Top News
Stay informed and invest with latest NEPSE news and analysis.
1 min read
५५ नम्बरको भृकुटी स्टक ब्रोकिङ निलम्बनमा, ‘उधारो’ मा शेयर किनबेच गराएको आरोप नेपाल धितोपत्र बोर्ड (सेबोन) ले ५५ नम्बरको धितोपत्र दलाल कम्पनी ‘भृकुटी स्टक ब्रोकिङ’लाई निलम्बन गर्ने निर्णय गरेको छ। कम्पनीले विवादास्पद व्यापारी दीपक भट्टलाई नियमविपरीत उधारोमा शेयर किनबेच गर्न दिएको र भुक्तानी प्रक्रियामा गम्भीर लापरबाही गरेको आरोपमा यो निर्णय लिइएको हो।
NEPSE TRADING
·7 Apr, 2026
1 min read
नेपाल स्टक एक्सचेञ्ज (नेप्से) परिसूचक सोमबार ८३.३३ अंकले बढेर २७६०.०२ विन्दुमा पुगेको छ। अघिल्लो दिनको गिरावटपछि अर्थमन्त्री स्वर्णिम वाग्ले को पूँजीबजारमैत्री आश्वासनले बजारमा सकारात्मक प्रभाव परेको हो। बजार बढे पनि कारोबार रकम घटेर करिब १०.९२ अर्ब रुपैयाँमा सीमित रह्यो। सबै उपसमूहका सूचक बढेका छन् भने जलविद्युत क्षेत्रले सबैभन्दा बढी वृद्धि जनाएको छ।
NEPSETRADING
·6 Apr, 2026
1 min read
नेपाल स्टक एक्सचेन्ज (नेप्से) ले अबदेखि सातामा पाँच दिन कारोबार कायम राख्न शुक्रबार पनि शेयर बजार सञ्चालन गर्ने निर्णय गरेको छ। सरकारले इन्धन खपत घटाउन आइतबार सार्वजनिक बिदा दिने निर्णय गरेपछि नेप्सेले नयाँ तालिका लागू गरेको हो। अब शनिबार र आइतबार बजार बन्द रहनेछ भने शुक्रबार नियमित कारोबार हुनेछ।
NEPSETRADING
·6 Apr, 2026
2 min read
अर्थमन्त्रीसँग ब्रोकरको भेट, बजार सुधारका लागि सकारात्मक संकेत काठमाडौं — पूँजी बजारमा देखिएको निरन्तर गिरावट र त्यसबाट उत्पन्न चुनौतीका विषयमा छलफल गर्न स्टक ब्रोकर एसोसिएसन अफ नेपाल का प्रतिनिधिहरूले अर्थमन्त्री स्वर्णिम वाग्ले सँग भेट गरेका छन्। भेटमा ब्रोकरहरूले बजारमा देखिएका नीतिगत तथा संरचनात्मक समस्याहरू समाधान गरिदिन आग्रह गरेका छन्।
NEPSE TRADING
·6 Apr, 2026
1 min read
एमएसएमई कर्जामा राष्ट्र बैंकको ठूलो नीतिगत परिवर्तन — जोखिम भार घट्दा साना उद्यमीलाई राहत काठमाडौं। नेपाल राष्ट्र बैंक ले सरकारको ‘सय दिने कार्ययोजना’ कार्यान्वयन गर्दै साना तथा मझौला उद्योग (एमएसएमई) क्षेत्रमा प्रवाह हुने कर्जाको नीतिमा महत्वपूर्ण परिमार्जन गरेको छ। केन्द्रीय बैंकले एकीकृत निर्देशन संशोधन गर्दै कृषि, सूचना प्रविधि (आईटी) तथा उत्पादनमूलक उद्योगमा जाने ३ करोड रुपैयाँसम्मका कर्जामा जोखिम भार घटाएर ६० प्रतिशत कायम गरेको हो।
NEPSE trading
·6 Apr, 2026
