NEPSE Trading

पुस ६ गते पाँच कम्पनीको लाभांश सुरक्षित गर्ने अन्तिम दिन

पुस ६ गते पाँच कम्पनीको लाभांश सुरक्षित गर्ने अन्तिम दिन काठमाडौं । पुस ६ गते आइतबार पाँच कम्पनीको लाभांश सुरक्षित गर्ने अन्तिम दिन रहेको छ। यस दिन महालक्ष्मी विकास बैंक, नेपाल लाइफ इन्स्योरेन्स, तारागाउँ रिजेन्सी होटल्स, सिंगटी हाइड्रो इनर्जी र नेपाल हाइड्रो डेभलोपर लिमिटेड को लाभांश सुरक्षित गर्न सकिनेछ। साधारण सभा तथा लाभांश वितरण प्रयोजनार्थ यी सबै कम्पनीहरूले पुस ७ गते बुक क्लोज गर्ने निर्णय गरेका छन्। त्यसअनुसार पुस ६ गतेसम्म नेप्सेमा कारोबार भई कायम भएका शेयरधनीहरूले सम्बन्धित कम्पनीहरूको साधारण सभामा सहभागी हुन तथा प्रस्तावित लाभांश प्राप्त गर्न सक्नेछन्।

NEPSE TRADING21 Dec, 20252 min read

Investor

डेटा सेन्टर र क्लाउड सेवा नै डिजिटल अर्थतन्त्रको मेरुदण्ड : क्यान महासंघ

डेटा सेन्टर र क्लाउड सेवा नै डिजिटल अर्थतन्त्रको मेरुदण्ड : क्यान महासंघ कम्प्युटर एसोसिएसन नेपाल महासंघ (क्यान महासंघ) का वरिष्ठ उपाध्यक्ष चिरञ्जीवी अधिकारी ले डेटा सेन्टर र क्लाउड सेवालाई नेपालको डिजिटल अर्थतन्त्रको वास्तविक मेरुदण्डको रूपमा व्याख्या गर्नुभएको छ। बलियो डिजिटल पूर्वाधार बिना देशको डिजिटल रूपान्तरण सम्भव नहुने उहाँको भनाइ छ। शनिबार ललितपुरमा आयोजित ‘क्यान बीटुबी (B2B) समिट २०२५’ लाई सम्बोधन गर्दै अधिकारीले प्रविधि आज सुविधा मात्र नभई अर्थतन्त्रको प्राणवायु बनिसकेको उल्लेख गर्नुभयो। सुरक्षित डेटा भण्डारण र भरपर्दो क्लाउड पूर्वाधारको सुनिश्चितता नभए डिजिटल रूपान्तरणका प्रयास दीगो नहुने उहाँको धारणा थियो। डिजिटल पूर्वाधारमा लगानी अपरिहार्य रहेको उल्लेख गर्दै उहाँले स्टार्टअपदेखि ठूला उद्योगसम्मका लागि क्लाउड सेवा अत्यावश्यक भइसकेको बताउनुभयो। क्लाउड पूर्वाधारले सर्भर र सुरक्षामा लाग्ने ठूलो पुँजीगत खर्च घटाउने भएकाले उद्यमशीलता प्रवर्द्धनमा महत्वपूर्ण भूमिका खेल्ने उहाँको भनाइ थियो। इ–कमर्स, फिनटेक र आईटी सेवा निर्यातमा युवाहरूको आकर्षणलाई व्यवहारमा उतार्न पनि भरपर्दो क्लाउड संरचना अनिवार्य रहेको उहाँले जोड दिनुभयो।

