Investorलगातार गिरावट: नेप्से २८ सय भन्दा तल, प्राविधिक सूचकहरु नकारात्मक
लगातार गिरावट: नेप्से २८ सय भन्दा तल, प्राविधिक सूचकहरु नकारात्मक, ‘पर्ख र हेर’ रणनीति अपनाउन सुझाव नेपाली शेयर बजारमा ठूलो गिरावट देखिएको छ। केही समय अघि ३,००० को लेभल छोएको बजार लगातार ओरालो लाग्दै आज २८ सय भन्दा तल झरेको छ। हौसिएर शेयर खरिद गरेका साना लगानीकर्ताहरू तनावमा परेका छन्। बैंकको ऋण वा ब्रोकरको उधारो प्रयोग गरेर बजारमा नाफा कमाउने आशा गरेका लगानीकर्तामा झनै प्यानिक देखिएको छ। सधैं साउन–भदौ महिनामा बजार हरियो देखिने परम्पराको विपरीत यसपटक बजारमा बिक्री दबाब (Selling Pressure) हावी छ। करिब २ सय अंकको गिरावट प्रायः ट्रेडर र टेक्निकल लगानीकर्ताको बिक्रीका कारण आएको देखिए पनि ठूला र संस्थागत लगानीकर्ताले खासै बिक्री नगरेको पाइन्छ। यद्यपि, बजारको यो गिरावट धेरैका लागि आश्चर्यजनक भएको छ। केहीले माइक्रोफाइनान्सको लाभांश क्याप असोजमा मात्र हट्ने, प्रमोटर र पब्लिकका लागि छुट्टै डिम्याट नम्बरको प्रस्तावजस्ता कारण देखाएका छन् भने केहीले ब्रोकरको उधारो रकमका कारण बजार घटेको दाबी गरेका छन्। केही विश्लेषकले भने बजार २,७५० भन्दा तल नझर्ने विश्वास व्यक्त गरेका छन्।
NEPSE TRADING2 min read
Investorबूढी गण्डकी जलविद्युत आयोजना निर्माणका लागि १० बैंकको ५२ अर्ब ५० करोड ऋण लगानी
बूढी गण्डकी जलविद्युत आयोजना निर्माणका लागि १० बैंकको ५२ अर्ब ५० करोड ऋण लगानी निजी क्षेत्रको सबैभन्दा ठूलो जलविद्युत आयोजना मानिने बूढी गण्डकी जलविद्युत परियोजनाका लागि १० वटा बैंकले संयुक्त रूपमा ५२ अर्ब ५० करोड रुपैयाँ ऋण लगानी गर्ने भएका छन्। गोरखा र धादिङ जिल्लाको सिमानामा निर्माण हुन लागेको ३४१.५ मेगावाट क्षमताको यो आयोजनाका लागि बिहीबार निर्माणकर्ता टाइम्स इनर्जी प्रा.लि. र बैंकहरूबीच औपचारिक सम्झौता सम्पन्न भएको हो। सम्झौताअनुसार, सबैभन्दा बढी एनआइएमबी बैंकले १० अर्ब रुपैयाँ ऋण लगानी गर्नेछ। त्यस्तै लक्ष्मी सनराइज बैंक र नविल बैंकले समान रूपमा ८ अर्ब–८ अर्ब, ग्लोबल आइएमई बैंकले ७ अर्ब, माच्छापुच्छ्रे बैंक र हाइड्रो इलेक्ट्रिसिटी इन्भेष्टमेन्ट डेभलपमेन्ट कम्पनी लिमिटेड (एचआइडिसिएल) ले समान ४ अर्ब–४ अर्ब, प्रभु बैंक, नेपाल पूर्वाधार बैंक लिमिटेड र सिटिजन्स बैंकले समान ३ अर्ब–३ अर्ब र कृषि विकास बैंकले २ अर्ब ५० करोड रुपैयाँ ऋण उपलब्ध गराउनेछन्।
NEPSE TRADING1 min read
Investorअमुदी फुड्स लिमिटेड आईपीओ निष्कासन गर्ने
