माबिलुङ इनर्जी लिमिटेडको आईपीओ : साउन २६ गतेदेखि साउन २९ गतेसम्म आवेदन दिन सकिनेMabilung Energy Limited to Open IPO for General Public from Shrawan 26
काठमाडौं । माबिलुङ इनर्जी लिमिटेडले सर्वसाधारणका लागि साउन २६ गतेदेखि साधारण शेयर (आईपीओ) निष्काशन तथा बिक्री खुला गर्ने भएको छ। कम्पनीले प्रतिकित्ता १०० रुपैयाँ दरका १२ लाख ४८ हजार ९०४ कित्ता शेयर निष्काशन गर्न लागेको हो।
यसअघि कम्पनीले आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपाली नागरिकहरूका लागि आईपीओ निष्काशन गरी बाँडफाँड गरिसकेको छ।
नेपाल धितोपत्र बोर्ड (सेबोन) बाट प्राप्त स्वीकृति अनुसार कम्पनीले ३८ करोड ५८ लाख २४ हजार रुपैयाँ बराबरको जारी पूँजीमध्ये ४८.९९९८ प्रतिशत अर्थात १८ करोड ९० लाख ५३ हजार रुपैयाँ बराबरको १८ लाख ९० हजार ५३० कित्ता शेयर निष्काशन गर्न पाउने अनुमति प्राप्त गरेको थियो।
अब सर्वसाधारणका लागि खुला गरिएको १२ लाख ४८ हजार ९०४ कित्ता शेयरमा लगानीकर्ताले न्यूनतम १० कित्तादेखि अधिकतम ५० हजार कित्तासम्म आवेदन दिन सक्नेछन्। आवेदन दिने अन्तिम मिति साउन २९ गते तोकिएको छ।
आईपीओ निष्काशनको लागि गराइएको क्रेडिट रेटिङमा इक्रा नेपालले कम्पनीलाई “ICRA NP Issuer Rating Single B+” प्रदान गरेको छ, जसले औसत जोखिम रहेको संकेत गर्दछ।
कम्पनीले निर्माण सम्पन्न गरेको ४.९५ मेगावाट क्षमताको माथिल्लो पिलुवाखोला–३ जलविद्युत आयोजना रहेको छ। सो आयोजनाको कुल लागत १ अर्ब १३ करोड ६० लाख रुपैयाँ रहेको छ भने प्रति मेगावाट लागत २२ करोड ९५ लाख रुपैयाँ पर्नेछ। आयोजनाको विद्युत उत्पादन अनुमति पत्रमा अझै ३१ वर्ष बाँकी रहेको छ।
लगानी फिर्ता हुने साधारण अवधि ९.४३ वर्ष र डिस्काउन्ट गरिएको अवस्थामा लगानी फिर्ता हुने अवधि १७.०९ वर्ष रहेको कम्पनीले जनाएको छ।
कम्पनीको शेयर निष्काशन तथा बिक्री प्रबन्धक लक्ष्मी सनराइज क्यापिटल लिमिटेड रहेको छ। इच्छुक लगानीकर्ताले सबै सि–आस्बा सदस्य बैंक तथा वित्तीय संस्थाहरू र तिनका शाखाबाट आवेदन दिन सक्नेछन्।
Kathmandu — Mabilung Energy Limited is set to open its Initial Public Offering (IPO) for the general public starting Shrawan 26. The company is issuing 1,248,904 ordinary shares at a par value of NPR 100 per share.
Earlier, the company had already issued and allotted IPO shares to locals of the project-affected areas and to Nepali citizens working abroad.
As per the approval received from the Securities Board of Nepal (SEBON), the company was permitted to issue 1,890,530 shares, equivalent to 48.9998% of its total issued capital of NPR 385.824 million. Out of this, 1,248,904 shares are now being issued to the general public.
Investors can apply for a minimum of 10 shares and a maximum of 50,000 shares. The application deadline is Shrawan 29.
For this IPO, ICRA Nepal has assigned the company a credit rating of “ICRA NP Issuer Rating Single B+,” indicating a moderate level of risk in terms of the company’s ability to meet its financial obligations.
The company has developed the 4.95 MW Upper Piluwakhola–3 Hydropower Project, with an estimated total cost of NPR 1.13 billion. The cost per megawatt is approximately NPR 229.5 million. The electricity generation license for the project is valid for another 31 years.
The simple payback period for the project is estimated at 9.43 years, while the discounted payback period is 17.09 years.
Laxmi Sunrise Capital Limited is the issue and sales manager. Interested investors can apply through all C-ASBA member banks and financial institutions and their designated branches approved by SEBON.