NEPSE TRADING21 Dec, 20252 min read

Investor

शिखर इन्स्योरेन्सको २१औँ वार्षिक साधारण सभा पुस २९ गते

शिखर इन्स्योरेन्सको २१औँ वार्षिक साधारण सभा पुस २९ गते काठमाडौं । Shikhar Insurance Company Limited ले आफ्नो २१औँ वार्षिक साधारण सभा (AGM) आगामी पुस २९ गते आयोजना गर्ने भएको छ। कम्पनीले सो सम्बन्धी सूचना सार्वजनिक गर्दै आर्थिक वर्ष २०८१/८२ को वार्षिक वित्तीय विवरणसमेत प्रकाशन गरेको छ। कम्पनीको सञ्चालक समितिको मिति २०८२/९/४ गते बसेको ३६७औँ बैठकको निर्णयअनुसार वार्षिक साधारण सभा पुस २९ गते मंगलबार बिहान ११ बजे शिखर इन्स्योरेन्स कम्पनी लिमिटेडको केन्द्रीय कार्यालय, शिखर बिज सेन्टर, थापाथली, काठमाडौंमा बस्नेछ।

NEPSE TRADING21 Dec, 20251 min read

Investor

सलापा विकास बैंकको आईपीओ पुस १६ गतेदेखि खुल्ने

काठमाडौं । Salapa Bikas Bank Limited ले सर्वसाधारणका लागि प्रारम्भिक सार्वजनिक निष्कासन (आईपीओ) जारी गर्नका लागि अफर लेटर प्रकाशित गरेको छ। बैंकले पुस १६ गतेदेखि पुस २० गते, २०८२ सम्म सर्वसाधारणका लागि कुल १४ लाख ३९ हजार १७९ कित्ता साधारण शेयर निष्कासन गर्न लागेको हो। यस अवधिभित्र योग्य आवेदकहरूले आईपीओमा आवेदन दिन सक्नेछन्।

NEPSE TRADING21 Dec, 20251 min read

Investor

समपूरक र विशेष अनुदानका लागि स्थानीय तहलाई प्रस्ताव आह्वान

समपूरक र विशेष अनुदानका लागि स्थानीय तहलाई प्रस्ताव आह्वान काठमाडौं । सङ्घीय मामिला तथा सामान्य प्रशासन मन्त्रालय ले गाउँपालिका र नगरपालिकालाई सङ्घीय समपूरक अनुदान तथा विशेष अनुदानअन्तर्गत सञ्चालन हुने कार्यक्रम र आयोजनाका लागि प्रस्ताव पेस गर्न आग्रह गरेको छ। मन्त्रालयले समपूरक अनुदानसम्बन्धी (पहिलो संशोधन) कार्यविधि, २०८२ र विशेष अनुदानसम्बन्धी (पहिलो संशोधन) कार्यविधि, २०८२ अनुसार प्रदेश सरकार र स्थानीय तहबाट प्रस्ताव आह्वान गरेको हो। नयाँ आर्थिक वर्षका लागि बजेट निर्माण प्रक्रियालाई ध्यानमा राख्दै तोकिएको समयसीमाभित्र प्रस्ताव पेस गर्न अनुरोध गरिएको छ।

NEPSE TRADING21 Dec, 20251 min read

Top

१०० दिनमा खर्च नियन्त्रण र सुशासनमा ठोस सुधार : प्रधानमन्त्री कार्की

१०० दिनमा खर्च नियन्त्रण र सुशासनमा ठोस सुधार : प्रधानमन्त्री कार्की काठमाडौं । प्रधानमन्त्री सुशीला कार्की ले सरकारको १०० दिनको अवधिमा फजुल खर्च नियन्त्रण र वित्तीय सुशासन सुदृढ गर्ने दिशामा ठोस कदम चालिएको दाबी गरेकी छन्। जेन–जी आन्दोलनपछि गत भदौ २७ गते गठन भएको सरकारको १०० दिन पूरा भएको अवसरमा शुक्रबार राष्ट्रका नाममा सम्बोधन गर्दै उनले राज्यको स्रोतसाधनको दुरुपयोग रोक्न प्राथमिकताका साथ काम गरिएको बताइन्। प्रधानमन्त्री कार्कीका अनुसार पदमा रहँदा वा अवकाशपछि पनि मापदण्डविपरीत लिइँदै आएका अनधिकृत तथा अवाञ्छित सुविधा कटौती गरिएको छ। यसबाट जनताले तिरेको कर जोगिनुका साथै राज्यको खर्चभार घटेको उनको भनाइ छ। उनका अनुसार मापदण्डविपरीत खटिएका ५०० सुरक्षाकर्मी र सवारी साधन फिर्ता गरी जनताको सेवामा परिचालन गरिएको छ भने अनावश्यक ३८ वटा कार्यालय खारेज र ३२३ दरबन्दी कटौती गरिएको छ।