अमुदी फुड्स लिमिटेड आईपीओ निष्कासन गर्ने शेयर बजारमा नयाँ कम्पनीहरूको आगमन जारी रहँदा अमुदी फुड्स लिमिटेडले सर्वसाधारणका लागि २० लाख कित्ता साधारण शेयर (आईपीओ) निष्कासन गर्ने भएको छ। कम्पनीले प्रतिशेयर १०० रुपैयाँ अंकित मूल्यमा आईपीओ जारी गर्नका लागि ग्लोबल आइएमई क्यापिटल लिमिटेडलाई निष्कासन तथा बिक्री प्रबन्धकमा नियुक्त गरेको छ। यस सम्बन्धी सम्झौता सोमबार ग्लोबल आइएमई क्यापिटलको केन्द्रीय कार्यालय, नक्सालमा सम्पन्न भएको हो। सम्झौतापत्रमा अमुदी फुड्सका अध्यक्ष अच्युत बस्नेत र ग्लोबल आइएमई क्यापिटलका प्रमुख कार्यकारी अधिकृत मन्दीप लुइँटेलले हस्ताक्षर गरेका छन्। अमुदी फुड्सको कर्पोरेट कार्यालय काठमाडौँको कोटेश्वरमा रहेको छ भने यसको उद्योग चितवनको भरतपुरमा अवस्थित छ। कम्पनीले विभिन्न ब्रान्डका स्न्याक्स उत्पादन गर्दै आएको छ र यसमा विभिन्न क्षेत्रका अनुभवी व्यवसायी, उद्योगी तथा शिक्षाविद्हरूको लगानी रहेको छ।
NEPSE TRADING1 min read
Investorतेह्रथुम पावरको अवितरित हकप्रद सेयर लिलाम बिक्रीमा
तेह्रथुम पावरको अवितरित हकप्रद सेयर लिलाम बिक्रीमा तेह्रथुम पावर कम्पनी लिमिटेडले आज साउन २७ गतेदेखि अवितरित हकप्रद सेयर लिलाम प्रक्रियामार्फत बिक्रीमा राखेको छ। कम्पनीले गत असार १६ गतेदेखि साउन ११ गतेसम्म १ बराबर १ अनुपातमा जारी गरेको हकप्रद सेयरमा आवेदन नपरेको ४ लाख १८ हजार ७३८ कित्ता सर्वसाधारण समूहका सेयर लिलाम बिक्री गर्न लागेको हो। लिलाम सेयर खरिदका लागि लगानीकर्ताले आजदेखि भदौ ३ गतेसम्म शिलबन्दी बोलपत्र पेस गर्नुपर्नेछ। यस सेयरको न्यूनतम मूल्य १०० रुपैयाँ तोकिएको छ। लगानीकर्ताले सो वा सोभन्दा बढी मूल्य अंकित गरी बोलपत्र पेश गर्न सक्नेछन्। न्यूनतम १०० कित्ताका लागि मात्र आवेदन दिनुपर्नेछ भने अधिकतम कित्तामा कुनै सीमा तोकिएको छैन। यस लिलामको सेयर निष्कासन तथा बिक्री प्रबन्धक नबिल इन्भेष्टमेन्ट बैंकिङ लिमिटेड रहेको छ। इच्छुक लगानीकर्ताले बिक्री प्रबन्धकका साथै नबिल बैंकका विराटनगर, बिर्तामोड, विरगञ्ज, हेटौँडा, जावलाखेल, सूर्यविनायक, पोखरा, बुटवल, नेपालगञ्ज, सुर्खेत र धनगढी शाखा कार्यालयमार्फत आवेदन दिन सक्नेछन्।
NEPSE TRADING1 min read
Investorलक्ष्मी सनराइज क्यापिटलका तीन म्युचुअल फन्डको लाभांश वितरणका लागि भदौ ३ गते बुक क्लोज
लक्ष्मी सनराइज क्यापिटलका तीन म्युचुअल फन्डको लाभांश वितरणका लागि भदौ ३ गते बुक क्लोज लक्ष्मी सनराइज क्यापिटल लिमिटेडले सञ्चालन गरेको तीन म्युचुअल फन्डको आर्थिक वर्ष २०८१/८२ का लागि लाभांश वितरणार्थ बुक क्लोज मिति सार्वजनिक गरेको छ। क्यापिटलको सञ्चालक समितिको निर्णयअनुसार लक्ष्मी उन्नति कोष, सनराइज फर्स्ट म्युचुअल फन्ड र सनराइज फोकस्ड इक्विटी फन्डका इकाइधनीलाई लाभांश वितरण गर्न आउँदो भदौ ३ गते बुक क्लोज गरिने भएको हो। यस मितिभन्दा अघिसम्म नाम दर्ता भएका इकाइधनीहरुले मात्र लाभांश पाउनेछन्। घोषित लाभांश दरअनुसार, लक्ष्मी उन्नति कोषले २० प्रतिशत, सनराइज फर्स्ट म्युचुअल फन्डले १४ प्रतिशत र सनराइज फोकस्ड इक्विटी फन्डले १३.