NEPSE Trading

1 min read

शेयर कारोबारको समय बढाउने तयारी, नेप्से अब बिहान १० बजेदेखि खुल्ने सम्भावना

शेयर कारोबारको समय बढाउने तयारी, नेप्से अब बिहान १० बजेदेखि खुल्ने सम्भावना काठमाडौं । नेपाल धितोपत्र बोर्ड (सेबोन)ले शेयर कारोबारको समय बढाउने तयारी गरेको छ। हाल नेपाल स्टक एक्सचेन्ज (नेप्से)मा बिहान ११ बजेदेखि दिउँसो ३ बजेसम्म हुने कारोबार समयलाई परिवर्तन गरी बिहान १० बजेदेखि नै सञ्चालन गर्ने गृहकार्य बोर्डले अघि बढाएको हो। बोर्ड स्रोतका अनुसार धितोपत्र बोर्डको बैठकमै कारोबार समय बढाउने विषयमा सहमति बनिसकेको छ। यद्यपि अन्तिम निर्णय भने नयाँ सरकार गठन भएपछि गर्ने तयारी गरिएको बताइएको छ। कारोबार समय बढाउने निर्णयले लगानीकर्तालाई थप समय उपलब्ध हुने र बजार गतिविधि अझ सक्रिय हुने अपेक्षा गरिएको छ।

NEPSE TRADING

·

15 Mar, 2026

सानिमा जिआईसी इन्स्योरेन्सले शेयरधनीका लागि बोनस शेयर र नगद लाभांश घोषणा

Top

<1 min read

सानिमा जिआईसी इन्स्योरेन्सले शेयरधनीका लागि बोनस शेयर र नगद लाभांश घोषणा

Sanima GIC Insurance Limited ले गत आर्थिक वर्षको नाफाबाट शेयरधनीलाई ५ प्रतिशत बोनस शेयर र कर प्रयोजनका लागि ०.२६३२ प्रतिशत नगद लाभांश वितरण गर्ने घोषणा गरेको छ। उक्त लाभांश Nepal Insurance Authority बाट स्वीकृत भई कम्पनीको आगामी वार्षिक साधारण सभाबाट पारित भएपछि मात्र वितरण गरिनेछ।

NEPSETRADING

·

15 Mar, 2026

Top

1 min read

बेनी हाइड्रोपावरको आईपीओ आजदेखि खुला

बेनी हाइड्रोपावर प्रोजेक्ट लिमिटेडले आज चैत १ गतेदेखि आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरूका लागि आईपीओ निष्काशन खुला गरेको छ। कम्पनीले २० लाख ८० हजार कित्ता शेयर निष्काशन गर्न अनुमति पाएकोमध्ये १० लाख ४० हजार कित्ता स्थानीय बासिन्दाका लागि र १ लाख ४ हजार कित्ता विदेशमा काम गरिरहेका नेपालीहरूका लागि छुट्याइएको छ। आईपीओमा न्यूनतम १० कित्ता र अधिकतम १० हजार कित्तासम्म आवेदन दिन सकिनेछ। कम्पनीले सञ्चालन गरेको १९.८ मेगावाट क्षमताको माथिल्लो सोलुखोला जलविद्युत आयोजनाको अनुमानित लागत करिब ३ अर्ब ८५ करोड रुपैयाँ रहेको छ। यस आईपीओको बिक्री प्रबन्धक NMB Capital Limited रहेको छ।

NEPSETRADING

·

15 Mar, 2026

युद्धको प्रभाव कम गर्न अमेरिकाले ट्रान्जिटमा रहेको रुसी तेल खरिद गर्न अस्थायी अनुमति

Top

1 min read

युद्धको प्रभाव कम गर्न अमेरिकाले ट्रान्जिटमा रहेको रुसी तेल खरिद गर्न अस्थायी अनुमति

