NEPSE Trading

रिभर फल्स पावर लिमिटेडका अवितरित हकप्रद शेयर बाँडफाँड, कट–अफ मूल्य रु ३१८.१० निर्धारण

रिभर फल्स पावर लिमिटेडका अवितरित हकप्रद शेयर बाँडफाँड, कट–अफ मूल्य रु ३१८.१० निर्धारण रिभर फल्स पावर लिमिटेडले अवितरित हकप्रद शेयरको शिलबन्दी बोलपत्रमार्फत बिक्री प्रक्रिया सम्पन्न गरी १० लाख ३८ हजार ९२४ कित्ता शेयरको बाँडफाँड गरेको छ। कम्पनीले १:१ को अनुपातमा हकप्रद शेयर निष्कासन गर्दा सोही संख्याका शेयरका लागि आवेदन नपरेपछि उक्त शेयरहरूलाई बोलकबोल (अक्शन) मार्फत बिक्रीमा ल्याइएको थियो।

NEPSE TRADING1 Dec, 20251 min read

Investor

काठमाडौँमा ७४ लाख रुपैयाँ बराबरको क्रिप्टो कारोबारमा दुई जना पक्राउ

काठमाडौँमा ७४ लाख रुपैयाँ बराबरको क्रिप्टो कारोबारमा दुई जना पक्राउ जिल्ला प्रहरी परिसर काठमाडौँले रु ७४ लाख ५२ हजार बराबरको अभौतिक (क्रिप्टो) मुद्रा कारोबारमा संलग्न रहेको आरोपमा दुई व्यक्तिलाई पक्राउ गरी सार्वजनिक गरेको छ। पक्राउ परेका व्यक्तिहरूमा काठमाडौँ महानगरपालिका–१४ का ३६ वर्षीय विशाल डङ्गोल तथा मोरङ मिक्लाजुङ–१ घर भई हाल काठमाडौँ कलङ्की बस्ने ४५ वर्षीय उमेश श्रेष्ठ रहेका प्रहरीले जनाएको छ। प्रवक्ता तथा प्रहरी उपरीक्षक पवनकुमार भट्टराईका अनुसार उनीहरूलाई विशेष सूचनाका आधारमा पक्राउ गरिएको हो। शनिबार काठमाडौँ महानगरपालिका–१०, बिजुली बजार क्षेत्रमा केही व्यक्तिहरू क्रिप्टो मुद्रा कारोबार गरिरहेको गोप्य सूचनाका आधारमा प्रहरी टोली खटिएको थियो। सोही क्रममा आरोपित दुवैजनालाई नियन्त्रणमा लिइएको प्रहरीको भनाइ छ। प्रहरीले उनीहरूबाट क्रिप्टो व्यापारमा प्रयोग भएका विभिन्न कम्पनीका पाँच थान मोबाइल फोन समेत बरामद गरेको छ।

NEPSE TRADING1 Dec, 20251 min read

Investor

स्ट्याण्डर्ड चार्टर्ड बैंकको लाभांश सुरक्षित गर्ने आज अन्तिम दिन, भोलि बुक–क्लोज

स्ट्याण्डर्ड चार्टर्ड बैंकको लाभांश सुरक्षित गर्ने आज अन्तिम दिन, भोलिदेखि बुक–क्लोज स्ट्याण्डर्ड चार्टर्ड बैंक नेपाल लिमिटेडले प्रस्तावित लाभांश सुरक्षित गर्न आज मंसिर १५ गतेलाई अन्तिम दिन निर्धारण गरेको छ। बैंकले भोलि मंसिर १६ गतेदेखि बुक–क्लोज गर्ने तयारी गरेसँगै आजसम्म शेयर किनेका वा नामसारी भइसकेका शेयरधनीले मात्र आगामी साधारण सभा र लाभांश प्राप्त गर्ने अधिकार सुरक्षित राख्न सक्नेछन्। बैंकले आगामी ३९औँ वार्षिक साधारण सभा का लागि तयारी थालिसकेको छ। सभाका लागि मंसिर २९ गते, सोमबारलाई निर्धारण गरिएको छ। काठमाडौँ भद्रकालीस्थित आर्मी अफिसर्स क्लबमा आयोजना हुने सभा बिहान १० बजे सुरु हुने बैंकले जानकारी दिएको छ। यसअघि लाभांश प्रयोजनका लागि नेप्सेमा शेयर कायम गर्ने म्याद नजिकिँदै गर्दा लगानीकर्ताहरूको ध्यान बुक–क्लोज मितिमै केन्द्रित भएको छ।

