कृषि विकास बैंकले लाभांश घोषणा गर्‍यो

कृषि विकास बैंक लिमिटेड (ADBL) ले गत आर्थिक वर्षको मुनाफाबाट शेयरधनीलाई वितरण गर्न १०.५३ प्रतिशत लाभांश घोषणा गरेको छ।

बैंकका अनुसार घोषित लाभांशमा ३ प्रतिशत बोनस शेयर र ७.५३ प्रतिशत नगद लाभांश समावेश छ। पुस ४ गते बसेको सञ्चालक समितिको बैठकले यो निर्णय गरेको हो।

त्यसैगरी, बैंकले फिर्ता नहुने अग्राधिकार शेयर पूँजीमा वार्षिक ६ प्रतिशत नगद लाभांश वितरण गर्ने निर्णय पनि गरेको छ।

घोषित लाभांश नेपाल राष्ट्र बैंकको स्वीकृति र आगामी वार्षिक साधारण सभाले पारित गरेपछि मात्र वितरण गरिनेछ। बैंकले यो घोषणा शेयरधनीहरूलाई प्रतिफल दिने उद्देश्यले गरेको हो।