NEPSE Trading

राष्ट्र बैंकले उपदान तथा पेन्सन कोषका ४ अर्बभन्दा बढी रकम संस्थागत निक्षेपमा लगानी गर्ने

राष्ट्र बैंकले उपदान तथा पेन्सन कोषका ४ अर्बभन्दा बढी रकम संस्थागत निक्षेपमा लगानी गर्ने नेपाल राष्ट्र बैंकले उपदान तथा पेन्सन कोषमा संचित ४ अर्ब ३५ करोड रुपैयाँ संस्थागत निक्षेपमा लगानी गर्ने भएको छ। यसका लागि केन्द्रीय बैंकले बैंक तथा वित्तीय संस्थाहरूबाट प्रस्ताव माग गरेको छ। राष्ट्र बैंकका अनुसार प्रस्ताव पेस गर्ने बैंक तथा वित्तीय संस्थाहरूले मंसिर ২৩ गतेसम्म आफूले कति रकम संस्थागत निक्षेपको रूपमा लिन चाहन्छन् र कति ब्याजदर प्रस्ताव गर्छन् भन्ने विवरणसहित प्रस्ताव पेश गर्नुपर्नेछ। लगानी गर्न लागेको उक्त निक्षेपको अवधि ३६६ दिन रहनेछ—अर्थात डिसेम्बर १४, २०२५ देखि डिसेम्बर १४, २०२६ सम्म।

NEPSE TRADING8 Dec, 20251 min read

Investor

ज्योति विकास बैंकले संस्थापक सेयर बिक्रीमा राख्यो, ३५ दिनभित्र विद्यमान सेयरधनीलाई आवेदन आह्वान

ज्योति विकास बैंकले संस्थापक सेयर बिक्रीमा राख्यो, ३५ दिनभित्र विद्यमान सेयरधनीलाई आवेदन आह्वान ज्योति विकास बैंकले आफ्ना संस्थापक सेयरहरू बिक्रीमा राखेको छ। बैंकले हाल विद्यमान संस्थापक सेयरधनीहरूले मात्रै खरिद गर्न पाउने गरी पहिलो चरणमा सेयर बिक्री प्रक्रिया सुरू गरेको जानकारी गराएको छ। बैंकका अनुसार संस्थापक सेयरधनीहरूले ३५ दिनभित्र सेयर खरिदका लागि आवेदन दिनुपर्नेछ। निर्धारित समयभित्र आवेदन नपरेमा उक्त सेयरलाई आम सर्वसाधारणका लागि पनि खुला गरिने बैंकले जनाएको छ। इच्छुक संस्थापक सेयरधनीहरूले बैंकको कमलपोखरीस्थित केन्द्रीय कार्यालयमा उपस्थित भएर सेयर खरिदका लागि आवेदन दिन सक्ने व्यवस्था मिलाइएको बैंकले स्पष्ट पारेको छ।

NEPSE TRADING8 Dec, 2025<1 min read

Investor

नेप्सेमा आशा लघुवित्तको ९.५% बोनस सेयर समायोजन, नयाँ मूल्य रु. १,०९०.४१ कायम

नेप्सेमा आशा लघुवित्तको ९.५% बोनस सेयर समायोजन, नयाँ मूल्य रु. १,०९०.४१ कायम नेपाल स्टक एक्सचेञ्ज (नेप्से)ले आशा लघुवित्त वित्तीय संस्था लिमिटेड (ALBSL) को सेयरमूल्य समायोजन गरेको छ। साधारण सभा तथा लाभांश वितरण प्रयोजनका लागि कम्पनीले बुकक्लोज गरेपछि नेप्सेले बोनस सेयर समायोजनसहित नयाँ मूल्य निर्धारण गरेको हो। नेप्सेका अनुसार लघुवित्तको ९.५ प्रतिशत बोनस सेयर समायोजन गरिएको छ। समायोजनपछि सेयरमूल्य रु. १,०९० रुपैयाँ ४१ पैसा कायम भएको छ। आइतबारको अन्तिम कारोबार मूल्यलाई आधार मानेर समायोजन गरिएको हो। आइतबार दोस्रो बजारमा लघुवित्तको सेयर रु. १,१९४ मा अन्तिम कारोबार भएको थियो।