५ प्रतिशत नगद लाभांश वितरण गर्नेछ। यसअघि नै लक्ष्मी सनराइज क्यापिटलले सञ्चालन गरेका लक्ष्मी भ्यालु फन्ड–२ र सनराइज ब्लुचिप फन्डको लाभांश घोषणा भइसकेको छ।
NEPSE TRADING1 min read
Investorसिटी होटलको सेयरमूल्य समायोजन, बजार खुल्नेबित्तिकै पोजेटिभ सर्किट
सिटी होटलको सेयरमूल्य समायोजन, बजार खुल्नेबित्तिकै पोजेटिभ सर्किट नेपाल स्टक एक्सचेन्ज (नेप्से) मा आज सिटी होटल लिमिटेडको सेयरमूल्य समायोजन गरिएको छ। कम्पनीले ८० प्रतिशत हकप्रद सेयर निष्कासन प्रयोजनका लागि बुकक्लोज गरेपछि नेप्सेले सेयरमूल्य ५७८ रुपैयाँ ४२ पैसामा समायोजन गरेको हो। अघिल्लो कारोबार दिन सोमबारको अन्तिम मूल्य ९६१ रुपैयाँ १५ पैसाका आधारमा गरिएको समायोजनपछि आज बजार खुल्नेबित्तिकै कम्पनीको सेयरमा पोजेटिभ सर्किट लागेको छ। यससँगै दोस्रो बजारमा कारोबार सुरु भएको हो।
NEPSE TRADING<1 min read
Topचिलिमे हाइड्रोपावरको आम्दानी र नाफा वृद्धि, ईपीएसमा गिरावट
चिलिमे हाइड्रोपावर कम्पनी लिमिटेड (CHCL) को विद्युत बिक्री आम्दानी ०.८१ प्रतिशत बढेर १ अर्ब १२ करोड रुपैयाँ पुगेको छ। समीक्षा अवधिमा खुद नाफा ०.१६ प्रतिशत बढेर ६७ करोड ९५ लाख रुपैयाँ भए पनि प्रतिशेयर आम्दानी ७ रुपैयाँ ७४ पैसामा झरेको छ। कम्पनीको चुक्ता पूँजी ८ अर्ब ७८ करोड रुपैयाँ र रिटेन्ड अर्निङ्ग २ अर्ब ६८ करोड रुपैयाँ रहेको छ।
NEPSE TRADING1 min read
Topनबिल बैंकको वार्षिक नाफा ७ अर्ब १२ करोड पुग्यो, वितरणयोग्य नाफा ४ अर्ब ७७ करोड
नबिल बैंक लिमिटेड (NABIL) ले गत आर्थिक वर्षमा ७ अर्ब १२ करोड रुपैयाँ खुद नाफा कमाएको छ, जुन अघिल्लो वर्षको तुलनामा १५.०१ प्रतिशत बढी हो। खुद ब्याज आम्दानीमा न्यून वृद्धि भए पनि इम्पेरमेन्ट चार्ज घट्दा नाफा बढेको हो। बैंकको वितरणयोग्य नाफा ४ अर्ब ७७ करोड रुपैयाँ र वितरणयोग्य प्रतिशेयर आम्दानी १७ रुपैयाँ ६४ पैसा रहेको छ। प्रतिशेयर आम्दानी २६ रुपैयाँ ३४ पैसा पुगेको छ भने मूल्य आम्दानी अनुपात २०.५५ गुणा र प्रतिशेयर नेटवर्थ २३५ रुपैयाँ ५८ पैसा रहेको छ।
NEPSE TRADING1 min read
Investorएनएमबि बैंकको खुद नाफामा ४६% वृद्धि, इम्पेरमेन्ट चार्ज घट्दा मुनाफामा ठुलो उछाल
