नेप्सेले कायम राख्यो उकालो यात्रा, कारोबार रकम ७ अर्ब नाघ्यो

मंगलबार नेपाल स्टक एक्सचेन्ज (नेप्से) परिसूचक अघिल्लो दिनको वृद्धिलाई निरन्तरता दिँदै बढेर बन्द भएको छ। सोमबारको सुधारपछि मंगलबार पनि नेप्से ९.९३ अंकले बढेर २६४९.३० विन्दुमा पुगेको हो। यस दिन सेन्सेटिभ इण्डेक्स २.३१ अंक, फ्लोट इण्डेक्स ०.७१ अंक र सेन्सेटिभ फ्लोट इण्डेक्स ०.७९ अंकले उकालो लागेको छ। नेप्सेसँगै कारोबार रकममा पनि उल्लेख्य वृद्धि देखिएको छ। मंगलबार ३३४ कम्पनीका १ करोड ४८ लाख ३१ हजार कित्ता शेयर ८८ हजार ३६२ पटकको कारोबारमार्फत ७ अर्ब १२ करोड ३३ लाख रुपैयाँ बराबरमा किनबेच भएका छन्। यस दिन जीवन विकास लघुवित्तको शेयरमूल्य सर्वाधिक ९.९७ प्रतिशतले बढ्दा थ्रिस्टार हाइड्रोपावर र हिमालयन ८०–२० का इकाइमा पनि राम्रो वृद्धि देखिएको छ भने रु रु जलविद्युत परियोजनाको शेयरमूल्य ८.४१ प्रतिशतले घटेको छ। कारोबार रकमका आधारमा एसवाई प्यानल नेपाल शीर्ष स्थानमा रहँदा १३ उपसमूहमध्ये ११ उपसमूह बढेका छन्, जसमा वित्त उपसमूहको वृद्धि सबैभन्दा उच्च देखिएको छ।