Top News
Stay informed and invest with latest NEPSE news and analysis.
एभरेष्ट बैंक लिमिटेडले आर्थिक वर्ष २०८१/८२ को चौथो त्रैमासमा ४ अर्ब ९१ करोड रुपैयाँ नाफा कमाएको छ, जुन अघिल्लो वर्षको तुलनामा ३२.८१% बढी हो। खुद ब्याज आम्दानी ९ अर्ब १२ करोड रुपैयाँ र सञ्चालन मुनाफा ७ अर्ब ४५ करोड रुपैयाँ पुगेको छ। प्रतिशेयर आम्दानी (EPS) ३७ रुपैयाँ ९९ पैसा पुगेको छ भने खराब कर्जा अनुपात ०.३८% मा झरेको छ।
भन्सार शुल्क वृद्धिका कारण डब्लुटिओले २०२६ को विश्व व्यापार वृद्धिदर घटायो विश्व व्यापार संगठन (डब्लुटिओ) ले सन् २०२६ का लागि विश्व वस्तु व्यापार (मर्चेन्डाइज ट्रेड) वृद्धिदरको पूर्वानुमान घटाएर १.८ प्रतिशतमा झारेको छ, जुन यसअघि २.५ प्रतिशत हुने अनुमान गरिएको थियो। डब्लुटिओले यस गिरावटको प्रमुख कारणका रूपमा अमेरिकाले भन्सार शुल्क वृद्धि गरेको नीतिलाई औंल्याएको छ। शुक्रबार सार्वजनिक गरिएको पछिल्लो व्यापार पूर्वानुमानमा डब्लुटिओले अमेरिकाले अगस्ट ७ देखि लागू गरेको ‘पारस्परिक भन्सार दर’ ले न केवल अमेरिकी आयात घटाउने, तर साझेदार मुलुकहरूको निर्यातमा समेत गम्भीर असर पार्ने चेतावनी दिएको छ। यो असर सन् २०२५ को दोस्रो छमाहीदेखि २०२६ सम्म झनै गहिरिने अनुमान गरिएको छ। सोही कारण डब्लुटिओले सन् २०२५ का लागि पनि व्यापार वृद्धिदरको अनुमान घटाउँदै ०.९ प्रतिशतमा झारेको छ, जुन यसअघि अप्रिलमा २ प्रतिशत हुने अनुमान गरिएको थियो। हालको अनुमान भन्सार नबढाउने अवस्थामा हुने २.७ प्रतिशतको वृद्धिदरभन्दा निकै कम हो। यो आंशिक रूपमा अमेरिकाबाट भइरहेको अग्रिम आयात (फ्रन्टलोडिङ) को असर भएको जनाइएको छ।
यस वर्षको लाभांश घोषणाले, बजारमा देखिएका विभिन्न चुनौतीहरूका बाबजुद, केही कम्पनीहरूले उत्कृष्ट प्रदर्शन गरेको प्रमाणित गरेको छ। विशेषगरी, युनिलिभर नेपालको रेकर्ड तोड्ने लाभांश वितरणले लगानीकर्ताहरूको आत्मविश्वासमा वृद्धि गर्ने र पूँजी बजारमा नयाँ लगानी भित्र्याउने अपेक्षा गरिएको छ।
मेरोमाइक्रोफाइनान्सको नाफा ४५.७% ले बढ्यो, EPS, नेटवर्थ र पूँजी कोषमा उल्लेखनीय सुधार मेरोमाइक्रोफाइनान्स लघुवित्त वित्तीय संस्था लिमिटेडले आर्थिक वर्ष २०८१/८२ को चौथो त्रैमाससम्मको अप्रतिक्षित नतिजा सार्वजनिक गर्दै बजारलाई सकारात्मक संकेत दिएको छ। यस अवधिमा कम्पनीले २१ करोड २४ लाख रुपैयाँ खुद नाफा कमाउन सफल भएको छ, जुन अघिल्लो वर्षको सोही अवधिको १४ करोड ५७ लाख रुपैयाँ नाफाको तुलनामा ४५.७१ प्रतिशत को वृद्धिदर हो। यो नाफा वृद्धिको मुख्य कारण ब्याज आम्दानी, शुल्क आम्दानी र सञ्चालन लागतको प्रभावकारी व्यवस्थापन हो। विगतको तुलनामा संस्थाले आफ्नो आयको स्रोतलाई विस्तार गर्ने प्रयास गरेको देखिन्छ।