1 min read
साताको पहिलो कारोबार दिन नेपाल स्टक एक्सचेञ्ज (नेप्से) परिसूचक १०५.५० अंकले घटेर २६७६.६८ विन्दुमा पुगेको छ, जुन ११५ दिनपछि १०० अंकभन्दा बढीको गिरावट हो। बजार घटेपनि कारोबार रकम बढेर १२ अर्ब रुपैयाँभन्दा माथि पुगेको छ। अधिकांश उपसमूहमा गिरावट देखिँदा केही कम्पनीका शेयर सकारात्मक सर्किटमा पुगे भने केही नकारात्मक सर्किटमा सीमित भए। कारोबार रकमका आधारमा Himalayan Reinsurance Limited अग्रस्थानमा रहेको छ।
NEPSETRADING
·5 Apr, 2026
1 min read
डीपी अर्याल प्रतिनिधिसभाको सभामुखमा निर्विरोध निर्वाचित काठमाडौं । प्रतिनिधिसभाको सभामुख पदमा डीपी अर्याल निर्विरोध निर्वाचित भएका छन्। आइतबार बसेको प्रतिनिधिसभाको बैठकमा ज्येष्ठ सदस्य अर्जुननरसिंह केसीले अर्याल सभामुखमा निर्विरोध निर्वाचित भएको घोषणा गरेका हुन्।
NEPSE TRADING
·5 Apr, 2026
1 min read
नेपाल राष्ट्र बैंकले बजारको अधिक तरलता नियन्त्रण गर्न आज ४० अर्ब रुपैयाँ बराबरको ५६ दिने निक्षेप संकलन गर्न लागेको छ। ‘क’, ‘ख’ र ‘ग’ वर्गका बैंक तथा वित्तीय संस्थाहरूले आज दिउँसो ३ बजेसम्म OBSS मार्फत बोलकबोल गर्न सक्नेछन्। ब्याजदर प्रतिस्पर्धात्मक बोलकबोलबाट तय हुने र निक्षेपको भुक्तानी २०८३ जेठ १७ गते हुने छ। उक्त रकम CRR मा गणना नहुने तर SLR र तरलता अनुपातमा समावेश हुने व्यवस्था गरिएको छ।
NEPSETRADING
·5 Apr, 2026
1 min read
वीरगन्ज नाकाबाट चालु आर्थिक वर्षको सात महिनामा विद्युतीय सवारीसाधनको आयात उल्लेख्य रूपमा बढेको छ। ४९७ वटा विद्युतीय जिप, कार र भ्यान आयात हुँदा राजस्व पनि बढेको छ। विद्युतीय मोटरसाइकलको संख्या घटे पनि कुल आयात रकम उल्लेखनीय छ। इन्धनबाट चल्ने सवारीसाधनको आयात र राजस्व भने घटेको छ। समग्रमा सवारीसाधन र पार्टपुर्जा आयात बढ्दै जाँदा विद्युतीय सवारीप्रति आकर्षण बढेको देखिन्छ।
NEPSETRADING
·5 Apr, 2026
1 min read
सेन्ट्रल फाइनान्सको १२,४२१ कित्ता संस्थापक शेयर बिक्रीमा, संस्थापकहरूलाई प्राथमिकता काठमाडौं । सेन्ट्रल फाइनान्स लिमिटेड का एक संस्थापक शेयरधनीले आफ्नो स्वामित्वमा रहेको १२,४२१ कित्ता संस्थापक शेयर बिक्रीका लागि प्रक्रिया अघि बढाएका छन्। कम्पनीले उक्त शेयर खरिदका लागि हालका संस्थापक शेयरधनीलाई प्राथमिकता दिँदै सूचना सार्वजनिक गरेको हो। कम्पनीका अनुसार संस्थापक शेयर बिक्रीका लागि आएको निवेदन सञ्चालक समितिमा पेश भई आवश्यक प्रक्रिया अगाडि बढाउने निर्णय गरिएको छ। यसअनुसार हाल कायम रहेका संस्थापक शेयरधनीहरूले सूचना प्रकाशित भएको मितिले ३५ दिनभित्र आवश्यक कागजातसहित खरिदका लागि आवेदन दिन सक्नेछन्।
