नर्भिक इन्टरनेसनल हस्पिटल एण्ड मेडिकल कलेज लिमिटेडको
वार्षिक साधारण सभा सम्बन्धी सूचना
यस नर्भिक इन्टरनेसनल हस्पिटल एण्ड मेडिकल कलेज लिमिटेडको मिति २०८३/०४/१९ गते बसेको सञ्चालक समितिको बैठकको निर्णयानुसार यस कम्पनीको वार्षिक साधारण सभा निम्न लिखित मिति, स्थान र समयमा देहायका विषयहरु उपर छलफल गरी निर्णय गर्न बस्ने भएको हुँदा कम्पनी ऐन, २०६३ को दफा ६७ बमोजिम शेयरधनी महानुभावहरुको जानकारीको लागि यो सूचना प्रकाशित गरिएको छ । सम्पूर्ण शेयरधनी महानुभावहरुलाई उल्लेखित मिति, स्थान र समयमा उपस्थितिको लागि हार्दिक अनुरोध गर्दछौ ।
सभा हुने मिति, स्थान र समय :
सभा हुने मिति : २०८३ साल भाद्र महिना १५ गते (तदनुसार ३१ अगष्ट, २०२६)
स्थान : काठमाडौँ म्यारियट होटल (कोशी हल) ।
समय : १२:३० बजे ।
वार्षिक साधारण सभाको छलफलको विषयहरू :
क) साधारण प्रस्तावहरु :
- सञ्चालक समितिको वार्षिक प्रतिवेदन आ.व. २०८२/०८३ उपर छलफल गरी पारित गर्ने ।
- लेखापरीक्षकको प्रतिवेदन सहित आ.व. २०८२/०८३ को वासलात, नाफा नोक्सान हिसाब र नगद प्रवाह विवरण लगायत कम्पनीको वार्षिक आर्थिक विवरणमा छलफल गरी पारित गर्ने ।
- हस्पिटलको सहायक कम्पनी Norvic Pharmacy Pvt. Ltd. समेतको आ.व. २०८२/८३ को वित्तीय विवरण सहितको एकीकृत Consolidated) वित्तीय विवरण पारित गर्ने ।
- कम्पनी ऐन, २०६३ दफा १११ अनुसार आर्थिक वर्ष २०८३/०८४ को लागि लेखापरीक्षक नियुक्त गर्ने र निजको पारिश्रमिक निर्धारण गर्ने ।
- आ.व. २०८२/०८३ को मुनाफाबाट (कर प्रयोजन समेत समावेश गरी) नगद लाभांश वापत प्रतिशेयर २२.१०५ प्रतिशत नगद लाभांश वितरण गर्ने ।
- विविध ।
ख) विशेष प्रस्तावहरु
- आ.व. २०८२/०८३ को मुनाफाबाट लाभांश वापत २० प्रतिशत बोनस शेयर वितरण गर्ने ।
- आ.व. २०८२/०८३ को मुनाफाबाट २० प्रतिशत बोनस शेयर वितरण पश्चात कायम हुने चुक्ता पूँजीको २० प्रतिशत बराबरको शेयर बुक बिल्डिङ (Book Building) प्रक्रियाबाट सर्वसाधारणका लागि (कर्मचारी व्यवस्था समेत) शेयर निष्काषण गर्ने तथा यस प्रक्रियाका लागि संस्थागत लगानीकर्ताहरूलाई वितरण गरिने विवरण पत्र स्वीकृति गर्ने लगायतका काम कारवाहि गर्ने अख्तियारी सञ्चालक समितिलाई प्रदान गर्ने सम्बन्धमा ।
- बोनस शेयर जारी पश्चात आवश्यकता अनुसार प्रबन्धपत्र र नियमावलीमा संशोधन गर्ने अख्तियारी सञ्चालक समितिलाई प्रत्यायोजन गर्ने ।
साधारण सभा सम्बन्धी थप संक्षिप्त जानकारी:
