NEPSE Trading

अमेरिकाले भारतमाथि २५ प्रतिशत अतिरिक्त कर : नयाँ महसुल बुधबार (अगस्ट २७) बिहान ९:३१ बजेदेखि लागू

अमेरिकाले भारतमाथि २५ प्रतिशत अतिरिक्त कर लगाउने निर्णय, भारतीय निर्यात प्रभावित अमेरिकाले भारतमाथि थप २५ प्रतिशत कर लगाउने आधिकारिक घोषणा गरेको छ। मंगलबार जारी आदेशअनुसार भारतीय समय अनुसार यो नयाँ महसुल बुधबार (अगस्ट २७) बिहान ९:३१ बजेदेखि लागू हुने भएको हो। अमेरिकी राष्ट्रपति डोनाल्ड ट्रम्पले यसअघि अगस्ट ६ मा रुसबाट तेल खरिदको जरिवाना स्वरूप उक्त शुल्क घोषणा गरेका थिए। साथै, अगस्ट ७ देखि व्यापार घाटालाई कारण देखाउँदै भारतबाट आउने सामानमा २५ प्रतिशत कर थपिएको थियो। यससँगै अमेरिकामा निर्यात हुने भारतीय सामानमा कुल कर दर ५० प्रतिशतसम्म पुग्नेछ। नयाँ आदेशमा उल्लेख भएअनुसार सूचीमा रहेका वस्तुहरूमा यो कर लागू हुनेछ। ती वस्तुहरू प्रत्यक्ष प्रयोगका लागि अमेरिका ल्याइएका वा गोदामबाट निकालिएका दुवै अवस्थामा लागू हुने जनाइएको छ।

NEPSE TRADING27 Aug, 20251 min read

Investor

ग्लोबल आईएमई क्यापिटलले २० प्रतिशत नगद लाभांश घोषणा

ग्लोबल आईएमई क्यापिटलले २० प्रतिशत नगद लाभांश घोषणा ग्लोबल आईएमई क्यापिटल लिमिटेडले गत आर्थिक वर्षको नाफाबाट शेयरधनीलाई २० प्रतिशत नगद लाभांश दिने घोषणा गरेको छ। कम्पनीको भदौ १० गते बसेको सञ्चालक समितिको बैठकले हाल कायम चुक्ता पुँजीको २० प्रतिशत बराबर अर्थात् करसहित ९ करोड ८७ लाख ८३ हजार रुपैयाँ लाभांश वितरण गर्ने निर्णय गरेको हो। कम्पनीले प्रस्तावित लाभांश पारित गर्न असोज १ गते वार्षिक साधारणसभा बोलाएको छ। सभा काठमाडौंको लाजिम्पाटस्थित होटल ले हिमालयनमा दिउँसो ४:३० बजे बस्नेछ। सभामा गत आर्थिक वर्षको वार्षिक प्रतिवेदन, लेखापरीक्षकको प्रतिवेदन, असार मसान्तसम्मको नाफानोक्सान हिसाब, नगद प्रवाह विवरणलगायतका वित्तीय विवरणमाथि छलफल गरी पारित गरिनेछ। साथै चालू आवका लागि लेखापरीक्षक नियुक्त गर्ने, उनको पारिश्रमिक तोक्ने र स्वतन्त्र सञ्चालकका नियुक्तिलाई अनुमोदन गर्ने एजेन्डा रहनेछ।

