NEPSE Trading

बाफिया विधेयकमा हतार नगर्न सांसद कार्कीको सुझाव, गभर्नर र अर्थमन्त्रीसँग आवासीय छलफलको प्रस्ताव

बाफिया विधेयकमा हतार नगर्न सांसद कार्कीको सुझाव, गभर्नर र अर्थमन्त्रीसँग आवासीय छलफलको प्रस्ताव पूर्वअर्थमन्त्री तथा नेपाली कांग्रेसका सांसद ज्ञानेन्द्रबहादुर कार्कीले बैंक तथा वित्तीय संस्था सम्बन्धी विधेयक (बाफिया)लाई हतारमा पारित गर्दा सकारात्मक परिणाम नआउने चेतावनी दिएका छन्। बिहीबार बसेको प्रतिनिधिसभाअन्तर्गत अर्थ समितिको बैठकमा बोल्दै उनले गम्भीरतापूर्वक बाफिया विधेयकको पुनरावलोकन र अन्तर्राष्ट्रिय अभ्यासअनुसार संशोधन आवश्यक रहेको बताए। सांसद कार्कीले मुलुकको अर्थतन्त्र सुस्त गतिमा रहेकाले बाफियामा व्यापक सुधार गर्नुपर्ने धारणा राखे। उनले भने, “बाफिया विधेयकमा गहिरो छलफल गरेर, गभर्नर र अर्थमन्त्री समेत सहभागी हुने आवासीय कार्यक्रममार्फत संशोधन गरिनुपर्छ।” विशेषतः साना कृषक र स्टार्टअप व्यवसायलाई कसरी कर्जा प्रवाह गर्न सकिन्छ भन्ने विषयमा ध्यान दिनुपर्ने उनले बताए।

NEPSE trading 3 Jul, 20251 min read

Investor

गभर्नर पौडेलको खुलासा: ३७३ जनासँग बैंक तथा वित्तीय संस्थाको प्रमोटर सेयर

गभर्नर पौडेलको खुलासा: ३७३ जनासँग बैंक तथा वित्तीय संस्थाको प्रमोटर सेयर नेपाल राष्ट्र बैंकका गभर्नर डा. विश्वनाथ पौडेलले देशभरका बैंक तथा वित्तीय संस्थाहरूमा ३७३ जनासँग प्रमोटर सेयर रहेको खुलासा गरेका छन्। बिहीबार बसेको प्रतिनिधिसभाको अर्थ समितिको बैठकमा बोल्दै गभर्नर पौडेलले यस्तो तथ्य प्रस्तुत गरेका हुन्। उनका अनुसार वाणिज्य बैंकमा ७२ जनाले एक प्रतिशतभन्दा बढी प्रमोटर सेयर राखेका छन् भने विकास बैंकमा १३० र फाइनान्स कम्पनीमा १७१ जनाको प्रमोटर सेयर रहेको जानकारी दिए। संस्थापक सेयरको दुई प्रतिशतभन्दा बढी स्वामित्व हस्तान्तरणमा राष्ट्र बैंकको स्वीकृति अनिवार्य बनाउने कानुनी प्रस्तावबारे छलफल हुँदै गर्दा गभर्नर पौडेलले लचिलो दृष्टिकोण अपनाउन सकिने संकेत दिए। “कति प्रतिशत भन्ने कुरा ऐनमै उल्लेख गर्नुभन्दा राष्ट्र बैंकलाई निर्णय गर्ने छुट दिनु उपयुक्त हुन सक्छ,” उनले स्पष्ट पारे।

NEPSE trading 3 Jul, 20251 min read

Top

नेपाली बजारमा फेरि बढ्यो सुन र चाँदीको मूल्य

नेपाली बजारमा सुन र चाँदीको मूल्य बढेको छ। असार १९ गते बिहीबार छापावाल सुन प्रतितोला ४०० रुपैयाँले बढेर १,९२,१०० रुपैयाँ पुगेको छ भने चाँदीको मूल्य २५ रुपैयाँले बढ्दै २,१७० रुपैयाँ पुगेको छ।