नेप्सेमा दोहोरो अंकको सुधार, तर लगानीकर्तामा अझै अन्योलता नेप्से १८.३० अंकले बढ्यो, कारोबार रकम पनि उकालो, तर बजारप्रति लगानीकर्ताको विश्वास झन् घट्दै नेपाली शेयर बजारमा आज दोहोरो अंकको सुधार देखिए पनि लगानीकर्ताबीच अझै अन्योलता कायमै छ। खुद्रा लगानीकर्ताहरू लामो समयदेखि गिरावट र साइडवेज ट्रेन्ड खेपिरहेका छन्, जसका कारण बजारप्रति उनीहरूको आत्मविश्वास अझै फर्किएको छैन। आजको कारोबारमा नेप्से परिसूचक १८.३० अंकले वृद्धि भई २८५०.३७ विन्दुमा बन्द भएको छ। सुधारको संकेत देखिए पनि लगानीकर्ताको प्रतिक्रिया अझै सतर्क छ। बजारमा सुधार देखिए पनि संस्थागत तथा ठूला लगानीकर्ताले आक्रामक ढंगले प्रवेश नगरेको विश्लेषण भइरहेको छ। विश्लेषकहरूका अनुसार बजार ३ हजार विन्दु पुगेपछि फेरी २८ सयको स्तरमा झरेको हो। अहिले धेरै लगानीकर्ता साइडवेज ट्रेन्ड कायम रहने आँकलन गर्दै होल्डमै बसेका छन्। केही विश्लेषकले २७८०–२८०० लेबललाई बलियो समर्थन मानेका छन् र बजार त्यस तल नझर्ने विश्वास व्यक्त गरेका छन्। तर, सामाजिक सञ्जालमा खुद्रा लगानीकर्ताले भने बजारप्रति विश्वास गुम्दै गएको उल्लेख गरेका छन्। लगातारको ओरालो र साइडवेज ट्रेन्डले थकित बनाएका लगानीकर्ताहरू अब बजारमा पुनः विश्वास लिन समय लाग्ने तर्क गरिरहेका छन्। साथै, ब्रोकरहरूले दिँदै आएको उधारो कारोबार र त्यसको फोर्स रिकभरीले बजारमा पुनः दबाव बनाएको विश्लेषण गरिएको छ।
सिजनमै सुस्तायो बजार ! साउन–भदौको सिजनमा कारोबार सुस्त, नेप्से सामान्य अंकले घट्यो, लघुवित्त समूह चम्कियो, विन नेपाल र ट्रेड टावर सर्किटमा सामान्यतया साउन–भदौको समयलाई शेयर बजारको “सिजन” मानिन्छ । यस अवधिमा विगतमा कारोबार उच्च, सूचकहरू हरियो, लगानीकर्ता सक्रिय हुने गरेका थिए । तर, आर्थिक वर्ष २०८१/८२ मा भने यो सिजनको सुरुवातमै बजार सुस्त देखिएको छ । मौद्रिक नीति सार्वजनिक भएपछिको दुई साता बजारमा उत्साह देखिए पनि पछिल्ला ८ कारोबार दिनदेखि कारोबार रकम लगातार घट्दै गएको छ । यसले लगानीकर्ताको मनोबल कमजोर बनाएको छ ।
