मेष (चु, चे, चो, ला, लि, लु, ले, लो, अ): आजको दिन आर्थिक दृष्टिले सामान्य रहनेछ। नयाँ लगानीका अवसरहरू प्राप्त हुन सक्छन्, तर निर्णय गर्दा सावधानी अपनाउनुहोस्।
वृष (इ, उ, ए, ओ, बा, बि, बु, बे, बो): आर्थिक लेनदेनमा समस्या देखा पर्न सक्छ। नयाँ योजना कार्यान्वयनमा ल्याउन मुस्किल पर्न सक्छ। यातायात वा वाहनमा खर्च बढ्ने सम्भावना छ।
मिथुन (का, कि, कु, घ, ङ, छ, के, को, हा): लगनशीलताले कामहरू अगाडि बढ्नेछन्। अचल सम्पत्ति हात पर्न सक्छ। दाम्पत्य जीवन सुखमय हुनेछ।
कर्कट (हि, हु, हे, हो, डा, डि, डु, डे, डो): महिलाहरूबाट विशेष सहयोग मिल्नेछ। शैक्षिक र कृषिको काममा बढी सफलता मिल्नेछ। बढी परिश्रम गर्दा बढी धनार्जन हुनेछ।
सिंह (मा, मि, मु, मे, मो, टा, टि, टु, टे): सामाजिक तथा धार्मिक कार्यमा रुचि बढ्नेछ। प्रेमसम्बन्ध र प्रणयप्रसङ्गका लागि पनि श्रेष्ठ समय रहेको छ। दैनिक कार्यमा सफलता नै मिल्नेछ।
कन्या (टो, पा, पि, पु, ष, ण, ठ, पे, पो): लाभहानी, सुखदुःख बराबरी मध्यम खालको दिन छ। आत्मबल बढाएर काम गरेमा असफल भइँदैन। विपरीत वर्ग प्रति आकर्षण बढ्नेछ।
तुला (रा, रि, रु, रे, रो, ता, ति, तु, ते): वैदेशिक क्षेत्रबाट सफलता मिल्नेछ। धार्मिक कार्यमा मन जाला। कूटनीतिक नियोगको सहयोग मिल्ला। दैनिक कार्यमा प्रगति हुनेछ।
वृश्चिक (तो, ना, नि, नु, ने, नो, या, यि, यु): शुभकार्यको चर्चा चल्नेछ। आफन्तसँग भेटघाट हुनेछ। वशिष्ठ व्यक्तिको साथ पाइनेछ। छोटो दुरीको लाभदायक यात्रा पनि रहला।
धनु (ये, यो, भा, भि, भु, धा, फा, ढा, भे): दाम, इनाम र प्रतिष्ठा कमाउने वेला छ। स्वादिष्ट भोजन पाइनेछ। धनार्जनका नयाँ स्रोतहरू पत्ता लाग्नेछन्, तर स्वास्थ्य प्रति सजग रहनु पर्छ।
मकर (भो, जा, जि, जु, जे, जो, ख, खि, खु, खे, खो, गा, गि): आफन्तका बीचमा खटपट, चिन्ता र शङ्का उब्जनेछ। आफ्नो अधिकार प्राप्तिका लागि संघर्ष गर्नु पर्ला। मनमा निराशा र शरीरमा आलस्य आउला।
कुम्भ (गु, गे, गो, सा, सि, सु, से, सो, दा): नयाँ तथा शुभकार्यको चर्चा र योजना बन्नेछ। स्वास्थ्य समस्यामा सुधार आउनेछ। आर्थिक कारोबार विस्तारै सुधार उन्मुख हुनेछ।
मीन (दि, दु, थ, झ, ञ, दे, दो, चा, चि): आफ्नै दक्षतामा विभिन्न कार्यहरू सम्पन्न हुनेछन्। आफन्तले गरेको प्रगतिमा मन रमाउनेछ। दिनको उत्तरार्ध अधिक सुखद् रहनेछ।