मध्यपूर्वमा बढ्दो तनाव र इरानसँगको युद्धका कारण विश्व ऊर्जा बजारमा अस्थिरता बढेपछि अमेरिकाले समुद्रमा रहेका जहाजहरूमा लोड गरिएको प्रतिबन्धित रुसी तेल अन्य देशहरूले खरिद गर्न अस्थायी अनुमति दिएको छ। यो व्यवस्था अप्रिल ११ सम्म लागू हुनेछ र विश्व ऊर्जा आपूर्तिमा स्थिरता कायम गर्ने उद्देश्यले ल्याइएको हो। खाडी क्षेत्रमा जहाजमाथि आक्रमण र ‘स्ट्रेट अफ हर्मुज’ अवरुद्ध हुने चेतावनीपछि तेलको मूल्य प्रतिब्यारेल १०० डलरभन्दा माथि पुगेको छ। ऊर्जा संकट कम गर्न अन्तर्राष्ट्रिय ऊर्जा एजेन्सीले ४० करोड ब्यारेल तेल बजारमा पठाउने घोषणा गरेको छ भने केही एसियाली देशहरूले इन्धन बचत र मूल्य नियन्त्रणका उपायहरू अपनाएका छन्।

NEPSE TRADING

·

13 Mar, 2026

सानिमा माई हाइड्रोपावरले लाभांश वितरण नगर्ने निर्णय, चैत २९ मा साधारण सभा

Top

<1 min read

सानिमा माई हाइड्रोपावरले लाभांश वितरण नगर्ने निर्णय, चैत २९ मा साधारण सभा

सानिमा माई हाइड्रोपावर लिमिटेडले गत आर्थिक वर्षको नाफाबाट सेयरधनीलाई लाभांश वितरण नगर्ने निर्णय गरेको छ। कम्पनीको फागुन २८ गते बसेको सञ्चालक समिति बैठकले यस्तो निर्णय गरेको हो। साथै कम्पनीले चैत २९ गते साधारण सभा बोलाएको छ भने सभा प्रयोजनका लागि चैत १२ गते बुक क्लोज गर्ने जनाएको छ। त्यसअनुसार चैत ११ गतेसम्म कायम सेयरधनी मात्र सभामा सहभागी हुन सक्नेछन्।

NEPSE TRADING

·

13 Mar, 2026

सोपान फर्मास्यूटिकल्सले चैत ९ देखि आईपीओ निष्काशन गर्ने, वैदेशिक रोजगारीमा रहेका नेपालीका लागि आवेदन खुला

Top

1 min read

सोपान फर्मास्यूटिकल्सले चैत ९ देखि आईपीओ निष्काशन गर्ने, वैदेशिक रोजगारीमा रहेका नेपालीका लागि आवेदन खुला

सोपान फर्मास्यूटिकल्स लिमिटेडले चैत ९ गतेदेखि प्राथमिक शेयर (आईपीओ) निष्काशन गर्ने भएको छ। कम्पनीले जारी पूँजीको २५ प्रतिशत बराबर ४२ लाख ९० हजार कित्ता शेयरमध्ये ४ लाख २९ हजार कित्ता वैदेशिक रोजगारीमा रहेका नेपालीहरूका लागि छुट्याएको छ। साथै ५ प्रतिशत सामूहिक लगानी कोष र ४ प्रतिशत कर्मचारीका लागि सुरक्षित गरिएको छ भने बाँकी शेयर सर्वसाधारणका लागि निष्काशन गरिनेछ। आईपीओमा न्यूनतम १० कित्ता र अधिकतम ११ हजार कित्तासम्म आवेदन दिन सकिनेछ। वैदेशिक रोजगारीमा रहेका नेपालीहरूले चैत १२ गतेसम्म आवेदन दिन सक्नेछन्।

NEPSE TRADING

·

13 Mar, 2026

क्लाउड एआईमा नयाँ फिचर: अब चार्ट र डायग्राममार्फत जटिल विषय बुझाउन सक्ने

Investor

1 min read

क्लाउड एआईमा नयाँ फिचर: अब चार्ट र डायग्राममार्फत जटिल विषय बुझाउन सक्ने

क्लाउड एआईमा नयाँ फिचर: अब चार्ट र डायग्राममार्फत जटिल विषय बुझाउन सक्ने कृत्रिम बुद्धिमत्ता कम्पनी एन्थ्रोपिकले आफ्नो एआई च्याटबोट क्लाउड (Claude) मा नयाँ फिचर थपेको छ, जसले अब प्रयोगकर्तालाई चार्ट र डायग्राम प्रयोग गरेर जटिल अवधारणाहरू सजिलै बुझाउन सक्ने बनाएको छ। कम्पनीले यो सुविधा हाल परीक्षण अर्थात् बीटा संस्करणका रूपमा सार्वजनिक गरेको जनाएको छ। नयाँ अपडेटसँगै क्लाउडले अब केवल टेक्स्टमा आधारित उत्तर मात्र नदिई आवश्यक परेमा भिजुअल सामग्री पनि देखाएर जानकारी दिन सक्नेछ। प्रयोगकर्ताले सिधै चार्ट वा चित्र बनाउन अनुरोध गर्न सक्छन्, वा क्लाउडले कुनै विषय स्पष्ट पार्न दृश्य सामग्री उपयोगी ठानेमा आफैं पनि चार्ट वा डायग्राम तयार पारेर देखाउन सक्छ।

