वरुण हाइड्रोपावर कम्पनी लिमिटेडले जारी गरेको हकप्रद शेयरमा आवेदन दिन आज अन्तिम दिन रहेको छ। कम्पनीले गत असार ३१ गतेदेखि शतप्रतिशत हकप्रद शेयर निष्कासन गरेको थियो, जसमा आज (भदौ ३) सम्म आवेदन दिन सकिनेछ।
कम्पनीले १:१ अनुपातमा हकप्रद शेयर निष्कासन गरेको हो। यस अन्तर्गत प्रतिकित्ता १०० रुपैयाँ अंकित मूल्यमा कूल ५३ लाख ५८ हजार १५० कित्ता शेयर जारी गरिएको छ। यसबाट कम्पनीले करिब ५३ करोड ५८ लाख १५ हजार रुपैयाँ संकलन गर्ने लक्ष्य राखेको छ।
यस अघि कम्पनीले जेठ २२ गते बुक क्लोज गरेको थियो। सो दिनअघि अर्थात् जेठ २१ गतेसम्म नेपाल स्टक एक्सचेञ्ज (नेप्से)मा कारोबार भई कायम रहेका शेयरधनीहरू मात्र यस हकप्रदमा आवेदन दिन योग्य भएका छन्।
कम्पनीले हकप्रद निष्कासनका लागि नेपाल धितोपत्र बोर्ड (SEBON) बाट आवश्यक स्वीकृति प्राप्त गरिसकेको छ।
