Top News
Stay informed and invest with latest NEPSE news and analysis.
नेपाल बैंकको नाफा आकस्मिक रूपमा बढ्यो, मुख्य कारण अघिल्लो वर्षको तथ्यांक संशोधन नेपाल बैंक लिमिटेड (NBL) ले आर्थिक वर्ष २०८१/८२ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ । विवरणअनुसार बैंकको खुद नाफा उल्लेख्य रूपमा बढेपनि यो वृद्धिको मुख्य कारण अघिल्लो वर्षको तथ्यांक संशोधन हो । साथै, बैंकको मूल बैंकिङ सञ्चालन आम्दानीमा पनि सशक्त वृद्धि देखिएको छ ।
नेपाल एसबीआई बैंकको नाफा घट्यो तर सञ्चालन आयमा वृद्धि नेपाल एसबीआई बैंक लिमिटेड (SBI) ले आर्थिक वर्ष २०८१/८२ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ । विवरण अनुसार निक्षेप, कर्जा तथा मूल आम्दानीमा वृद्धि भए पनि नाफा भने उच्च इम्पेरमेन्ट चार्ज (प्रावधान)का कारण घटेको छ ।
एसियन थाइ फुड्स र हिमालयन सेक्युरिटीज बैंकरबीच आइपिओ व्यवस्थापन सम्झौता नुडल्स र स्न्याक्सका अग्रणी निर्माता तथा निर्यातकर्ता एसियन थाइ फुड्स लिमिटेडले आफ्नो आगामी प्रारम्भिक सार्वजनिक निष्कासन (आइपिओ) को निष्कासन प्रबन्धकका रूपमा हिमालयन सेक्युरिटीज बैंकर लिमिटेडलाई चयन गर्दै रणनीतिक सम्झौता गरेको छ। बिहीबार सम्पन्न कार्यक्रममा सम्झौतामा एसियन थाइ फुड्सका अध्यक्ष शिवरतन शारडा र हिमालयन सेक्युरिटीज बैंकरका प्रमुख कार्यकारी अधिकृत सुभास बहादुर श्रेष्ठले हस्ताक्षर गरेका हुन्। उक्त अवसरमा एसियन थाइ फुड्सका प्रबन्ध निर्देशक महेश जाजु, कार्यकारी निर्देशक राधेश्याम शारडा, निर्देशक आशिष जाजु तथा हिमालयन सेक्युरिटीजका नायब महाप्रबन्धक शंकर राजवाहकको उपस्थितिमा सम्झौता सम्पन्न भएको हो। कम्पनीले यो साझेदारीले पुँजी बजारमा प्रवेश गर्दै व्यवसाय विस्तारमा महत्वपूर्ण योगदान पुर्याउने विश्वास व्यक्त गरेको छ। विराटनगर र तौलिहवास्थित अत्याधुनिक उत्पादन एकाइहरूमार्फत एसियन थाइ फुड्सले आफ्ना रमपम, टु पिएम र प्रिती ब्रान्डका उत्पादनहरू ३० भन्दा बढी देशहरूमा निर्यात गर्दै आएको छ।
नेप्सेमा लगातार गिरावट, कारोबार रकममा समेत कमी, आरएसआई ४२ अंक आसपास, बजारको अन्तिम समयहरूमा ठूला सप्लाई, ठूला ब्रोकरबाट उच्च खरीद चाप ।। नेपालको शेयर बजार पछिल्ला केही दिनयता लगातार ओरालो लागिरहेको छ। विशेषगरी पछिल्ला तीन कारोबार दिनदेखि नेप्से परिसूचकसँगै कारोबार रकममा पनि गिरावट देखिएको छ, जसले लगानीकर्तामा सतर्कता बढाएको छ। बुधबारको बजारमा नेप्से परिसूचक १०.५० अंकले घटेर २७८५.७४ विन्दुमा झरेको छ । कारोबार रकमको हिसाबले पनि बजारमा सुस्ति देखिएको छ। अघिल्लो कारोबार दिन मंगलबार ६ अर्ब ९१ करोड रुपैयाँबराबरको शेयर किनबेच भएकोमा बुधबार सो रकम घटेर ६ अर्ब १६ करोड १८ लाख ९४ हजार रुपैयाँमा सीमित भएको छ। यो कमीले बजारमा लगानीकर्ताको सहभागिता घटेको संकेत गर्दछ ।