NEPSE TRADING

·

13 Mar, 2026

ग्लोबल आइएमई बैंकद्वारा गैरआवासीय तथा विदेशस्थित नेपालीका लागि विशेष बैंकिङ्ग विभाग स्थापना

Investor

1 min read

ग्लोबल आइएमई बैंकद्वारा गैरआवासीय तथा विदेशस्थित नेपालीका लागि विशेष बैंकिङ्ग विभाग स्थापना

ग्लोबल आइएमई बैंकद्वारा गैरआवासीय तथा विदेशस्थित नेपालीका लागि विशेष बैंकिङ्ग विभाग स्थापना ग्लोबल आइएमई बैंकले विदेशमा बसोबास तथा रोजगारीमा रहेका नेपालीहरूलाई लक्षित गर्दै नेपालकै पहिलो ‘नन–रेजिडेन्ट एन्ड ओभरसिज बैंकिङ्ग डिभिजन (NROBD)’ स्थापना गरेको छ। उक्त विभागको उद्घाटन बिहीबार काठमाडौंको नक्सालस्थित बैंकको केन्द्रीय कार्यालयमा बैंकका अध्यक्ष तथा नेपाल उद्योग वाणिज्य महासंघका अध्यक्ष चन्द्रप्रसाद ढकालले गरेका हुन्।

NEPSE TRADING

·

13 Mar, 2026

अर्थमन्त्री खनाल र निजी क्षेत्रबीच आर्थिक सुधार र व्यवसायिक वातावरणबारे छलफल

Investor

1 min read

अर्थमन्त्री खनाल र निजी क्षेत्रबीच आर्थिक सुधार र व्यवसायिक वातावरणबारे छलफल

अर्थमन्त्री खनाल र निजी क्षेत्रबीच आर्थिक सुधार र व्यवसायिक वातावरणबारे छलफल अर्थमन्त्री रामेश्वरप्रसाद खनालले निजी क्षेत्रका प्रमुख व्यवसायिक संघ–संस्थाका प्रतिनिधिसँग समसामयिक आर्थिक विषयमा छलफल गरेका छन्। बिहीबार भएको छलफलमा नेपाल उद्योग वाणिज्य महासंघका अध्यक्ष चन्द्रप्रसाद ढकाल, नेपाल चेम्बर्स अफ कमर्सका अध्यक्ष कमलेशकुमार अग्रवाल, नेपाल उद्योग परिसंघका अध्यक्ष वीरेन्द्रराज पाण्डे तथा नेपाल उद्योग व्यापार महासंघका अध्यक्ष खेमराज भण्डारी सहभागी थिए। छलफलका क्रममा उच्चस्तरीय आर्थिक सुधार सुझाव आयोगको प्रतिवेदन कार्यान्वयन, राजस्व वृद्धि गर्न आवश्यक नीतिगत संशोधन, सुशासन र भ्रष्टाचार नियन्त्रण जस्ता विषय उठाइएको नेपाल चेम्बर अफ कमर्सका अध्यक्ष अग्रवालले बताए। निजी क्षेत्रले भ्याट प्रणालीलाई बहुदरमा लैजानुपर्ने, कच्चा पदार्थ र तयारी वस्तुको आयात करबीच अन्तर राख्नुपर्ने, उत्पादन तथा निर्यात प्रवर्द्धन गर्नुपर्ने र अन्तःशुल्क दर घटाउनुपर्ने माग पनि राखेको थियो।