स्वस्तिक लघुवित्त वित्तीय संस्था लिमिटेडले साउन ३० गतेदेखि सर्वसाधारणका लागि आईपीओ निष्काशन गर्न लागेको छ। लघुवित्तले १ लाख ९५ हजार १९५ कित्ता शेयर निष्काशन गर्दैछ, जसको मूल्य १ करोड ९५ लाख रुपैयाँभन्दा बढी हुनेछ। आईपीओमा न्यूनतम १० कित्ता र अधिकतम ५ हजार कित्तासम्म आवेदन दिन सकिनेछ। निष्काशन छिटोमा भदौ ३ र ढिलोमा भदौ १३ गतेसम्म खुला रहनेछ। यस आईपीओलाई इक्रा नेपालले ‘इक्राएनपी बी एटदरेट’ रेटिङ्ग दिएको छ। निष्काशन तथा बिक्री प्रबन्धक नबिल इन्भेष्टमेन्ट बैंकिङ्ग लिमिटेड रहेको छ।
करेक्शन फेज कि नयाँ गिरावटको सुरुवात? बजारमा लगानीकर्ता अन्योलमा नेपाल स्टक एक्सचेञ्ज (नेप्से) मा सूचीकृत अधिकांश कम्पनीहरूले चौथो त्रैमासको वित्तीय विवरण सकारात्मक रूपमा सार्वजनिक गरिरहेका छन्। नाफा, प्रतिशेयर आम्दानी (EPS), सञ्चालन आम्दानी लगायतका वित्तीय सूचकहरूमा उल्लेखनीय सुधार देखिए पनि बजार भने त्यसको विपरीत दिशातर्फ उन्मुख भएको छ। मंगलबारको कारोबारमा नेप्से परिसूचक ४१.७८ अंकले घटेर २८३३.५७ विन्दुमा झरेको छ। लगानीकर्ताको मनोबलमा गहिरो असर पारेको यो गिरावटलाई धेरैले ‘करेक्शन फेज’ का रूपमा लिएका छन् भने केही विश्लेषकहरू यसलाई नयाँ डाउनट्रेंडको सुरुवातको संकेत मानेर चेतावनी दिइरहेका छन्।
साउन २० गते, मंगलबार सुनको मूल्य लगातार तेस्रो दिन बढ्दै प्रतितोला १ लाख ९८ हजार ५०० रुपैयाँ पुगेको छ। अघिल्लो दिनको तुलनामा यो १ हजार ९०० रुपैयाँले बढी हो। चाँदीको भाउ पनि २५ रुपैयाँले बढेर २ हजार २८० रुपैयाँमा कारोबार भइरहेको छ।
गणपति लघुवित्त वित्तीय संस्था लिमिटेड (GMFBS) ले गत आर्थिक वर्षको अन्त्यसम्ममा १७९.५१% ले नाफा वृद्धि गर्दै ४ करोड २५ लाख रुपैयाँ खुद नाफा कमाएको छ। सञ्चालन मुनाफा १६८.२७% ले बढेको छ भने EPS २८ रुपैयाँ ४ पैसा पुगेको छ। कुल सञ्चालन आम्दानी ४२.२६% ले वृद्धि भएको छ। ब्याज आम्दानी ४१.७१% ले बढ्दा फि आम्दानी भने ८६.५७% ले घटेको छ। कम्पनीको वितरणयोग्य नाफा २ करोड ६४ लाख र प्रति सेयर नेटवर्थ १७७ रुपैयाँ ४५ पैसा रहेको छ। निक्षेप २ अर्ब २७ करोड र कर्जा लगानी २ अर्ब २९ करोड पुगेको छ।
Today (August 5, 2025) is the final day to apply for Bandipur Cable Car & Tourism Ltd's IPO, opened for locals from project-affected areas. The company is issuing 566,000 shares at Rs. 100 each. Applications can be made for a minimum of 10 and up to 20,000 shares. Only residents from designated wards of Tanahun and Gorkha districts are eligible. The issue has received a "CARE-NP BB" rating, indicating moderate credit risk. The project’s estimated cost is Rs. 3.85 billion.