NEPSE TRADING3 Jul, 2025<1 min read

Investor

स्वस्तिक लघुवित्तको आईपीओ असार २७ गतेदेखि

स्वस्तिक लघुवित्तको आईपीओ असार २७ गतेदेखि, वैदेशिक रोजगारीमा रहेका नेपालीलाई प्राथमिकता स्वस्तिक लघुवित्त वित्तीय संस्था लिमिटेडले असार २७ गतेदेखि आफ्नो प्रारम्भिक सार्वजनिक निष्काशन (आईपीओ) सार्वजनिक गर्ने भएको छ। कम्पनीले पहिलो चरणमा वैदेशिक रोजगारीमा रहेका नेपाली नागरिकहरूका लागि २३ हजार १ सय कित्ता सेयर निष्काशन गर्दैछ, जुन कुल आईपीओको १० प्रतिशत हो। स्वस्तिकले ५ करोड ७७ लाख ५० हजार रुपैयाँ जारी पुँजीको ४० प्रतिशत बराबर २ लाख ३१ हजार कित्ता सेयर निष्काशन गर्न लागेको हो। उक्त आईपीओमा न्युनतम १० कित्तादेखि अधिकतम ५ हजार कित्तासम्म आवेदन दिन पाइनेछ। आवेदन अवधि साउन ९ गतेसम्म कायम रहनेछ। रेटिङ एजेन्सी इक्रा नेपालले यस आईपीओलाई ‘इक्रा आईआर बी’ रेटिङ प्रदान गरेको छ, जसले उच्च वित्तीय जोखिम रहेको संकेत गर्दछ।

NEPSE trading 3 Jul, 20251 min read

Top

ट्रम्पद्वारा फेरि केन्द्रीय बैंकका अध्यक्ष पावेलको राजीनामा माग, ‘अब ढिला भइसक्यो’

ट्रम्पद्वारा फेरि केन्द्रीय बैंकका अध्यक्ष पावेलको राजीनामा माग, ‘अब ढिला भइसक्यो’ अमेरिकी पूर्वराष्ट्रपति डो नाल्ड ट्रम्पले अमेरिकी केन्द्रीय बैंक (फेडरल रिजर्भ) का अध्यक्ष जेरोम पावेलको पुनः राजीनामा माग गरेका छन्। सामाजिक सञ्जाल ट्रुथ सोसलमा ट्रम्पले लेखेका छन्, "धेरै ढिला भयो, उनलाई तुरुन्तै राजीनामा दिनुपर्छ।" ट्रम्पले आफ्नै पहिलो कार्यकालमा पावेललाई केन्द्रीय बैंकको प्रमुख नियुक्त गरेका थिए, तर ब्याजदर नघटाएको भन्दै निरन्तर उनको आलोचना गर्दै आएका छन्। सन् २०२५ को सुरुमा भने ट्रम्पले पावेललाई बर्खास्त गर्ने योजना नरहेको बताएका थिए। तर पछिल्ला दिनहरूमा उनले आलोचना थप चर्काउँदै राजीनामा माग गर्न थालेका छन्। ट्रम्प र पावेलबीचको मुख्य मतभेद ब्याजदर घटाउने नीतिलाई लिएर देखिन्छ। ट्रम्पको तर्क छ– ब्याजदर घटाएर आर्थिक गतिविधिलाई प्रवर्द्धन गर्नु पर्छ। तर पावेलले भने ट्रम्पका व्यापारिक नीतिहरू विशेषगरी भन्सार करको असरले अर्थतन्त्रमा अन्योलता बढाएको र यही कारण ब्याजदर घटाउन कठिन भएको बताएका छन्।