NEPSE TRADING21 Dec, 20252 min read

Investor

ठेक्का तोडिएका सडकमा तत्काल नयाँ टेन्डर प्रक्रिया सुरु गर्न निर्देशन

ठेक्का तोडिएका सडकमा तत्काल नयाँ टेन्डर प्रक्रिया सुरु गर्न निर्देशन काठमाडौं । ऊर्जा, जलस्रोत तथा सिँचाइ, भौतिक पूर्वाधार तथा यातायात तथा शहरी विकास मन्त्री कुलमान घिसिङ ले ठेक्का तोडिएका सडक योजनाको निर्माण सुनिश्चित गर्न तत्काल नयाँ टेन्डर प्रक्रिया सुरु गर्न निर्देशन दिएका छन्। भौतिक पूर्वाधार तथा यातायात मन्त्रालयको चालु आर्थिक वर्ष २०८२/८३ को पहिलो त्रैमासिक प्रगति समीक्षा तथा मन्त्रालयस्तरीय विकास समस्या समाधान समितिको शुक्रबारको बैठकमा मन्त्री घिसिङले रद्द गरिएका ठेक्काको बाँकी कामको नापजाँच, लागत मूल्याङ्कन र आवश्यक बजेटको यकिन गरी ढिलाइ नगरी नयाँ टेन्डर प्रक्रिया अघि बढाउन निर्देशन दिएका हुन्। सडक विभागअन्तर्गत ठेक्का लिएर वर्षौंदेखि अलपत्र पारिएका सडक तथा पुल निर्माणका ४३ वटा ठेक्का तोडिएको मन्त्रालयले जनाएको छ। ती ठेक्काको कुल रकम २ अर्ब ९७ करोड ७९ लाख रुपैयाँ बराबर रहेको छ।

NEPSE TRADING21 Dec, 20252 min read

Investor

तनहुँ जलविद्युत् आयोजनाबाट बेलबास जोखिममा, मुआब्जाको माग

तनहुँ जलविद्युत् आयोजनाबाट बेलबास जोखिममा, मुआब्जाको माग तनहुँ । तनहुँ जलविद्युत् आयोजनाबाट प्रभावित व्यास नगरपालिका–१३ बेलबासका स्थानीयले उचित क्षतिपूर्ति र मुआब्जाको माग गर्दै आवाज उठाएका छन्। आयोजनाका कारण बस्ती नै जोखिममा परेको दाबी गर्दै उनीहरूले तत्काल समाधानको माग गरेका हुन्। स्थानीयका अनुसार ऋषिङ गाउँपालिका–१ झापुटारमा निर्माणाधीन १४० मेगावाट क्षमताको तनहुँ जलविद्युत् आयोजनाको प्रत्यक्ष असर बेलबास क्षेत्रमा पर्ने देखिएको छ। आयोजना सञ्चालनमा आएपछि बस्ती डुबानको जोखिममा पर्ने भएपछि स्थानीय आन्दोलित बनेका छन्। सरोकार समितिका सदस्य मेघनाथ आचार्यले आयोजनाका कारण बेलबास डुबानमा पर्ने निश्चित जस्तै भएकाले प्रभावित बासिन्दालाई उचित मुआब्जा उपलब्ध गराउनुपर्ने बताए। उनका अनुसार जोखिम न्यूनीकरणका नाममा गरिएको संरचनाले उल्टै बस्तीलाई थप संकटमा पारेको छ।