एनएमबि बैंकको खुद नाफामा ४६% वृद्धि, इम्पेरमेन्ट चार्ज घट्दा मुनाफामा ठुलो उछाल एनएमबि बैंक लिमिटेड (NMB) ले आर्थिक वर्ष २०८१/८२ को चौथो त्रैमाससम्मको अपरिष्कृत वित्तीय विवरण प्रकाशित गरेको छ, जसअनुसार अघिल्लो वर्षको तुलनामा बैंकको नाफा उल्लेखनीय रूपमा बढेको छ। बैंकले गत वर्ष सोही अवधिमा २ अर्ब २४ करोड रुपैयाँ नाफा कमाएको थियो भने यस वर्ष नाफा ४६.२२% वृद्धि हुँदै ३ अर्ब २८ करोड रुपैयाँ पुगेको छ। यो नाफा वृद्धिको मुख्य कारण बैंकको इम्पेरमेन्ट चार्ज (ऋण नोक्सानी प्रावधान) घट्नु हो। अघिल्लो वर्ष २ अर्ब ३ करोड रुपैयाँ रहेको इम्पेरमेन्ट चार्ज यस वर्ष घटेर ९५ करोड ८ लाख रुपैयाँमा झरेको छ। यसका कारण सञ्चालन मुनाफा र अन्तिम खुद नाफामा ठुलो सुधार देखिएको हो।
NEPSE TRADING2 min read
Topसेयर बजार फेरि ओरालो, उच्च लाभको आशामा खरिद गरेका लगानीकर्ताको पूँजी ‘बालुवामा पानी’, प्रविधिक विश्लेषक भन्छन् – करेक्सन अन्त्यको चरणमा
सेयर बजार फेरि ओरालो, उच्च लाभको आशामा खरिद गरेका लगानीकर्ताको पूँजी ‘बालुवामा पानी’, प्रविधिक विश्लेषक भन्छन् – करेक्सन अन्त्यको चरणमा काठमाडौं, साउन २६ – गत बिहीबार बढेको नेपालको पुँजी बजार सोमबार पुनः ओरालो लागेको छ। चालु आर्थिक वर्षको मौद्रिक नीतिको आडमा केही समय उकालो लागेको बजार पछिल्ला दिनहरूमा लगातार खुम्चिँदै गएको हो। बजारको गिरावटसँगै लगानीकर्ताको मनोबल कमजोर भएको छ। केही साताअघि नेप्से ३,००० बिन्दुमाथि पुगेपछि ३,२०० बिन्दु पार गर्ने आशामा हौसिएका लगानीकर्ताहरू अहिले घाटामा परेका छन्। माफियाको प्रभाव र उच्च लाभको अपेक्षामा शेयर खरिद गरेका धेरैको लगानी ‘बालुवामा पानी’ जस्तै बगिरहेको छ, जसले लगानीकर्तामा असन्तुष्टि बढाएको छ।
NEPSE trading 2 min read
Investorगत आर्थिक वर्षमा ५३ हजार ५७१ व्यक्ति तथा संस्था सीआईसीको कालोसूचीमा
गत आर्थिक वर्षमा ५३ हजार ५७१ व्यक्ति तथा संस्था सीआईसीको कालोसूचीमा आर्थिक वर्ष २०८१/८२ मा कर्जा सूचना केन्द्र (सीआईसी)को कालोसूचीमा पर्ने व्यक्तिहरू तथा संस्थाको संख्या ५३ हजार ५७१ पुगेको छ। यो अघिल्लो वर्षको तुलनामा २.४२ प्रतिशत अर्थात् १ हजार २६८ ले बढी हो। आर्थिक वर्ष २०८०/८१ मा ५२ हजार ३०३ व्यक्ति तथा संस्था कालोसूचीमा परेका थिए। सीआईसीका प्रवक्ता विजय कुँवरका अनुसार अघिल्ला वर्षहरूमा कालोसूचीमा पर्नेको संख्या तीव्र गतिमा बढे पनि गत वर्षको वृद्धि दर भने न्यून रह्यो। पछिल्ला पाँच वर्षको तथ्यांक हेर्दा भने यो संख्या ७२२.३९ प्रतिशतले बढेको छ। आर्थिक वर्ष २०७७/७८ मा कालोसूचीमा पर्ने संख्या ६ हजार ५१४ मात्र रहेकोमा २०७८/७९ मा १५ हजार ९९५, २०७९/८० मा ३४ हजार ८१, २०८०/८१ मा ५२ हजार ३०३ र २०८१/८२ मा ५३ हजार ५७१ पुगेको छ।
NEPSE trading 1 min read