NEPSE TRADING8 Dec, 20251 min read

Investor

रिलायन्स स्पिनिङ मिल्सको आईपीओमा आजदेखि आवेदन दिन सकिने

रिलायन्स स्पिनिङ मिल्सको आईपीओमा आजदेखि आवेदन दिन सकिने रिलायन्स स्पिनिङ मिल्स लिमिटेडले आज मंसिर २२ गतेदेखि आफ्ना सेयरहरूको प्रारम्भिक सार्वजनिक निष्काशन (आईपीओ) खुला गरेको छ। कम्पनीले नेपाल सरकारका सम्बन्धित निकायबाट श्रम स्वीकृति प्राप्त गरिएकाले वैदेशिक रोजगारीमा रहेका नेपालीहरूका लागि आइपिओ निष्काशन गर्ने प्रक्रिया सुरू गरेको हो। कम्पनीले सार्वजनिक निष्काशनका लागि छुट्याइएको साधारण सेयरको १० प्रतिशत, अर्थात् १ लाख १५ हजार ५९६ कित्ता सेयर आवेदनका लागि उपलब्ध गराएको छ। कम्पनीको प्रतिकित्ता अंकित मूल्य १०० रुपैयाँ भए पनि बोलकबोल प्रक्रियाबाट निर्धारण गरिएको ८२० रुपैयाँ ८० पैसा मा लगानीकर्ताले आवेदन दिनुपर्नेछ।

NEPSE TRADING8 Dec, 20251 min read

Investor

पूर्वबैंकर नारायणदास मानन्धरको ८२ वर्षको उमेरमा निधन

पूर्वबैंकर नारायणदास मानन्धरको ८२ वर्षको उमेरमा निधन पूर्वबैंकर नारायणदास मानन्धरको ८२ वर्षको उमेरमा निधन भएको छ। आइतबार बिहान उनको निधन भएको पारिवारिक स्रोतले जनाएको छ। मानन्धरको आजै काठमाडौंस्थित शोभाभगवतीमा अन्त्येष्टि गरिने परिवारले जानकारी गराएको छ। नेपालको बैंकिङ क्षेत्रका अग्रज व्यक्तित्व मानन्धरले प्राइम कमर्सियल बैंकका संस्थापक प्रमुख कार्यकारी अधिकृत (CEO) का रूपमा काम गरेपछि बैंकिङ करियरबाट अवकाश लिएका थिए। प्राइम बैंक स्थापना हुनुअघि उनले देशका विभिन्न वाणिज्य बैंकमा प्रमुख कार्यकारी अधिकृत भएर लामो समय नेतृत्व प्रदान गरेका थिए। साथै, उनले संयुक्त राष्ट्र संघीय खाद्य तथा कृषि संगठन (FAO) मा परामर्शदाताको रूपमा पनि सेवा गरेका थिए।

NEPSE TRADING8 Dec, 20251 min read

Top

गार्डियन माइक्रो लाइफ इन्स्योरेन्सको हकप्रद जारी गर्न तेस्रो साधारणसभा पुस १४ गते

गार्डियन माइक्रो लाइफ इन्स्योरेन्सको हकप्रद जारी गर्न तेस्रो साधारणसभा पुस १४ गते गार्डियन माइक्रो लाइफ इन्स्योरेन्सले हकप्रद शेयर जारी गर्ने प्रस्ताव अनुमोदन गराउन आफ्नो तेस्रो वार्षिक साधारणसभा आह्वान गरेको छ। कम्पनीको सञ्चालक समितिको आइतबार बसेको बैठकले आगामी पुस १४ गते मोरङको विराटनगरस्थित होटल एयरपोर्टमा बिहान ११ बजेबाट सभा सञ्चालन गर्ने निर्णय गरेको हो।

