NEPSE Trading

विजय लघुवित्तको एफपीओ बाँडफाँट सम्पन्न, ४६ हजार ६८१ लगानीकर्ताले पाए १०–१० कित्ता

विजय लघुवित्तको एफपीओ बाँडफाँट सम्पन्न, ४६ हजार ६८१ लगानीकर्ताले पाए १०–१० कित्ता काठमाडौं । विजय लघुवित्त वित्तीय संस्था लिमिटेड ले पुस २१ गतेदेखि पुस २४ गतेसम्म निष्काशन गरेको थप सार्वजनिक निष्काशन (एफपीओ) को बाँडफाँट आज बिहान सम्पन्न भएको छ। बिक्री प्रबन्धक एनएमवि क्यापिटल का अनुसार एफपीओमा सहभागी ४६ हजार ६ सय ८१ जना लगानीकर्ताले १०–१० कित्ता शेयर प्राप्त गरेका छन् भने तीमध्ये ७ जनाले थप १–१ कित्ता शेयरसमेत पाएका छन्। लगानीकर्ताले एफपीओको नतिजा बिक्री प्रबन्धक एनएमवि क्यापिटल, मेरोसेयर एकाउन्ट तथा सीडीएस एन्ड क्लियरिङ ले सञ्चालन गरेको वेबसाइटमार्फत हेर्न सक्नेछन्। यसका साथै कम्पनीको आधिकारिक वेबसाइटबाट पनि नतिजा सार्वजनिक गरिएको छ।

NEPSE TRADING20 Jan, 20261 min read

Investor

साधारण सभा नहुँदा अपर तामाकोशी संकटमा, डिलिस्टिङको जोखिम बढ्दै

साधारण सभा नहुँदा अपर तामाकोशी संकटमा, डिलिस्टिङको जोखिम बढ्दै अपर तामाकोशी हाइड्रोपावर लिमिटेड ले समयमै नियमित साधारण सभा गर्न नसक्दा कम्पनीको सुशासन, पारदर्शिता र लगानीकर्ता हितमाथि गम्भीर प्रश्न उठ्न थालेको छ। लगातार तीन वर्षदेखि साधारण सभा हुन नसक्दा नियामकीय मापदण्ड उल्लङ्घनको अवस्था सिर्जना भएको छ भने यही अवस्था लम्बिँदै गए सेयर बजारबाट डिलिस्टिङको जोखिमसमेत बढेको देखिन्छ। यसले कम्पनीका सर्वसाधारण लगानीकर्तामा अन्योल र चिन्ता दुवै बढाएको छ। राष्ट्रिय गौरवको आयोजना मानिने माथिल्लो तामाकोशी जलविद्युत आयोजनामा पछिल्लो समय व्यवस्थापकीय कमजोरी र सुशासनको अभाव स्पष्ट देखिन थालेको छ। आर्थिक वर्ष २०७९/८० को साधारण सभा २०८० साउनमा सम्पन्न गरेपछि कम्पनीले हालसम्म अर्को नियमित साधारण सभा गर्न सकेको छैन। यस अवधिमा लगानीकर्ताले न त कम्पनीको वास्तविक वित्तीय अवस्था बुझ्न पाएका छन्, न त लाभांशको कुनै संकेत नै देखिएको छ।

