कामना सेवा विकास बैंक : १५.७८ प्रतिशत लाभांश वितरण गर्ने निर्णय
Author
NEPSE TRADING
राष्ट्रियस्तरका विकास बैंकमध्ये कामना सेवा विकास बैंकले पहिलोपटक गत आर्थिक वर्ष (२०८१/८२) को लाभांश घोषणा गरेको छ। बैंकले १० प्रतिशत बोनस शेयर र ५.७८९५ प्रतिशत नगद लाभांश (करसहित) गरी कुल १५.७८९५ प्रतिशत लाभांश वितरण गर्ने निर्णय गरेको हो। बैंकको सञ्चालक समितिको बैठकले आइतबार यस प्रस्ताव पारित गरेको हो।
गत वर्ष १२ प्रतिशत लाभांश वितरण गरेको कामना सेवाले यस वर्ष वितरण दर बढाएको छ। प्रस्ताव नेपाल राष्ट्र बैंकको स्वीकृति तथा बैंकको १९औं वार्षिक साधारणसभाबाट पारित भएपछि शेयरधनीले लाभांश प्राप्त गर्नेछन्।
नेपालमा हाल राष्ट्रियस्तरका ८ वटा विकास बैंक सञ्चालनमा रहेका छन्। तीमध्ये ज्योति विकास बैंक मात्र घाटामा रहेकाले लाभांश दिन नसक्ने देखिएको छ। बाँकी ७ वटा विकास बैंकहरूले भने वितरणयोग्य नाफा भएका कारण यस वर्ष लाभांश दिने क्षमता बनाएका छन्।
मुक्तिनाथ विकास बैंक : सबैभन्दा बढी २०.७५% लाभांश दिने क्षमता
कामना सेवा विकास बैंक : १७.३०% क्षमता (पहिले नै १५.७८% घोषणा)
शाइन रेसुंगा : १३.९६% क्षमता
गरिमा विकास बैंक : १२.५९% क्षमता
सांग्रिला विकास बैंक : ११.६४% क्षमता
महालक्ष्मी विकास बैंक : ११.५१% क्षमता
लुम्बिनी विकास बैंक : ८.१३% क्षमता
ज्योति विकास बैंक : वितरणयोग्य नाफा ऋणात्मक भएकाले लाभांश असम्भव
गत आर्थिक वर्षमा राष्ट्रियस्तरका विकास बैंकहरूले ५ अर्ब ६० करोड ७७ लाख रुपैयाँ नाफा कमाएका छन्, जुन अघिल्लो वर्षको तुलनामा २२.०१ प्रतिशतले बढी हो।
सबैभन्दा बढी नाफा मुक्तिनाथ विकास बैंकले कमाएको छ (१ अर्ब ५३ करोड ७४ लाख)।
वृद्धिदरका हिसाबले गरिमा विकास बैंक अग्रस्थानमा रहेको छ (२०१.९७% वृद्धि)।
नाफा वृद्धि भएका बैंकहरूमध्ये कामना सेवाले ९.१९%, सांग्रिलाले ६.५१%, महालक्ष्मीले १.२६% र शाइन रेसुंगाले ०.४८% वृद्धि गरेका छन्। तर, लुम्बिनी ३०.१३% र ज्योति ९२.१४% नाफा घटेको अवस्थामा छन्।
मुक्तिनाथ र कामना सेवा विकास बैंकले सबैभन्दा बलियो लाभांश क्षमता देखाएका छन् भने अन्य बैंकहरूले पनि ८% देखि १४% सम्मको लाभांश वितरण गर्ने सम्भावना बनाएका छन्।