NEPSE TRADING8 Dec, 20251 min read

Investor

सांग्रिला डेभलपमेन्ट बैंकको लाभांश सुरक्षित गर्ने आज अन्तिम दिन

सांग्रिला डेभलपमेन्ट बैंकको लाभांश सुरक्षित गर्ने आज अन्तिम दिन सांग्रिला डेभलपमेन्ट बैंकको लाभांश सुरक्षित गर्ने आज अन्तिम दिन रहेको छ। साधारण सभाका लागि बैंकले भोलि मंसिर २३ गतेदेखि पुस ७ गतेसम्म बुक क्लोज गर्ने भएकाले आजसम्म सेयर धारक बनेका लगानीकर्ताले मात्र यस वर्षको लाभांश प्राप्त गर्न सक्नेछन्। बैंकले आगामी पुस ७ गते, सोमबार काठमाडौंको कालिकास्थानमा वार्षिक साधारण सभा बोलाएको छ। साधारण सभामा सञ्चालक समितिले प्रस्तुत गरेको लाभांश सम्बन्धी प्रस्ताव अनुमोदन गर्नु मुख्य एजेन्डामा परेको छ।

NEPSE TRADING8 Dec, 20251 min read

Investor

एनआरएन इन्फ्रास्ट्रक्चरले कुमारी बैंक र मेरो माइक्रोफाइनान्सका ६ लाखभन्दा बढी सेयर बिक्री गर्ने

एनआरएन इन्फ्रास्ट्रक्चरले कुमारी बैंक र मेरो माइक्रोफाइनान्सका ६ लाखभन्दा बढी सेयर बिक्री गर्ने एनआरएन इन्फ्रास्ट्रक्चरले आफ्नै स्वामित्वमा रहेको कुमारी बैंक र मेरो माइक्रोफाइनान्सका ६ लाखभन्दा बढी सेयर बिक्री गर्ने भएको छ। सोमबार एक विज्ञप्ति जारी गर्दै कम्पनीले उक्त दुई वित्तीय संस्थाका संस्थापक सेयरको बिक्री प्रक्रिया शुरू गरेको जानकारी दिएको हो।

NEPSE TRADING8 Dec, 20251 min read

Investor

सरकारी १० कोषमा ४० अर्बभन्दा बढी मौज्दात, अवकाश भुक्तानीमा जोखिम बढ्ने संकेत

सरकारी १० कोषमा ४० अर्बभन्दा बढी मौज्दात, अवकाश भुक्तानीमा जोखिम बढ्ने संकेत सरकारी तथा सार्वजनिक संस्थानहरूले आफ्नै कर्मचारीका लागि स्थापना गरेका अवकाश, उपदान तथा सुरक्षण कोषमा जम्मा ४० अर्ब रुपैयाँभन्दा बढी मौज्दात रहेको खुलासा भएको छ। सरकारले हालै गरेको अध्ययन प्रतिवेदनले १० वटा प्रमुख निकायले मात्रै यति ठूलो धनराशी आफ्नै कोषमा राखेर व्यवस्थापन गर्दै आएको तथ्य सार्वजनिक गरेको हो। प्रतिवेदनअनुसार ती निकायहरूले अवकाश, उपचार, उपदान, बीमा तथा निवृत्तभरणजस्ता खर्चका लागि भन्दै छुट्टाछुट्टै कोष संचालन गर्दै आएका छन्। यद्यपि, नियमनको अभावमा संस्थानहरूले आफैँले व्यवस्थापन गर्ने ती कोष अन्य प्रयोजनमा समेत खर्च हुने गरेको र दीर्घकालमा अवकाश भुक्तानीमा समस्या देखिन सक्ने अध्ययनले चेतावनी दिएको छ।