NEPSE trading 3 Jul, 20251 min read

Investor

नेपाल–स्पेन आर्थिक सहकार्य विस्तारमा अध्यक्ष ढकालको आह्वान

नेपाल–स्पेन आर्थिक सहकार्य विस्तारमा अध्यक्ष ढकालको आह्वान नेपाल उद्योग वाणिज्य महासंघका अध्यक्ष चन्द्रप्रसाद ढकालले नेपाल र स्पेनबीचको आर्थिक सम्बन्धलाई अझ मजबुत बनाउँदै लगानी सहकार्यलाई विस्तार गर्न स्पेनका व्यवसायीहरूलाई आग्रह गरेका छन्। बुधबार स्पेनको म्याड्रिडस्थित नेपाली दूतावासद्वारा आयोजित विशेष कार्यक्रमलाई सम्बोधन गर्दै अध्यक्ष ढकालले नेपालमा पर्यटन, ऊर्जा, कृषि, सूचना प्रविधि र पूर्वाधारजस्ता क्षेत्रहरूमा लगानीका पर्याप्त सम्भावना रहेको बताए। अध्यक्ष ढकालले नेपालको अर्थतन्त्रको मेरुदण्डका रूपमा पर्यटनलाई उल्लेख गर्दै सगरमाथादेखि बुद्ध जन्मस्थल लुम्बिनीसम्म रहेका धार्मिक, सांस्कृतिक र प्राकृतिक सम्पदाले विदेशी पर्यटकलाई आकर्षण गर्ने उल्लेख गरे। गुणस्तरीय सेवा र पूर्वाधारमा स्पेनी लगानी जुटाउन सकिए नेपालले विश्वभरका पर्यटकलाई थप आकर्षित गर्नसक्ने उनको विश्वास छ।

NEPSE trading 3 Jul, 20251 min read

Investor

कर्णाली बैंक अनियमितता प्रकरणः पूर्वअध्यक्ष मिश्र पक्राउ, अनुसन्धान तीव्र

कर्णाली बैंक अनियमितता प्रकरणः पूर्वअध्यक्ष मिश्र पक्राउ, अनुसन्धान तीव्र कर्णाली डेभलपमेन्ट बैंकमा देखिएको करोडौँको आर्थिक अनियमितताको मुद्दामा पूर्वअध्यक्ष पशुपति दयाल मिश्र पक्राउ परेका छन्। मिश्रलाई नेपालगञ्जबाट पक्राउ गरिएको हो। प्रहरीका अनुसार बैंक घोटालासँग जोडिएका व्यक्तिहरूमा यो पछिल्लो पक्राउ हो। मधेश आन्दोलनको पृष्ठभूमिबाट राजनीति यात्रा सुरु गरेका मिश्र २०७४ सालमा प्रतिनिधिसभा चुनावमा उम्मेदवारसमेत थिए। एमालेको समर्थनमा चुनाव लडेका उनी हाल नेकपा (एमाले) का केन्द्रीय सदस्य हुन्। लामो समय फरार रहेका उनी बैंक हिनामिना प्रकरणमा मुख्य अभियुक्तको रूपमा पहिचान भएपछि निगरानीमा थिए।

NEPSE trading 3 Jul, 20251 min read

Investor

एशियन लाइफ इन्स्योरेन्सको लाभांश प्राप्त गर्न आज अन्तिम मौका

एशियन लाइफ इन्स्योरेन्सको लाभांश प्राप्त गर्न आज अन्तिम मौका एशियन लाइफ इन्स्योरेन्स लिमिटेडको प्रस्तावित लाभांश सुरक्षित गर्न आज असार १९ गते, बिहीबार, अन्तिम दिन हो। कम्पनीले असार २० गतेदेखि बुकक्लोज गर्ने निर्णय गरेकोले, आजसम्म सेयर बजारमा कारोबार भई नाम कायम भएका सेयरधनीहरू लाभांश प्राप्त गर्ने हकदार हुनेछन्। कम्पनीले १७औँ वार्षिक साधारण सभा असार ३० गते, सोमबार, बारास्थित सिमराको होटल इच्छामा आयोजना गर्नेछ। दिउँसो १ बजे सुरु हुने उक्त सभामा ५.१० प्रतिशत बोनस सेयर वितरण र सो बोनसमा लाग्ने कर प्रयोजनका लागि ०.२६८४ प्रतिशत नगद लाभांश दिने प्रस्ताव राखिनेछ। त्यसैगरी, प्रबन्धपत्र र नियमावलीमा संशोधन, सञ्चालक समितिमा नयाँ प्रतिनिधिहरूको चयन, स्वतन्त्र सञ्चालकको मनोनयन तथा आगामी आर्थिक वर्षका लागि लेखापरीक्षक नियुक्तिको प्रस्ताव पनि सभामा प्रस्तुत गरिनेछ।

