नेपाल लाइफ इन्स्योरेन्सको ५० हजार संस्थापक सेयर लिलामीमा, न्यूनतम मूल्य ४०१ रुपैयाँNepal Life Insurance Auctions 50,000 Promoter Shares at Minimum Price of Rs. 401

काठमाडौं । नेपाल लाइफ इन्स्योरेन्स कम्पनी लिमिटेड ले संस्थापक समूहअन्तर्गतको ५० हजार कित्ता सेयर लिलामीमार्फत बिक्रीमा राखेको छ। कम्पनीले इच्छुक तथा योग्य व्यक्ति, कम्पनी र संघसंस्थालाई सहभागिता जनाउन सक्ने गरी सेयर खरिदका लागि आह्वान गरेको जनाएको छ।लिलामीमा राखिएको सेयरको प्रतिकित्ता न्यूनतम मूल्य ४०१ रुपैयाँ तोकिएको छ। लगानीकर्ताले गोप्य शिलबन्दी बोलपत्रमार्फत आवेदन दिनुपर्ने व्यवस्था गरिएको छ, जसअनुसार न्यूनतम २ हजार कित्तादेखि अधिकतम सम्पूर्ण कित्तासम्म माग गर्न सकिनेछ।कम्पनीका अनुसार बोलपत्र पेश गर्ने प्रक्रिया वैशाख १० गतेदेखि सुरु भइसकेको छ। इच्छुक लगानीकर्ताले वैशाख २४ गते बैंकिङ समयभित्र आवेदन बुझाइसक्नुपर्नेछ।बोलपत्र आवेदन फाराम काठमाडौंको कमलपोखरीस्थित गरिमा क्यापिटल लिमिटेड को कार्यालयबाट प्राप्त गर्न सकिनेछ भने सोही कार्यालयमा बुझाउने व्यवस्था गरिएको कम्पनीले जनाएको छ।यस लिलामीमार्फत कम्पनीले संस्थापक सेयर संरचनामा आवश्यक समायोजन गर्दै लगानीकर्तालाई आकर्षक अवसर प्रदान गर्ने अपेक्षा गरेको जनाएको छ।