सुन–चाँदीको बजारमा उतारचढाव: बिहिबार सुन घट्यो, चाँदी महँगियो

बिहिबार नेपाली बजारमा सुन–चाँदीको भाउमा सानो उतारचढाव देखिएको छ। नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला ४०० रुपैयाँले घटेको छ भने चाँदी ६० रुपैयाँले बढेको छ।

महासङ्घले सार्वजनिक गरेको नयाँ दरअनुसार आज छापावाल सुन प्रतितोला २,४८,४०० रुपैयाँ मा कारोबार भइरहेको छ। यस्तै, चाँदीको मूल्य बढेर प्रतितोला ३,२८० रुपैयाँ पुगेको छ।

अघिल्लो दिन सुनको मूल्य २,४८,८०० रुपैयाँ थियो भने चाँदी ३,२२० रुपैयाँ मा कारोबार भइरहेको थियो। आजको मूल्य परिमार्जनसँगै सुनको मूल्यमा ओरालो र चाँदीमा माथिल्लो दबाब देखिएको छ।

अन्तर्राष्ट्रिय बजारतर्फ हेर्दा, एक औँस सुन आज ४,१५४ अमेरिकी डलर र चाँदी ५३ डलर मा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन्।
नेपालमा ल्याबेल गरिएको सुन–चाँदीको मूल्य अन्तर्राष्ट्रिय दर, माग–आपूर्ति तथा विदेशी विनिमय दरको प्रभावअनुसार निर्धारण हुने गर्दछ।