Top News
Stay informed and invest with latest NEPSE news and analysis.
1 min read
फर्स्ट माइक्रोफाइनान्स लघुवित्त वित्तीय संस्था लिमिटेड (FMDBL) ले ६.५० प्रतिशत नगद लाभांश (कर सहित) प्रस्ताव पारित गर्न पुस ३० गते सोह्रौँ वार्षिक साधारण सभा बोलाएको छ। सभा काठमाडौँको कालोपुलस्थित शुभम् रिसेप्सनमा बिहान ११ बजे हुनेछ। लाभांश र सभामा सहभागिताका लागि लघुवित्तले पुस १७ गते बुकक्लोज गर्ने जनाएको छ।
NEPSE TRADING
·23 Dec, 2025
1 min read
मेरोमाइक्रोफाइनान्स लघुवित्त वित्तीय संस्था लिमिटेड ले गत आर्थिक वर्षको मुनाफाबाट शेयरधनीहरूलाई ५ प्रतिशत लाभांश वितरण गर्ने घोषणा गरेको छ। जसमध्ये ४.७५ प्रतिशत बोनस शेयर र ०.२५ प्रतिशत कर प्रयोजनार्थ नगद लाभांश रहेको छ। नेपाल राष्ट्र बैंकको स्वीकृति तथा वार्षिक साधारण सभाबाट पारित भएपछि लाभांश वितरण गरिनेछ।
NEPSE TRADING
·23 Dec, 2025
1 min read
शेयर कारोबारी दिपेन्द्र अग्रवाल हिरासतभित्र आमरण अनशनमा, स्वास्थ्य अवस्था बिग्रँदै शेयर कारोबारमा तल–माथि गरेको आरोपमा प्रहरी हिरासतमा रहेका शेयर बजारका लगानीकर्ता दिपेन्द्र अग्रवाल ले हिरासतभित्रै आमरण अनशन सुरु गरेका छन्। उनी आफूलाई अन्याय गरिएको दाबी गर्दै पछिल्ला चार दिनदेखि आमरण अनशनमा बसेका हुन्। चार दिनपछि मात्र उनलाई परिवारसँग भेट्न दिइएको बताइएको छ। पारिवारिक स्रोतका अनुसार अनशनका कारण अग्रवालको स्वास्थ्य अवस्था क्रमशः बिग्रँदै गएको छ। स्रोतका अनुसार उनले नेपाल धितोपत्र बोर्डका अध्यक्षले नियतवश आफूविरुद्ध दुश्मनी साधेको र न्याय माग्दा नै हिरासतमा बस्नुपरेको बताएका छन्।
NEPSE TRADING
·22 Dec, 2025
1 min read
सोमबार नेप्से परिसूचक निरन्तर तेस्रो कारोबार दिन पनि घटेर १३.८८ अंकले ओरालो लाग्दै २५८१.२१ विन्दुमा बन्द भएको छ। बजारसँगै कारोबार रकम पनि घटेर ३ अर्ब ५१ करोड रुपैयाँमा सीमित भएको छ। १३ उपसमूहमध्ये केवल व्यापार उपसमूह बढ्दा बाँकी १२ उपसमूह घटेका छन्, जसमा होटल तथा पर्यटन र जीवन बीमा उपसमूह सबैभन्दा धेरै घटेका छन्।
NEPSE TRADING
·22 Dec, 2025
1 min read
रिलायबल नेपाल लाइफ इन्स्योरेन्स कम्पनी लिमिटेड (RNLI ले गत आर्थिक वर्षको मुनाफाबाट शेयरधनीलाई वितरण गर्ने १२ प्रतिशत नगद लाभांश पारित गर्न पुस २९ गते नवौँ वार्षिक साधारण सभा बोलाएको छ। लाभांश तथा साधारण सभा प्रयोजनार्थ कम्पनीले पुस २१ गते बुकक्लोज गर्नेछ भने पुस २० गतेसम्म कायम शेयरधनीहरू लाभांश र सभामा सहभागी हुन योग्य रहनेछन्।
NEPSE TRADING