NEPSE trading 3 Jul, 20251 min read

Top

प्रधानमन्त्री ओलीद्वारा स्पेनका उद्यमीलाई नेपालमा लगानी गर्न आह्वान

प्रधानमन्त्री ओलीद्वारा स्पेनका उद्यमीलाई नेपालमा लगानी गर्न आह्वान प्रधानमन्त्री केपी शर्मा ओलीले स्पेनका उद्यमी तथा व्यवसायीहरूलाई नेपालको पर्यटन, कृषि, सूचना प्रविधि र पूर्वाधार क्षेत्रमा लगानी गर्न आह्वान गरेका छन्। बुधबार स्पेनस्थित नेपाली दूतावास र स्पेन उद्योग वाणिज्य सङ्घको संयुक्त आयोजनामा सम्पन्न नेपाल–स्पेन व्यवसायिक छलफल कार्यक्रममा सम्बोधन गर्दै प्रधानमन्त्री ओलीले ‘समृद्ध नेपाल, सुखी नेपाली’को राष्ट्रिय आकांक्षालाई साकार पार्न विदेशी लगानीलाई प्रोत्साहन गरिरहेको उल्लेख गरे। प्रधानमन्त्री ओलीले नेपालमा लगानीका लागि उपयुक्त वातावरण तयार भएको बताउँदै निजी क्षेत्रलाई आर्थिक वृद्धिको इञ्जिनको रूपमा उल्लेख गरे। लगानी बोर्ड नेपालको अध्यक्षका रूपमा उनले लगानीकर्ताको सुरक्षाका साथै सहजीकरणका लागि सरकारले सबै आवश्यक काम गर्ने प्रतिबद्धता व्यक्त गरे।

NEPSE trading 3 Jul, 20251 min read

Top

आजका लागि विदेशी विनिमय दर सार्वजनिक, डलर एकको खरिददर १३६ रुपैयाँ ८३ पैसा

आजका लागि विदेशी विनिमय दर सार्वजनिक नेपाल राष्ट्र बैंकले बुधबारका लागि विदेशी मुद्राको विनिमय दर सार्वजनिक गरेको छ। बैंकका अनुसार अमेरिकी डलर एकको खरिददर १३६ रुपैयाँ ८३ पैसा र बिक्रीदर १३७ रुपैयाँ ४३ पैसा कायम गरिएको छ। युरोपियन युरो एकको खरिददर १६० रुपैयाँ ९५ पैसा र बिक्रीदर १६१ रुपैयाँ ६६ पैसा निर्धारण गरिएको छ भने, युके पाउन्ड स्ट्रलिङ एकको खरिददर १८७ रुपैयाँ ५३ पैसा र बिक्रीदर १८८ रुपैयाँ ३५ पैसा तोकिएको छ।

NEPSE trading 3 Jul, 20251 min read

Investor

लगातार चौथो दिन नेप्से उकालो, बजार २०० दिने मूभिङ एभरेज माथि क्लोज

लगातार चौथो दिन नेप्से उकालो, बजार २०० दिने मूभिङ एभरेज माथि क्लोज नेप्से र समग्र बजारको अवस्था बुधबार नेप्से परिसूचक ३४.४२ अंकले वृद्धि भई २६९४.८२ विन्दुमा पुगेर बन्द भएको छ। लगातार चौथो दिन उकालो लागेको नेप्सेले लगानीकर्तामा थप आत्मविश्वास जगाएको छ। पछिल्लो केहि हप्ता करेक्सनमा रहेको बजार असार महिनाको मध्यदेखि क्रमशः सुधार हुँदै गएको छ। सस्तो मूल्यमा पुगेका सेयरहरूले पुनः आकर्षण बढाएपछि लगानीकर्ता तथा प्राविधिक विश्लेषक बजार प्रवेशमा सक्रिय देखिएका छन्। यसैबीच बैंकिङ प्रणालीमा तरलता प्रशस्त छ भने ब्याजदर ऐतिहासिक रूपमा न्यून विन्दुमा रहेकाले लगानीका लागि वातावरण अनुकूल बन्दै गएको छ। साथै, असार मसान्तपछि कम्पनीहरूले चौथो त्रैमासिक वित्तीय विवरण प्रकाशन गर्ने तयारीमा छन् र त्यसपछि लाभांश घोषणाको चरण सुरु हुने भएकाले सेयर खरिदमा लगानीकर्ता आक्रामक देखिएका छन्।