NEPSE TRADING

·

13 Mar, 2026

महासंघको साधारणसभा मिति तय गर्न ५ चैतमा कार्यकारिणी बैठक

Investor

1 min read

महासंघको साधारणसभा मिति तय गर्न ५ चैतमा कार्यकारिणी बैठक

महासंघको साधारणसभा मिति तय गर्न ५ चैतमा कार्यकारिणी बैठक निजी क्षेत्रको सबैभन्दा ठूलो छाता संगठन नेपाल उद्योग वाणिज्य महासंघ (एफएनसीसीआई) ले केन्द्रीय तथा प्रदेश महासंघको साधारणसभाको मिति तय गर्न ५ चैतमा कार्यकारिणी समितिको बैठक बोलाउने निर्णय गरेको छ। बुधबार बसेको महासंघका पदाधिकारीहरूको बैठकले उक्त निर्णय गरेको हो। महासंघका अध्यक्ष चन्द्रप्रसाद ढकालका अनुसार सो बैठकबाट प्रदेश महासंघ र केन्द्रीय महासंघको साधारणसभाको मिति तय गरिनेछ।

NEPSE TRADING

·

13 Mar, 2026

पेट्रोलमा १० प्रतिशतसम्म इथानोल मिसाउन सरकारको अनुमति

Investor

1 min read

पेट्रोलमा १० प्रतिशतसम्म इथानोल मिसाउन सरकारको अनुमति

पेट्रोलमा १० प्रतिशतसम्म इथानोल मिसाउन सरकारको अनुमति सरकारले पेट्रोलमा अधिकतम १० प्रतिशतसम्म इथानोल मिसाएर बिक्री वितरण गर्न अनुमति दिएको छ। उद्योग, वाणिज्य तथा आपूर्ति मन्त्रालयले ‘पेट्रोलमा इथानोल मिश्रण गरी प्रयोगमा ल्याउने सम्बन्धी आदेश २०८२’ नेपाल राजपत्रमा प्रकाशित गर्दै उक्त व्यवस्था लागू गरेको हो। सरकारको यो निर्णयलाई स्वदेशी स्रोतको प्रयोग बढाउने तथा पेट्रोलियम पदार्थको आयात घटाउने प्रयासका रूपमा हेरिएको छ।

NEPSE TRADING

·

13 Mar, 2026

डब्ल्युटीओको व्यापार तथा वातावरण समितिको अध्यक्षमा नेपाल चयन

Investor

1 min read

डब्ल्युटीओको व्यापार तथा वातावरण समितिको अध्यक्षमा नेपाल चयन

डब्ल्युटीओको व्यापार तथा वातावरण समितिको अध्यक्षमा नेपाल चयन नेपाल विश्व व्यापार सङ्गठन (डब्ल्युटीओ) अन्तर्गतको व्यापार तथा वातावरण समितिको अध्यक्षमा चयन भएको छ। संयुक्त राष्ट्रसङ्घ तथा अन्य अन्तरराष्ट्रिय सङ्घसङ्गठनका लागि जेनेभास्थित नेपालको स्थायी नियोगका अनुसार फागुन २७ गते बसेको महासभा बैठकले नेपाललाई एक वर्षे कार्यकालका लागि सर्वसम्मत रूपमा समितिको अध्यक्ष चयन गरेको हो। डब्ल्युटीओअन्तर्गतको यो समिति सदस्य राष्ट्रहरूबीच व्यापार नीतिले वातावरणमा पार्ने प्रभाव तथा वातावरणीय नीतिले अन्तरराष्ट्रिय व्यापारमा पार्ने प्रभाव सम्बन्धी विषयमा छलफल तथा समन्वय गर्ने महत्वपूर्ण मञ्च हो। यस समितिले विशेषगरी जलवायु परिवर्तन, दिगो विकास र वातावरणमैत्री व्यापार नीतिसम्बन्धी विषयमा सदस्य राष्ट्रहरूबीच सहकार्य बढाउने काम गर्दै आएको छ।

NEPSE TRADING

·

13 Mar, 2026

सेबोन कर्मचारी युनियनको आन्दोलन पुनः सुरु, दैनिक धर्ना र पेन डाउन कार्यक्रम गर्ने निर्णय

Investor

1 min read

सेबोन कर्मचारी युनियनको आन्दोलन पुनः सुरु, दैनिक धर्ना र पेन डाउन कार्यक्रम गर्ने निर्णय

सेबोन कर्मचारी युनियनको आन्दोलन पुनः सुरु, दैनिक धर्ना र पेन डाउन कार्यक्रम गर्ने निर्णय काठमाडौं । नेपाल धितोपत्र बोर्ड (सेबोन) का कर्मचारी युनियनले आफ्ना मागहरू पूरा नभएको भन्दै आन्दोलनलाई पुनः निरन्तरता दिने निर्णय गरेको छ। युनियनले आज एक विज्ञप्ति जारी गर्दै बोर्ड व्यवस्थापनले कर्मचारीका मागप्रति बेवास्ता गरेको आरोप लगाउँदै आगामी दिनमा आन्दोलनका कार्यक्रम अघि बढाउने जनाएको हो।

