Top News
Stay informed and invest with latest NEPSE news and analysis.
1 min read
मिथिला लघुवित्त वित्तीय संस्था लिमिटेड ले लाभांश प्रस्ताव पारित गर्न पुस ३० गते १७औँ वार्षिक साधारण सभा बोलाएको छ। सभाले १४.२५ प्रतिशत बोनस शेयर र कर प्रयोजनार्थ ०.७५ प्रतिशत नगद लाभांश वितरण गर्ने प्रस्ताव पारित गर्नेछ। साधारण सभा तथा लाभांश प्रयोजनका लागि पुस १६ गते बुक क्लोज हुनेछ भने पुस १४ गतेसम्म कायम शेयरधनी लाभांश र सभामा सहभागी हुन पाउनेछन्।
NEPSE TRADING
·24 Dec, 2025
1 min read
पुस ९ गते नेपाली बजारमा सुन र चाँदीको मूल्यले फेरि नयाँ रेकर्ड बनाएको छ। यस दिन सुन प्रतितोला ९०० रुपैयाँ बढेर २ लाख ६८ हजार १०० रुपैयाँ पुगेको छ भने चाँदी तोलामा १६५ रुपैयाँले बढेर ४ हजार ४२० रुपैयाँमा कारोबार भएको छ। पछिल्ला दिनहरूमा दुवै धातुको मूल्य निरन्तर बढ्दै दैनिक नयाँ उचाइ कायम भइरहेको छ।
NEPSE TRADING
·24 Dec, 2025
1 min read
विजय लघुवित्त वित्तीय संस्था लिमिटेडले संस्थापक र सर्वसाधारण शेयरधनीबीच ७०ः३० को स्वामित्व अनुपात कायम गर्न पुस २१ गतेदेखि एफपीओ निष्काशन गर्दैछ। लघुवित्तले प्रतिशेयर १०० रुपैयाँ दरमा ४ लाख ६६ हजार ८१७ कित्ता साधारण शेयर निष्काशन गर्नेछ, जसको कुल रकम ४ करोड ६६ लाख ८१ हजार ७०० रुपैयाँ बराबर छ। एफपीओ पुस २४ गते छिटोमा र माघ ५ गते ढिलोमा बन्द हुनेछ। न्यूनतम १० कित्ता र अधिकतम १ हजार कित्तासम्म आवेदन दिन सकिनेछ।
NEPSE TRADING
·24 Dec, 2025
1 min read
अरुण भ्याली हाइड्रोपावर डेभलपमेन्ट कम्पनी लिमिटेड (AHPC) ले गत आर्थिक वर्षको मुनाफाबाट वितरण गर्ने लाभांश संशोधन गरेको छ। विद्युत नियमन आयोगबाट ८ प्रतिशत बोनस शेयरको प्रस्ताव स्वीकृत नभएपछि कम्पनीले ५ प्रतिशत बोनस शेयर र सोको कर प्रयोजनार्थ ०.२६३ प्रतिशत नगद लाभांश वितरण गर्ने निर्णय गरेको हो। उक्त प्रस्ताव पारित गर्न कम्पनीले पुस ३० गते २८ औँ वार्षिक साधारण सभा बोलाएको छ भने साधारण सभा तथा लाभांश प्रयोजनका लागि पुस १८ गते बुकक्लोज गर्ने जनाएको छ।
NEPSE TRADING
·24 Dec, 2025
1 min read
नेपाल दूरसञ्चार कम्पनी लिमिटेड (NTC) ले गत आर्थिक वर्षको मुनाफाबाट शेयरधनीलाई ३० प्रतिशत नगद लाभांश (कर सहित) वितरण गर्ने घोषणा गरेको छ। लाभांश पारित गर्न कम्पनीले पुस ३० गते काठमाडौँमा १८औँ वार्षिक साधारण सभा बोलाएको छ। लाभांश तथा सभाका लागि पुस २० देखि ३० गतेसम्म बुक क्लोज हुनेछ भने पुस १७ गतेसम्म कायम शेयरधनीहरू लाभांश पाउन योग्य हुनेछन्।
