नेपाल माइक्रो इन्स्योरेन्स कम्पनीमा रहेका १ लाखभन्दा बढी कित्ता शेयरको लकइन अवधि आज (भदौ २२ गते)देखि समाप्त भएको छ। कम्पनीले जारी गरेको कुल २२ लाख ५० हजार कित्ता शेयरमध्ये सामूहिक लगानी कोषका लागि छुट्याइएका ५ प्रतिशत अर्थात् १ लाख १२ हजार ५ सय कित्ता शेयरको लकइन अवधि आजदेखि अन्त्य भएको हो।
कम्पनीले गत वर्ष २०८१ फागुन ११ गतेदेखि १५ गतेसम्म सर्वसाधारणका लागि प्रतिकित्ता १०० रुपैयाँ अंकित दरमा १८ लाख ४५ हजार कित्ता साधारण शेयर आईपीओमार्फत निष्कासन गरेको थियो। सो शेयर फागुन २३ गते बाँडफाँट गरिएको थियो।
नियमअनुसार सामूहिक लगानी कोषलाई बाँडफाँड गरिएको शेयरलाई बाँडफाँट मितिले ६ महिनासम्म लकइनमा राख्नुपर्ने व्यवस्था छ। सो अवधिको अवधि पूरा भएपछि आजदेखि उक्त शेयरहरू दोस्रो बजारमा कारोबार गर्न सकिने भएको छ।