NEPSE TRADING20 Jan, 20264 min read

Investor

स्थानीयका लागि सुपर खुदी हाइड्रोपावरको आईपीओ आवेदन अवधि थप

स्थानीयका लागि सुपर खुदी हाइड्रोपावरको आईपीओ आवेदन अवधि थप लमजुङ । सुपर खुदी हाइड्रोपावर लिमिटेड ले आयोजना प्रभावित स्थानीय बासिन्दाका लागि जारी गरेको साधारण सेयर (आईपीओ) मा आवेदन दिने समय थप गरेको छ। पुस २२ गतेदेखि स्थानीयका लागि निष्कासन तथा बिक्री खुला गरिएको आईपीओमा अब माघ २१ गतेसम्म आवेदन दिन सकिने कम्पनीले जनाएको छ। कम्पनीले स्वीकृत जारी पुँजी १ अर्ब ५५ करोड रुपैयाँको २० प्रतिशत साधारण सेयर निष्कासन गर्ने अनुमति पाएको थियो। सोही व्यवस्थाअनुसार प्रतिशेयर १०० रुपैयाँ अंकित मूल्यका १५ लाख ५० हजार कित्ता सेयर आयोजना प्रभावित क्षेत्रका स्थानीय बासिन्दाका लागि छुट्याएर निष्कासन गरिएको हो, जसको कुल रकम १५ करोड ५० लाख रुपैयाँ बराबर हुन्छ। स्थानीयका लागि छुट्याइएको सेयरमध्ये ४० प्रतिशत अर्थात ६ लाख २० हजार कित्ता लमजुङ जिल्लाको मर्स्याङ्दी गाउँपालिका वडा नं. २ र ३ का बासिन्दालाई बाँडफाँट गरिनेछ। बाँकी ६० प्रतिशत अर्थात ९ लाख ३० हजार कित्ता भने मर्स्याङ्दी गाउँपालिका वडा नं. १, ४, ५, ६, ७, ८ र ९ का स्थानीय बासिन्दाका लागि छुट्याइएको छ।

NEPSE TRADING20 Jan, 20261 min read

Investor

सेबोनले म्युचुअल फण्डको बीज पुँजी व्यवस्था खुकुलो बनायो, अनुभवी व्यवस्थापकलाई सुविधा

सेबोनले म्युचुअल फण्डको बीज पुँजी व्यवस्था खुकुलो बनायो, अनुभवी व्यवस्थापकलाई सुविधा काठमाडौं । नेपाल धितोपत्र बोर्ड (सेबोन) ले सामूहिक लगानी कोष (म्युचुअल फण्ड) सञ्चालनका लागि आवश्यक बीज पुँजीसम्बन्धी व्यवस्था खुकुलो बनाएको छ। बोर्डको निर्णयअनुसार अब योग्य र अनुभवी योजना व्यवस्थापकहरूले १५ प्रतिशतको सट्टा १० प्रतिशत वा ५ प्रतिशत बीज पुँजी राखेर नयाँ योजना सञ्चालन तथा थप इकाई निष्कासन गर्न सक्नेछन्। यसअघि सबै म्युचुअल फण्ड योजनामा योजना प्रवर्द्धक तथा व्यवस्थापकले अनिवार्य रूपमा १५ प्रतिशत बीज पुँजी लगानी गर्नुपर्ने व्यवस्था थियो। नयाँ व्यवस्थाले राम्रो कार्यसम्पादन गरेका र अनुभवी योजना व्यवस्थापकलाई थप प्रोत्साहन दिने उद्देश्य राखेको सेबोनले जनाएको छ। यो व्यवस्था माघ १ गतेदेखि लागू भइसकेको छ।

Dipesh Ghimire 20 Jan, 20262 min read

Top

म्युचुअल फण्डमा ‘स्ट्रेस टेस्ट’ अनिवार्य, राम्रो कार्यसम्पादन गर्ने व्यवस्थापकलाई बीउ पूँजीमा सहुलियत

नेपाल धितोपत्र बोर्ड (नेपाल धितोपत्र बोर्ड) ले म्युचुअल फण्ड क्षेत्रमा जोखिम व्यवस्थापनलाई कडा बनाउँदै ‘स्ट्रेस टेस्ट’ अनिवार्य गरेको छ। नयाँ व्यवस्था अनुसार अब योजना व्यवस्थापकहरूले अर्धवार्षिक रूपमा दबाब परीक्षण गरी प्रतिवेदन बोर्डमा पेस गर्नुपर्नेछ। साथै, जोखिम व्यवस्थापन नीति लागू गर्नुपर्ने र एउटै व्यवस्थापकका विभिन्न योजनाहरूबीच स्पष्ट भिन्नता हुनुपर्ने व्यवस्था गरिएको छ। यससँगै, राम्रो कार्यसम्पादन गर्ने अनुभवी योजना व्यवस्थापकहरूलाई बीउ पूँजीमा सहुलियत दिइएको छ। निश्चित अनुभव, कोष व्यवस्थापनको आकार र एनएभीको मापदण्ड पूरा गरेमा नयाँ योजनामा ५ वा १० प्रतिशत मात्र बीउ पूँजी राख्न सकिनेछ, अन्यथा पुरानै १५ प्रतिशत व्यवस्था कायम रहनेछ। बोर्डको यो कदमले म्युचुअल फण्ड क्षेत्रलाई थप पारदर्शी, व्यावसायिक र लगानीकर्तामैत्री बनाउने लक्ष्य लिएको छ।