नेप्सेमा सुधारको संकेत : तीन दिनको गिरावटपछि बजारमा आशा पलायो, डोजी क्यान्डल बनेपछि ‘बुलिश रिभर्सल’ को सम्भावना पछिल्लो तीन दिनको लगातार गिरावटपछि सोमबारको कारोबार दिन नेप्से परिसूचकले दोहोरो अंकको सुधार देखाएको छ। साउन १३ गते ३०२० विन्दु छोएको बजार त्यसपछिका तीन दिन १४३ अंकले घटेर आइतबार २८५८.९० विन्दुसम्म झरेको थियो। सोमबार भने बजार १६.४६ अंकले उकालो लाग्दै २८७५.३६ विन्दुमा बन्द भएको छ। विश्लेषकहरूका अनुसार, बजारको यो गिरावट सामान्य ‘करेक्शन’ चरणको हिस्सा मात्र थियो। अल्पकालीन लगानीकर्ताहरूको मुनाफा बुकिङ र ३००० विन्दुलाई प्राविधिक प्रतिरोध मानिएकोले बिक्री चाप बढ्दा बजार ओरालो लागेको हो। सोमबारको सुधारले भने बजार फेरि लयमा फर्कन सक्ने सम्भावनाको संकेत दिएको छ। यद्यपि बजार बढेको भए पनि सोमबारको कारोबार रकम घटेको छ। आइतबार १३ अर्ब ७ करोड बराबरको कारोबार भएको थियो भने सोमबार १० अर्ब ९२ करोड रुपैयाँमा सीमित भएको छ। १३ उपसमूहमध्ये ७ उपसमूह हरियो रहे भने ६ उपसमूह रातो रहन पुगेका छन्, जसले बजारमा केही सन्तुलन देखाएको छ।
आशा लघुवित्त वित्तीय संस्था लिमिटेडले असार २०८२ मा सम्पन्न आर्थिक वर्षमा अत्यधिक सुधारिएको वित्तीय प्रदर्शन देखाएको छ। कम्पनीको खुद नाफा अघिल्लो वर्षको ६ करोड ८९ लाख रुपैयाँबाट २० करोड ९२ लाख रुपैयाँमा पुगेर २४८.२८ प्रतिशतले बढेको छ। यो वृद्धिको प्रमुख कारण ६७.४७ प्रतिशतले बढेको खुद ब्याज आम्दानी हो, जुन हाल ७३ करोड ८८ लाख रुपैयाँ पुगेको छ। साथै, सञ्चालन नाफा २५५.३६ प्रतिशतले बढ्दा कुल सञ्चालन आम्दानी पनि ५०.०५ प्रतिशतले वृद्धि भई ८९ करोड २० लाख रुपैयाँमा पुगेको छ। यी सबै तथ्यांकले कम्पनीको सञ्चालन क्षमता र नाफा कमाउने क्षमतामा उल्लेखनीय मजबुती आएको संकेत गर्छ।
सिंगटी हाइड्रो इनर्जीले २०८१/८२ मा १४ करोड ९९ लाख रुपैयाँ नाफा कमाएको छ, अघिल्लो वर्षको ६ करोड ९२ लाख घाटाबाट उक्लिँदै। विद्युत् बिक्री ८ करोड ३० लाखबाट बढेर ६८ करोड ७१ लाख पुगेको छ। ब्याज तिर्न २६ करोड ७३ लाख खर्च भए पनि कम्पनीले ५ रुपैयाँ १७ पैसा EPS र १०९ रुपैयाँ ५३ पैसा नेटवर्थ कायम गरेको छ।
बरुण हाइड्रोपावरको हकप्रद सेयरमा आवेदन दिने समय भदौ ३ गतेसम्म लम्बियो बरुण हाइड्रोपावर कम्पनी लिमिटेडको १:१ अनुपातमा बिक्री खुला गरिएको हकप्रद सेयरमा आवेदन दिने म्याद लम्बिएको छ। कम्पनीले असार ३१ गतेदेखि बिक्री खुला गरेको हकप्रद सेयरमा अब लगानीकर्ताहरूले भदौ ३ गतेसम्म आवेदन दिन सक्ने भएका छन्। कम्पनीले ५३ करोड ५८ लाख १५ हजार रुपैयाँ बराबरको ५३ लाख ५८ हजार १५० कित्ता हकप्रद सेयर जारी गरेको हो। प्रति सेयर १०० रुपैयाँ अंकित मूल्यमा १ कित्ता बराबर नयाँ १ कित्ता (१००%) को अनुपातमा हकप्रद सेयर निष्काशन गरिएको हो। हकप्रद सेयर बाँडफाँट भएपछि कम्पनीको चुक्ता पुँजी १ अर्ब ७ करोड १६ लाख ३० हजार रुपैयाँ पुग्नेछ। यस हकप्रद सेयर निष्काशनका लागि कम्पनीले जेठ २२ गते बुकक्लोज गरेको थियो। त्यसअनुसार जेठ २१ गतेसम्म नेपाल स्टक एक्सचेञ्ज (नेप्से) मा कारोबार भई कायम रहेका सेयरधनीहरूले मात्र आवेदन दिन पाउने छन्।