NEPSE TRADING

·

13 Mar, 2026

साताको अन्तिम कारोबार दिन नेप्से परिसूचक बढ्यो

Top

1 min read

साताको अन्तिम कारोबार दिन नेप्से परिसूचक बढ्यो

बिहीबार नेप्से परिसूचक २३.८७ अंक बढेर २८२०.४४ विन्दुमा बन्द भएको छ। यस दिन सेन्सेटिभ इण्डेक्स ५.०१ अंक र फ्लोट इण्डेक्स १.९२ अंक बढेको छ। कारोबार रकम १४ अर्ब ५५ करोड १९ लाख ४६ हजार रुपैयाँ पुगेको छ, जसमा ४ करोड १६ लाख ८६ हजार कित्ता शेयर कारोबार भएको छ। नेशनल हाइड्रोपावर कम्पनी र हाइड्रोइलेक्ट्रिसिटी इन्भेटष्मेन्ट एण्ड डेभलपमेन्ट कम्पनीले उच्च कारोबार रकम मापेका छन्। १३ उपसमूहमध्ये १० उपसमूहको परिसूचक बढेको छ, जसमा बैंकिङ्ग उपसमूहले २.०२ प्रतिशतको वृद्धि देखाएको छ।

NEPSE TRADING

·

12 Mar, 2026

रघुगंगा, म्याग्दीमा माथिल्लो ठूलोखोला जलविद्युत् आयोजना सम्पन्न

Top

2 min read

रघुगंगा, म्याग्दीमा माथिल्लो ठूलोखोला जलविद्युत् आयोजना सम्पन्न

रघुगंगा गाउँपालिका-७, म्याग्दीमा २२.५ मेगावाट क्षमताको माथिल्लो ठूलोखोला जलविद्युत् आयोजना निर्माण सम्पन्न भएको छ। ठूलोखोला हाइड्रोपावर लिमिटेडले प्रवर्द्धन गरेको यो आयोजना भौतिक संरचना, विद्युतगृह उपकरण जडान र प्रसारणलाइन निर्माण सम्पन्न गरेको छ। विसं २०७८ मा निर्माण सुरु गरिएको यो आयोजना ‘रन अफ द रिभर’ प्रकारको हो, जसले १३२ केभी प्रसारणलाइनमार्फत केन्द्रीय विद्युत प्रणालीसँग जोडिएको छ। आयोजनाको लागत तीन अर्ब रुपैयाँ रहेको छ, जसमा सिटिजन्स र माछापुच्छ्रे बैंकहरूले लगानी गरेका छन्। राहुघाट क्षेत्रमा विभिन्न जलविद्युत् आयोजना सञ्चालनमा रहेका छन् र ४० मेगावाट क्षमताको राहुघाट जलविद्युत् आयोजना अन्तिम चरणमा छ।

NEPSE TRADING

·

12 Mar, 2026

याम्बालिङ्ग हाइड्रोपावर लिमिटेडको आईपीओ निष्काशन

Top

1 min read

याम्बालिङ्ग हाइड्रोपावर लिमिटेडको आईपीओ निष्काशन

याम्बालिङ्ग हाइड्रोपावर लिमिटेडले चैत ८ गतेदेखि आईपीओ निष्काशन गर्ने घोषणा गरेको छ। कम्पनीले ७० करोड रुपैयाँको पूँजीको ४० प्रतिशत अर्थात २८ करोड रुपैयाँ बराबरको २८ लाख कित्ता शेयर जारी गर्नेछ। यस मध्ये ७ लाख कित्ता स्थानीय बासिन्दा र २ लाख १० हजार कित्ता विदेशमा काम गरिरहेका नेपालीहरूको लागि छुट्याइने छन्। आईपीओको न्यूनतम आवेदन १० कित्ता राखिएको छ र स्थानीय बासिन्दा अधिकतम ७ हजार, विदेशमा रहेका नेपालीहरू २१ हजार कित्ताका लागि आवेदन दिन सक्नेछन्। केयर रेटिङ्ग नेपालले कम्पनीलाई मध्यम जोखिम भएको रेटिङ्ग प्रदान गरेको छ।