NEPSE TRADING19 Jan, 20262 min read

Top

सूर्यज्योति लाइफका ११.२५ लाख संस्थापक सेयर बिक्रीमा

सूर्यज्योति लाइफ इन्स्योरेन्स कम्पनीले संस्थापक समूहअन्तर्गतका ११ लाख २५ हजार ३४४ कित्ता सेयर बिक्रीमा राखेको छ। कम्पनीका अनुसार हालको चरणमा यी सेयर विद्यमान संस्थापक सेयरधनीहरूका लागि मात्र खुला गरिनेछ।

Nepse Trading19 Jan, 2026<1 min read

Top

सोलु हाइड्रोपावरको आईपीओ ३.८६ गुणा बढी आवेदन

सोलु हाइड्रोपावर लिमिटेडको प्रतिकित्ता १०० रुपैयाँ अंकित मूल्यको आईपीओ ४ माघ २०८२ मा ३.८६ गुणा बढी आवेदनसहित बन्द भएको छ। सीडीएससीका अनुसार ८२ लाख कित्ता सेयरका लागि २५ लाखभन्दा बढी आवेदकबाट ३ करोड १७ लाखभन्दा बढी कित्ताका लागि आवेदन परेको थियो। यस आईपीओको निष्काशन तथा बिक्री प्रबन्धक नबिल इन्भेष्टमेन्ट बैंकिङ लिमिटेड रहेको थियो भने कम्पनीलाई IRN BB रेटिङ प्राप्त छ।

NEPSE TRADING19 Jan, 20261 min read

Top

कामना सेवा विकास बैंक लिमिटेडको नाफा बढ्यो, वितरणयोग्य मुनाफा घट्यो

कामना सेवा विकास बैंक लिमिटेडको चालु आर्थिक वर्षको दोस्रो त्रैमाससम्म खुद नाफा २२.३४ प्रतिशतले बढेर ३९ करोड ४५ लाख रुपैयाँ पुगेको छ। खुद ब्याज तथा फि–कमिशन आम्दानी बढेपछि नाफा सुधारिएको हो। तर, नाफा बढेपनि वितरणयोग्य मुनाफा भने २१.२५ प्रतिशतले घटेको छ। यस अवधिमा निष्क्रिय कर्जा ४.१ प्रतिशतमा झरेको छ भने प्रतिशेयर आम्दानी २०.४३ रुपैयाँ पुगेको छ।

NEPSE TRADING19 Jan, 20261 min read

Top

कारोबार बढेसँगै नेप्से उकालो, वित्त उपसमूहमा सर्वाधिक वृद्धि

आइतबार नेपाली शेयर बजार उल्लेखनीय रूपमा उकालो लागेको छ। नेप्से परिसूचक ३१.१२ अंक (१.१७%) बढेर २६७२.५५ विन्दुमा बन्द हुँदा कारोबार रकम पनि बढेर ८ अर्ब ४० करोड रुपैयाँ नाघेको छ। सबै १३ उपसमूहका परिसूचकहरू बढेका छन्, जसमा वित्त उपसमूह सर्वाधिक ५.७३ प्रतिशतले उकालो लागेको छ।