NEPSE trading 2 Jul, 20253 min read

Investor

ऊर्जा क्षेत्र सरकारको प्राथमिकतामा: ठूला जलविद्युत् आयोजना निर्माण अघि बढ्ने

ऊर्जा क्षेत्र सरकारको प्राथमिकतामा: ठूला जलविद्युत् आयोजना निर्माण अघि बढ्ने ऊर्जा, जलस्रोत तथा सिँचाइमन्त्री दीपक खड्काले ठूला तथा जलाशययुक्त जलविद्युत् आयोजना सरकारको प्राथमिकतामा रहेको बताएका छन्। राष्ट्रिय सभाको आजको बैठकमा ‘विनियोजन विधेयक–२०८२’ अन्तर्गत उठेका प्रश्नहरूको जवाफ दिँदै उनले कर्णाली, माथिल्लो कर्णाली, भेरी, जगदुल्ला लगायतका आयोजनाहरूमा लगानी परिचालन र निर्माण प्रक्रिया अघि बढाइएको जानकारी दिए। मन्त्री खड्काका अनुसार माथिल्लो कर्णाली आयोजना भारतको जीएमआर समूहसँग सार्वजनिक–निजी साझेदारीमा अगाडि बढाइएको छ भने फुकोट कर्णाली आयोजनामा एनएचपिसी लिमिटेडसँग संयुक्त लगानी सम्झौता भइसकेको छ। यद्यपि, उक्त आयोजनामाथि सर्वोच्च अदालतमा मुद्दा रहेकाले कार्यान्वयन प्रक्रिया हाल यथास्थितिमा रहेको उनले स्पष्ट पारे।

NEPSE TRADING2 Jul, 20252 min read

Investor

बैंकहरूले राष्ट्र बैंकमा राखेको रकम पाँच खर्ब ६१ अर्ब नाघ्यो, अधिक तरलता अझै कायम

बैंकहरूले राष्ट्र बैंकमा राखेको रकम पाँच खर्ब ६१ अर्ब नाघ्यो, अधिक तरलता अझै कायम नेपाल राष्ट्र बैंकको तथ्यांकअनुसार मंगलबारसम्म बैंकहरूले राष्ट्र बैंकमा राखेको रकम पाँच खर्ब ६१ अर्ब रुपैयाँ पुगेको छ, जुन चालु आर्थिक वर्षको पहिलोपटक पाँच खर्ब पार गरेको हो। लामो समयदेखि बैंकहरूमा थुप्रिएको तरलता कर्जा लगानीमा रूपान्तरण हुन नसक्दा राष्ट्र बैंकले मौद्रिक उपकरणमार्फत यस्तो रकम तान्दै आएको छ। बैंकहरूले निक्षेप संकलन, स्थायी निक्षेप सुविधा लगायतका माध्यमबाट राष्ट्र बैंकमा रकम राख्ने गरेका छन्, जुन सामान्यतया सरकारी ऋणपत्रहरू वा अन्य तरल सम्पत्तिको रूपमा हुन्छ। अहिले बैंकिङ प्रणालीमा करिब सात खर्ब हाराहारी तरलता रहेको अनुमान गरिएको छ। तर कर्जा प्रवाह नबढ्दा उक्त रकम निष्क्रिय बनेको देखिन्छ। यसबीच, राष्ट्र बैंकले बुधबार मात्रै ६० अर्ब रुपैयाँ ६३ दिनको अवधिका लागि बैंक प्रणालीबाट निकालेको छ। यसअघि राष्ट्र बैंक प्रायः सात दिनको अवधिका लागि मात्र रकम तान्ने गर्थ्यो। तर हाल तरलता अधिकता स्थायी रूपमा देखिएपछि राष्ट्र बैंकले दीर्घकालीन उपायस्वरूप लामो अवधिको निक्षेप संकलन गर्न थालेको हो।