NEPSE TRADING
·5 Apr, 2026
1 min read
बुद्धभूमि नेपाल हाइड्रोपावरको १ः१ हकप्रद शेयर आजदेखि खुला, वैशाख १३ सम्म आवेदन दिन पाइने काठमाडौं । बुद्धभूमि नेपाल हाइड्रोपावर कम्पनी लिमिटेड ले आजदेखि आफ्ना विद्यमान शेयरधनीका लागि १०० प्रतिशत हकप्रद शेयर निष्काशन खुला गरेको छ। कम्पनीले चैत २२ गतेदेखि वैशाख १३ गतेसम्म आवेदन दिन सकिने जनाएको छ।
NEPSE TRADING
·5 Apr, 2026
1 min read
याम्बालिङ्ग हाइड्रोको स्थानीय आईपीओमा आवेदन म्याद वैशाख ७ सम्म, ७ लाख कित्ता अझै खुला काठमाडौं । याम्बालिङ्ग हाइड्रोपावर लिमिटेड ले आयोजना प्रभावित क्षेत्रका स्थानीय बासिन्दाका लागि निष्काशन गरेको प्राथमिक सेयर (आईपीओ) को आवेदन अवधि लम्ब्याएको छ। कम्पनीले मागअनुसार आवेदन नपरेपछि उक्त आईपीओ अब वैशाख ७ गतेसम्म खुला रहने जनाएको छ।
NEPSE TRADING
·5 Apr, 2026
1 min read
युनियन हाइड्रोपावरको विशेष साधारण सभा वैशाख ६ गते, हकप्रद र नाम परिवर्तन प्रस्ताव एजेन्डामा काठमाडौं । युनियन हाइड्रोपावर लिमिटेड ले विशेष साधारण सभा (SGM) वैशाख ६ गते आयोजना गर्ने भएको छ। कम्पनीको सञ्चालक समितिको निर्णयअनुसार सभा ललितपुरस्थित धोबीघाटमा बिहान ११ बजे भौतिक तथा भर्चुअल (जुम) माध्यमबाट एकसाथ सञ्चालन गरिनेछ। सभामा कम्पनीको प्रबन्धपत्र तथा नियमावली संशोधन गरी नाम परिवर्तन गर्ने, उद्देश्य थप गर्ने तथा हकप्रद शेयर निष्कासन गर्ने सम्बन्धी विशेष प्रस्तावहरू पेश गरिने कार्यसूची रहेको छ। साथै आवश्यक अधिकार प्रत्यायोजन लगायतका अन्य विषयमा पनि छलफल हुने कम्पनीले जनाएको छ।
NEPSE TRADING
·5 Apr, 2026
1 min read
कालंगा हाइड्रोको आईपीओ बाँडफाँट सम्पन्न, २५ हजार आवेदकले पाए शेयर काठमाडौं । कालंगा हाइड्रो लिमिटेड ले वैदेशिक रोजगारीमा रहेका नेपालीहरूका लागि निष्काशन गरेको प्राथमिक सेयर (आईपीओ) बाँडफाँट सम्पन्न गरेको छ। कम्पनीले चैत १० गतेदेखि १५ गतेसम्म खुला गरेको उक्त आईपीओको बाँडफाँट चैत २० गते सम्पन्न भएको हो। कम्पनीका अनुसार ३ लाख ५० हजार कित्ता सेयरका लागि परेको आवेदनमध्ये २५ हजार जना आवेदकलाई प्रचलित कानुनअनुसार शेयर बाँडफाँट गरिएको छ। बाँडफाँटको नतिजा Sanima Capital Limited को वेबसाइट तथा सिडिएससीको प्रणालीमार्फत हेर्न सकिने व्यवस्था गरिएको छ।
NEPSE TRADING