·22 Dec, 2025
1 min read
नेपाली बजारमा पुस ७ गते सुन र चाँदी दुवैको मूल्यले नयाँ रेकर्ड बनाएको छ। सुन प्रतितोला ३ हजार ७०० रुपैयाँले बढेर २ लाख ६१ हजार ७०० रुपैयाँ पुगेको छ भने चाँदीको मूल्य तोलामा १३० रुपैयाँले बढेर ४ हजार २३५ रुपैयाँ पुगेको छ। दुबै धातुको यो मूल्य हालसम्मकै उच्च हो।
NEPSE TRADING
·22 Dec, 2025
1 min read
Sagarmatha Lumbini Insurance Company Limited (SALICO) ले गत आर्थिक वर्षको मुनाफाबाट शेयरधनीहरूलाई १५ प्रतिशत नगद लाभांश (कर सहित) वितरण गर्ने प्रस्ताव पारित गर्न पुस २९ गते २९ औँ वार्षिक साधारण सभा बोलाएको छ। साधारण सभा काठमाडौँको कालिकास्थानस्थित अमृतभोगमा बिहान ११ बजे सुरु हुनेछ। साधारण सभा तथा लाभांश वितरण प्रयोजनार्थ कम्पनीले पुस २० गते बुकक्लोज गर्नेछ भने पुस १७ गतेसम्म कायम शेयरधनीहरू लाभांश र सभामा सहभागी हुन सक्नेछन्।
NEPSE TRADING
·22 Dec, 2025
<1 min read
नागरिक लगानी कोष ले गत आर्थिक वर्षको नाफाबाट शेयरधनीहरूलाई ५ प्रतिशत बोनस शेयर र कर प्रयोजनार्थसहित ८ प्रतिशत नगद लाभांश वितरण गर्ने घोषणा गरेको छ। उक्त लाभांश सञ्चालक समितिको निर्णयअनुसार घोषणा गरिएको हो र अर्थ मन्त्रालयको स्वीकृति तथा आगामी वार्षिक साधारण सभाबाट पारित भएपछि मात्र वितरण हुनेछ।
NEPSE TRADING
·22 Dec, 2025
1 min read
पुस ७ गते, सोमबार, Citizen Life Insurance र Hydroelectricity Investment and Development Company (HIDCL) का शेयरधनीहरूका लागि लाभांश सुरक्षित गर्ने अन्तिम दिन हो। यी दुवै कम्पनीले पुस ८ गते बुकक्लोज गर्ने भएका छन्। सिटिजन लाइफले २० प्रतिशत नगद लाभांश वितरण गर्ने प्रस्ताव गरेको छ भने HIDCL ले १.५ प्रतिशत बोनस शेयर र २ प्रतिशत नगद लाभांश (कर सहित) वितरण गर्ने प्रस्ताव गरेको छ।
NEPSE TRADING
·22 Dec, 2025
1 min read
नबिल बैंक लिमिटेड (NABIL) ले गत आर्थिक वर्षको मुनाफाबाट वितरण गर्ने १२.५० प्रतिशत नगद लाभांश (कर सहित) पारित गर्न ४१औँ वार्षिक साधारण सभा बोलाएको छ। साधारण सभा पुस २८ गते काठमाडौँमा हुने छ। लाभांश र साधारण सभा प्रयोजनका लागि बैंकले पुस १६ गते बुकक्लोज गर्ने भएकाले पुस १४ गतेसम्म कायम शेयरधनीहरू लाभांश र सभामा सहभागी हुन योग्य हुनेछन्।
NEPSE TRADING
·22 Dec, 2025
2 min read
