एभरेष्ट बैंक र एनसीएचएलबीच 'एलिपे प्लस' अन्तरदेशीय भुक्तानी सम्झौता
Author
NEPSE trading
नेपालको बैंकिङ क्षेत्रलाई आधुनिक र अन्तरदेशीय भुक्तानी सेवामा अग्रणी बनाउन एभरेष्ट बैंक लिमिटेड र नेपाल क्लियरिङ हाउस लिमिटेड (एनसीएचएल) बीच महत्वपूर्ण सम्झौता सम्पन्न भएको छ। यो सम्झौता 'एलिपे प्लस' नेटवर्कको प्रयोग गरी नेपाल-पे मर्चेन्टहरूमा भुक्तानी सुविधा उपलब्ध गराउने उद्देश्य राख्दछ।
सम्झौताको हस्ताक्षर: सम्झौता पत्रमा एभरेष्ट बैंकका प्रमुख कार्यकारी अधिकृत सुदेश खालिङ र एनसीएचएलका तर्फबाट प्रमुख कार्यकारी अधिकृत नीलेशमान सिंह प्रधानले हस्ताक्षर गरे।
भुक्तानीको सुविधा: सम्झौताअनुसार नेपालमा रहेका नेपाल-पे क्यूआर तथा इन्टरओपरेबल क्यूआरमा एलिपे प्लसको नेटवर्क मार्फत भुक्तानी गर्न सकिने।
पर्यटकको लाभ: चाइना, हङकङ, सिंगापुर, मलेसिया, इन्डोनेसिया, फिलिपिन्स, मंगोलिया, थाइल्याण्ड, दक्षिण कोरिया, स्वीडेन, इटली लगायतका देशबाट नेपाल आएका पर्यटकहरूले आफ्ना घरेलु वालेटमार्फत सजिलै भुक्तानी गर्न सक्ने।
एलिपे प्लसको पहुँच: एलिपे प्लसको नेटवर्कमा ६६ वटा ग्लोबल मार्केट, ३० भन्दा बढी इसुइङ उपकरण र ३०० भन्दा बढी अक्वाइरिङ नेटवर्क सहित ९ करोड भन्दा बढी ग्लोबल मर्चेन्टहरू आबद्ध।
एनसीएचएलको पहल: एनसीएचएलले एलिपे प्लससँग अन्तर्राष्ट्रिय भुक्तानी साझेदारको रूपमा आबद्ध भई भुक्तानीको सुचारु व्यवस्थापन गरिसकेको।