NEPSE TRADING18 Jan, 20261 min read

Investor

गुहेश्वरी मर्चेन्ट बैंकिङ एण्ड फाइनान्सको कामु सीईओमा अर्चना प्रधान नियुक्त

गुहेश्वरी मर्चेन्ट बैंकिङ एण्ड फाइनान्सको कामु सीईओमा अर्चना प्रधान नियुक्त गुहेश्वरी मर्चेन्ट बैंकिङ एण्ड फाइनान्स लिमिटेड को कामु प्रमुख कार्यकारी अधिकृत (कामु सीईओ) मा अर्चना प्रधान नियुक्त भएकी छन्। संस्थाका हालका प्रमुख कार्यकारी अधिकृत तोयराज अधिकारीले पुस १७ गते दिएको राजीनामा माघ २ गतेदेखि लागू हुने गरी स्वीकृत भएको छ।

NEPSE TRADING18 Jan, 2026<1 min read

Investor

हिमालयन बुलियन कम्पनीको आईपीओ निष्कासन प्रक्रिया औपचारिक रूपमा अगाडि बढ्यो

हिमालयन बुलियन कम्पनीको आईपीओ निष्कासन प्रक्रिया औपचारिक रूपमा अगाडि बढ्यो चाँदीको कारोबार गर्दै आएको हिमालयन बुलियन कम्पनी ले सर्वसाधारणका लागि प्रारम्भिक सार्वजनिक निष्कासन (आईपीओ) जारी गर्ने प्रक्रिया औपचारिक रूपमा अघि बढाएको छ। कम्पनीले प्रतिसेयर १०० रुपैयाँ अंकित मूल्यमा कुल १२ करोड ५० लाख रुपैयाँ बराबरको १२ लाख ५० हजार कित्ता साधारण सेयर निष्कासन गर्ने तयारी गरेको हो। उक्त आईपीओ निष्कासन तथा बिक्री प्रबन्धकका रूपमा ज्योति क्यापिटल लाई नियुक्त गरिएको छ। यससम्बन्धी सम्झौतामा हिमालयन बुलियन कम्पनीका अध्यक्ष भीष्मप्रसाद गौतम र ज्योति क्यापिटलका प्रमुख कार्यकारी अधिकृत विकास ढकालले हस्ताक्षर गरेका छन्। कम्पनीका अनुसार, निष्कासन गरिने सेयर सर्वसाधारण (वैदेशिक रोजगारीमा रहेका नेपाली समेत), सामूहिक लगानी कोष तथा कर्मचारीका लागि छुट्ट्याइनेछ। सम्झौताअनुसार, ज्योति क्यापिटलले आईपीओ निष्कासनसँग सम्बन्धित सम्पूर्ण व्यवस्थापन, नियामक निकायसँगको समन्वय, आवश्यक पत्राचार तथा अन्य प्राविधिक कार्य सम्हाल्नेछ। कम्पनी ऐन, २०६३ र धितोपत्रसम्बन्धी ऐन, २०६३ बमोजिम आवश्यक प्रक्रिया पूरा गरी छिट्टै आईपीओ निष्कासन गरिने कम्पनीले जनाएको छ।

NEPSE TRADING18 Jan, 20261 min read

Top

होटल तथा पर्यटन क्षेत्रमा नयाँ पाँचतारे कम्पनीको प्रवेश, होटल फरेष्ट इनको आईपीओ खुला