NEPSE TRADING21 Dec, 20251 min read

Investor

इमरान खान र बुशरा बीबीलाई १७ वर्ष जेल सजाय

इमरान खान र बुशरा बीबीलाई १७ वर्ष जेल सजाय इस्लामाबाद । पाकिस्तानको संघीय अनुसन्धान एजेन्सी (एफआईए) अन्तर्गतको विशेष अदालतले शनिबार पाकिस्तानका पूर्व प्रधानमन्त्री इमरान खान र उनकी पत्नी बुशरा बीबीलाई १७–१७ वर्षको जेल सजाय सुनाएको छ। अदालतले दुवैलाई जरिवाना पनि तोकेको छ। अदालतको आदेशको प्रतिलिपि उद्धृत गर्दै पाकिस्तानी सञ्चारमाध्यम डन ले जनाएअनुसार इमरान खान र बुशरा बीबीलाई जनही एक करोड ६४ लाख रुपैयाँ जरिवाना गरिएको छ। कानुनअनुसार तोकिएको जरिवाना तिर्न असफल भएमा थप जेल सजाय भोग्नुपर्ने व्यवस्था गरिएको छ

NEPSE TRADING21 Dec, 20251 min read

Investor

एमडिएमएस सुधार अपरिहार्य छ : मन्त्री खरेल

एमडिएमएस सुधार अपरिहार्य छ : मन्त्री खरेल काठमाडौं । सञ्चार तथा सूचना प्रविधिमन्त्री जगदिश खरेल ले मोबाइल डिभाइस म्यानेजमेन्ट सिस्टम (एमडिएमएस) आफू मन्त्री बनेपछि गम्भीर रूपमा अध्ययन, बुझाइ र समीक्षा गरेको बताएका छन्। एमडिएमएस वर्तमान अवस्थामा समस्याग्रस्त बनेको उल्लेख गर्दै उनले यसमा सुधार नगरी विकल्प नरहेको स्पष्ट पारे। शनिबार नेपाल मोबाइल व्यवसायी संघ काठमाडौंको दोस्रो अधिवेशन तथा तेस्रो साधारण सभालाई सम्बोधन गर्दै मन्त्री खरेलले एमडिएमएस सुरुदेखि नै विभिन्न अव्यवस्था र विकृतिसँग जोडिएको बताए। अध्ययनका क्रममा प्रणाली नै जटिल संरचनाभित्र अल्झिएको पाइएको भन्दै त्यसलाई तोडेर अघि बढ्नुपर्ने आवश्यकता औंल्याए।

NEPSE TRADING21 Dec, 20251 min read

Investor

समयमै सम्पन्न आयोजनाको भुक्तानी रोकिन्न : मुख्यमन्त्री पाण्डे

समयमै सम्पन्न आयोजनाको भुक्तानी रोकिन्न : मुख्यमन्त्री पाण्डे म्याग्दी । गण्डकी प्रदेश सरकारका मुख्यमन्त्री सुरेन्द्रराज पाण्डे ले समयमै सम्पन्न भएका विकास आयोजनाको भुक्तानीमा कुनै समस्या नआउने स्पष्ट पारेका छन्। म्याग्दी जिल्लामा सञ्चालनमा रहेका सडक आयोजनाको स्थलगत अनुगमनका क्रममा मुख्यमन्त्री पाण्डेले प्रदेश सरकार दायित्व सिर्जना भइसकेका आयोजनाको भुक्तानीप्रति संवेदनशील रहेको बताए। बजेट अभावका कारण विकास निर्माण प्रभावित हुन नदिने सरकारको नीति रहेको उनको भनाइ थियो। चालु आर्थिक वर्षमा काम भइरहेका कतिपय आयोजनामा बजेट अपुग भएको भन्दै निर्माण व्यवसायीले गुनासो गरेपछि मुख्यमन्त्री पाण्डेले काम नभएका तथा ठेक्का प्रक्रियामा बचत भएको बजेट रकमान्तर गरी भुक्तानीको व्यवस्था मिलाइने जानकारी दिए।