NEPSE TRADING
·24 Dec, 2025
1 min read
चिलिमे हाइड्रोपावर कम्पनी लिमिटेड ले गत आर्थिक वर्षको मुनाफाबाट शेयरधनीलाई कुल १२ प्रतिशत लाभांश घोषणा गरेको छ। जसमा ८ प्रतिशत बोनस शेयर र करसहित ४ प्रतिशत नगद लाभांश रहेको छ। पुस ३० गते साधारण सभा बोलाइएको छ भने लाभांश वितरण प्रयोजनार्थ पुस १७ गते बुक क्लोज हुनेछ। पुस १६ गतेसम्म कायम शेयरधनीहरू लाभांश प्राप्त गर्न योग्य हुनेछन्।
NEPSE TRADING
·24 Dec, 2025
2 min read
काठमाडौँमा ‘कस्मेटिका २०२५’ हुँदै, सौन्दर्य र वेलनेस क्षेत्रका व्यवसायी एकै प्लेटफर्ममा नेपालमा कस्मेटिक, सौन्दर्य र वेलनेस क्षेत्रसँग आबद्ध व्यवसायी, ब्रान्ड र सेवाप्रदायकलाई एउटै छानामुनि जोड्ने उद्देश्यसहित ‘कस्मेटिका २०२५’ आयोजना हुने भएको छ। नेपालमै पहिलो र एकमात्र वृहत ट्रेड शोका रूपमा चिनिएको यो कार्यक्रम आगामी पौष ११ देखि १३ गते (डिसेम्बर २६–२८) सम्म काठमाडौँको नक्सालस्थित अम्रपाली ब्याङ्क्वेट सेन्टरमा सञ्चालन हुनेछ। हाउस अफ राजकर्निकारद्वारा आयोजना हुन लागेको उक्त ट्रेड शोलाई नेपाल कस्मेटिक्स बिजनेस एसोसिएसन र ब्यूटिसियन प्रोफेशनल एसोसिएसन अफ नेपालले सहयोग गरेका छन्। कार्यक्रमको मिडिया पार्टनरका रूपमा वाव म्यागजिन, आईएसपी पार्टनर वेवसर्फर र प्रिन्ट पार्टनर सागर आर्ट सर्भिस रहेका छन्।
NEPSE TRADING
·24 Dec, 2025
2 min read
विपन्न कर्जा सीमा घटाउन सुझाव, कृषि र साना उद्यमतर्फ कर्जा लक्षित गर्न जोड बैंकिङ क्षेत्र सुधार सुझाव कार्यदल–२०८२ ले विपन्न वर्ग कर्जाको हाल कायम पाँच प्रतिशत सीमा एक प्रतिशत विन्दुले घटाएर चार प्रतिशतमा झार्न सुझाव दिएको छ। ग्रामीण क्षेत्रमा कर्जा प्रवाहलाई अझ प्रभावकारी, लक्षित र परिणाममुखी बनाउन यस्तो परिमार्जन आवश्यक रहेको कार्यदलको ठहर छ। हालको व्यवस्थाले वास्तविक विपन्न तथा ग्रामीण समुदायसम्म कर्जा अपेक्षित रूपमा नपुगेको गुनासो बढ्दै गएको भन्दै त्यसलाई सम्बोधन गर्न नीतिगत सुधार अपरिहार्य भएको प्रतिवेदनमा उल्लेख छ।
NEPSE TRADING
·24 Dec, 2025
4 min read