NEPSE TRADING1 Dec, 20251 min read

Investor

प्रभु बैंकमा नेतृत्व परिवर्तन: निरज लम्साल कार्यवाहक सीईओ नियुक्त

प्रभु बैंकमा नेतृत्व परिवर्तन: निरज लम्साल कार्यवाहक सीईओ नियुक्त प्रभु बैंकले आफ्नो उच्च व्यवस्थापनमा महत्वपूर्ण परिवर्तन गर्दै वरिष्ठ उप–कार्यकारी अधिकृत (सीइओ) निरज लम्साललाई बैंकको कार्यवाहक प्रमुख कार्यकारी अधिकृत (कामु सीईओ) को जिम्मेवारी तोकेको छ। बैंकका अध्यक्ष किशोर जंग कार्कीका अनुसार लम्सालले आइतबारदेखि कार्यवाहक सीईओको रूपमा औपचारिक जिम्मेवारी सम्हालेका छन्।

NEPSE TRADING1 Dec, 20251 min read

Investor

घरजग्गा कारोबार अनुमति आवेदनको म्याद मङ्सिर २७ सम्म थप, महानगर र उपमहानगर केन्द्रित व्यवस्था

घरजग्गा कारोबार अनुमति आवेदनको म्याद मङ्सिर २७ सम्म थप, महानगर र उपमहानगर केन्द्रित व्यवस्था भूमि व्यवस्थापन तथा अभिलेख विभागले घर–जग्गासम्बन्धी कारोबारका लागि अनुमति पत्र लिन इच्छुक फर्म, कम्पनी तथा संस्थाहरूका लागि आवेदन दिने समयसीमा मङ्सिर २७ गतेसम्म थप गरेको छ। विभागले गत असोज १३ गते सूचना प्रकाशित गर्दै सार्वजनिक आवेदन आह्वान गरेको थियो। अपेक्षाकृत न्यून आवेदन परेपछि विभागले पुनः म्याद थप गरेको हो।

NEPSE TRADING1 Dec, 20251 min read

Investor

सुन आयातमा ४ महिनामै ५८०% को अप्रत्याशित वृद्धि, मूल्य आकासिँदा पनि खपत घटेन

सुन आयातमा ४ महिनामै ५८०% को अप्रत्याशित वृद्धि, मूल्य आकासिँदा पनि खपत घटेन चालु आर्थिक वर्ष २०८२/०८३ को पहिलो चार महिनामा नेपालले अत्यधिक मात्रामा सुन आयात गरेको छ। भन्सार विभागका पछिल्ला तथ्याङ्कअनुसार गत आवको सोही अवधिको तुलनामा सुन आयात ५८० प्रतिशतले वृद्धि भएको हो। गत वर्ष साउनदेखि कार्तिक मसान्तसम्म १३२ केजी सुन आयात हुँदा २८ करोड ५५ लाख रुपैयाँ राजस्व संकलन भएको थियो। तर यस वर्ष सोही अवधिमा ९०२ केजी सुन भित्रिएको छ, जसबाट १ अर्ब ५७ करोड २१ लाख रुपैयाँ राजस्व संकलन भएको छ। यसरी सुन आयातका कारण १५ अर्ब ७२ करोड ११ लाख रुपैयाँ देश बाहिरिएको छ — जुन गत वर्षको १ अर्ब ४२ करोड ७५ लाख भन्दा करिब दस गुणा बढी हो।

