नेपाल स्टक एक्सचेञ्ज (नेप्से) को अनलाइन कारोबार प्रणाली (टिएमएस) मा अचानक प्राविधिक समस्या देखिएपछि लाखौं लगानीकर्ता शेयर किनबेच गर्नबाट वञ्चित भएका छन्। कारोबार समय सुरु हुनासाथ अधिकांश ब्रोकर कम्पनीले प्रयोग गर्ने नेप्सेको आधिकारिक टिएमएस प्रणालीले काम गर्न छाडेपछि लगानीकर्तामा 'शेयर बजारमा आखिर के पाक्दैछ?' र 'आज ट्रेड नै नहुने हो कि?' भन्ने अन्योल सिर्जना भएको छ।
तर, समग्र शेयर बजार भने पूर्ण रूपमा ठप्प छैन। एकातिर नेप्सेको आधिकारिक प्रणाली नचलेर लगानीकर्ता हैरान छन् भने अर्कोतिर आफ्नै व्यक्तिगत कारोबार प्रणाली (ओएमएस) सञ्चालनमा ल्याएका ब्रोकर कम्पनीका ग्राहकले भने सहजै शेयर किनबेच गरिरहेका छन्। विशेषगरी 'नासा सेक्युरिटिज' को व्यक्तिगत टिएमएस र अर्को निजी प्रणाली 'एटीर्याड' (Atrad) प्रयोग गरिरहेका लगानीकर्तालाई कारोबारमा कुनै पनि अवरोध भएको छैन। यसले नेप्सेको मुख्य म्याचिङ इन्जिन (Core System) मा नभई पुरानो टिएमएस सफ्टवेयरमा मात्रै प्राविधिक समस्या रहेको स्पष्ट पारेको छ।
"आज किनबेच नै नगर्ने हो त?" भन्दै सामाजिक सञ्जाल र ब्रोकर कार्यालयहरूमा गुनासो गर्ने लगानीकर्ताको सङ्ख्या उल्लेख्य छ। बजारमा उतारचढाव आइरहेको महत्वपूर्ण समयमा नेप्सेको प्रणाली नचल्दा साधारण लगानीकर्ताले खरिदबिक्रीको ठूलो अवसर गुमाउनुपरेको छ। निजी प्रणाली सञ्चालन गर्ने केही ब्रोकरका सीमित ग्राहकले मात्रै बजारको फाइदा उठाइरहँदा, यसले लगानीकर्ताबीच प्रतिस्पर्धा र अवसरको असमानता बढाएको गुनासो सरोकारवालाहरूको छ।
नेप्सेले प्रणालीमा बेलाबेला आउने यस्ता समस्यालाई सामान्य 'प्राविधिक गडबडी' भन्दै टार्ने गरेको छ। यद्यपि, नयाँ र वैकल्पिक प्रणालीहरू निर्बाध सुचारु रहँदा आधिकारिक प्रणाली भने बारम्बार डाउन हुनुले यसको क्षमता र विश्वसनीयतामाथि गम्भीर प्रश्न खडा गरेको छ। आजको यस घटनाले ब्रोकरहरूलाई आफ्नै निजी टिएमएस (एपीआईमा आधारित) सञ्चालन गर्न प्रोत्साहन गर्नुपर्ने आवश्यकतालाई थप पुष्टि गरेको छ भने, पुरानै प्रणालीको भर पर्ने लगानीकर्ताहरू तत्कालका लागि बजारको रमिता हेर्न बाध्य भएका छन्।
Following a sudden technical glitch in the Nepal Stock Exchange's (NEPSE) online Trade Management System (TMS), hundreds of thousands of investors have been left unable to buy or sell shares. As soon as the trading window opened, the official TMS—used by the majority of brokerage firms—crashed, sparking widespread confusion among investors who were left wondering, "What is cooking in the stock market?" and "Will there be no trading today?"
However, the stock market has not come to a complete standstill. While general investors are frustrated by the failure of NEPSE's official system, clients of brokerage firms that have implemented their own Order Management Systems (OMS) are trading without a hitch. Specifically, investors using Naasa Securities' personal TMS and the private 'Atrad' system have faced zero disruptions. This clearly indicates that the technical malfunction is confined to the older TMS software and has not affected NEPSE's core matching engine.
Social media platforms and brokerage offices are flooded with grievances from investors asking, "Are we just supposed to sit out today?" With the system crashing during a period of market volatility, ordinary investors have been deprived of crucial trading opportunities. Stakeholders are raising concerns that allowing a select group of investors on private systems to capitalize on market movements while others are locked out creates an uneven playing field and an unfair competitive advantage.
NEPSE has historically brushed off such recurring system failures as minor "technical glitches." Nonetheless, the uninterrupted performance of new, alternative systems juxtaposed with the frequent crashes of the official platform raises serious questions about the state-owned system's capacity and reliability. Today’s disruption further underscores the urgent need to encourage brokers to adopt their own API-based private TMS platforms, while those still reliant on the outdated system are forced to remain mere spectators of the market.