NEPSE TRADING2 Jul, 20251 min read

Top

एमसिसी परियोजनालाई निरन्तरता, एमसिए-नेपालद्वारा स्वागत

एमसिसी परियोजनालाई निरन्तरता, एमसिए-नेपालद्वारा स्वागत मिलेनियम च्यालेञ्ज एकाउण्ट नेपाल विकास समिति (एमसिए–नेपाल) ले एमसिसी अन्तर्गतका परियोजनाहरूलाई निरन्तरता दिने निर्णय अमेरिकी सरकारले गरेको भन्दै स्वागत गरेको छ। अमेरिकी वैदेशिक सहयोगमा लगाइएको अस्थायी स्थगनको सन्दर्भमा विशेष छुट दिँदै एमसिसी नेपाल कम्प्याक्ट कार्यान्वयन अगाडि बढाउने निर्णय गरिएको हो। एमसिए–नेपालले बुधबार जारी गरेको विज्ञप्तिमा २९७ किलोमिटर लामो विद्युत प्रसारण लाइन, तीन वटा सबस्टेशन, १८ किलोमिटर सीमापार ट्रान्समिसन लाइन तथा पूर्वपश्चिम राजमार्गको भालुवाङ–लमही–शिवखोला खण्डको स्तरोन्नति सम्बन्धी कार्यहरूलाई निरन्तरता दिइएको उल्लेख गरिएको छ।

NEPSE TRADING2 Jul, 20251 min read

Top

ट्रम्पको चेतावनी : जापानबाट आयात हुने वस्तुमा ३०–३५ प्रतिशतसम्म कर वृद्धि हुन सक्ने

ट्रम्पको चेतावनी : जापानबाट आयात हुने वस्तुमा ३०–३५ प्रतिशतसम्म कर वृद्धि हुन सक्ने अमेरिकी राष्ट्रपति डोनाल्ड ट्रम्पले जापानसँगको व्यापार सम्झौता समयमै नहुने सम्भावना देखाउँदै जापानी सामानमा आयात कर ३० देखि ३५ प्रतिशतसम्म पुर्‍याउने चेतावनी दिएका छन्। एयर फोर्स वानमा पत्रकारहरूसँग कुराकानी गर्दै ट्रम्पले जुलाई ९ भित्र सम्झौता सम्भव नदेखिएको बताउँदै जापानप्रति आफू शङ्काशील रहेको उल्लेख गरे। उनले अमेरिकी चामलको आयात स्वीकार्न जापानले अनिच्छा देखाएको र दुई देशबीच सवारी साधन व्यापारमा असन्तुलन रहेको गुनासो गरेका छन्। ट्रम्पले "जापानसँग ठूलो व्यापार घाटा छ, त्यसैले जापानले ३०–३५ प्रतिशत वा आवश्यकअनुसारको कर तिर्नुपर्नेछ" भनी स्पष्ट पारे। उनले यो अवस्थालाई अमेरिकी जनतामाथिको अन्याय भनेका छन्।

NEPSE TRADING2 Jul, 20251 min read

Latest

सुनको मूल्यमा १२ सयको वृद्धि, चाँदी १० रुपैयाँले सस्तो

सुनको मूल्यमा १२ सयको वृद्धि, चाँदी १० रुपैयाँले सस्तो बुधबार सुनको मूल्य प्रतितोला १२ सय रुपैयाँले बढेर एक लाख ९१ हजार ७ सय रुपैयाँ पुगेको छ। अघिल्लो दिन यो मूल्य एक लाख ९० हजार ५०० रुपैयाँ थियो। नेपाल सुनचाँदी व्यवसायी महासंघका अनुसार प्रति १० ग्राम छापावाला सुनको मूल्य एक लाख ६४ हजार ३ सय ५० रुपैयाँ कायम भएको छ।

Nepse trading2 Jul, 2025<1 min read

Stock

दरमखोला हाइड्रोको वैदेशिक रोजगारी आईपीओमा ४.०२ गुणा बढी आवेदन

Daramkhola Hydropower Energy Limited's IPO issued for Nepali citizens working abroad has received an overwhelming response, with applications exceeding the offering by 4.02 times. According to CDS, as of 5:06 AM on Ashar 18, a total of 58,797 applicants had applied for 1,175,020 shares, amounting to over NPR 117.5 million.

Nepse trading2 Jul, 2025<1 min read

Investor

आजदेखि विकाश हाइड्रोपावरको आईपीओमा आवेदन खुला, असार २२ सम्म समय

आजदेखि विकाश हाइड्रोपावरको आईपीओमा आवेदन खुला, असार २२ सम्म समय विकाश हाइड्रोपावर कम्पनी लिमिटेडले आज असार १८ गतेदेखि सर्वसाधारणका लागि आईपीओ (प्रारम्भिक सार्वजनिक निष्काशन) खुला गरेको छ। कम्पनीले कुल २९ लाख ४२ हजार ७६० कित्ता शेयर सर्वसाधारणका लागि निष्काशन गरेको हो, जसको कुल मूल्य २९ करोड ४२ लाख ७६ हजार रुपैयाँ बराबरको रहेको छ। यस आईपीओमा न्यूनतम १० कित्तादेखि अधिकतम १० हजार कित्तासम्म आवेदन दिन सकिनेछ। आवेदन दिने अन्तिम म्याद असार २२ गतेसम्म रहेको छ। यदि सो अवधिमा पर्याप्त आवेदन नपरेमा म्याद असार ३२ गतेसम्म लम्बिन सक्छ।