नेपाल धितोपत्र बोर्डको सञ्चालकमा महासंघ उपाध्यक्ष हेमराज ढकाल नियुक्त काठमाडौं — नेपाल उद्योग वाणिज्य महासंघका उपाध्यक्ष हेमराज ढकाललाई नेपाल धितोपत्र बोर्डको सञ्चालकमा नियुक्त गरिएको छ। निजी क्षेत्रको प्रतिनिधित्व गर्दै ढकालले उक्त पद सम्हाल्ने भएका हुन्। बुधबार बोर्डका अध्यक्ष सन्तोष नारायण श्रेष्ठले नवनियुक्त सञ्चालक ढकाललाई शपथ गराएका छन्। बोर्डको नियम अनुसार निजी क्षेत्रको तर्फबाट महासंघको पदाधिकारी तहको व्यक्ति सञ्चालकमा नियुक्त हुने व्यवस्था रहेको छ। सोही प्रावधानअनुसार केही समयदेखि खाली रहेको पदमा ढकाललाई नियुक्त गरिएको हो।
श्रीजनशील लघुवित्त वित्तीय संस्था लिमिटेडले २०८१/८२ आर्थिक वर्षको चौथो त्रैमासमा २ करोड ११ लाख रुपैयाँ खुद नाफा कमाएको छ, जुन अघिल्लो वर्षको १ करोड ३२ लाख घाटाबाट सुधार हो। कुल सम्पत्ति ३० अर्ब ८० लाख रुपैयाँ, निक्षेप ८ अर्ब ४६ लाख रुपैयाँ र ऋण १० अर्ब ६१ लाख रुपैयाँ पुगेको छ। प्रतिशेयर आम्दानी (EPS) १२ रुपैयाँ ८४ पैसा बाट बढेर ४१ रुपैयाँ २५ पैसा पुगेको छ। प्रमुख अनुपातहरूमा पूँजी कोषदेखि जोखिम तौलिएको सम्पत्ति १४.६७%, असुल नहुने कर्जा ५.५६% र बेस रेट १४.४६% रहेका छन्। नाफा वृद्धि खर्च कटौती र जगेडा कोष वृद्धिका कारण भएको हो।
मुक्तिनाथ कृषि कम्पनीको नाफा ३६२% ले बढ्यो, वित्तीय अवस्था उल्लेख्य सुदृढ मुक्तिनाथ कृषि कम्पनी लिमिटेड (MKCL) ले आर्थिक वर्ष २०८१/८२ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ, जसमा अघिल्लो आर्थिक वर्षको तुलनामा उल्लेख्य वित्तीय प्रगति देखिएको छ। कम्पनीको खुद नाफा २१ करोड ७३ लाख रुपैयाँबाट बढेर १० करोड ५ लाख रुपैयाँ पुगेको छ, जसको वृद्धिदर ३६२.४९ प्रतिशत रहेको छ। यो उल्लेख्य नाफा वृद्धि कुल आम्दानी बढ्नु र खर्च घट्नुको संयुक्त प्रभाव हो, यद्यपि सकल नाफा भने केही घटेको छ।
मन्दाकिनी हाइड्रोपावरले हकप्रद सेयर निष्कासन गर्ने मन्दाकिनी हाइड्रोपावर लिमिटेडले करिब ४३ करोड रुपैयाँ बराबरको हकप्रद सेयर निष्कासन गर्ने भएको छ। कम्पनीले यसका लागि विद्युत् नियमन आयोगबाट पूर्व स्वीकृति प्राप्त गरिसकेको छ। कम्पनीका अनुसार, हकप्रद निष्कासनबाट संकलित रकममध्ये २३ करोड ३४ लाख रुपैयाँ ऋण भुक्तानीका लागि प्रयोग गरिनेछ भने बाँकी रकम माथिल्लो सार्दी खोला जलविद्युत् आयोजना निर्माणमा लगानी गरिनेछ। उक्त आयोजनामा कम्पनीको कुल ३५ करोड रुपैयाँ लगानी गर्ने योजना रहेको छ। यद्यपि, आयोजनाको अनुमानित लागत ६५ करोड ९२ लाख रुपैयाँ रहेकोमा हालसम्म ४६ करोड ३३ लाख रुपैयाँ मात्र बैंकमार्फत स्वीकृत भइसकेको कम्पनीले जनाएको छ। अब कम्पनीले नेपाल धितोपत्र बोर्ड (सेबोन) मा हकप्रद सेयर निष्कासनका लागि औपचारिक अनुमति माग्ने प्रक्रिया अघि बढाउनेछ।
