवक्ता प्रहरी उपरीक्षक दिलीपकुमार गिरीका अनुसार आपराधिक समूहहरूले पछिल्लो समय ‘कनेक्ट आईपीएस’ जस्ता सेवासँग मिल्दोजुल्दो नाम प्रयोग गरेर मोबाइल प्रयोगकर्तालाई भ्रममा पार्ने गरेका छन् । विभिन्न मोबाइल नम्बरबाट पठाइने सन्देशमा “तपाईंको खाता लक गरिएको छ” भन्ने सूचना दिइन्छ र पुनः पहुँच प्राप्त गर्न भन्दै ‘एक्सेस रिजन’ गर्न आग्रह गरिन्छ ।
त्यसपछि प्रयोगकर्तालाई शंकास्पद लिङ्क पठाइन्छ । धेरै प्रयोगकर्ताले वास्तविक सेवा सम्झेर उक्त लिङ्कमा क्लिक गर्ने गरेका छन् । तर, लिङ्क खोल्नेबित्तिकै प्रयोगकर्ताको व्यक्तिगत विवरण, बैंकिङ जानकारी र गोप्य डाटा संकलन गरी खातामै पहुँच पुर्याइने र रकम चोरी हुने गरेको साइबर ब्यूरोले जनाएको छ ।
प्रहरीका अनुसार यस्तो ठगी अहिले संगठित रूपमा फैलिरहेको छ । मोबाइल बैंकिङ, डिजिटल वालेट र अनलाइन भुक्तानी सेवाको प्रयोग बढेसँगै साइबर अपराधीहरूले नयाँ–नयाँ तरिका अपनाएर सर्वसाधारणलाई निशाना बनाउन थालेका हुन् ।
ब्यूरोले यस्ता घटनाबाट बच्न केही महत्वपूर्ण सावधानी अपनाउन आग्रह गरेको छ । शंकास्पद लिङ्कमा क्लिक नगर्न, बैंकिङ कारोबार गर्दा आधिकारिक वेबसाइट वा एप मात्रै प्रयोग गर्न, ओटीपी, पासवर्ड तथा बैंक विवरण कसैसँग साझा नगर्न र कुनै संदिग्ध गतिविधि देखिए तुरुन्त प्रहरी, साइबर ब्यूरो वा सम्बन्धित बैंकलाई जानकारी गराउन आग्रह गरिएको छ ।
यसैबीच, साइबर ब्यूरोको नाम दुरुपयोग गरेर ठगी गर्ने चार जनालाई प्रहरीले पक्राउ गरेको छ । पक्राउ पर्नेमा धनकुटा साँगुरीगढी गाउँपालिका–३ का ३० वर्षीय दीपक लिम्बू, धरान–९ का २१ वर्षीय सौरव भुजेल, धरान–१३ का २८ वर्षीय सजल राई र इनरुवा–६ का २४ वर्षीय सृजन थापा रहेका छन् ।
प्रहरीका अनुसार उनीहरूले ट्रूकलरमा समेत ‘साइबर ब्यूरो’ देखिने गरी सेटअप मिलाएर पीडितलाई फोन गर्ने गरेका थिए । त्यसपछि डर, त्रास र विभिन्न प्रलोभन देखाएर रकम पठाउन बाध्य बनाउने गरिएको खुलेको छ ।
प्राविधिक अनुसन्धानपछि उनीहरूको संलग्नता पुष्टि भएको र इलाका प्रहरी कार्यालय धरानको सहयोगमा पक्राउ गरिएको साइबर ब्यूरोले जनाएको छ । पक्राउ परेका चारै जनामाथि विद्युतीय माध्यमसम्बद्ध ठगीको कसुरमा जिल्ला अदालत काठमाडौंबाट म्याद थप गरी अनुसन्धान भइरहेको प्रहरीले जनाएको छ ।
साइबर अपराधको जोखिम दिनप्रतिदिन बढ्दै गइरहेका बेला प्रहरीको निष्कर्ष स्पष्ट छ — प्रविधि जति सहज बन्दै गएको छ, त्यसको दुरुपयोग गर्ने गिरोह पनि उति नै सक्रिय हुँदै गएका छन् । त्यसैले सचेतना र सावधानी नै अहिलेको सबैभन्दा ठूलो सुरक्षा कवच बनेको छ ।
Fraudsters Target Mobile Banking Users Through Fake Messages
Suspicious Links Used to Steal Money Directly From Bank Accounts
Four Arrested for Misusing Cyber Bureau’s Name in Online Fraud
Nepal Police Cyber Bureau has urged the public to remain highly alert as incidents of money being stolen from bank accounts through cyber fraud continue to rise across the country. Authorities say organized criminal groups are now using increasingly sophisticated methods to target mobile and online banking users.
According to Cyber Bureau spokesperson and Superintendent of Police Dilip Kumar Giri, fraudsters have recently been sending deceptive messages using names similar to trusted digital payment services such as Connect IPS. Victims receive text messages claiming that their bank account has been “locked” and are instructed to complete an “access regain” process to restore access.
The messages contain suspicious links designed to trick users into clicking them. Once opened, the links collect sensitive personal and banking information, allowing criminals to gain unauthorized access to bank accounts and steal large amounts of money, the bureau said.
Police say the scams are spreading rapidly as the use of mobile banking, digital wallets, and online payment systems continues to grow in Nepal. Cybercriminals are constantly developing new techniques to exploit users who are unfamiliar with online security risks.
The Cyber Bureau has advised the public not to click on suspicious links, to use only official banking websites and mobile applications, and never to share OTPs, passwords, or confidential banking details with anyone. People have also been urged to immediately report any suspicious activity to the police, Cyber Bureau, or concerned banks.
Meanwhile, police have arrested four individuals accused of carrying out online fraud by misusing the name of the Cyber Bureau itself. Those arrested include 30-year-old Deepak Limbu of Dhankuta Sangurigadhi Rural Municipality-3, 21-year-old Saurav Bhujel of Dharan-9, 28-year-old Sajal Rai of Dharan-13, and 24-year-old Srijan Thapa of Inaruwa-6.
According to police, the group manipulated caller identification platforms such as Truecaller so that incoming calls appeared under the name “Cyber Bureau.” They allegedly contacted victims, created fear and psychological pressure, and then convinced them to transfer money through electronic means.
The Cyber Bureau said technical investigations confirmed the involvement of the four suspects, who were arrested with the assistance of the Area Police Office in Dharan. They are currently under investigation for electronic fraud after the Kathmandu District Court granted a four-day remand for further inquiry.
As cybercrime risks continue to increase daily, authorities say public awareness and caution remain the strongest defense against digital fraud.
