प्रधानमन्त्री ओलीद्वारा लिपुलेकलाई व्यापारिक मार्ग बनाउने भारत–चीन सहमतिको विरोध PM Oli Objects to India–China Agreement on Making Lipulekh a Trade Route
प्रधानमन्त्री केपी शर्मा ओलीले चिनियाँ राष्ट्रपति सी चिनफिङसँगको भेटमा भारत–चीनबीच लिपुलेकलाई व्यापारिक मार्ग बनाउने सहमतिको विषयमा आपत्ति जनाएका छन्।
परराष्ट्र सचिव अमृत राईका अनुसार, शनिबार दिउँसो भएको भेटमा प्रधानमन्त्री ओलीले सो सहमतिले नेपाली भूमिको सार्वभौमसत्तामाथि प्रहार गर्ने भन्दै आफ्नो स्पष्ट असहमति व्यक्त गरेका हुन्। उनले भने, “सन् १८१६ को सुगौली सन्धिबमोजिम महाकालीपूर्वका भूभाग नेपालकै हो भन्ने कुरा स्पष्ट छ। यस मामिलामा चीनले नेपाललाई सहयोग गर्नेछ भन्ने हाम्रो विश्वास छ।”
भेटमा दुई देशबीचको मित्रवत सम्बन्ध र सहकार्यलाई अझै प्रगाढ बनाउन दुवै पक्ष सहमत भएका राईले जानकारी दिएका छन्।
प्रधानमन्त्री ओली २३ सदस्यीय नेपाली प्रतिनिधिमण्डलको नेतृत्व गर्दै शाङ्घाई सहयोग संगठन (SCO) शिखर सम्मेलनमा भाग लिन चीन पुगेका हुन्। भ्रमणको क्रममा उनले चिनियाँ राष्ट्रपति सी चिनफिङसँग औपचारिक भेटवार्ता गर्नुका साथै अन्य विश्व नेताहरूसँग पनि द्विपक्षीय भेट गर्ने कार्यक्रम रहेको छ।
प्रधानमन्त्री ओलीले सेप्टेम्बर १ मा तियान्जिनमा हुने शिखर सम्मेलनलाई सम्बोधन गर्नेछन् भने सेप्टेम्बर ३ मा बेइजिङमा आयोजना हुने चीनको ८०औँ वार्षिकोत्सव समारोहमा समेत सहभागिता जनाउने कार्यतालिका छ।
Prime Minister KP Sharma Oli, during his meeting with Chinese President Xi Jinping, raised strong objections to the India–China agreement to use Lipulekh as a trade route.
According to Foreign Secretary Amrit Rai, the meeting held on Saturday afternoon saw PM Oli express clear dissatisfaction, stating that such an agreement undermines Nepal’s sovereignty over its territory. He remarked, “As per the 1816 Sugauli Treaty, all lands east of the Mahakali River belong to sovereign Nepal. We believe that China will stand in support of Nepal on this matter.”
The meeting also covered ways to strengthen friendly relations and cooperation between the two countries, with both sides agreeing to further enhance bilateral mechanisms, Rai informed.
PM Oli is leading a 23-member Nepali delegation to attend the Shanghai Cooperation Organization (SCO) Summit in China. As part of his official visit, he held talks with President Xi Jinping and is scheduled to meet other world leaders as well.
According to the itinerary, PM Oli will address the summit in Tianjin on September 1, and participate in the ceremony in Beijing on September 3 marking the 80th anniversary celebrations.
