सुनको मूल्य नयाँ रेकर्डमा, चाँदी सामान्य घट्यो

२०८२  भदौ १८ गते, बुधबार, नेपाली बजारमा सुनको मूल्यले फेरि नयाँ रेकर्ड बनाएको छ। नेपाल सुनचाँदी व्यवसायी महासंघका अनुसार यस दिन सुन प्रतितोला २ हजार रुपैयाँले बढेर २ लाख ७ हजार ९०० रुपैयाँमा पुगेको छ। मंगलबार छापावाला सुन प्रतितोला २ लाख ५ हजार ९०० रुपैयाँमा कारोबार भएको थियो। लगातार पाँच दिनसम्म सुनको मूल्यले नयाँ रेकर्ड कायम गरेको हो। यस्तै, चाँदीको मूल्य भने सामान्य मात्र घटेको छ। बुधबारको बजारमा चाँदी प्रतितोला ५ रुपैयाँले घटेर २ हजार ४८० रुपैयाँमा झरेको छ। मंगलबार २ हजार ४८५ रुपैयाँमा कारोबार भएको चाँदी अझैसम्मकै उच्च मूल्य थियो।