माबिलुङ इनर्जी लिमिटेडको आईपीओ : साउन २६ गतेदेखि साउन २९ गतेसम्म आवेदन दिन सकिने काठमाडौं । माबिलुङ इनर्जी लिमिटेडले सर्वसाधारणका लागि साउन २६ गतेदेखि साधारण शेयर (आईपीओ) निष्काशन तथा बिक्री खुला गर्ने भएको छ। कम्पनीले प्रतिकित्ता १०० रुपैयाँ दरका १२ लाख ४८ हजार ९०४ कित्ता शेयर निष्काशन गर्न लागेको हो। यसअघि कम्पनीले आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपाली नागरिकहरूका लागि आईपीओ निष्काशन गरी बाँडफाँड गरिसकेको छ। नेपाल धितोपत्र बोर्ड (सेबोन) बाट प्राप्त स्वीकृति अनुसार कम्पनीले ३८ करोड ५८ लाख २४ हजार रुपैयाँ बराबरको जारी पूँजीमध्ये ४८.९९९८ प्रतिशत अर्थात १८ करोड ९० लाख ५३ हजार रुपैयाँ बराबरको १८ लाख ९० हजार ५३० कित्ता शेयर निष्काशन गर्न पाउने अनुमति प्राप्त गरेको थियो।
दरमखोला हाइड्रोको आईपीओमा आवेदन दिने आज अन्तिम दिन काठमाडौं । दरमखोला हाइड्रो इनर्जी लिमिटेडले साउन १५ गतेदेखि निष्काशन तथा बिक्री खुला गरेको साधारण शेयर (आईपीओ) मा आवेदन दिन आज साउन १९ गते आइतबार अन्तिम दिन रहेको छ। कम्पनीले आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरूका लागि प्राथमिक चरणमा आईपीओ निष्काशन गरिसकेपछि अब दोस्रो चरणमा सर्वसाधारण लगानीकर्ताका लागि २४ लाख २३ हजार १८५ कित्ता साधारण शेयर निष्काशन गरेको हो। यो शेयर कम्पनीको १ अर्ब ३ करोड ५ लाख रुपैयाँको जारी पूँजीको ३८.३३ प्रतिशत हो। यसमध्ये १० लाख ३० हजार ५०० कित्ता आयोजना प्रभावित स्थानीयहरूका लागि र २ लाख ९१ हजार ९५० कित्ता वैदेशिक रोजगारीमा रहेका नेपालीका लागि निष्काशन गरिसकिएको छ। त्यस्तै, कम्पनीका कर्मचारीहरूका लागि ५८ हजार ३९० कित्ता र सामूहिक लगानी कोषका लागि १ लाख ४५ हजार ९७५ कित्ता शेयर छुट्याई बाँडफाँट गरिसकिएको छ।
कर्णाली विकास बैंकमा ३ अर्ब ३८ करोड रुपैयाँ अपचलनको सनसनीखेज खुलासा काठमाडौं । कर्णाली विकास बैंकमा ३ अर्ब ३८ करोड रुपैयाँभन्दा बढी रकम अपचलन भएको तथ्य सार्वजनिक भएको छ। केन्द्रीय अनुसन्धान ब्यूरो (CIB) द्वारा गरिएको अनुसन्धानमा बैंकका कर्मचारी तथा सञ्चालकहरूमै संलग्न रही विभिन्न बहानामा बैंकको रकम अपचलन गरिएको प्रमाणित भएको छ। अनुसन्धानका अनुसार अन्य बैंकबाट ल्याइएको नगद रकम बैंकको प्रणालीमै नचढाई सिधै अपचलन गरिएको देखिएको छ। चेक तथा भौचर कारोबारमा संलग्न १७ जनाका माध्यमबाट मात्र १ अर्ब ११ करोड ९१ लाख रुपैयाँ अपचलन भएको छ। त्यस्तै, विभिन्न बैंकमा जम्मा गर्ने भनिएको १५ करोड ३० लाख रुपैयाँ कहीँ कतै नजम्मा भई हराएको छ। रेमिट कारोबारमार्फत १ करोड ७८ लाख रुपैयाँ कर्मचारीको व्यक्तिगत खातामा जम्मा गरेर हिनामिना गरिएको छ।