NEPSE TRADING21 Dec, 20251 min read

Investor

रिलायन्स स्पिनिङ मिल्सको शेयर बुक–बिल्डिङ प्रक्रियाबारे छानबिन समिति गठन

रिलायन्स स्पिनिङ मिल्सको शेयर बुक–बिल्डिङ प्रक्रियाबारे छानबिन समिति गठन काठमाडौं । रिलायन्स स्पिनिङ मिल्स लिमिटेडको शेयर बुक–बिल्डिङ प्रक्रियाबाट निष्कासन गर्ने क्रममा भएका काम–कारबाहीका सम्बन्धमा निष्पक्ष छानबिन गर्न नेपाल धितोपत्र बोर्ड (सेबोन) ले समिति गठन गरेको छ। बोर्डको मिति २०८२/०९/०४ गतेको निर्णयअनुसार १५ दिनभित्र प्रतिवेदन पेश गर्ने जिम्मेवारीसहित उक्त समिति गठन गरिएको हो। समितिको संयोजकमा बोर्ड सदस्य श्री बिनोद कुमार भट्टराई रहनुभएको छ भने सदस्यमा बोर्ड सदस्यहरू श्री आनन्द राज शर्मा वाग्ले र श्री पिताम्बर भण्डारी रहनुभएको छ।

NEPSE TRADING19 Dec, 20251 min read

Investor

नेपाल धितोपत्र बोर्डका नवनियुक्त सदस्य पिताम्बर भण्डारीले लिए शपथ

नेपाल धितोपत्र बोर्डका नवनियुक्त सदस्य पिताम्बर भण्डारीले लिए शपथ काठमाडौं । नेपाल धितोपत्र बोर्डका नवनियुक्त बोर्ड सदस्य श्री पिताम्बर भण्डारीज्यूलाई बोर्डका अध्यक्ष श्री सन्तोष नारायण श्रेष्ठज्यूले शुक्रबार स्वागत गर्दै शपथ ग्रहण गराउनुभएको छ। शपथ ग्रहण समारोहमा बोर्डका अन्य सदस्यज्यूहरूले समेत नवनियुक्त सदस्य भण्डारीज्यूलाई स्वागत गर्दै कार्यकालको सफलताको कामना गर्नुभएको थियो।

NEPSE TRADING19 Dec, 20251 min read

Top

सुनको मूल्य बढ्यो, चाँदीको मूल्यले फेरि बनायो नयाँ रेकर्ड

पुस ३ गते बिहीबार नेपाली बजारमा सुन र चाँदीको मूल्य बढेको छ। सुन प्रतितोला ७०० रुपैयाँले बढेर २ लाख ६० हजार ४०० रुपैयाँ पुगेको छ भने चाँदी तोलामा २५ रुपैयाँले वृद्धि भई ४ हजार ८० रुपैयाँ कायम भएको छ, जुन हालसम्मकै उच्च मूल्य हो।

NEPSE TRADING18 Dec, 20251 min read

Top

रिज लाइन इनर्जीको आईपीओ पुस १३ गतेदेखि, स्थानीय र वैदेशिक रोजगारीमा रहेका नेपालीका लागि निष्काशन

रिज लाइन इनर्जी लिमिटेडले पुस १३ गतेदेखि आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरूका लागि आईपीओ निष्काशन गर्ने भएको छ। कम्पनीले कुल २६ लाख ७ हजार कित्ता साधारण शेयर निष्काशन गर्नेछ, जसमा ११ लाख ८५ हजार कित्ता स्थानीय बासिन्दा र १ लाख ४२ हजार २०० कित्ता वैदेशिक रोजगारीमा रहेका नेपालीहरूका लागि छुट्याइएको छ। आईपीओमा न्यूनतम १० कित्ता र अधिकतम ५० हजार कित्तासम्म आवेदन दिन सकिनेछ। कम्पनीले ९.०५ मेगावाट क्षमताको सुपर चेपे जलविद्युत आयोजना सञ्चालन गरिरहेको छ।