बैंकिङ क्षेत्र सुधारका लागि ४९ बुँदे सुझाव सार्वजनिक, संरचनात्मक समस्यामा केन्द्रित बैंक तथा वित्तीय क्षेत्रमा कर्जा प्रवाह अवरुद्ध हुँदै गएको, खराब कर्जा तीव्र गतिमा बढेको, आर्थिक गतिविधि सुस्त बनेको र नियामकीय जटिलता थपिँदै गएको अवस्थामा त्यसको समाधान खोज्न गठित बैंकिङ सुधार सुझाव कार्यदलले ४९ बुँदे विस्तृत सुझावसहितको प्रतिवेदन सार्वजनिक गरेको छ। प्रतिवेदनले बैंकिङ प्रणालीभित्र देखिएका समस्यालाई सतही नभई संरचनात्मक रूपमा व्याख्या गर्दै दीर्घकालीन सुधारको खाका प्रस्तुत गरेको छ। कर्जा विस्तार हुन नसकेको र निष्क्रिय कर्जा अस्वाभाविक रूपमा बढ्दै गएपछि नेपाल राष्ट्र बैंकले गत जेठ ३० गते धितोपत्र बोर्डका पूर्वअध्यक्ष डा. रेवतबहादुर कार्कीको संयोजकत्वमा तीन सदस्यीय कार्यदल गठन गरेको थियो। कार्यदलले बैंकिङ प्रणालीको समग्र अवस्था, नीतिगत कमजोरी र व्यवहारिक चुनौतीहरूको अध्ययन गर्दै सुधारका उपाय सुझाएको हो। कार्यदलले बैंक तथा वित्तीय क्षेत्र सुधारका लागि छ वटा मुख्य क्षेत्र पहिचान गरेको छ। ती क्षेत्रहरूमा बैंकिङ नीति तथा सुपरिवेक्षण, आर्थिक गतिविधि प्रवर्द्धन, ग्रामीण क्षेत्रमा कर्जा प्रवाह, मर्जर तथा एक्विजिसन, नेपाललाई ग्रे लिस्टबाट बाहिर निकाल्ने उपाय र पुँजी बजार विकासमा केन्द्रीय बैंकको भूमिका समेटिएका छन्।
NEPSE TRADING
·24 Dec, 2025
2 min read
ग्रे लिस्टबाट बाहिरिन राष्ट्र बैङ्कको भूमिका निर्णायक हुनुपर्ने सुझाव नेपाललाई सम्पत्ति शुद्धीकरणसम्बन्धी अन्तर्राष्ट्रिय ग्रे लिस्टबाट बाहिर निकाल्न नेपाल राष्ट्र बैङ्कले अझ सक्रिय, प्रभावकारी र नेतृत्वदायी भूमिका निर्वाह गर्नुपर्ने निष्कर्ष निकालिएको छ। राष्ट्र बैङ्कले सार्वजनिक गरेको बैङ्किङ क्षेत्र सुधार सुझाव कार्यदल, २०८२ को प्रतिवेदनले ग्रे लिस्टबाट बाहिरिने प्रक्रिया सामान्य प्रशासनिक दायराभन्दा फरक र राष्ट्र बैङ्ककै सक्रियतामा निर्भर रहने स्पष्ट पारेको छ। प्रतिवेदनमा सम्पत्ति शुद्धीकरण निवारण ऐनको पाँचौँ संशोधनअनुसार राष्ट्र बैङ्कअन्तर्गत रहेको वित्तीय जानकारी एकाइलाई पूर्ण रूपमा स्वतन्त्र र सशक्त संस्थाका रूपमा विकास गर्नुपर्ने आवश्यकता औँल्याइएको छ। भुक्तानी प्रणालीसँग प्रत्यक्ष सम्बन्धित मुद्रा निर्मलीकरणको विषय संवेदनशील भएकाले यस क्षेत्रमा राष्ट्र बैङ्कको भूमिका केन्द्रीय र अपरिहार्य हुने कार्यदलको ठहर छ। त्यसका लागि आवश्यक कानुनी, संस्थागत तथा कार्यान्वयन तहका सुधार शीघ्र र प्रभावकारी रूपमा अघि बढाउन सुझाव दिइएको छ।
NEPSE TRADING