होटल तथा पर्यटन क्षेत्रमा नयाँ पाँचतारे कम्पनीको प्रवेश, होटल फरेष्ट इनको आईपीओ खुला नेपाल स्टक एक्सचेन्ज (नेप्से) मा होटल तथा पर्यटन क्षेत्रको उपस्थिति थप सुदृढ बनाउँदै अर्को पाँचतारे होटल कम्पनी होटल फरेष्ट इन लिमिटेड ले प्राथमिक सेयर (आईपीओ) निष्काशन गरेको छ। कम्पनीले पहिलो चरणमा वैदेशिक रोजगारीमा रहेका नेपाली नागरिकहरूका लागि माघ ४ गतेदेखि आईपीओ खुला गरेको हो। कम्पनीले नेपाल धितोपत्र बोर्डबाट प्रतिकित्ता १०० रुपैयाँ अंकित मूल्यमा कुल ४० करोड रुपैयाँ बराबरको ४० लाख कित्ता आईपीओ निष्काशनको अनुमति पाएको छ। यसमध्ये १० प्रतिशत अर्थात् ४ लाख कित्ता सेयर वैदेशिक रोजगारीमा रहेका नेपालीहरूका लागि छुट्याइएको छ। वैदेशिक रोजगारीमा रहेका नेपालीहरूले न्यूनतम १० कित्ता र अधिकतम २ लाख कित्तासम्म आवेदन दिन सक्नेछन्। उक्त आईपीओ छिटोमा माघ ८ गते र ढिलोमा माघ १८ गतेसम्म खुला रहने कम्पनीले जनाएको छ। आवेदन नेपाल धितोपत्र बोर्डबाट स्वीकृति प्राप्त सबै आस्वा सदस्य बैंक तथा वित्तीय संस्थाहरू, तिनका तोकिएका शाखा कार्यालयहरू तथा ‘मेरो सेयर’ अनलाइन प्रणालीमार्फत दिन सकिनेछ। आईपीओ निष्काशन तथा बिक्री प्रबन्धकको रूपमा एनआईसी एशिया क्यापिटल लिमिटेड रहेको छ।

NEPSE TRADING18 Jan, 20262 min read

Top

सोलु हाइड्रोपावरको आईपीओमा आवेदन दिने आज अन्तिम दिन

सोलु हाइड्रोपावर लिमिटेड को सर्वसाधारणका लागि जारी गरिएको आईपीओमा आवेदन दिने आज माघ ४ गते अन्तिम दिन हो। कम्पनीले ८२ लाख कित्ता साधारण सेयर सर्वसाधारणका लागि निष्काशन गरेको छ, जसमा न्यूनतम १० कित्ता र अधिकतम १ लाख कित्तासम्म आवेदन दिन सकिन्छ। कम्पनीलाई इन्फोमेरिक्स क्रेडिट रेटिङ्ग नेपालले आइआरएन डबल बी रेटिङ्ग दिएको छ, जसले औषत जोखिम संकेत गर्छ। लगानीकर्ताले सि–आसबामार्फत बैंक तथा वित्तीय संस्था वा ‘मेरो सेयर’ अनलाइन प्रणालीबाट आवेदन दिन सक्नेछन्।

NEPSE TRADING18 Jan, 20261 min read

Top

नेपाल राष्ट्र बैंकद्वारा लघुवित्तको लाभांश वितरणमा कडाइ

नेपाल राष्ट्र बैंकले तोकिएको चुक्ता पूँजी कायम गर्न नसकेका लघुवित्त वित्तीय संस्थाहरूलाई कर प्रयोजनबाहेक नगद लाभांश वितरण गर्न नपाउने व्यवस्था गरेको छ। केन्द्रीय बैंकले खराब (निष्क्रिय) कर्जा अनुपात र पूँजीकोष अनुपातका आधारमा लाभांशको सीमा तोकेको हो। खराब कर्जा १५ प्रतिशतभन्दा बढी भएका संस्थाहरूलाई लाभांश वितरणमा पूर्ण रोक लगाइएको छ भने अन्य योग्य संस्थाहरूले ५ देखि अधिकतम २५ प्रतिशतसम्म लाभांश वितरण गर्न सक्नेछन्। यस व्यवस्थाले वित्तीय अनुशासन र जोखिम व्यवस्थापन सुदृढ हुने अपेक्षा गरिएको छ।