माउन्टेन इनर्जी नेपाल लिमिटेडको नाफामा १३३.९५ प्रतिशतको उल्लेख्य वृद्धि माउन्टेन इनर्जी नेपाल लिमिटेड (MENL) ले आर्थिक वर्ष २०८१/८२ मा आफ्नो खुद नाफा १३३.९५ प्रतिशतले बढाएको छ। कम्पनीले आज सार्वजनिक गरेको अपरिष्कृत वित्तीय विवरण अनुसार, समीक्षा अवधिमा कम्पनीले ६२ करोड ९० लाख ७५ हजार रुपैयाँ खुद नाफा कमाएको छ, जुन अघिल्लो आर्थिक वर्षको २६ करोड ८९ लाख रुपैयाँ नाफाभन्दा दोब्बरभन्दा बढी हो।
अपि पावरले दिव्य ज्योति हाइड्रोपावर र मर्स्याङ्गदी बेसी आयोजना एक्वायर गर्यो अपि पावर कम्पनी लिमिटेड (API) ले दिव्य ज्योति हाइड्रोपावर प्रा. लि.लाई आधिकारिक रूपमा एक्वायर गरेको छ। यससँगै दिव्य ज्योति हाइड्रोपावरले प्रबर्द्धन गरिरहेको ५० मेगावाट क्षमताको मर्स्याङ्गदी बेसी जलविद्युत आयोजना पनि अब अपि पावरको स्वामित्वमा पुगेको छ। कम्पनीका अनुसार, दिव्य ज्योति हाइड्रोपावरको आर्थिक तथा प्राविधिक पक्षमा गरिएको मूल्यांकन र छलफलपछि आयोजना निर्माण तथा सञ्चालनका लागि उपयुक्त देखिएपछि सो कम्पनी प्राप्त गर्ने निर्णय गरिएको हो। यससँगै अपि पावरले दिव्य ज्योति हाइड्रोपावरको सम्पूर्ण शेयर खरिद गरी कम्पनीको व्यवस्थापन पूर्ण रूपमा आफ्नो स्वामित्वमा ल्याउने र सञ्चालन गर्ने निर्णय बैठकमार्फत गरिएको छ।
वित्तीय प्रणालीमा तरलताको चाप यथावत, राष्ट्र बैंक आज फेरि २५ अर्ब निक्षेप संकलन गर्दै मुलुकको वित्तीय प्रणालीमा अधिक तरलताको चाप यथावत रहँदा नेपाल राष्ट्र बैंकले चालु आर्थिक वर्ष सुरु भएयता मात्र २ खर्ब ४२ अर्ब ५० करोड रुपैयाँ तरलता प्रशोचन गरिसकेको छ। राष्ट्र बैंकले आज फेरि थप २५ अर्ब रुपैयाँ प्रणालीबाट निकाल्ने भएको छ। बैंक तथा वित्तीय संस्थामा थुप्रिएको अतिरिक्त तरलता व्यवस्थापन गर्न राष्ट्र बैंकले लगातार निक्षेप संकलन गरिरहेको छ। यसपटक २५ दिनको अवधिका लागि २५ अर्ब रुपैयाँ निक्षेप संकलन गर्न लागिएको हो। यो साउन महिनामा मात्र सातौं पटक तरलता प्रशोचनको प्रक्रिया हो। राष्ट्र बैंकका अनुसार अनलाइन बिडिङ प्रणालीमार्फत आज दिउँसो ३ बजे बोलकबोल हुनेछ र आजै निक्षेप खरिद गरिनेछ। इच्छुक आवेदकले न्यूनतम १० करोड रुपैयाँ र बढीमा ५ करोड रुपैयाँका गुणांकमा आवेदन दिन सक्नेछन्। निक्षेपको सावाँ र ब्याज भुक्तानी भदौ २२ गते हुनेछ।
डोल्पाको जगदुल्ला जलविद्युत् आयोजनाको निर्माण सम्झौता, पाँच वर्षभित्र १०६ मेगावाट विद्युत उत्पादन गर्ने लक्ष्य डोल्पास्थित १०६ मेगावाट क्षमताको जगदुल्ला जलविद्युत् आयोजनाको निर्माण प्रक्रिया औपचारिक रूपमा अघि बढेको छ। प्रवर्द्धक कम्पनी जगदुल्ला हाइड्रोपावर कम्पनी लिमिटेड र जेसीई/एएनके जेभीबीच १२ अर्ब १८ करोड रुपैयाँ बराबरको निर्माणसम्बन्धी सम्झौतामा हस्ताक्षर भएसँगै कर्णाली प्रदेशको आर्थिक विकास र समृद्धिका लागि महत्त्वपूर्ण मानिएको आयोजनाले थप गति लिने भएको