प्रधानमन्त्री ओली र चिनियाँ राष्ट्रपति सी बीच दुई पक्षीय भेटवार्ता

प्रधानमन्त्री केपी शर्मा ओली र चीनका राष्ट्रपति सी चिनफिङबीच दुई पक्षीय भेटवार्ता सम्पन्न भएको छ ।

शाङ्घाइ सहयोग सङ्गठन (एससिओ) को शिखर सम्मेलनमा सहभागी हुन चीन पुगेका प्रधानमन्त्री ओलीले आज अपराह्न राष्ट्रपति सीसँग थियानजिन अतिथिगृहमा भेटवार्ता गरेका हुन् ।

भेटवार्ताअघि राष्ट्रपति सीले प्रधानमन्त्री ओलीलाई सो अतिथिगृहमा विशेष स्वागत गरेका थिए । दुई देशबीच आपसी सम्बन्ध, सहयोग र क्षेत्रीय विषयमा छलफल भएको बताइएको छ ।