Investorव्यक्तिगत आवास निर्माण कर्जामा २४ अर्बभन्दा बढीको वृद्धि
व्यक्तिगत आवास निर्माण कर्जामा २४ अर्बभन्दा बढीको वृद्धि व्यक्तिगत आवास निर्माणमा हालसालै तीव्र वृद्धि देखिँदा यससँग सम्बन्धित कर्जा प्रवाहमा समेत उल्लेखनीय वृद्धि भएको छ। आर्थिक वर्ष २०८१/८२ को जेठ मसान्तसम्म बैंक तथा वित्तीय संस्थाहरूले व्यक्तिगत आवास निर्माणका लागि २४ अर्ब ६३ करोड ३० लाख रुपैयाँभन्दा बढी कर्जा प्रवाह गरेका छन्, जुन गत आवको तुलनामा ठूलो वृद्धि हो। नेपाल राष्ट्र बैंकका अनुसार, ५४ वटा वाणिज्य बैंक, विकास बैंक र फाइनान्स कम्पनीहरूले घर निर्माणका लागि कुल ४ खर्ब १० अर्ब ४ करोड ५० लाख रुपैयाँ कर्जा उपलब्ध गराएका छन्। यो अघिल्लो वर्षको सोही अवधिभन्दा करिब २४ अर्ब रुपैयाँ बढी हो।
NEPSE trading 1 min read
Stockनेरुडे माइक्रोफाइनान्सको चौथो त्रैमासमा १९.६६ करोड नाफा, EPS १८.१७, NPL ११.३२%
नेरुडे माइक्रोफाइनान्सले आर्थिक वर्ष २०८१/८२ को चौथो त्रैमासमा १९ करोड ६६ लाख रुपैयाँ नाफा कमाएको छ, जुन अघिल्लो वर्षको २५ करोड ४१ लाख रुपैयाँको तुलनामा घटेको हो। कुल सम्पत्ति २१ अर्ब ७७ करोड रुपैयाँ, निक्षेप ६ अर्ब ५० करोड रुपैयाँ, र कर्जा लगानी २० अर्ब १३ करोड रुपैयाँ पुगेको छ। EPS १८.१७ रुपैयाँ, NPL ११.३२% र आधारदर १३.१५% रहेको छ।
NEPSE TRADING1 min read
Investorमाथिल्लो मस्र्याङ्दी–ए जलविद्युत आयोजनाबाट ३ अर्ब युनिटभन्दा बढी विद्युत् उत्पादन
लमजुङको मस्र्याङ्दी गाउँपालिका–८, भुलभुलेस्थित ५० मेगावाट क्षमताको माथिल्लो मस्र्याङ्दी–ए जलविद्युत आयोजनाले शुक्रबार साँझसम्ममा ३ अर्ब युनिट (किलोवाट–घण्टा) भन्दा बढी विद्युत् उत्पादन गरी राष्ट्रिय प्रसारण प्रणालीमा आपूर्ति गरेको छ। चीनको बहुराष्ट्रिय कम्पनी सिनो हाइड्रोपावर कम्पनीको ९० प्रतिशत र नेपाली सगरमाथा पावर कम्पनीको १० प्रतिशत लगानीमा सन् २०१३ बाट निर्माण थालिएको यस आयोजना सन् २०१६ सेप्टेम्बरमा सम्पन्न भई २०१७ जनवरी १ देखि व्यावसायिक उत्पादनमा आएको हो। आयोजना निर्माणका लागि करिब १६ अर्ब रुपैयाँ लागत लागेको थियो।
NEPSE trading 1 min read
Topसिक्लेस हाइड्रोपावरको १५.७८ प्रतिशत लाभांश घोषणा, १ः१ हकप्रद शेयर जारी गर्ने तयारी
सिक्लेस हाइड्रोपावरको १५.७८ प्रतिशत लाभांश घोषणा, १ः१ हकप्रद शेयर जारी गर्ने तयारी सिक्लेस हाइड्रोपावर लिमिटेडले हाल कायम चुक्ता पूँजीको १५.७८ प्रतिशत लाभांश वितरण गर्ने घोषणा गरेको छ। कम्पनी सचिव निराजन महर्जनका अनुसार, हिजो साँझ बसेको सञ्चालक समितिको बैठकले आर्थिक वर्ष २०८०/८१ र २०८१/८२ को सञ्चित नाफाबाट १५ प्रतिशत बोनस शेयर र कर प्रयोजनका लागि ०.