·24 Dec, 2025
1 min read
विजय लघुवित्त वित्तीय संस्था लिमिटेडको एफपीओ पुस २१ देखि खुला विजय लघुवित्त वित्तीय संस्था लिमिटेडले पुस २१ गतेदेखि थप सार्वजनिक निष्कासन (एफपीओ) मार्फत साधारण शेयर बिक्रीमा ल्याउने भएको छ। संस्थापक र सर्वसाधारण शेयरधनीबीच ७०ः३० को स्वामित्व अनुपात कायम गर्न लघुवित्तले एफपीओ निष्कासन गर्न लागेको हो। सारथि लघुवित्त वित्तीय संस्था र विजय लघुवित्तबीच मर्जर सम्पन्न भएपछि लघुवित्तको चुक्ता पुँजी ७४ करोड ५० लाख ४० हजार ३५९ रुपैयाँ पुगेको छ। मर्जरपश्चात संस्थापक र सर्वसाधारण समूहको शेयर स्वामित्व अनुपात ७४.३९ः२५.६१ प्रतिशत कायम भएकाले सो असन्तुलन समायोजन गर्न थप साधारण शेयर सार्वजनिक गर्न लागिएको लघुवित्तले जनाएको छ।
NEPSE TRADING
·24 Dec, 2025
<1 min read
अप्पर हेवाखोला हाइड्रोपावर कम्पनी लिमिटेड (UHEWA) ले गत आर्थिक वर्षको मुनाफाबाट शेयरधनीलाई १५ प्रतिशत बोनस शेयर र कर प्रयोजनार्थ ०.७८९ प्रतिशत नगद लाभांश वितरण गर्ने घोषणा गरेको छ। पुस ७ गते बसेको सञ्चालक समितिको बैठकले उक्त निर्णय गरेको हो। प्रस्तावित लाभांश नेपाल विद्युत प्राधिकरणको स्वीकृति तथा आगामी वार्षिक साधारण सभाबाट पारित भएपछि मात्र वितरण गरिनेछ।
NEPSE TRADING
·23 Dec, 2025
1 min read
तीन कारोबार दिनको गिरावटपछि मंगलबार नेपाल स्टक एक्सचेञ्ज (नेप्से) परिसूचक सामान्य अंकले बढेर बन्द भएको छ। नेप्से ३.२७ अंकले बढ्दै २५८४.४९ विन्दुमा पुगेको हो। परिसूचक बढे पनि कारोबार रकम भने घटेर ३ अर्ब ४२ करोड रुपैयाँमा सीमित भएको छ। १३ उपसमूहमध्ये ७ उपसमूह बढेका छन् भने ६ उपसमूह घटेका छन्।
NEPSE TRADING
·23 Dec, 2025
1 min read
नेशनल लाइफ इन्स्योरेन्स कम्पनी लिमिटेडले गत आर्थिक वर्षको मुनाफाबाट वितरण गर्ने लाभांश पारित गर्न ३८औँ वार्षिक साधारण सभा पुस ३० गते, लाजिम्पाटस्थित केन्द्रीय कार्यालयमा आयोजना गर्ने भएको छ। सभाले ४ प्रतिशत बोनस शेयर र करसहित ८.५ प्रतिशत नगद लाभांश वितरण गर्ने प्रस्ताव पारित गर्नेछ। साधारण सभा तथा लाभांश वितरण प्रयोजनार्थ कम्पनीले पुस १७ गते बुकक्लोज गर्नेछ भने पुस १६ गतेसम्म नेप्सेमा कारोबार भई कायम रहेका शेयरधनीहरू लाभांशका लागि योग्य हुनेछन्।
NEPSE TRADING
·23 Dec, 2025
1 min read