NEPSE TRADING1 Dec, 20251 min read

Investor

‘प्रोफिट बुकिङ’ को चपेटामा नेप्सेमा तीव्र गिरावट, मौद्रिक नीति समीक्षातर्फ बजारको ध्यान

‘प्रोफिट बुकिङ’ को चपेटामा नेप्सेमा तीव्र गिरावट, मौद्रिक नीति समीक्षातर्फ बजारको ध्यान गत साता पाँचै दिन लगातार हरियाली देखिएको शेयर बजार आइतबार एकाएक ठूलो दबाबमा परेको छ। पाँच दिनमा ११५ अंकभन्दा बढी उकालो चढेको बजारमा यस साताको पहिलो दिन आउनासाथ नाफा सुरक्षित गर्ने प्रवृत्ति हावी भयो। लगातार बढ्दो सूचकबाट लाभ कमाएका लगानीकर्ताहरूले एकैसाथ ‘प्रोफिट बुकिङ’ गर्दा आइतबार नेप्से परिसूचक २६.५१ अंक झर्दै २६४९.५२ विन्दुमा बन्द भयो। नेप्सेले गत सोमबारदेखि बिहीबारसम्म क्रमिक सुधार देखाउँदै ३३.९२, ५०.४४, ५.३२, ९.६१ र १०.४३ अंकको वृद्धि निकालेको थियो। यसले कुल ११५.७२ अंकको वृद्धि गर्दै बजारलाई २६७३ विन्दु माथि पुर्‍याएको थियो। तर यति धेरै बढेका स्टकहरूबाट नाफा लिन खोज्ने लगानीकर्ताको मनोविज्ञानले आइतबारको बजारलाई कमजोर बनायो। बजार विश्लेषकहरूका अनुसार, लगातारको उकालोपछि नाफा बुकिङ सामान्य भए पनि यो पटकको विक्री दबाब केही तीव्र रूपमा देखा परेको हो।

NEPSE TRADING30 Nov, 20254 min read

Investor

‘घर निर्माण फेस्ट २०८२’ काठमाडौँमा हुँदै, २ सय करोडभन्दा बढीको कारोबार हुने अनुमान

‘घर निर्माण फेस्ट २०८२’ काठमाडौँमा हुँदै, २ सय करोडभन्दा बढीको कारोबार हुने अनुमान नेपालको निर्माण क्षेत्रमा देखिएको सुस्ततालाई हटाउँदै बजारलाई पुनः सक्रिय बनाउन काठमाडौँमा ‘घर निर्माण फेस्ट २०८२’ आयोजना हुने भएको छ। घर निर्माण फाउन्डेसनको आयोजनामा पुस १२ देखि १५ गतेसम्म भृकुटीमण्डपमा फेस्ट सञ्चालन हुने छ। नेपालमा निर्माण तथा व्यावसायिक गतिविधि विस्तार हुँदै गए पनि धेरै ब्रान्डहरू उत्पादनको प्रभावकारी प्रस्तुति, बजारमा स्थायी ब्रान्डिङ, र ग्राहकसँग प्रत्यक्ष सम्बन्ध विस्तारमा चुनौती भोगिरहेका अवस्थामा यो फेस्ट महत्वपूर्ण अवसरको रूपमा हेरिएको छ। फाउन्डेसनका अनुसार फेस्टले यी सबै चुनौतिहरूलाई सम्बोधन गर्ने लक्ष्य लिएको छ। फेस्टमा सहभागी व्यवसायीहरूले प्रत्यक्ष अन्तरक्रिया, विशेषज्ञ मार्गदर्शन तथा ब्रान्डिङ परामर्शमार्फत आफ्ना उत्पादन र सेवाहरू लक्षित ग्राहकसम्म प्रभावकारी रूपमा पुर्‍याउन सक्नेछन्। मेलामा ४० हजारभन्दा धेरै दर्शकको उपस्थिति रहने अनुमान छ भने चार दिनमै २ सय करोड रुपैयाँभन्दा बढीको आर्थिक कारोबार हुने अपेक्षा आयोजकको छ।