NEPSE TRADING27 Aug, 20251 min read

Investor

बन्दीपुर केबलकार एन्ड टुरिजमको आईपीओ आजदेखि आवेदन खुला

बन्दीपुर केबलकार एन्ड टुरिजमको आईपीओ आजदेखि आवेदन खुला बन्दीपुर केबलकार एन्ड टुरिजम लिमिटेडले आजदेखि (भदौ ११ गते) सर्वसाधारणका लागि साधारण शेयर (आईपीओ) खुला गरेको छ। कम्पनीले नेपाल धितोपत्र बोर्डबाट जारी पुँजी २ अर्ब ८३ करोड रुपैयाँको २०.७० प्रतिशत अर्थात् ५८ लाख ६० हजार कित्ता साधारण शेयर प्रतिकित्ता १०० रुपैयाँ अंकित दरमा निष्काशन गर्न अनुमति पाएको हो। यसअघि ५ लाख ६६ हजार कित्ता आयोजना प्रभावित क्षेत्रका स्थानीय बासिन्दालाई र ५ लाख २९ हजार ४०० कित्ता वैदेशिक रोजगारीमा रहेका नेपालीलाई निष्काशन गरी बाँडफाँट गरिसकिएको छ। त्यस्तै २ लाख ६४ हजार कित्ता सामूहिक लगानी कोष र १ लाख ५८ हजार ८२० कित्ता कम्पनीका कर्मचारीका लागि सुरक्षित राखिएको छ। बाँकी ४३ लाख ४१ हजार ८० कित्ता शेयर सर्वसाधारण लगानीकर्ताका लागि खुला गरिएको हो।

NEPSE TRADING27 Aug, 20251 min read

Investor

झापा इनर्जी लिमिटेडको आईपीओ भदौ २० गतेदेखि सर्वसाधारणका लागि खुला

झापा इनर्जी लिमिटेडको आईपीओ भदौ २० गतेदेखि सर्वसाधारणका लागि खुला झापा इनर्जी लिमिटेडले भदौ २० गतेदेखि सर्वसाधारणका लागि साधारण शेयर (आईपीओ) निष्काशन गर्ने भएको छ। कम्पनीले प्रतिकित्ता १०० रुपैयाँका दरले ९ लाख ५० हजार ४७५ कित्ता आईपीओ बिक्री गर्न नेपाल धितोपत्र बोर्ड (सेबोन) बाट असार ३१ गते अनुमति पाएको हो। यसअघि कम्पनीले कुल निष्काशनमध्ये जारी पुँजीको १० प्रतिशत अर्थात् ३ लाख ८० हजार १९० कित्ता आयोजना प्रभावित क्षेत्रका स्थानीय बासिन्दालाई र १५ प्रतिशत अर्थात् ५७ हजार २९ कित्ता वैदेशिक रोजगारीमा रहेका नेपालीलाई बिक्री गरी बाँडफाँट गरिसकेको छ।

NEPSE TRADING27 Aug, 20251 min read

Top

श्रीनगर एग्रीटेक इन्डष्ट्रिजको पहिलो चरणको आईपीओ निष्काशन सुरु

श्रीनगर एग्रीटेक इन्डष्ट्रिजको पहिलो चरणको आईपीओ निष्काशन सुरु श्रीनगर एग्रीटेक इन्डष्ट्रिज लिमिटेडले आजदेखि (भदौ ११ गते) पहिलो चरणको आईपीओ निष्काशन सुरु गरेको छ। कम्पनीले उद्योग प्रभावित क्षेत्रका स्थानीय बासिन्दा र वैदेशिक रोजगारीमा गएका नेपालीहरूलाई लक्षित गर्दै शेयर जारी गर्न लागेको हो। नेपाल धितोपत्र बोर्डबाट स्वीकृति प्राप्त अनुसार कम्पनीले जारी पुँजी १ अर्ब ६३ करोड १२ लाख ५० हजार रुपैयाँको २० प्रतिशतबराबर अर्थात् ३२ करोड ६२ लाख ५० हजार रुपैयाँको ३२ लाख ६२ हजार ५०० कित्ता साधारण शेयर निष्काशन गर्न लागेको हो।

NEPSE TRADING27 Aug, 20251 min read

Investor

१० अर्ब बराबरको विकास ऋणपत्र बिक्री हुने

१० अर्ब बराबरको विकास ऋणपत्र बिक्री हुने सार्वजनिक ऋण व्यवस्थापन कार्यालयले १० अर्ब रुपैयाँ बराबरको विकास ऋणपत्र बिक्री गर्ने भएको छ। कार्यालयका अनुसार ३ वर्षे अवधिको ‘विकास ऋणपत्र–२०८५’ बोलकबोलमार्फत बिक्री गरिनेछ। बोलपत्र भदौ ११ गते (भोलि) बोलकबोलमार्फत बिक्री गरी भदौ १२ गते निष्कासन गरिने कार्यालयले जनाएको छ। यस विकास ऋणपत्रको बोलकबोलमा बैंक तथा वित्तीय संस्था, गैरबैंक वित्तीय संस्था, बीमा कम्पनी तथा नेपाली नागरिकले सहभागी हुन सक्ने व्यवस्था गरिएको छ।