·5 Apr, 2026
1 min read
सङ्घीय संसद्का दुवै सदनको बैठक आज, सभामुख चयन र वार्षिक प्रतिवेदन पेश हुँदै काठमाडौं । सङ्घीय संसद् अन्तर्गतका दुवै सदनको बैठक आज बस्दैछ। सिंहदरबारस्थित निर्माणाधीन संसद् भवनको बहुउद्देश्यीय हलमा बिहान ११ बजे प्रतिनिधिसभाको बैठक बोलाइएको छ। आजको प्रतिनिधिसभा बैठकमा सभामुख पदमा ‘डोलप्रसाद अर्याल लाई निर्वाचित गरियोस्’ भन्ने प्रस्ताव निर्णयार्थ प्रस्तुत गर्ने कार्यसूची रहेको छ। अर्याल यसअघि नै राष्ट्रिय स्वतन्त्र पार्टी (रास्वपा)का तर्फबाट सभामुख पदमा निर्विरोध निर्वाचित भइसकेका छन्। उनको उम्मेदवारी प्रस्तावकमा पार्टी सभापति रवि लामिछाने रहेका थिए भने समर्थनमा सांसद स्वर्णिम वाग्ले, सोविता गौतम र सुनिल लम्साल रहेका छन्।
NEPSE TRADING
·5 Apr, 2026
1 min read
सानिगाड हाइड्रोको स्थानीय आईपीओमा आवेदन म्याद थप, वैशाख ७ सम्म दिन पाइने काठमाडौं । सानिगाड हाइड्रो लिमिटेड ले आयोजना प्रभावित क्षेत्रका स्थानीय बासिन्दाका लागि निष्काशन गरेको आईपीओमा आवेदन दिने म्याद थप गरेको छ। अब उक्त आईपीओमा २०८३ वैशाख ७ गतेसम्म आवेदन दिन सकिने कम्पनीले जनाएको छ।
NEPSE TRADING
·5 Apr, 2026
2 min read
दीपक भट्ट प्रकरणपछि अर्थतन्त्रको गहिरो प्रश्न: “सफा गर्ने कि ढाल्ने?” काठमाडौं । नेपालका ठूला व्यापारी दीपक भट्ट पक्राउ परेपछि शेयर बजार, ब्रोकर सर्कल र वित्तीय क्षेत्रमा असामान्य हलचल देखिएको छ। सतहमा यो एउटा व्यक्तिको पक्राउ जस्तो देखिए पनि यसको प्रभाव धेरै गहिरो र संरचनात्मक रहेको संकेतहरू देखिन थालेका छन्। बजारमा चलिरहेको चर्चा अनुसार, भट्ट समूहको ठूलो मात्रामा सेयर लगानी रहेको र केही ब्रोकरहरूसँग प्रत्यक्ष कारोबार सम्बन्ध रहेको भनाइले बजार मनोविज्ञानलाई नै हल्लाएको छ। यस्ता घटनाले केवल मूल्यमा उतारचढाव ल्याउँदैनन्, विश्वासको जगमै कम्पन पैदा गर्छन्।
Dipesh Ghimire
·3 Apr, 2026
1 min read
चालु आर्थिक वर्ष २०८२/८३ का आठ महिनामा नेप्सेमा कुल ७० अर्ब ४६ करोड रुपैयाँ बराबरको सेयर सूचीकृत भएको छ। फागुन मसान्तसम्म नेप्सेमा २८६ कम्पनी सूचीकृत छन्, जसमा बैंक, वित्तीय संस्था, बीमा, हाइड्रोपावर, म्यानुफ्याक्चरिङ, होटल र अन्य क्षेत्रका कम्पनीहरू समावेश छन्। आठ महिनामा १२ अर्ब ५९ करोडको बोनस सेयर सूचीकृत भएको छ भने नेपाल धितोपत्र बोर्डले कुल ३७ अर्ब १ करोड रुपैयाँ बराबरको सेयर निष्काशनको अनुमति दिएको छ।
NEPSETRADING
·3 Apr, 2026