रिलायन्स स्पिनिङ्ग मिल्सको आईपीओ आजदेखि खुला, प्रतिकित्ता मूल्य ८२०.८० रुपैयाँ रिलायन्स स्पिनिङ्ग मिल्स लिमिटेड ले आज पुस ७ गतेदेखि सर्वसाधारण लगानीकर्ताका लागि प्राथमिक शेयर (आईपीओ) निष्कासन तथा बिक्री खुला गरेको छ। कम्पनीले बुक बिल्डिङ विधिमार्फत प्रतिकित्ता ८२० रुपैयाँ ८० पैसाको दरमा आईपीओ ल्याएको हो। बुक बिल्डिङ प्रक्रियाअन्तर्गत संस्थागत लगानीकर्तालाई शेयर बाँडफाँट गर्दा कटअफ मूल्य ९१२ रुपैयाँ निर्धारण गरिएको थियो। सोही मूल्यमा १० प्रतिशत छुट दिँदा सर्वसाधारणका लागि बिक्री मूल्य ८२०.८० रुपैयाँ कायम गरिएको कम्पनीले जनाएको छ।
NEPSE TRADING
·22 Dec, 2025
1 min read
सरकारले १० अर्ब रुपैयाँ आन्तरिक ऋण उठाउने, ८ वर्षे विकास ऋणपत्र बोलकबोलमार्फत निष्कासन सरकारले १० अर्ब रुपैयाँ बराबरको आन्तरिक ऋण उठाउने भएको छ। यसका लागि नेपाल सरकारले ८ वर्षे विकास ऋणपत्र–२०८० बोलकबोल प्रक्रियामार्फत निष्कासन गर्न लागेको हो। अर्थ मन्त्रालयअन्तर्गतको सार्वजनिक ऋण व्यवस्थापन कार्यालय ले सोमबार एक सूचना जारी गर्दै उक्त ऋणपत्र बिक्री प्रक्रिया अघि बढाइएको जानकारी दिएको छ। सूचनाअनुसार नेपाल सरकारको एक हजार करोड रुपैयाँ बराबरको ८ वर्षे विकास ऋणपत्र बोलकबोल प्रणालीमार्फत निष्कासन गरिनेछ। यस बोलकबोल प्रक्रियामा सहभागी हुन इच्छुक बैंक तथा वित्तीय संस्थाहरूले कार्यालयको आधिकारिक वेबसाइटमार्फत अनलाइन आवेदन दिनुपर्नेछ। बोलकबोलका क्रममा ब्याजदर, लगानी रकम तथा अन्य आवश्यक विवरणहरू अनलाइन प्रणालीमै उल्लेख गर्नुपर्ने व्यवस्था गरिएको छ।
Marketminds Investment Group
·22 Dec, 2025
1 min read
नेप्सेको ४३औँ वार्षिक साधारण सभा पुस २९ गते, सेयरधनीलाई ८५ प्रतिशत नगद लाभांश प्रस्ताव नेपाल स्टक एक्सचेञ्ज लिमिटेड (नेप्से) ले ४३औँ वार्षिक साधारण सभामार्फत सेयरधनीलाई ८५ प्रतिशत नगद लाभांश वितरण गर्ने प्रस्ताव अघि सारेको छ। नेप्सेले सार्वजनिक गरेको सूचनाअनुसार उक्त साधारण सभा पुस २९ गते, सोमबार काठमाडौंमा आयोजना हुनेछ। सञ्चालक समितिको निर्णयअनुसार साधारण सभा दिउँसो ११ बजे नेप्सेको कार्यालय, यु.एन.आई. शान्तिमार्ग, काठमाडौंमा बस्नेछ। सभामा अघिल्लो आर्थिक वर्षको वार्षिक प्रतिवेदन, लेखापरीक्षकको प्रतिवेदन, नाफा–नोक्सान हिसाब तथा नगद प्रवाह विवरणमाथि छलफल गरी पारित गर्ने कार्यसूची तय गरिएको छ।
NEPSE TRADING
·22 Dec, 2025
1 min read
