युनिलिभर नेपाल लिमिटेडको सञ्चालन आम्दानी बढे पनि खर्चको दबाब बढ्दा खुद नाफामा गिरावट आएको छ। आर्थिक वर्ष २०८२/८३ को चौथो त्रैमासिकमा कम्पनीको नाफा अघिल्लो वर्षको सोही अवधिको तुलनामा करिब १९ प्रतिशत घटेको हो।
कम्पनीले सार्वजनिक गरेको अपरिष्कृत वित्तीय विवरणअनुसार चौथो त्रैमासिकमा ३९ करोड ८ लाख रुपैयाँ खुद नाफा कमाएको छ। अघिल्लो वर्षको सोही अवधिमा यस्तो नाफा ४८ करोड ५७ लाख रुपैयाँ थियो।
समीक्षा अवधिमा सञ्चालन आम्दानी भने करिब ९ प्रतिशत बढेर २ अर्ब २५ करोड ६० लाख रुपैयाँ पुगेको छ। अघिल्लो वर्ष कम्पनीको सञ्चालन आम्दानी २ अर्ब ७ करोड ९२ लाख रुपैयाँ थियो।
आम्दानी बढे पनि कुल खर्च १ अर्ब ५१ करोड ३४ लाख रुपैयाँबाट बढेर १ अर्ब ७९ करोड ४७ लाख रुपैयाँ पुगेपछि नाफामा दबाब परेको हो। कच्चा पदार्थ, प्याकेजिङ तथा ढुवानी खर्च बढ्नु यसको प्रमुख कारण रहेको कम्पनीले जनाएको छ।
नाफामा आएको गिरावटसँगै कम्पनीको प्रतिशेयर आम्दानी पनि घटेको छ। चौथो त्रैमासिकको ईपीएस ४७४ रुपैयाँ र वार्षिकीकरण गरिएको ईपीएस १ हजार ७३२ रुपैयाँ रहेको छ। प्रतिसेयर नेटवर्थ ५ हजार ५३३ रुपैयाँ कायम भएको छ।
कम्पनीका अनुसार होम केयर व्यवसायले आम्दानी वृद्धिमा मुख्य योगदान गरेको छ। ब्यूटी एन्ड वेलबिइङ तथा पर्सनल केयरतर्फ पनि कारोबार बढेको छ। तर उत्पादन लागतमा आएको वृद्धि पूर्ण रूपमा उपभोक्तामा सार्न नसक्दा नाफाको मार्जिन खुम्चिएको हो।
युनिलिभर नेपालले पछिल्लो अवधिमा गरिएको मूल्य समायोजन, खर्च व्यवस्थापन, वितरण प्रणाली सुधार तथा नयाँ उत्पादन विस्तारबाट आगामी दिनमा नाफामा सुधार आउने अपेक्षा गरेको छ।
Unilever Nepal Limited has reported a decline in net profit despite an increase in operating revenue. The company’s net profit fell by around 19 percent in the fourth quarter of fiscal year 2082/83 compared with the same period a year earlier.
According to the company’s unaudited financial statement, net profit stood at Rs 390.8 million during the review period, down from Rs 485.7 million in the corresponding period of the previous fiscal year.
Operating revenue, however, increased by around 9 percent to Rs 2.256 billion from Rs 2.079 billion a year earlier.
The rise in expenses weighed on profitability. Total expenses increased to Rs 1.795 billion from Rs 1.513 billion. The company attributed the higher costs mainly to increases in raw material, packaging and transportation expenses.
With the decline in profit, earnings per share also weakened. Quarterly EPS stood at Rs 474, while annualised EPS was Rs 1,732. Net worth per share stood at Rs 5,533.
The company said its home care business was the major contributor to revenue growth, while beauty and wellbeing and personal care segments also recorded higher sales. However, the inability to fully pass rising production costs on to consumers squeezed profit margins.
Unilever Nepal expects selective price adjustments, tighter cost management, improvements in distribution and the introduction of new products to support profitability in the coming periods.
