सरकार तत्काल नढल्ने! बजारमा स्पिनिङ टप क्यान्डल बन्यो, रिभर्सलको संकेत!
Author
Dipesh Ghimire
साताको दोस्रो कारोबार दिन नेप्से परिसूचक घटेर बन्द भएको छ। सोमबार नेप्से परिसूचक १२.८४ अंकले घट्दै २६७६.१५ विन्दुमा झरेको छ। त्यस्तै, सेन्सेटिभ इन्डेक्स १.३६ अंक, फ्लोट इन्डेक्स ०.८३ अंक, र सेन्सेटिभ फ्लोट इन्डेक्स ०.५२ अंकले घटेको छ।
यस दिनको कारोबार अघिल्लो दिनको तुलनामा कम रह्यो। अघिल्लो दिन करिब साढे ७ अर्ब रुपैयाँको कारोबार भएकोमा आज ३१७ स्टकका ६२,७५८ पटकका कारोबारमार्फत कुल ५ अर्ब ६२ करोड ९९ लाख रुपैयाँ बराबरको १ करोड १५ लाख २३ हजार कित्ता सेयर किनबेच भयो।
मुख्य उतारचढाव
इमर्जिङ नेपालको सेयर मूल्य सर्वाधिक ८.७६ प्रतिशतले बढ्यो।
महिला लघुवित्त वित्तीय संस्थाको सेयर मूल्य ७ प्रतिशतभन्दा बढीले उकालो लाग्यो।
सिटिजन्स बैंक डिबेञ्चर २०८६ को मूल्य ६.११ प्रतिशतले बढेको छ।
स्वाभिमान लघुवित्तको सेयर मूल्य नकारात्मक सर्किट लेभलमा पुग्दै २३७.९० रुपैयाँले घटेर २१४१.१० रुपैयाँमा बन्द भयो।
खानीखोला हाइड्रोपावरको सेयर मूल्य आज ८.२१ प्रतिशतले घटेको छ।
कारोबार रकमका आधारमा
एनआरएन इन्फ्रास्ट्रक्चर एण्ड डेभलपमेन्ट शीर्ष स्थानमा रहेको छ, जसको कारोबार रकम ३५ करोड २७ लाख रुपैयाँ पुग्यो।
हिमालयन डिस्टिलरीको कारोबार करिब २८ करोड रुपैयाँ रह्यो। बोनस र नगद लाभांश घोषणा भएपछि लगानीकर्ताको ध्यान तानिएको देखिन्छ।
जोशी हाइड्रोपावरको कारोबार करिब १२.५ करोड रुपैयाँ बराबरको भयो।
उपसूचक विश्लेषण
१३ उपसमूहमध्ये ५ उपसमूह बढेका छन् भने ८ उपसमूह घटेका छन्।
उत्पादन तथा प्रशोधन उपसमूह सर्वाधिक १.०६ प्रतिशतले बढेको छ, जसमा एचडीएलको बोनस घोषणाको सकारात्मक प्रभाव परेको देखिन्छ।
जीवन बीमा, निर्जीवन बीमा, र व्यापार उपसमूह १ प्रतिशतभन्दा बढीले घटेका छन्।
प्राविधिक विश्लेषण
बजारमा आज स्पिनिङ टप क्यान्डलको संरचना बनेको छ, जसले बजार फर्कने सम्भावना बलियो बनाएको संकेत गर्छ। २६६० विन्दुमा बजारले बलियो हायर लो (Higher Low) समर्थन पाइरहेको देखिन्छ।
ब्रोकर विश्लेषण
मुख्य ब्रोकरहरू मध्ये १० मा ७ ले बढी बिक्री गरेको देखिन्छ भने ३ ब्रोकरले मात्र किन्ने पक्षमा देखिएका छन्।
ब्रोकर नं. ५८ ले आज ४७ करोड ७२ लाख रुपैयाँको सेयर बिक्री गरेको छ भने ३६ करोड ८५ लाखको मात्र किनबेच गरेको छ।
ब्रोकर नं. ४२ ले २२ करोडको किनबेच गरेको छ भने २० करोड हाराहारीको मात्र बिक्री गरेको छ।
एआई ट्राफिक लाइट
आज पनि नेप्से ट्रेडिङको एआई ट्राफिक लाइटले पहेँलो बत्ती देखाइरहेको छ, जसले बजारमा सतर्कता अपनाउन सल्लाह दिन्छ।