कलश स्टक मार्केटद्वारा निःशुल्क प्राविधिक विश्लेषणसम्बन्धी शेयर शिक्षा कार्यक्रम सम्पन्न बुद्धनगरमा मुख्य कार्यालय रहेको कलश स्टक मार्केट प्रा.लि. (ब्रोकर नं. ७४) ले शेयर बजारमा आवद्ध लगानीकर्ताहरूका लागि निःशुल्क प्राविधिक विश्लेषणसम्बन्धी शेयर शिक्षा कार्यक्रम सम्पन्न गरेको छ। कार्यक्रम २०८२ साल पुस ५ गते काठमाडौंको बुद्धनगरस्थित क्वालिटी ब्याङ्केटमा आयोजना गरिएको थियो। कार्यक्रममा शेयर बजार विश्लेषक अजित खनाल ले स्रोत व्यक्तिका रूपमा सहभागी लगानीकर्ताहरूलाई शेयर बजारका प्रमुख प्राविधिक पक्षहरूबारे प्रशिक्षण दिएका थिए। तालिममा उल्लेख्य संख्यामा लगानीकर्ताहरूको सहभागिता रहेको आयोजकले जनाएको छ।
Marketminds Investment Group
·21 Dec, 2025
1 min read
एनआईसी एसिया बैंकका अध्यक्ष तुलसीराम अग्रवालले दिए राजीनामा एनआईसी एसिया बैंक का अध्यक्ष तुलसीराम अग्रवालले पदबाट राजीनामा दिएका छन्। उनले व्यक्तिगत कारण देखाउँदै पुस ६ गते बैंकमा राजीनामा बुझाएका हुन्। सोही दिन बसेको बैंकको सञ्चालक समितिको बैठकले उनको राजीनामा औपचारिक रूपमा स्वीकृत गरेको छ। अग्रवाल २०७८ चैत महिनामा सम्पन्न बैंकको २४औँ वार्षिक साधारणसभाबाट अध्यक्ष पदमा नियुक्त भएका थिए। अध्यक्षको जिम्मेवारी सम्हाल्दै आएका अग्रवालले नियामक कारबाहीपछि पद त्याग्ने निर्णय गरेका हुन्।
NEPSE TRADING
·21 Dec, 2025
2 min read
बैंकिङ प्रणालीमा अधिक तरलता व्यवस्थापन गर्न राष्ट्र बैंकद्वारा २० अर्बको निक्षेप संकलन उपकरण जारी विगत लामो समयदेखि बैंकिङ प्रणालीमा अधिक तरलताको अवस्था कायमै रहँदै आएको छ। ब्याजदर निरन्तर घट्दै गए पनि कर्जा प्रवाह अपेक्षित रूपमा बढ्न सकेको छैन। आर्थिक गतिविधि सुस्त हुँदा कर्जा लगानी विस्तार हुन नसकेपछि बैंक तथा वित्तीय संस्थाहरूले थुप्रिएको तरलता अल्पकालीन वित्तीय उपकरणहरूमा लगानी गर्दै आएका छन्। बैंकिङ प्रणालीमा तरलता अत्यधिक थुप्रिँदा ब्याजदर करिडोर व्यवस्थापनमा समेत चुनौती बढेपछि केन्द्रीय बैंकले पटक–पटक प्रणालीबाट रकम तान्दै आएको छ। सोही क्रममा नेपाल राष्ट्र बैंक ले वित्तीय प्रणालीको अधिक तरलता व्यवस्थापन गर्न आज ८४ दिन अवधिको २० अर्ब रुपैयाँ बराबरको निक्षेप संकलन उपकरण जारी गरेको छ।
NEPSE TRADING
·21 Dec, 2025
2 min read
पुस ६ गते पाँच कम्पनीको लाभांश सुरक्षित गर्ने अन्तिम दिन काठमाडौं । पुस ६ गते आइतबार पाँच कम्पनीको लाभांश सुरक्षित गर्ने अन्तिम दिन रहेको छ। यस दिन महालक्ष्मी विकास बैंक, नेपाल लाइफ इन्स्योरेन्स, तारागाउँ रिजेन्सी होटल्स, सिंगटी हाइड्रो इनर्जी र नेपाल हाइड्रो डेभलोपर लिमिटेड को लाभांश सुरक्षित गर्न सकिनेछ। साधारण सभा तथा लाभांश वितरण प्रयोजनार्थ यी सबै कम्पनीहरूले पुस ७ गते बुक क्लोज गर्ने निर्णय गरेका छन्। त्यसअनुसार पुस ६ गतेसम्म नेप्सेमा कारोबार भई कायम भएका शेयरधनीहरूले सम्बन्धित कम्पनीहरूको साधारण सभामा सहभागी हुन तथा प्रस्तावित लाभांश प्राप्त गर्न सक्नेछन्।
