लुम्बिनी विकास बैंकले इमर्जिङ एशिया बैंकिङ अवार्ड्स २०२४ मा पाँच विधामा उपाधि जित्यो

इण्डियन चेम्बर अफ कमर्सद्वारा आयोजित दोश्रो इमर्जिङ एशिया बैंकिङ अवार्ड्स २०२४ मा लुम्बिनी विकास बैंकले पाँचवटै विधामा सहभागी भई उपाधि जित्न सफल भएको छ। बैंकले उत्कृष्ट बैंक, जोखिम व्यवस्थापनमा उत्कृष्ट प्रदर्शन (नेपाल), सम्पत्ति व्यवस्थापनमा उत्कृष्ट प्रदर्शन (नेपाल), नाफामा उत्कृष्ट प्रदर्शन (नेपाल) र वृद्धिमा उत्कृष्ट प्रदर्शन (नेपाल) मा भाग लिएको थियो।

भारतको नयाँ दिल्लीमा सम्पन्न बैंकिङ कन्क्लेभ २०२४ मा लुम्बिनी विकास बैंकले:

• बेष्ट बैंक,

• जोखिम व्यवस्थापनमा उत्कृष्ट प्रदर्शन (नेपाल),

• सम्पत्ति व्यवस्थापनमा उत्कृष्ट प्रदर्शन (नेपाल) विधामा विजेता,

• नाफामा उत्कृष्ट प्रदर्शन (नेपाल) र

• वृद्धिमा उत्कृष्ट प्रदर्शन (नेपाल) मा उपविजेता उपाधि प्राप्त गरेको हो।

बिमस्टेक अन्तर्गत रहेका नेपाल, भारत, श्रीलंका, भुटान, म्यानमार लगायत देशका बैंकहरुले यस अवार्डमा प्रतिस्पर्धा गरेका थिए। इण्डियन चेम्बर अफ कमर्सले गत वर्षदेखि यो अवार्ड वितरण गर्दै आएको छ। अवार्डका लागि आर्थिक मामिला तथा नीति विभागले विभिन्न सूचक निर्धारण गरेको थियो।

स्थापनाकालदेखि नै इथिकल बैंकिङ, आर्थिक सुशासन, र पारदर्शितालाई आत्मसात् गर्दै आएको लुम्बिनी विकास बैंकले यसबाट आफ्नो गरिमा र प्रतिष्ठा थप माथि पुर्याएको छ।

३.५ अर्ब चुक्ता पूँजी रहेको यस राष्ट्रिय स्तरको विकास बैंकका सातै प्रदेशमा ८९ वटा शाखा, १ वटा एक्टेन्सन काउन्टर, र २० वटा एटिएम संचालनमा रहेका छन्। अन्तर्राष्ट्रिय अवार्ड पाउन सफल हुनमा बैंकका संचालक, कर्मचारी, ग्राहक तथा नियमनकारी निकायहरुको ठुलो योगदान रहेको छ।