राप्ती हाइड्रो एण्ड जनरल कन्स्ट्रक्सन लिमिटेडले पुस २९ गते, २०८२ चापागाउँ, काठमाडौँस्थित वेलकम पार्टी प्यालेसमा वार्षिक साधारण सभा (एजीएम) आयोजना गर्ने घोषणा गरेको छ। सभामा कम्पनीले हाल कायम चुक्ता पूँजी रु. १ अर्ब २२ करोड बाट १:०.४६६१ अनुपातमा हकप्रद शेयर निष्कासन गर्ने प्रस्ताव पारित गर्नेछ। एजीएम प्रयोजनार्थ कम्पनीले पुस १५ गते बुक क्लोज गर्ने निर्णय गरेको छ। हकप्रद शेयर निष्कासन विद्युत नियमन आयोगको स्वीकृति तथा एजीएमको अनुमोदनपछि मात्र कार्यान्वयनमा आउनेछ।
NEPSE TRADING
·23 Dec, 2025
1 min read
अपी पावरले गत आर्थिक वर्षको मुनाफाबाट शेयरधनीहरूलाई कुल ५.२६३२ प्रतिशत लाभांश वितरण गर्ने घोषणा गरेको छ। जसमा ५ प्रतिशत बोनस शेयर र कर प्रयोजनार्थ ०.२६३२ प्रतिशत नगद लाभांश समावेश छ। प्रस्तावित लाभांश पारित गर्न कम्पनीले पुस २९ गते २२औँ वार्षिक साधारण सभा बोलाएको छ भने लाभांश प्रयोजनार्थ पुस १८ गते बुक क्लोज हुनेछ।
NEPSE TRADING
·23 Dec, 2025
<1 min read
लुम्बिनी विकास बैंक लिमिटेडले गत आर्थिक वर्षको मुनाफाबाट शेयरधनीलाई कुनै पनि लाभांश वितरण नगर्ने निर्णय गरेको छ। बैंकको पुस ७ गते बसेको सञ्चालक समितिको बैठकले उक्त निर्णय गर्दै वित्तीय विवरण नेपाल राष्ट्र बैंकमा पेश गर्ने निर्णय पनि गरेको छ।
NEPSE TRADING
·23 Dec, 2025
<1 min read
हिमालयन बैंकले गत आर्थिक वर्षको मुनाफाबाट शेयरधनीलाई कुनै पनि लाभांश वितरण नगर्ने निर्णय गरेको छ। बैंकको पुस ७ गते बसेको सञ्चालक समितिको बैठकले लाभांश नदिने निर्णय गर्दै वित्तीय विवरण नेपाल राष्ट्र बैंकमा पेश गर्ने निर्णय गरेको हो।
NEPSE TRADING
·23 Dec, 2025
1 min read
एनएलजी इन्स्योरेन्स लिमिटेड ले गत आर्थिक वर्षको मुनाफाबाट शेयरधनीहरूलाई ७ प्रतिशत लाभांश वितरण गर्ने घोषणा गरेको छ। जसमा ४ प्रतिशत बोनस शेयर र ३ प्रतिशत नगद लाभांश (कर प्रयोजनार्थसहित) रहेको छ। नेपाल बीमा प्राधिकरणको स्वीकृति र आगामी वार्षिक साधारण सभाबाट पारित भएपछि लाभांश वितरण गरिनेछ।
NEPSE TRADING
·23 Dec, 2025
1 min read
पुस ८ गते, मंगलबार, नेपाली बजारमा सुन र चाँदीको मूल्यले नयाँ रेकर्ड बनाएको छ। सुन प्रतितोला ५ हजार ५०० रुपैयाँले बढेर २ लाख ६७ हजार २०० रुपैयाँ पुगेको छ भने चाँदी तोलामा २० रुपैयाँले बढेर ४ हजार २५५ रुपैयाँमा कारोबार भएको छ। दुवै धातुको मूल्य हालसम्मकै उच्च स्तरमा पुगेको हो।
NEPSE TRADING
·23 Dec, 2025