हो। कम्पनीका प्रमुख कार्यकारी अधिकृत सञ्जय सापकोटाका अनुसार प्रवर्द्धक कम्पनीले २०८१ जेठ २० गते सिभिल तथा हाइड्रोमेकानिकल संरचना निर्माणका लागि बोलपत्र आह्वान गरेको थियो। सम्झौताअनुसार आयोजनामा नबिल बैंकले ४ अर्ब ४० करोड रुपैयाँ लगानी गर्नेछ भने हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआईडीसीएल) र कर्मचारी सञ्चय कोषले समान ४/४ अर्ब रुपैयाँ लगानी गर्नेछन्।
प्रधानमन्त्री ओलीको घोषणा — भारतलाई १ हजार मेगावाट विद्युत निर्यात, ८० अर्बभन्दा बढी आम्दानी हुने प्रधानमन्त्री केपी शर्मा ओलीले नेपालले अब भारतलाई १ हजार मेगावाट विद्युत निर्यात गर्ने घोषणा गरेका छन्। उनले यस निर्यातबाट नेपालले ८० अर्ब २७ करोड रुपैयाँ आम्दानी गर्ने बताएका छन्। प्रधानमन्त्री ओलीका अनुसार भारतसँगको विद्युत व्यापारले नेपालको आर्थिक आयमा ठूलो योगदान पुर्याउनेछ। “हामी भारतलाई एक हजार मेगावाट बिजुली निर्यात गर्दैछौं, जसबाट ८० अर्ब २७ करोड रुपैयाँ आम्दानी हुनेछ,” उनले भने। विद्युत निर्यातको यो योजना नेपालका लागि ऊर्जा क्षेत्रबाट हुने आम्दानीलाई नयाँ उचाइमा पुर्याउने ऐतिहासिक अवसरका रूपमा लिइएको छ।
पुँजीबजारमा संस्थापक र साधारण सेयर छुट्याएर दुईवटा आईजीन नम्बर लागू गर्न लगानीकर्ता संगठनहरूको माग पाँचवटा सेयर लगानीकर्ता संगठनले संस्थापक सेयर र साधारण सेयरलाई छुट्याएर फरक–फरक अन्तर्राष्ट्रिय धितोपत्र पहिचान नम्बर (आईजीन नम्बर) लागू गर्न माग गरेका छन्। नेपाल शेयर बजार लगानीकर्ता संघका अध्यक्ष डा. केशव प्रसाद श्रेष्ठ, नेपाल धितोपत्र लगानीकर्ता संघका महासचिव प्रकाश रजौरे, साधारण लगानीकर्ता संघ नेपालका अध्यक्ष ऋतुजंग जिसी, नेपाल सेयरधनी संघका अध्यक्ष घनश्याम पाण्डे र जनरल इन्भेष्टर एसोसियसनका अध्यक्ष दीपक कार्कीले संयुक्त प्रेस विज्ञप्ति जारी गर्दै यस्तो माग गरेका हुन्।
सागर डिष्टिलरीले वैदेशिक रोजगारीमा रहेका नेपालीका लागि आईपीओ खुला, आजदेखि आवेदन सुरु सागर डिष्टिलरी लिमिटेडले वैदेशिक रोजगारीमा रहेका नेपालीका लागि प्रारम्भिक सार्वजनिक निष्काशन (आईपीओ) आजदेखि बिक्री खुला गरेको छ। कम्पनीले यसअघि जारी पूँजी ७२ करोड ६० लाख रुपैयाँको २० प्रतिशत बराबरको १४ करोड ५२ लाख रुपैयाँ मूल्यका १४ लाख ५२ हजार कित्ता आईपीओ निष्काशन गर्ने अनुमति पाएको थियो। यसअन्तर्गत १० प्रतिशत अर्थात १ करोड ४५ लाख २० हजार रुपैयाँ बराबरको प्रतिशेयर १०० रुपैयाँ अंकित दरका १ लाख ४५ हजार २०० कित्ता सेयर नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा रोजगारी गरिरहेका नेपालीका लागि निष्काशन गरिएको हो।
