टक्सार पिखुवा खोला हाइड्रोपावर लिमिटेडको आईपीओ खुलाTuksar Pikhwa Khola Hydropower Limited IPO Open

टक्सार पिखुवा खोला हाइड्रोपावर लिमिटेडले आज (फागुन २७ गते) देखि आईपीओ निष्काशन र बिक्री प्रक्रिया सुरु गरेको छ। कम्पनीले आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीहरूको लागि आईपीओ जारी गर्ने भएको हो।कम्पनीले १ अर्ब २० करोड रुपैयाँको पूँजीको ३५.२६ प्रतिशत अर्थात ४२ करोड ३० लाख ६६ हजार ८०० रुपैयाँ बराबरको ४२ लाख ३० हजार ६६८ कित्ता शेयर निष्काशन गर्ने अनुमति पाएको छ। यसमा १२ लाख कित्ता शेयर आयोजना प्रभावित क्षेत्रका स्थानीय बासिन्दाका लागि छुट्याइएका छन्, जसको आवेदन भोजपुर जिल्लाका बासिन्दाले गर्न सक्नेछन्।सर्वसाधारण लगानीकर्ताका लागि ३ लाख ३ हजार ६७ कित्ता शेयर र १ लाख ५१ हजार ५३३ कित्ता शेयर सामूहिक लगानी कोष तथा कम्पनीका कर्मचारीहरूको लागि छुट्याइएको छ।आईपीओमा न्यूनतम १० कित्ताका लागि आवेदन दिन सकिन्छ र अधिकतम ५० हजार कित्ताका लागि आवेदन दिन सकिन्छ।कम्पनीको रेटिङ्गमा केयर रेटिङ्ग नेपालले केयरएनपी डबल बी प्लस इस्यूअर रेटिङ्ग दिएको छ।शेयर निष्काशनको प्रबन्धक प्रभु क्यापिटल लिमिटेड रहेको छ र आवेदन दिनका लागि विभिन्न बैंक शाखा र कार्यालयहरूमा फाराम उपलब्ध छन्।