NEPSE TRADING16 Jan, 20261 min read

Top

नेको इन्स्योरेन्सको १५.७८ प्रतिशत लाभांश घोषणा

नेको इन्स्योरेन्स लिमिटेडले गत आर्थिक वर्षको मुनाफाबाट शेयरधनीलाई कुल १५.७८ प्रतिशत लाभांश वितरण गर्ने घोषणा गरेको छ। यसमा १२.७८ प्रतिशत बोनस शेयर र कर प्रयोजनका लागि ३ प्रतिशत नगद लाभांश समावेश छ। प्रस्तावित लाभांश नेपाल बीमा प्राधिकरणको स्वीकृति र आगामी वार्षिक साधारण सभाबाट पारित भएपछि वितरण गरिनेछ।

NEPSE TRADING16 Jan, 2026<1 min read

Top

माघ १२ गतेदेखि भुजुङ्ग हाइड्रोपावरको आईपीओ सर्वसाधारणका लागि खुल्ने

भुजुङ्ग हाइड्रोपावर लिमिटेडले माघ १२ गतेदेखि सर्वसाधारणका लागि आईपीओ निष्कासन गर्ने भएको छ। कम्पनीले दोस्रो चरणमा ८ लाख ३० हजार कित्ता साधारण शेयर सार्वजनिक निष्कासन गर्न लागेको हो। आईपीओमा न्यूनतम १० कित्ता र अधिकतम ५० हजार कित्तासम्म आवेदन दिन सकिनेछ। छिटोमा माघ १५ र ढिलोमा माघ २६ गतेसम्म आवेदन दिन सकिने व्यवस्था छ। ७.५ मेगावाट क्षमताको माथिल्लो मिदिम जलविद्युत आयोजना सञ्चालन गरिरहेको कम्पनीको आईपीओ निष्कासन तथा बिक्री प्रबन्धक कुमारी क्यापिटल लिमिटेड रहेको छ।

NEPSE TRADING16 Jan, 20261 min read

Top

दोस्रो त्रैमासको अन्तिम कारोबार दिन नेप्से सामान्य अंकले सकारात्मक

दोस्रो त्रैमासको अन्तिम कारोबार दिन पुस ३० गते नेप्से परिसूचक १.५२ अंकले बढेर २६४१.४३ विन्दुमा पुगेको छ। बजार सकारात्मक रहे पनि कारोबार रकम घटेर ६ अर्ब २० करोड रुपैयाँमा सीमित भयो। यस दिन सुपर मादी हाइड्रोपावरको शेयरमूल्य सर्वाधिक बढेको छ। १३ उपसमूहमध्ये ८ उपसमूह उकालो लाग्दा वित्त उपसमूह सबैभन्दा बढी २.५५ प्रतिशतले बढेको छ।

NEPSE TRADING14 Jan, 20261 min read

Investor

कहीं नभएको जात्रा हाँडिगाउँमा ! AGM मा जान डिम्याट स्टेटमेन्टमै फोटो चाहिने ?

काठमाडौँ । सेयरधनीहरूको अधिकारसँग जोडिएको वार्षिक साधारणसभा (AGM) सम्बन्धी एउटा सूचनाले पूँजी बजारमा चर्को बहस जन्माएको छ। Synergy Power Development Limited ले प्रकाशित गरेको AGM सूचनामा उल्लेख गरिएको एक बुँदालाई लिएर लगानीकर्ताहरू अन्योलमा परेका छन्। कम्पनीको सूचनाअनुसार AGM मा सहभागी हुन सेयरधनीले आफ्नो डिम्याट खाताको विवरण (Demat Statement) तथा परिचय खुल्ने कागजात पेश गर्नुपर्ने उल्लेख गरिएको छ। यही व्यवस्थालाई सामाजिक सञ्जालमा फरक–फरक तरिकाले व्याख्या गरिँदा “डिम्याट स्टेटमेन्टमै फोटो नदेखिए AGM मा प्रवेश नपाइने” भन्ने बुझाइ फैलिएको हो।

NEPSE TRADING14 Jan, 20262 min read

Investor

सिन्धुलीमा नेपाल एसबीआई बैंकमा सशस्त्र लुटपाट, ४ जना पक्राउ, १ करोड ८० लाखभन्दा बढी रकम बरामद