झापा इनर्जीको आयोजना प्रभावित आईपीओमा आवेदन दिने आज अन्तिम दिन, आयोजना प्रभावित स्थानीयका लागि बिक्री खुला आयोजना प्रभावित स्थानीयका लागि झापा इनर्जीको प्रारम्भिक सार्वजनिक निष्कासन (आईपीओ)मा आवेदन दिने आज अन्तिम दिन हो। कम्पनीले साउन १४ गतेदेखि पहिलो चरणमा आयोजना प्रभावित क्षेत्रका स्थानीय तथा वैदेशिक रोजगारीमा रहेका नेपालीका लागि आईपीओ बिक्री खुला गरेको थियो। वैदेशिक रोजगारीमा रहेका नेपालीका लागि बिक्री अवधि साउन १८ गतेमै सकिएको छ भने स्थानीयले भने आज बैंकिङ समयसम्म आवेदन दिन सक्नेछन्। कम्पनीले जारी पुँजी ३८ करोड १ लाख ९० हजार रुपैयाँको १० प्रतिशत अर्थात ३ करोड ८० लाख १९ हजार रुपैयाँ बराबरको प्रतिशेयर १०० रुपैयाँ दरका ३ लाख ८० हजार १९० कित्ता साधारण शेयर बिक्री खुला गरेको हो। स्थानीयका लागि छुट्याइएको कुल कित्तामध्ये १ लाख ९० हजार ९५ कित्ता सेयर प्रत्यक्ष प्रभावित क्षेत्र — झापा जिल्लाको शिवसताक्षी नगरपालिका–४ मा सौर्य विद्युत आयोजना निर्माण तथा सञ्चालन स्थल र १०० मिटर वरपरको क्षेत्रका बासिन्दामा बाँडफाँट गरिनेछ। बाँकी १ लाख ९० हजार ९५ कित्ता सेयर भने शिवसताक्षी नगरपालिका–४ का अन्य बासिन्दामा बाँडफाँट गरिनेछ।
छिमेक लघुवित्तको संस्थापक सेयर लिलामीमा, न्यूनतम मूल्य ४४५ रुपैयाँ छिमेक लघुवित्त वित्तीय संस्थाले आफ्नो १ लाख कित्ता संस्थापक समूहको सेयर लिलामी प्रक्रियामार्फत बिक्रीमा राखेको छ। यस लिलामीमा संस्थाका संस्थापक सेयरधनीसँगै अन्य जोकोही व्यक्ति, कम्पनी तथा संघसंस्थाले पनि खरिद आवेदन दिन सक्ने व्यवस्था गरिएको छ। सेयरको न्यूनतम मूल्य प्रतिकित्ता ४४५ रुपैयाँ तोकिएको छ। इच्छुक लगानीकर्ताले बोलपत्र पेस गर्दा सो न्यूनतम मूल्य वा सोभन्दा बढी दर प्रस्ताव गर्नुपर्नेछ। साथै, आवेदन गर्दा न्यूनतम १ हजार कित्ता सेयर खरिदका लागि अनिवार्य रूपमा निवेदन दिनुपर्नेछ भने अधिकतममा सम्पूर्ण उपलब्ध कित्ताका लागि प्रस्ताव गर्न सकिनेछ। लगानीकर्ताले भदौ ६ गतेसम्म काठमाडौंको थापाथलीस्थित एनआईसी एसिया क्यापिटलमा बोलपत्र पेस गर्न सक्नेछन्।
ग्लोबल आइएमई बैंकको नाफा १.१०% वृद्धि भई ६ अर्ब २० करोड रुपैयाँ पुगेको छ। इम्पेरमेन्ट चार्ज ३ अर्ब ६१ करोडबाट बढेर ४ अर्ब ३० करोड रुपैयाँ पुगेको छ। खुद ब्याज आम्दानी ०.८५% घट्दा फि तथा कमिशन आम्दानी २०.१२% बढेको छ। EPS १६ रुपैयाँ २८ पैसा, P/E अनुपात १५.९५ र प्रतिशेयर नेटवर्थ १७७ रुपैयाँ ६३ पैसा छ। बैंकको निक्षेप ५ खर्ब ५० अर्ब र कर्जा प्रवाह ४ खर्ब ११ अर्ब रुपैयाँ छ।
शिवम् सिमेन्टको नाफा गत आर्थिक वर्षमा तीन गुणा बढेर ७९ करोड ४१ लाख रुपैयाँ पुगेको छ, जसको मुख्य कारण बिक्री लागत र वित्तीय लागतमा आएको कमी हो। बिक्री आम्दानी ७ अर्ब ७६ करोड रुपैयाँमा पुगेको छ भने बिक्री लागत घटेर ६ अर्ब ३ करोड रुपैयाँ भएको छ। वार्षिक ईपीएस १४ रुपैयाँ ५५ पैसा र प्रतिसेयर नेटवर्थ १८८ रुपैयाँ ५७ पैसा रहेको छ। मंगलबार बजार बन्द हुँदा सेयर मूल्य ६३३ रुपैयाँ ९० पैसा थियो।
