ब्याजको भार आधाभन्दा बढी घटेपछि पहिलो त्रैमासमा ६ करोड ३७ लाख खुद नाफा
काठमाडौं — तेह्रथुम पावर कम्पनी लिमिटेडले चालु आर्थिक वर्ष २०८३/८४ को पहिलो त्रैमासमा ६ करोड ३७ लाख रुपैयाँ खुद नाफा कमाएको छ। गत वर्षको सोही अवधिमा कम्पनीको नाफा ५ करोड ६२ लाख रुपैयाँ थियो, अर्थात् यसपटक करिब १३ प्रतिशत बढी हो।
आश्विन मसान्तसम्मको अनअडिटेड वित्तीय विवरणअनुसार कम्पनीले बिजुली बिक्रीबाट ८ करोड ४७ लाख रुपैयाँ आम्दानी गरेको छ। यो गत वर्षको तुलनामा करिब ३ प्रतिशत मात्र बढी हो। नाफा बढ्नुको मुख्य कारण आम्दानी होइन, ऋण घटेर ब्याज खर्च कम हुनु हो।
गत वर्ष एक करोड ३ लाख रुपैयाँ रहेको वित्तीय खर्च यसपटक ४६ लाखमा झरेको छ। दीर्घकालीन ऋण वर्षदिनमा १० करोडजति घटेर २६ करोड ४० लाखमा सीमित भएको छ। कुल दायित्व पनि ४१ करोड ६९ लाखबाट ३२ करोड ७८ लाखमा झरेको छ।
कम्पनीको वार्षिकीकृत प्रतिशेयर आम्दानी (ईपीएस) ३१.८५ रुपैयाँ पुगेको छ, जुन गत वर्ष २८.१२ रुपैयाँ थियो। प्रतिशेयर नेटवर्थ ९९.६१ रुपैयाँबाट बढेर १११.५७ रुपैयाँ पुगेको छ। पीई रेसियो ११.४१ गुणा छ।
समीक्षा अवधिमा कम्पनीको शेयर अधिकतम ३८८.५० र न्यूनतम ३३६.३० रुपैयाँमा कारोबार भएको थियो। त्रैमास सकिँदा शेयरको मूल्य ३६३.५० रुपैयाँमा बन्द भयो। ६१ कारोबार दिनमा ३,९५८ पटक गरी ८ लाख ७९ हजार कित्ता शेयर खरिदबिक्री भएको छ, जसको कारोबार रकम ३१ करोड ६९ लाख रुपैयाँ हुन आउँछ।
कम्पनीले ७.५ मेगावाटको माथिल्लो खोरुङ्गा खोला साना जलविद्युत् आयोजनाबाट उत्पादित बिजुली नेपाल विद्युत प्राधिकरणलाई 'टेक एन्ड पे' मा बिक्री गरिरहेको छ। आयोजना २०७६ फागुन १७ मा व्यावसायिक उत्पादनमा आएको थियो। प्राधिकरणले तोकेका सर्त पूरा भएपछि कम्पनी 'टेक अर पे' मा बिजुली बेच्न योग्य हुनेछ।
कम्पनीले कम वर्षा र लामो खडेरीले नदीको बहाव घटेर उत्पादनमा असर पर्न सक्ने जोखिम औंल्याएको छ। ब्याजदरको उतारचढाव, नयाँ आयोजनाका लागि चाहिने स्वीकृतिमा ढिलाइ र दुर्गम भौगोलिक अवस्थाका कारण मर्मतसम्भारको चुनौती पनि कम्पनीले जोखिमका रूपमा उल्लेख गरेको छ। यी विवरण लेखा परीक्षणपछि परिवर्तन हुन सक्ने कम्पनीले जनाएको छ।
Company reports Rs 63.7 million net profit in first quarter of FY 2083/84
KATHMANDU: Terhathum Power Company Limited posted a net profit of Rs 63.7 million in the first quarter of the current fiscal year 2083/84. That is about 13 percent more than the Rs 56.2 million it earned in the same period last year.
According to its unaudited financial statements for the quarter ending Ashoj 31, the company earned Rs 84.7 million from electricity sales, only about 3 percent more than a year earlier. The rise in profit came mainly from lower interest payments rather than higher income.
Finance cost fell to Rs 4.7 million from Rs 10.3 million a year ago as the company repaid part of its debt. Long-term borrowings dropped by about Rs 101 million over the year to Rs 264 million, while total liabilities shrank from Rs 417 million to Rs 328 million.
Annualized earnings per share rose to Rs 31.85 from Rs 28.12, and net worth per share improved to Rs 111.57 from Rs 99.61. The price-to-earnings ratio stands at 11.41.
During the quarter, the company’s shares traded between Rs 336.30 and Rs 388.50 and closed at Rs 363.50. Over 61 trading days, 879,258 shares changed hands in 3,958 transactions, with total turnover of about Rs 317 million.
The company sells power from its 7.5 MW Upper Khorunga Khola small hydropower project to the Nepal Electricity Authority (NEA) on a take-and-pay basis. The project began commercial operation on Falgun 17, 2076. Once it meets the conditions set by the NEA, the company will become eligible for a take-or-pay arrangement.
The company named low rainfall and prolonged dry spells, which reduce river flow, as its main risk. It also cited fluctuations in interest rates, delays in approvals for its new project, and maintenance challenges due to its geographical location. It added that the figures may change after the statutory audit.