NEPSE TRADING
·21 Dec, 2025
2 min read
डेटा सेन्टर र क्लाउड सेवा नै डिजिटल अर्थतन्त्रको मेरुदण्ड : क्यान महासंघ कम्प्युटर एसोसिएसन नेपाल महासंघ (क्यान महासंघ) का वरिष्ठ उपाध्यक्ष चिरञ्जीवी अधिकारी ले डेटा सेन्टर र क्लाउड सेवालाई नेपालको डिजिटल अर्थतन्त्रको वास्तविक मेरुदण्डको रूपमा व्याख्या गर्नुभएको छ। बलियो डिजिटल पूर्वाधार बिना देशको डिजिटल रूपान्तरण सम्भव नहुने उहाँको भनाइ छ। शनिबार ललितपुरमा आयोजित ‘क्यान बीटुबी (B2B) समिट २०२५’ लाई सम्बोधन गर्दै अधिकारीले प्रविधि आज सुविधा मात्र नभई अर्थतन्त्रको प्राणवायु बनिसकेको उल्लेख गर्नुभयो। सुरक्षित डेटा भण्डारण र भरपर्दो क्लाउड पूर्वाधारको सुनिश्चितता नभए डिजिटल रूपान्तरणका प्रयास दीगो नहुने उहाँको धारणा थियो। डिजिटल पूर्वाधारमा लगानी अपरिहार्य रहेको उल्लेख गर्दै उहाँले स्टार्टअपदेखि ठूला उद्योगसम्मका लागि क्लाउड सेवा अत्यावश्यक भइसकेको बताउनुभयो। क्लाउड पूर्वाधारले सर्भर र सुरक्षामा लाग्ने ठूलो पुँजीगत खर्च घटाउने भएकाले उद्यमशीलता प्रवर्द्धनमा महत्वपूर्ण भूमिका खेल्ने उहाँको भनाइ थियो। इ–कमर्स, फिनटेक र आईटी सेवा निर्यातमा युवाहरूको आकर्षणलाई व्यवहारमा उतार्न पनि भरपर्दो क्लाउड संरचना अनिवार्य रहेको उहाँले जोड दिनुभयो।
NEPSE TRADING
·21 Dec, 2025
1 min read
शिखर इन्स्योरेन्सको २१औँ वार्षिक साधारण सभा पुस २९ गते काठमाडौं । Shikhar Insurance Company Limited ले आफ्नो २१औँ वार्षिक साधारण सभा (AGM) आगामी पुस २९ गते आयोजना गर्ने भएको छ। कम्पनीले सो सम्बन्धी सूचना सार्वजनिक गर्दै आर्थिक वर्ष २०८१/८२ को वार्षिक वित्तीय विवरणसमेत प्रकाशन गरेको छ। कम्पनीको सञ्चालक समितिको मिति २०८२/९/४ गते बसेको ३६७औँ बैठकको निर्णयअनुसार वार्षिक साधारण सभा पुस २९ गते मंगलबार बिहान ११ बजे शिखर इन्स्योरेन्स कम्पनी लिमिटेडको केन्द्रीय कार्यालय, शिखर बिज सेन्टर, थापाथली, काठमाडौंमा बस्नेछ।
NEPSE TRADING
·21 Dec, 2025
1 min read
काठमाडौं । Salapa Bikas Bank Limited ले सर्वसाधारणका लागि प्रारम्भिक सार्वजनिक निष्कासन (आईपीओ) जारी गर्नका लागि अफर लेटर प्रकाशित गरेको छ। बैंकले पुस १६ गतेदेखि पुस २० गते, २०८२ सम्म सर्वसाधारणका लागि कुल १४ लाख ३९ हजार १७९ कित्ता साधारण शेयर निष्कासन गर्न लागेको हो। यस अवधिभित्र योग्य आवेदकहरूले आईपीओमा आवेदन दिन सक्नेछन्।
NEPSE TRADING
·21 Dec, 2025