NEPSE TRADING18 Dec, 20251 min read

Top

प्रभु महालक्ष्मी लाइफ इन्स्योरेन्सको लाभांश घोषणा, शेयरधनीलाई ८.४२१% प्रतिफल

प्रभु महालक्ष्मी लाइफ इन्स्योरेन्स लिमिटेडले शेयरधनीहरूलाई कुल ८.४२१ प्रतिशत लाभांश वितरण गर्ने घोषणा गरेको छ। जसमा ४ प्रतिशत बोनस शेयर र करसहित ४.४२१ प्रतिशत नगद लाभांश समावेश रहेको छ। उक्त लाभांश पुस २ गते बसेको सञ्चालक समितिको बैठकबाट प्रस्ताव गरिएको हो र नेपाल बीमा प्राधिकरणको स्वीकृति तथा आगामी वार्षिक साधारण सभाबाट पारित भएपछि वितरण गरिनेछ।

NEPSE TRADING18 Dec, 2025<1 min read

Top

नेशनल लाइफ इन्स्योरेन्सको १२.५ प्रतिशत लाभांश घोषणा

नेशनल लाइफ इन्स्योरेन्स कम्पनी लिमिटेडले गत आर्थिक वर्षको नाफाबाट शेयरधनीलाई ४ प्रतिशत बोनस शेयर र कर सहित ८.५ प्रतिशत नगद लाभांश वितरण गर्ने घोषणा गरेको छ। नेपाल बीमा प्राधिकरणको स्वीकृति र आगामी वार्षिक साधारण सभाबाट पारित भएपछि लाभांश वितरण गरिनेछ।

NEPSE TRADING18 Dec, 2025<1 min read

Top

सन नेपाल लाइफ इन्स्योरेन्सको २०.२६३२ प्रतिशत लाभांश प्रस्ताव

सन नेपाल लाइफ इन्स्योरेन्स लिमिटेडले गत आर्थिक वर्षको मुनाफाबाट शेयरधनीहरूलाई २०.२६३२ प्रतिशत लाभांश वितरण गर्ने घोषणा गरेको छ। कम्पनीले ५ प्रतिशत बोनस शेयर र कर सहित १५.२६३२ प्रतिशत नगद लाभांश प्रदान गर्ने जनाएको छ। उक्त प्रस्ताव नेपाल बीमा प्राधिकरणको स्वीकृति र आगामी वार्षिक साधारण सभाको अनुमोदनपछि कार्यान्वयनमा आउनेछ।

NEPSE TRADING18 Dec, 2025<1 min read

Top

निरन्तर तेस्रो कारोबार दिन नेप्से उकालो, कारोबार रकम ४ अर्ब नाघ्यो

बुधबार सेयर बजार लगातार तेस्रो कारोबार दिन पनि बढेर बन्द भएको छ। नेप्से परिसूचक ५.७० अंकले बढेर २६२५.७० विन्दुमा पुगेको छ भने कारोबार रकम पनि बढेर ४ अर्ब रुपैयाँ नाघेको छ। स्वस्तिक लघुवित्त वित्तीय संस्था र एसवाई प्यानल नेपाल का शेयर सकारात्मक सर्किटमा कारोबार भए। कारोबार रकमका आधारमा यूनियन हाइड्रोपावर शीर्ष स्थानमा रहँदा अधिकांश उपसमूहका परिसूचक बढेका छन्।

NEPSE TRADING17 Dec, 20251 min read

Top

शिखर इन्स्योरेन्सको लाभांश घोषणा, ६% बोनस शेयर र नगद लाभांश

शिखर इन्स्योरेन्स लिमिटेडले गत आर्थिक वर्षको मुनाफाबाट शेयरधनीलाई ६ प्रतिशत बोनस शेयर र कर प्रयोजनका लागि ०.३१५८ प्रतिशत नगद लाभांश वितरण गर्ने घोषणा गरेको छ। सञ्चालक समितिले पुस १ गते उक्त प्रस्ताव पारित गरेको हो। नेपाल बीमा प्राधिकरणको स्वीकृति तथा आगामी वार्षिक साधारण सभाबाट अनुमोदन भएपछि लाभांश वितरण गरिनेछ।

NEPSE TRADING17 Dec, 2025<1 min read