अमेरिकी डलरको भाउ हालसम्मकै उच्च बिन्दुमा

बुधबार अमेरिकी डलरको मूल्य हालसम्मकै उच्च बिन्दुमा पुगेको छ। नेपाल राष्ट्र बैंकले अमेरिकी डलरको खरिददर १३५.४७ रुपैयाँ र बिक्रीदर १३६.०७ रुपैयाँ तोकेको छ। यसअघि गत मंसिर २० गते १३५.८९ रुपैयाँ रहेको डलरको मूल्य अहिले आफ्नो सबैभन्दा उच्च विन्दुमा पुगेको हो। डलरको मूल्य वृद्धि हुँदै जाँदा नेपाली रुपैयाँ थप कमजोर बनेको छ।

अन्य मुद्राहरूको मूल्य पनि उचाइमा पुगेका छन्। युरोपियन यूरोको खरिददर १४२.६८ रुपैयाँ र बिक्रीदर १४३.३२ रुपैयाँ छ। यस्तै, युके पाउण्ड स्ट्रलिङको खरिददर १७२.८९ रुपैयाँ र बिक्रीदर १७३.६६ रुपैयाँ तोकिएको छ। स्वीस फ्रयाङ्कको खरिददर १५३.९७ रुपैयाँ र बिक्रीदर १५४.६५ रुपैयाँ छ।

अष्ट्रेलियन डलरको खरिददर ८६.६५ रुपैयाँ र बिक्रीदर ८७.०३ रुपैयाँ छ भने क्यानेडियन डलरको खरिददर ९५.६२ रुपैयाँ र बिक्रीदर ९६.०४ रुपैयाँ तोकिएको छ।

साउदी अरेबियन रियालको खरिददर ३६.०६ रुपैयाँ र बिक्रीदर ३६.२२ रुपैयाँ रहेको छ। यस्तै, कतारी रियाल ३७.१६ रुपैयाँमा खरिद र ३७.३३ रुपैयाँमा बिक्री भइरहेको छ। थाई भाटको खरिददर ४.०२ रुपैयाँ र बिक्रीदर ४.०३ रुपैयाँ छ।

नेपाली रुपैयाँ कमजोर हुनुको मुख्य कारण अन्तर्राष्ट्रिय बजारमा अमेरिकी डलरको बलियो माग र नेपालको आर्थिक अवस्था रहेको विश्लेषकहरू बताउँछन्। अमेरिकी डलरको वृद्धि नेपाली बजारमा थप महँगी ल्याउन सक्ने चिन्ता व्यक्त गरिएको छ।