NEPSE TRADING8 Dec, 20251 min read

Investor

लुम्बिनीमा ‘विश्व शान्ति कार्यक्रम’: २५ अर्बपतिसहित १० हजारभन्दा बढी सहभागी हुने

लुम्बिनीमा ‘विश्व शान्ति कार्यक्रम’: २५ अर्बपतिसहित १० हजारभन्दा बढी सहभागी हुने मंसीर २४, २५ र २६ गते बुद्ध जन्मस्थल लुम्बिनीमा आयोजना हुन लागेको ‘विश्व शान्ति कार्यक्रम’मा विभिन्न देशका २५ अर्बपतिहरू सहभागी हुने भएका छन्। विश्व शान्ति कार्यक्रम प्रतिष्ठानले आयोजना गर्न लागेको तेस्रो संस्करणका कार्यक्रममा यो पहिलोपटक यति ठूलो संख्यामा अन्तर्राष्ट्रिय अर्बपति तथा शीर्ष व्यक्तित्वहरूको उपस्थिति रहने भएको हो। कार्यक्रमकी मिडिया संयोजक सुलोचना खतिवडाका अनुसार भारत, युरोप, मध्यपूर्व, अफ्रिका लगायतका मुलुकबाट उच्चस्तरीय पाहुनाहरू लुम्बिनी आउँदैछन्। विशेषगरी भारत केरलास्थित सिगल इन्टरनेशनल ग्रुपका अध्यक्ष डा. सुरेशकुमार मधुसुधान, स्वतन्त्र स्लोभेनियाका प्रथम प्रधानमन्त्री तथा युरोपेली संसदका पूर्व सदस्य लोज्जे पिटरले, इथियोपियाका पूर्व प्रधानमन्त्री ताम्रत लेन, युएई–भारतमा व्यापार विस्तारेका इराम होल्डिङ्सका डा. सिद्दिक अहमदलगायत प्रतिष्ठित व्यक्तिहरू सहभागी हुनेछन्।

NEPSE TRADING8 Dec, 20251 min read

Stock

तरलता हटाउन राष्ट्र बैंक एकैदिन ९० अर्ब खिच्दै

नेपाल राष्ट्र बैंकले बैंकिङ प्रणालीमा अत्यधिक तरलता थुप्रिएको निष्कर्ष निकालेपछि एकै दिन ९० अर्ब रुपैयाँ निक्षेप संकलन उपकरणमार्फत खिच्ने तयारी गरेको छ। बैंकिङ प्रणालीमा प्रवाह बढेपछि मौद्रिक व्यवस्थापन सन्तुलनमा राख्ने उद्देश्यले केन्द्रीय बैंकले यो कदम चालेको हो। राष्ट्र बैंकका अनुसार ८४ दिने निक्षेप संकलन उपकरण प्रयोग गरी फागुन १७ गते साँवा तथा ब्याज भुक्तानी गरिनेछ। बोलकबोल (अक्सन) प्रणालीमार्फत ब्याजदर तय हुनेछ। यसमा राष्ट्र बैंक बाहेकका बैंक तथा वित्तीय संस्थाले समेत भाग लिन पाउनेछन्, र प्राप्त निक्षेपलाई अन्य बैंक तथा वित्तीय संस्थामा धितोको रूपमा प्रयोग गर्न सकिने व्यवस्था मिलाइएको छ।

Nepse trading7 Dec, 20251 min read

Trending

कालिञ्चोक दर्शनले ५% बोनससहित AGM बोलायो

कालिञ्चोक दर्शन लिमिटेड (KDL) ले गत आर्थिक वर्षको नाफाबाट प्रस्ताव गरिएको लाभांश पारित गर्न वार्षिक साधारण सभा बोलाएको छ। कम्पनीले पुस १५ गते, मंगलबार, काठमाडौँको गौशालास्थित बद्रीनाथ होटलमा ११ औँ वार्षिक साधारण सभा आह्वान गरेको हो। सभा दिउँसो ११:३० बजे सुरु हुनेछ।

