नबिल म्युचुअल फन्ड अन्तर्गत NI 31 योजनाको इकाई बाँडफाँड सम्पन्न
Author
NEPSE TRADING
नबिल बैंक लिमिटेडले कोष प्रवर्द्धकको रूपमा र नबिल इन्भेष्टमेन्ट बैंकिङ लिमिटेडले जारीकर्ता तथा बिक्री प्रबन्धकको रूपमा नबिल म्युचुअल फन्ड अन्तर्गतको खुला प्रकारको NI 31 म्युचुअल फन्ड योजनाको इकाई बाँडफाँड सम्पन्न गरेको छ।
प्रति इकाई १० रुपैयाँ अंकित दरका २ करोड ५० लाख इकाईमध्ये पहिलो चरणमा १ करोड ५० लाख इकाई निष्कासन गरिएको थियो। यसमध्ये ३७ लाख ५० हजार इकाई कोष व्यवस्थापकका लागि सुरक्षित राखिएको र बाँकी १ करोड १२ लाख ५० हजार इकाई २०८२ साल साउन ३० गतेदेखि भदौ ३ गतेसम्म सर्वसाधारणलाई बिक्री गरिएको हो।
उक्त इकाई बाँडफाँड २०८२ साल भदौ १६ गते नबिल इन्भेष्टमेन्ट बैंकिङ लिमिटेड, नक्साल, काठमाडौंमा सम्पन्न गरिएको हो। बाँडफाँड कार्यक्रममा नबिल बैंक, सिडिएस एण्ड क्लियरिङ लिमिटेड, कोष व्यवस्थापक, प्राविधिक सेवा प्रदायक तथा सर्वसाधारण लगानीकर्ताका प्रतिनिधिहरूको उपस्थिति रहेको थियो।
लगानीकर्ताहरूले बाँडफाँड परिणाम iporesult.cdsc.com.np मा हेर्न सक्नेछन्। थप जानकारीका लागि कम्पनीका सम्पर्क नम्बर ४५११६०४ र ४५११७३३ मा सम्पर्क गर्न सकिनेछ।