NEPSE TRADING26 Aug, 2025<1 min read

Investor

सुनचाँदी बजारमा मूल्य वृद्धि, सुन प्रतितोला १,५०० रुपैयाँले बढेर १ लाख ९८ हजार ७०० रुपैयाँ

सुनचाँदी बजारमा मूल्य वृद्धि मंगलबार नेपाली बजारमा सुनको मूल्य बढेको छ। नेपाल सुनचाँदी रत्न तथा आभूषण महासंघका अनुसार सुन प्रतितोला १,५०० रुपैयाँले बढेर १ लाख ९८ हजार ७०० रुपैयाँ पुगेको छ। सोमबार भने सुनको मूल्य घटेर १ लाख ९७ हजार २०० रुपैयाँमा कारोबार भएको थियो। यससँगै चाँदीको मूल्य पनि वृद्धि भएको छ। सोमबार प्रतितोला २,३५५ रुपैयाँमा कारोबार भएको चाँदी मंगलबार ५ रुपैयाँले बढेर २,३६० रुपैयाँ कायम भएको महासंघले जनाएको छ। हाल सुनचाँदी बजारमा मूल्यको उतारचढाव निरन्तर भइरहेका कारण उपभोक्ता र व्यवसायी दुवै सतर्क बनेका छन्।

NEPSE TRADING26 Aug, 2025<1 min read

Investor

व्यक्तिगत स्थायी लेखा नम्बर दर्ता ४९ लाख नाघ्यो

व्यक्तिगत स्थायी लेखा नम्बर दर्ता ४९ लाख नाघ्यो व्यक्तिगत स्थायी लेखा नम्बर (प्यान) लिने करदाताको संख्या झण्डै ४९ लाख पुगेको छ। आन्तरिक राजस्व विभागका अनुसार आर्थिक वर्ष २०८१/८२ को अन्त्यसम्म ४८ लाख ९२ हजार ८४० जना करदाताले व्यक्तिगत प्यान दर्ता गराएका छन्। सरकारले पछिल्लो समय भुक्तानीमा प्यान नम्बर अनिवार्य गरेपछि दर्ता गर्नेको संख्या तीव्र रूपमा बढेको हो। विभागका अनुसार सो अवधिमा मात्र नयाँ २० लाख १२ हजार ९०८ जना करदाताले व्यक्तिगत प्यान लिएका छन्। त्यसैगरी, मूल्य अभिवृद्धि कर (भ्याट) मा दर्ता हुने करदाताको संख्या ३ लाख ४५ हजार ७२७ पुगेको छ भने अन्त:शुल्कमा दर्ता हुने करदाता १ लाख १९ हजार ४०२ पुगेका छन्। यसै अवधिसम्म ३५ हजार ८५३ करदाताले विथहोल्डर प्यान दर्ता गरेका छन्। विभागले यस वर्ष भ्याटमा दर्ता भएर समेत कर विवरण पेश नगरेका ९६ हजार ४८७ करदाताको दर्ता निलम्बन गरेको छ। मूल्य अभिवृद्धि ऐन २०५२ अनुसार लगातार ६ महिनासम्म कर विवरण नबुझाउने करदाताको नाम सार्वजनिक गर्ने प्रावधानअनुसार ती करदाताको विवरण सार्वजनिक गरिएको हो।

NEPSE TRADING25 Aug, 20251 min read

Top

सुनको मूल्य घट्यो, चाँदी ऐतिहासिक उचाइमा

Gold prices in Nepal dropped by NPR 300 per tola on Monday, August 25, 2025, with hallmark gold trading at NPR 197,200. Meanwhile, silver reached a record high, rising by NPR 5 to trade at NPR 2,355 per tola, surpassing the previous peak set last month.