Nepse trading7 Dec, 20251 min read

Investor

निजी क्षेत्रमाथि आक्रमण उचित होइन : अर्थमन्त्री खनाल

निजी क्षेत्रमाथि आक्रमण उचित होइन : अर्थमन्त्री खनाल काठमाडौं — अर्थमन्त्री रामेश्वर खनालले देशको आर्थिक विकासमा निजी क्षेत्रको भूमिकालाई महत्वपूर्ण बताउँदै निजी क्षेत्रमाथि भइरहेको आक्रमण अनुचित भएको टिप्पणी गरेका छन्। नेपाल आर्थिक पत्रकार संघ (नाफिज)को १६औँ वार्षिक साधारण सभामा बोल्दै उनले निजी क्षेत्रलाई कमजोर बनाउने प्रयासले अर्थतन्त्रलाई नै हानी पुर्‍याउने चेतावनी दिए। उनले भने, “निजी क्षेत्रले तयार पारेको संरचना र सम्पत्ति नेपाली जनताको पनि हो। निजी क्षेत्रले निश्चित समयपछि छोड्ने नै हो। उनीहरूमाथिको आक्रमण ठीक होइन। निजी क्षेत्रको संरक्षणका लागि सबैले जोड दिनुपर्छ।”

NEPSE TRADING7 Dec, 20252 min read

Investor

अर्काको कोल्याटरल बेच्नु ‘भ्रष्टाचारको भाग’ : गभर्नर पौडेल

अर्काको कोल्याटरल बेच्नु ‘भ्रष्टाचारको भाग’ : गभर्नर पौडेल काठमाडौं — नेपाल राष्ट्र बैंकका गभर्नर प्रा. डा. विश्वनाथ पौडेलले बैंक तथा वित्तीय क्षेत्रमा हुने कर्जासम्बन्धी अनियमितताप्रति कडा चेतावनी दिएका छन्। उनले जबरजस्ती अर्काको कोल्याटरल बेचेर फाइदा उठाउने गतिविधि ‘पार्ट अफ करप्सन’ भएको उल्लेख गर्दै यस्तो कार्य राष्ट्र बैंकले क्षम्य रूपमा नलिने स्पष्ट सन्देश दिएको छ। आइतबार नेपाल आर्थिक पत्रकार संघ (नाफिज)को १६औँ वार्षिक साधारण सभामा बोल्दै गभर्नर पौडेलले सरकारी र निजी बैंकबीचको व्यवहारगत भिन्नता पनि व्याख्या गरे। उनका अनुसार सरकारी बैंकले केही जोखिम उठाउन सक्लान्, तर निजी बैंकमा त्यस्ता गतिविधि देखिए राष्ट्र बैंकले कठोर कदमहरू उठाउनेछ।

NEPSE TRADING7 Dec, 20252 min read

Top

नबिल बैंकले १२.५० प्रतिशत नगद लाभांश प्रस्ताव गर्यो

नबिल बैंकले १२.५० प्रतिशत नगद लाभांश प्रस्ताव गर्यो काठमाडौं — नबिल बैंक लिमिटेड (NABIL) ले आर्थिक वर्ष २०८१/८२ का लागि १२.५० प्रतिशत नगद लाभांश वितरण गर्ने प्रस्ताव गरेको छ। बैंकको सञ्चालक समिति (बोर्ड) को ६९४औँ बैठकले मंसिर १९ गते उक्त लाभांश प्रस्ताव पारित गरेको हो। बैंकले हालको चुक्ता पूँजी २७ अर्ब ५ करोड रुपैयाँ आधारमा १२.५० प्रतिशत (करसहित) नगद लाभांश वितरण गर्ने निर्णय गरेको जनाएको छ। प्रस्तावित लाभांश नेपाल राष्ट्र बैंकको स्वीकृति र बैंकको आगामी वार्षिक साधारण सभाले (AGM) अनुमोदन गरेपछि मात्र कार्यान्वयन हुनेछ।