NEPSE TRADING2 Jul, 20251 min read

Trending

नेपाल राष्ट्र बैंकले आजको लागि विदेशी मुद्राको विनिमय दर सार्वजनिक, अमेरिकी डलरको बिक्रीदर १३७ रुपैयाँ १४ पैसा

नेपाल राष्ट्र बैंकले आजको लागि विदेशी मुद्राको विनिमय दर सार्वजनिक, अमेरिकी डलरको बिक्रीदर १३७ रुपैयाँ १४ पैसा काठमाडौं — नेपाल राष्ट्र बैंकले आज (मंगलबार) का लागि विदेशी मुद्राको विनिमय दर निर्धारण गरेको छ। राष्ट्र बैंकका अनुसार अमेरिकी डलर एकको खरिददर १३६ रुपैयाँ ५४ पैसा र बिक्रीदर १३७ रुपैयाँ १४ पैसा तोकिएको छ। युरोपियन युरोको खरिददर १६१ रुपैयाँ २३ पैसा र बिक्रीदर १६१ रुपैयाँ ९३ पैसा, युके पाउण्ड स्ट्रलिङको खरिददर १८७ रुपैयाँ ९६ पैसा र बिक्रीदर १८८ रुपैयाँ ७९ पैसा कायम गरिएको छ। त्यस्तै, स्वीस फ्र्याङ्कको खरिददर १७३ रुपैयाँ ०७ पैसा र बिक्रीदर १७३ रुपैयाँ ८३ पैसा निर्धारण गरिएको छ। अष्ट्रेलियन डलरको खरिददर ८९ रुपैयाँ ८८ पैसा र बिक्रीदर ९० रुपैयाँ २८ पैसा, क्यानेडियन डलरको खरिददर १०० रुपैयाँ ३४ पैसा र बिक्रीदर १०० रुपैयाँ ७८ पैसा छ।

NEPSE TRADING2 Jul, 20251 min read

Investor

राष्ट्रिय प्रसारण ग्रीड कम्पनी र पाँच जलविद्युत कम्पनीबीच ग्रीड कनेक्शनसम्बन्धी महत्वपूर्ण सम्झौता सम्पन्न

राष्ट्रिय प्रसारण ग्रीड कम्पनी र पाँच जलविद्युत कम्पनीबीच ग्रीड कनेक्शनसम्बन्धी महत्वपूर्ण सम्झौता सम्पन्न राष्ट्रिय प्रसारण ग्रीड कम्पनी लिमिटेड र पाँचवटा प्रमुख जलविद्युत प्रवद्र्धक कम्पनीहरूबीच ग्रीड कनेक्शनसम्बन्धी महत्वपूर्ण सम्झौतामा हस्ताक्षर सम्पन्न भएको छ। ऊर्जा, जलस्रोत तथा सिंचाई मन्त्री दीपक खड्काको प्रमुख आतिथ्यमा मंगलबार नयाँ बानेश्वरमा आयोजित एक विशेष समारोहका बीच यो सम्झौता सम्पन्न भएको हो। सम्झौतामा ग्रीड कम्पनीका प्रमुख कार्यकारी अधिकृत इन्जिनियर सागर श्रेष्ठ र पाँच जलविद्युत प्रवद्र्धक कम्पनीका प्रतिनिधिहरूले हस्ताक्षर गरेका छन्। ती कम्पनीहरूमा एस. सी. पावर कम्पनी प्रा.लि., सुर्मा सरोबर हाइड्रोपावर प्रा.लि., माता मालिका इनर्जी मल्टिपल प्रा.लि., सूर्य होल्डिङ्ग प्रा.लि., र श्री हिमजल हाइड्रोपावर प्रा.लि. रहेका छन्।

NEPSE TRADING2 Jul, 20251 min read