NEPSE TRADING25 Aug, 20251 min read

Investor

नयाँ सर्कुलर: यी लघुवित्तलाई हुने छ ठुलो फाइदा

नेपालका प्रमुख लघुवित्त वित्तीय संस्थाहरूले हालै प्रकाशित वित्तीय विवरणअनुसार पुँजीकोष अनुपात मजबुत राख्न सफल भएका छन् भने निष्क्रिय कर्जा (NPL) समेत नियामक निकायले तोकेको सीमा भित्रै राखेका छन् । कूल पाँच वटा प्रमुख लघुवित्त—सानकिसान (SKBBL), फर्स्ट माइक्रोफाइनान्स (FMDBL), आरएसडीसी (RSDC), छिमेक (CBBL) र महुली (MLBBL)—ले १२ प्रतिशतभन्दा बढी पुँजीकोष अनुपात र ५ प्रतिशतभन्दा कम NPL कायम गर्न सफल भएका छन् । यसले यी संस्थाहरूको वित्तीय स्वास्थ्य र जोखिम व्यवस्थापन दुवै मजबुत रहेको संकेत गर्दछ।

NEPSE TRADING24 Aug, 20252 min read

Investor

लघुवित्त प्रति केन्द्रीय बैंक लचक : लाभांशमा नयाँ सीमा निधारर्ण, एनपीएलका आधारमा लाभांश ।

केन्द्रीय बैंक लचक लघुवित्त प्रति केन्द्रीय बैंक लचक : लाभांशमा नयाँ सीमा निधारर्ण, एनपीएलका आधारमा लाभांश ।।

NEPSE TRADING24 Aug, 20252 min read

Investor

प्राविधिक स्तरमा समेत बजार कमजोर, २०० दिनको मूभिङ एभरेजसम्म खस्ने संकेत

प्राविधिक स्तरमा समेत बजार कमजोर, २०० दिनको मूभिङ एभरेजसम्म खस्ने संकेत साताको पहिलो कारोबार दिन आइतबार सेयर बजार फेरि दबाबमा रह्यो। लगातार तेस्रो दिन ओरालो लाग्दै गएको नेप्से परिसूचक यस दिन पनि तल झर्‍यो। विश्लेषकहरूले यसलाई सरकारले शेयर कारोबारमा राष्ट्रिय परिचयपत्र अनिवार्य गरेपछि लगानीकर्तामा उत्पन्न भएको अविश्वाससँग जोडेर व्याख्या गरेका छन्।

NEPSE TRADING24 Aug, 20252 min read

Investor

मेरो शेयर तथा सी-आस्बा सेवा आज केही समयका लागि अवरुद्ध

मेरो शेयर तथा सी-आस्बा सेवा आज केही समयका लागि अवरुद्ध काठमाडौं – सिडिएस एण्ड क्लियरिङ लिमिटेडले आज साँझदेखि मेरो शेयर तथा सी-आस्बा सेवा केही समयका लागि अवरुद्ध हुने जानकारी गराएको छ। कम्पनीको सूचनाअनुसार २०८२ साल भदौ ८ गते साँझ ५:३० बजेपछि मेरो शेयर तथा सी-आस्बा प्रणालीको डाटाबेस अपडेटेसन तथा माइन्टेनेन्स कार्य हुने भएकाले करिब ६ घण्टासम्म सेवा प्रभावित हुने भएको हो। यो अवधिमा प्रयोगकर्ताले मेरो शेयर तथा सी-आस्बा सेवा प्रयोग गर्न नसक्ने भएकाले आवश्यक जानकारीका लागि अग्रिम सूचनास्वरूप जानकारी प्रकाशित गरिएको सिडिएससीले जनाएको छ। कम्पनीले माइन्टेनेन्स तथा अपडेटेसन कार्य सम्पन्न भएपछि सबै सेवा पूर्ववत् सञ्चालनमा आउने पनि स्पष्ट पारेको छ।