NEPSE TRADING7 Dec, 2025<1 min read

Investor

लुम्बिनी विकास बैंकका संस्थापकद्वारा १ लाख २० हजार ९० कित्ता शेयर बिक्रीको सूचना

लुम्बिनी विकास बैंकका संस्थापकद्वारा १ लाख २० हजार ९० कित्ता शेयर बिक्रीको सूचना काठमाडौं — लुम्बिनी विकास बैंक लिमिटेडका दुई संस्थापक शेयरधनीले आफ्ना नाममा रहेको कुल १ लाख २० हजार ९० कित्ता संस्थापक शेयर बिक्री प्रक्रियामा अघि बढाएपछि बैंकले ३५ दिने सार्वजनिक सूचना प्रकाशित गरेको छ। बैंकका संस्थापक शेयरधनी कान्छा गुरुङले आफ्ना नाममा रहेका १ लाख कित्ता तथा प्रकाश मान श्रेष्ठले २० हजार ९० कित्ता संस्थापक समूहका शेयर बिक्री गर्न बैंकको सञ्चालक समितिसमक्ष स्वीकृतिका लागि आवेदन दिएका छन्। उक्त आवेदनको आधारमा बैंकले विद्यमान संस्थापक शेयरधनीहरूको जानकारीका लागि सूचना जारी गरेको हो। बैंकले सूचनामार्फत संस्थापक समूहमै रहेका खरीद इच्छुक शेयरधनीलाई सूचना प्रकाशित भएको मितिबाट ३५ दिनभित्र बैंकको मुख्य कार्यालय, डिल्लीबजार, काठमाडौंमा लिखित रूपमा जानकारी गराउन आग्रह गरेको छ।

NEPSE TRADING7 Dec, 20251 min read

Investor

रसुवागढी जलविद्युत आयोजना आंशिक सञ्चालनमा, एक युनिटबाट ३७ मेगावाट उत्पादन सुरु

रसुवागढी जलविद्युत आयोजना आंशिक सञ्चालनमा, एक युनिटबाट ३७ मेगावाट उत्पादन सुरु काठमाडौं — नेपाल विद्युत प्राधिकरणको सहायक कम्पनी चिलिमे जलविद्युतको नेतृत्वमा रसुवामा निर्माण भएको रसुवागढी जलविद्युत आयोजना आंशिक रूपमा पुनः सञ्चालनमा आएको छ। गत असार २४ गते तिब्बत क्षेत्रबाट बग्ने ल्येन्दे खोलामा हिमताल विष्फोटनका कारण आएको भीषण बाढीले आयोजना संरचना—विशेषगरी हेडवर्क्स—मा ठूलो क्षति पुर्‍याएपछि उत्पादन रोकिएको थियो। हेडवर्क्सको प्राथमिक मर्मत कार्य सम्पन्न भएपछि शनिबारदेखि विद्युतगृहमा रहेका तीन युनिटमध्ये एउटा युनिट सञ्चालनमा ल्याइएको हो। १११ मेगावाट जडित क्षमताको आयोजनामा प्रत्येक युनिट ३७ मेगावाट विद्युत उत्पादन गर्ने क्षमता राख्छ। बाँकी दुई युनिट पनि एक महिनाभित्र सञ्चालनमा ल्याउने लक्ष्य प्राधिकरणले जनाएको छ।

NEPSE TRADING7 Dec, 20252 min read

Investor

प्रतिनिधिसभा निर्वाचन नजिकिँदै, आयोगको तयारी तीव्र

प्रतिनिधिसभा निर्वाचन नजिकिँदै, आयोगको तयारी तीव्र काठमाडौं — प्रतिनिधिसभा सदस्य निर्वाचनको मिति नजिकिँदै जाँदा निर्वाचन आयोगले तयारीलाई तीव्र पारेको छ। आगामी फागुन २१ गते हुने निर्धारित निर्वाचनसम्म अब ८८ दिन मात्र बाँकी छ। राजनीतिक दलहरूले आन्तरिक रूपमा उम्मेदवार चयनदेखि चुनावी रणनीति तयारीसम्मका गतिविधि सक्रिय पारेका बेला आयोगले आजदेखि समानुपातिक निर्वाचन प्रणालीतर्फको कार्यक्रम औपचारिक रूपमा सुरू गरेको छ। आयोगले बिहान १० बजेबाट अपराह्न ४ बजेसम्म समानुपातिक पद्धतिमा भाग लिन इच्छुक राजनीतिक दलले आवेदन दिने समय निर्धारण गरेको छ। आवेदन दिने दलहरूको सूची मंसिर २४ गते प्रकाशित गरिनेछ।