NEPSE TRADING

·

12 Mar, 2026

स्नो रिभर्स लिमिटेडको आईपीओ निष्काशन: चैत ९ देखि आवेदन सुरु

Top

1 min read

स्नो रिभर्स लिमिटेडको आईपीओ निष्काशन: चैत ९ देखि आवेदन सुरु

स्नो रिभर्स लिमिटेडले चैत ९ देखि आईपीओ निष्काशन गर्न लागेको छ। कम्पनीले आयोजना प्रभावित क्षेत्रका स्थानिय बासिन्दा र वैदेशिक रोजगारीमा रहेका नेपालीहरूका लागि शेयर निष्काशन गर्नेछ। कम्पनीले १८ करोड ७५ लाख रुपैयाँ बराबरको १८ लाख ७५ हजार कित्ता शेयर निष्काशन गर्ने अनुमति प्राप्त गरेको छ। स्थानिय बासिन्दाहरूले अधिकतम १०,००० कित्ताका लागि र वैदेशिक रोजगारीमा रहेका नेपालीहरूले अधिकतम १,००० कित्ताका लागि आवेदन दिन सक्नेछन्। कम्पनीलाई इक्रा नेपालबाट डबल बी प्लस रेटिङ्ग प्राप्त भएको छ। शेयरको मूल्य प्रतिकित्ता १०० रुपैयाँ राखिएको छ र आवेदन दिने प्रक्रिया विभिन्न बैंकमार्फत हुनेछ।

NEPSE TRADING

·

12 Mar, 2026

Top

<1 min read

होटल फरेष्ट इनको आईपीओ नेप्सेमा सूचीकृत

काठमाडौं – होटल फरेष्ट इन लिमिटेडको आईपीओ नेपाल स्टक एक्सचेञ्ज (नेप्से)मा सूचीकृत भएको छ। कम्पनीका २० लाख कित्ता शेयरमध्ये १६ लाख कित्ता संस्थापक समूहको र ४ लाख कित्ता सर्वसाधारणका लागि रहेका छन्। शेयर बिहीबारदेखि कारोबारमा आउनेछन्, र प्रति शेयर मूल्य ९० रुपैयाँ ६५ पैसा देखि २७१ रुपैयाँ ९५ पैसा बीच तोकिएको छ।

NEPSE TRADING

·

11 Mar, 2026

Top

1 min read

नेप्से परिसूचक र कारोबार रकममा गिरावट

बुधबार नेप्से परिसूचक ४६.७८ अंक घटेर २७९६.५७ विन्दुमा झरेको छ। यस दिन कारोबार रकम पनि घटेर १३ अर्ब १८ करोड रुपैयाँमा सीमित भएको थियो। यस दिन सालपा विकास बैंकको शेयर ७८ रुपैयाँ ४० पैसा बढेर ८६२ रुपैयाँ ४० पैसामा कारोबार भएको छ, जबकि कालिका पावरको शेयर मूल्य ८.४७ प्रतिशत घटेको छ। १३ उपसमूहमध्ये १२ उपसमूहको परिसूचक घटेको छ।

NEPSE TRADING

·

11 Mar, 2026

टक्सार पिखुवा खोला हाइड्रोपावर लिमिटेडको आईपीओ खुला

Top

1 min read

टक्सार पिखुवा खोला हाइड्रोपावर लिमिटेडको आईपीओ खुला

टक्सार पिखुवा खोला हाइड्रोपावर लिमिटेडले आजदेखि आईपीओ निष्काशन सुरु गरेको छ। कम्पनीले आयोजना प्रभावित क्षेत्रका स्थानिय बासिन्दा र वैदेशिक रोजगारीमा रहेका नेपालीहरुका लागि ४२ लाख ३० हजार ६६८ कित्ता शेयर निष्काशन गर्ने अनुमति पाएको छ। सर्वसाधारण र अन्य श्रेणीका लगानीकर्ताहरुलाई छुट्याइएका शेयरहरूको आवेदन प्रक्रिया पनि सुरु भएको छ। यस आईपीओको रेटिङ्गमा केयर रेटिङ्ग नेपालले केयरएनपी डबल बी प्लस इस्यूअर रेटिङ्ग प्रदान गरेको छ।

NEPSE TRADING

·

11 Mar, 2026