सिन्धुलीमा नेपाल एसबीआई बैंकमा सशस्त्र लुटपाट, ४ जना पक्राउ, १ करोड ८० लाखभन्दा बढी रकम बरामद सिन्धुली । सिन्धुली जिल्लाको घ्याङ्लेख गाउँपालिका–२ बस्तीपुरस्थित Nepal SBI Bank को हायुटार शाखामा मंगलबार राति सशस्त्र लुटपाट भएको छ। नकाबधारी पाँच–छ जनाको समूहले बैंकमा प्रवेश गरी लुटपाट गर्दा एक जना सुरक्षा गार्ड घाइते भएका छन् भने ठूलो रकम लुटिएको प्रहरीले जनाएको छ। जिल्ला प्रहरी कार्यालय सिन्धुलीका अनुसार मंगलबार साँझ करिब ८:४० बजे लुटेराहरूले बैंकका सुरक्षा गार्ड रुद्रबहादुर कार्कीलाई नियन्त्रणमा लिएर खुकुरी प्रहार गरी घाइते बनाएका थिए। त्यसपछि बैंकका कर्मचारीलाई समेत नियन्त्रणमा लिएर ३ करोड १० लाख ९५ हजार २८३ रुपैयाँ लुटेर फरार भएका थिए। लुटेराहरू भाग्ने क्रममा स्थानीयको होहल्लापछि केही रकम बोकेको बोरा घटनास्थलमै छाडेर भागेको र थप खोजतलासका क्रममा घटनास्थलको २–३ किलोमिटर क्षेत्रभित्र विभिन्न स्थानबाट रकम फेला परेको प्रहरीले जनाएको छ। जिल्ला प्रहरी कार्यालय सिन्धुलीका प्रमुख एसपी लालध्वज सुवेदीका अनुसार हालसम्म १ करोड ८० लाख १० हजार ५०० रुपैयाँ बरामद गरिएको छ।

NEPSE TRADING14 Jan, 20261 min read

Investor

अन्नपूर्ण माछा दाना उद्योगको आईपीओ बिक्री प्रबन्धकमा लक्ष्मी सनराइज क्यापिटल नियुक्त

अन्नपूर्ण माछा दाना उद्योगको आईपीओ बिक्री प्रबन्धकमा लक्ष्मी सनराइज क्यापिटल नियुक्त काठमाडौं । नेपालको अग्रणी कृषि–प्रशोधन कम्पनी अन्नपूर्ण माछा दाना उद्योग लिमिटेड (एएमडीयू) ले आफ्नो प्रारम्भिक सार्वजनिक निष्कासन (आईपीओ) का लागि लक्ष्मी सनराइज क्यापिटल लिमिटेड लाई बिक्री प्रबन्धक नियुक्त गरेको छ। कम्पनीलाई सार्वजनिक सूचीकरणतर्फ अघि बढाउने उद्देश्यसहित गरिएको यस नियुक्तिसँगै एएमडीयूको दीर्घकालीन औद्योगिक विस्तार योजना थप सशक्त हुने अपेक्षा गरिएको छ। आईपीओ प्रक्रिया सफलतापूर्वक सम्पन्न गर्न आवश्यक परामर्श, समन्वय तथा व्यवस्थापनको जिम्मेवारी लक्ष्मी सनराइज क्यापिटलले सम्हाल्नेछ। एएमडीयूका प्रमुख कार्यकारी अधिकृत (सीईओ) श्री यश पुरी र लक्ष्मी सनराइज क्यापिटलका प्रमुख कार्यकारी अधिकृत (सीईओ) श्री विजयलाल श्रेष्ठ बीच सम्झौतामा हस्ताक्षर भएसँगै बिक्री प्रबन्धक नियुक्ति औपचारिक रूपमा सम्पन्न भएको हो। उक्त सम्झौताले एएमडीयूलाई आईपीओ प्रक्रियामा मार्गदर्शन गर्ने तथा नेपालको पुँजी बजारमा सहज प्रवेश सुनिश्चित गर्ने विश्वास लिइएको छ।

NEPSE TRADING14 Jan, 20261 min read