नेपाल जग्गा तथा आवास विकास संघको अध्यक्षमा इञ्जिनियर दीपक कुँवर निर्वाचित Engineer Deepak Kunwar Elected President of Nepal Land and Housing Development Association
नेपाल जग्गा तथा आवास विकास संघको अध्यक्षमा इञ्जिनियर दीपक कुँवर निर्वाचित नेपाल जग्गा तथा आवास विकास संघको १८औँ वार्षिक साधारणसभा तथा निर्वाचनबाट सिडी डेपलपर्स प्रालिका प्रबन्ध निर्देशक इञ्जिनियर दीपक कुँवर संघको नयाँ अध्यक्षमा निर्वाचित भएका छन्। संघमा नयाँ १५ सदस्यीय कार्यसमिति समेत चयन गरिएको छ। संघको अन्य पदाधिकारीमा प्रथम उपाध्यक्षमा पुरुषोत्तम पौडेल, द्वितीय उपाध्यक्षमा सुमितकुमार अग्रवाल, र तृतीय उपाध्यक्षमा रोशन भोयद्यो निर्वाचित भएका छन्। त्यस्तै महासचिवमा तुलसीप्रसाद अधिकारी, सचिवमा वरुणकुमार आचार्य, र कोषाध्यक्षमा निश्चलबहादुर श्रेष्ठ चयन भएका छन्। सदस्यहरूमा डेकेन्द्रकुमार श्रेष्ठ, मनोजबहादुर श्रेष्ठ, हरिभक्त श्रेष्ठ, सन्दिप श्रेष्ठ, प्रसित भोयद्यो, सिद्धान्तविक्रम धमला, आभास कुँवर र अरनिको सिंह रहेका छन्। नवनिर्वाचित अध्यक्ष कुँवरले घरजग्गा व्यवसाय थलिँदा मुलुकको समग्र अर्थतन्त्रमा गम्भीर असर परेको भन्दै यसलाई चलायमान बनाउन राज्यले समयसापेक्ष कानुनी सुधार गर्नुपर्ने आवश्यकता औंल्याए। उनले घरजग्गा व्यवसायलाई "उद्योग" को मान्यता दिनुपर्ने माग समेत राखे।Engineer Deepak Kunwar Elected President of Nepal Land and Housing Development Association Engineer Deepak Kunwar, Managing Director of CD Developers Pvt. Ltd., has been elected as the new President of the Nepal Land and Housing Development Association. The election was held during the association’s 18th Annual General Meeting and election program held last night, where a new 15-member executive committee was elected under his leadership.