NEPSE TRADING7 Dec, 20251 min read

Investor

सोलु हाइड्रोको आईपीओ र आशा लघुवित्तको लाभांश सुरक्षित गर्ने आज अन्तिम दिन

सोलु हाइड्रोको आईपीओ र आशा लघुवित्तको लाभांश सुरक्षित गर्ने आज अन्तिम दिन मंसिर २१, काठमाडौं — सोलु हाइड्रोपावर लिमिटेडले आयोजना प्रभावित क्षेत्रका स्थानीय बासिन्दाका लागि मंसिर ७ गतेदेखि खुला गरेको आईपीओमा आवेदन दिने आज अन्तिम दिन रहेको छ। त्यस्तै, आशा लघुवित्त वित्तीय संस्थाको लाभांश सुरक्षित गर्ने अवसर पनि आज नै समाप्त हुँदैछ। सोलु हाइड्रोले नेपाल धितोपत्र बोर्डबाट स्वीकृत १० अर्ब रुपैयाँ जारी पूँजीको २० प्रतिशत बराबरको २ करोड कित्ता शेयरमध्ये १ करोड कित्ता साधारण शेयर आयोजना प्रभावित बासिन्दाका लागि निष्काशन गरेको हो। यी सबै शेयर प्रतिकित्ता १०० रुपैयाँ दरमा बिक्री गरिँदै छन्।

NEPSE TRADING7 Dec, 20251 min read

Investor

१० वाणिज्य बैंकको लोन पोर्टफोलियो रिभ्यु सकियो, बंगलादेशी अडिटरद्वारा गहिरो मूल्यांकन

१० वाणिज्य बैंकको लोन पोर्टफोलियो रिभ्यु सकियो, बंगलादेशी अडिटरद्वारा गहिरो मूल्यांकन नेपालका १० ठूला वाणिज्य बैंकहरूको लोन पोर्टफोलियो परीक्षण कार्य अन्तिम चरणमा पुगेको छ। नेपाल राष्ट्र बैंकको पहलमा सुरु गरिएको यो परीक्षण बंगलादेशको लेखापरीक्षण फर्म हाउल्याडर युनुस एन्ड कम्पनीले सम्पन्न गरेको हो। अन्तर्राष्ट्रिय मुद्रा कोष (IMF)सँगको विस्तारित कर्जा सुविधा सम्झौताअनुसार नेपालले बैंकिङ क्षेत्रको सम्पत्ति गुणस्तर मूल्यांकन गर्नुपर्ने प्रतिबद्धता जनाएपछि सो प्रक्रिया अघि बढाइएको हो। अडिटरको टोली नेपालमै आई सबै बैंकको स्थलगत निरीक्षणमा जुटेको थियो। टोलीमा राष्ट्र बैंकका प्रतिनिधिहरू समेत सहभागी भइरहेका थिए। संयुक्त टिमले हरेक बैंकमा कर्जा फाइलहरूको अध्ययन, कोर बैंकिङ प्रणालीको परीक्षण, परियोजना लगानीको वास्तविक अवस्था र कर्जा भुक्तानी प्रक्रियाको अवलोकनसहित विस्तृत मूल्यांकन गरेको बताइएको छ। यो प्रक्रियामा करिब साढे दुई दर्जन सूचकका आधारमा सम्पत्तिको गुणस्तर नापजाँच गरिएको स्रोतका भनाइ छ।

NEPSE TRADING6 Dec, 20251 min read