७८९ प्रतिशत नगद लाभांश वितरण गर्ने प्रस्ताव पारित गरेको हो। कम्पनीले लाभांश वितरणपछि कायम हुने चुक्ता पूँजीमा १ः१ अनुपातमा हकप्रद शेयर निष्काशन गर्ने तयारीसमेत गरेको छ। अन्य आयोजना निर्माण तथा विस्तारमा लगानी गर्नका लागि हुने यस हकप्रद निष्काशनका लागि विद्युत नियमन आयोगबाट पूर्व स्वीकृति लिएपछि आगामी साधारण सभामा प्रस्ताव पेश गरिने कम्पनीले जनाएको छ।
NEPSE trading 1 min read
Investorदाउन्ने एग्रो फार्मको वार्षिक अण्डा उत्पादन ११ करोड नाघ्यो, आईपीओ प्रक्रियामा प्रवेश
दाउन्ने एग्रो फार्मको वार्षिक अण्डा उत्पादन ११ करोड नाघ्यो, आईपीओ प्रक्रियामा प्रवेश आईपीओ जारी गर्ने तयारीमा रहेको दाउन्ने एग्रो फार्म लिमिटेडले गत आर्थिक वर्षमा रु ११ करोड ११ लाख ४२ हजार मूल्यबराबरको अण्डा उत्पादन गरेको छ। कम्पनीले एक वर्षमा पाँच लाख २९ हजार २५० पेटी अण्डा उत्पादन गरी बिक्री गरेको हो। कम्पनीका अध्यक्ष विनोद पोखरेलका अनुसार हाल दैनिक एक हजार ४५० पेटी अण्डा उत्पादन हुँदै आएको छ।
NEPSE trading 1 min read
Topसानिमा बैंकको नाफा बढ्यो, वित्तीय सूचकमा मिश्रित परिणाम
सानिमा बैंक लिमिटेडले आर्थिक वर्ष २०८१/८२ को चौथो त्रैमाससम्म २ अर्ब ५७ करोड रुपैयाँ खुद नाफा आर्जन गरेको छ, जुन अघिल्लो वर्षको तुलनामा ७.२५ प्रतिशतले बढी हो। खुद ब्याज आम्दानी २.८२ प्रतिशतले बढेर ६ अर्ब ३५ करोड रुपैयाँ पुगेको छ भने सञ्चालन मुनाफा २.९७ प्रतिशतले बढेर ३ अर्ब ५७ करोड रुपैयाँ भएको छ। इम्पेरमेन्ट चार्ज बढेर १ अर्ब ८८ करोड रुपैयाँ पुगेको छ। बैंकको NPL ३.०१ प्रतिशत, EPS १८.९३ रुपैयाँ, नेटवर्थ १६८.८३ रुपैयाँ र P/E अनुपात १९.८० गुणा रहेको छ ।
NEPSE TRADING1 min read
Topबुङ्गल हाइड्रोको आयोजना प्रभावित क्षेत्रका लागि आईपीओमा आवेदन दिने आज अन्तिम दिन
बुङ्गल हाइड्रो लिमिटेडले आयोजना प्रभावित क्षेत्रका बासिन्दाका लागि असार २९ गतेदेखि निष्काशन गरेको आईपीओमा आवेदन दिने आज अन्तिम दिन हो। कुल ८३ करोड रुपैयाँको जारी पूँजीमध्ये ३५ प्रतिशत अर्थात २९ लाख ५ हजार कित्ता शेयरमध्ये ८ लाख ३० हजार ८२४ कित्ता शेयर प्रतिकित्ता १०० रुपैयाँ दरमा स्थानीय बासिन्दाका लागि छुट्याइएको छ। यसमध्ये ६५ प्रतिशत अति प्रभावित क्षेत्रका र ३५ प्रतिशत सामान्य प्रभावित क्षेत्रका बासिन्दालाई वितरण गरिनेछ। न्यूनतम १० र अधिकतम २० हजार कित्तासम्म आवेदन दिन सकिनेछ। केयर रेटिङ नेपालले यस आईपीओलाई ‘CARE-NP Single B’ रेटिङ प्रदान गरेको छ। कम्पनीको १०.७० मेगावाटको माथिल्लो सानिगाड जलविद्युत आयोजना करिब ३ अर्ब २ करोड रुपैयाँ लागतमा बनेको हो।
NEPSE TRADING1 min read
