NEPSE Trading

भारतीय आयलको दर समायोजनसँगै नेपालमा पेट्रोल–डिजेल महँगियो, आजदेखि लागू

भारतीय आयलको दर समायोजनसँगै नेपालमा पेट्रोल–डिजेल महँगियो, आजदेखि लागू काठमाडौं — नेपाल आयल निगमले पेट्रोल, डिजेल र मट्टितेलको मूल्य वृद्धि गरेको छ। भारतीय आयल कर्पोरेसन (IOC) ले नेपाललाई पठाउने नयाँ मूल्य बढाएपछि निगम सञ्चालक समितिको बैठक बसेर आज मध्यरातिदेखि लागू हुने गरी मूल्य समायोजन गरेको हो। निगमका अनुसार पेट्रोलको मूल्य प्रतिलिटर रु २ र डिजेल–मट्टितेलको मूल्य प्रतिलिटर रु ३ ले वृद्धि गरिएको छ। IOC ले पठाएको नयाँ खरिद मूल्यअनुसार पेट्रोलमा प्रतिलिटर रु २.५४ र डिजेलमा रु ६.५३ ले बढेकाले मूल्य समायोजन अपरिहार्य भएको निगमले स्पष्ट पारेको छ।

NEPSE TRADING16 Nov, 20251 min read

Investor

मधेश प्रदेशका २४ स्थानीय तहले अझै बजेट प्रस्तुत गर्न सकेनन्, समयसीमा सकिएको चार महिना बित्दा पनि उदासीनता

मधेश प्रदेशका २४ स्थानीय तहले अझै बजेट प्रस्तुत गर्न सकेनन्, समयसीमा सकिएको चार महिना बित्दा पनि उदासीनता चालु आर्थिक वर्षको चार महिना पूरा भइसके पनि मधेश प्रदेशका २४ स्थानीय तहले अझै आफ्नो वार्षिक बजेट प्रस्तुत गर्न सकेका छैनन्। संवैधानिक रूपमा असार १० गतेभित्र सबै स्थानीय तहले बजेट पेस गर्नुपर्ने व्यवस्था छ। तर, देशभरका ७५३ स्थानीय तहमध्ये हालसम्म ७२८ स्थानीय तहले मात्र बजेट प्रस्तुत गरेका छन्, जबकि २५ स्थानीय तहले अझै आफ्नो आर्थिक योजना सार्वजनिक गर्न बाँकी छ। मधेश प्रदेशमा कूल १३६ स्थानीय तहमध्ये ११२ ले बजेट पेस गरिसकेका छन् भने २४ स्थानीय तहले भने समयमै बजेट ल्याउन असफल भएका छन्।

NEPSE TRADING16 Nov, 20251 min read

Top

सुन–चाँदीको मूल्यमा उतार–चढाव : बिहीबार भारी बढेको सुन शुक्रबार ५ सय रुपैयाँले मात्र घट्यो

सुन–चाँदीको मूल्यमा उतार–चढाव : बिहीबार भारी बढेको सुन शुक्रबार ५ सय रुपैयाँले मात्र घट्यो बुधबार प्रतितोला ५ हजार ९ सय रुपैयाँले एकै दिनमा आकस्मिक वृद्धि भएको सुनको मूल्य शुक्रबार भने सीमित रुपमा मात्र घटेको छ। नेपाल सुनचाँदी व्यवसायी महासंघका अनुसार आज सुनको भाउ प्रतितोला २ लाख ४९ हजार ७ सय रुपैयाँ निर्धारण गरिएको छ। अघिल्लो दिन यो मूल्य २ लाख ५० हजार २ सय रुपैयाँ थियो। केही दिनअघि, असोज ३१ गते सुनले हालसम्मकै उच्च मूल्य २ लाख ५८ हजार रुपैयाँको रेकर्ड बनाएको थियो।

NEPSE TRADING14 Nov, 20251 min read

Investor

दक्षिण कोरियाको ‘ग्लोबल आइसिटी लिडरसिप फोरम’मा सञ्चारमन्त्री खरेल : नेपालमा एआई विकासलाई दिनेछ नयाँ उर्जा

दक्षिण कोरियाको ‘ग्लोबल आइसिटी लिडरसिप फोरम’मा सञ्चारमन्त्री खरेल : नेपालमा एआई विकासलाई दिनेछ नयाँ उर्जा दक्षिण कोरियाको राजधानी सिओलमा आयोजित एघारौँ ‘ग्लोबल आइसिटी लिडरसिप फोरम’मा सहभागी हुन पुगेका सञ्चार तथा सूचना प्रविधिमन्त्री जगदीश खरेलले नेपालमा कृत्रिम बौद्धिकता (एआई) प्रवर्द्धनका लागि नयाँ उर्जा प्राप्त भएको बताएका छन्। ‘सिओल एआई स्मार्ट सिटी सेन्टर’को अवलोकनपछि मन्त्री खरेलले एआई नेपाललाई सूचना प्रविधिका माध्यमबाट समृद्धितर्फ अघि लैजान महत्वपूर्ण सहयोगी उपकरण बन्ने विश्वास व्यक्त गरे।

NEPSE TRADING14 Nov, 20251 min read

Investor

एमसीसी परियोजनाअन्तर्गत काठमाडौंमा ७ लाख ४० हजार वर्गमिटर जग्गा अधिग्रहण हुने

एमसीसी परियोजनाअन्तर्गत काठमाडौंमा ७ लाख ४० हजार वर्गमिटर जग्गा अधिग्रहण हुने काठमाडौं । जिल्ला प्रशासन कार्यालय काठमाडौंले एमसीसी (मिलेनियम च्यालेञ्ज कर्पोरेसन) परियोजनाअन्तर्गत सञ्चालित ४०० केभी विद्युत प्रसारण लाइन आयोजनाका लागि झण्डै साढे ७ लाख वर्गमिटर जग्गा अधिग्रहण गर्न सूचना जारी गरेको छ। प्रशासन कार्यालयले आज सूचना प्रकाशित गर्दै काठमाडौंको नाङ्लेभारे र लप्सीफेदी क्षेत्रका व्यक्तिगत तथा सरकारी जग्गा अधिग्रहण गरिने जनाएको हो। यो आयोजनालाई देशकै ऊर्जा प्रसारण सञ्जाल विस्तारमा महत्वपूर्ण परियोजनाका रूपमा लिइएको छ। सूचनाअनुसार, अधिग्रहण हुने कुल ७ लाख ४० हजार वर्गमिटर जग्गामध्ये करिब १६ हजार वर्गमिटर निजी स्वामित्वमा रहेका व्यक्ति नामका जग्गा हुन् भने बाँकी भू–भाग नेपाल विद्युत प्राधिकरण र नेपाल सरकारको नाममा रहेको छ।

NEPSE TRADING12 Nov, 20251 min read

Investor

नेपाल बैंक र दराजबीच अनलाइन खरिदमा छुट दिने सम्झौता

नेपाल बैंक र दराजबीच अनलाइन खरिदमा छुट दिने सम्झौता काठमाडौं । नेपाल बैंक लिमिटेड र दराज नेपालबीच अनलाइन पोर्टलमार्फत सामान खरिद गर्दा बैंकका ग्राहकहरूलाई विशेष छुट सुविधा प्रदान गर्ने सम्झौता भएको छ। सम्झौताअनुसार, २०७२ साल कार्तिक २५ गतेदेखि मंसिर ६ गतेसम्म यो अफर लागू रहनेछ। सम्झौतापत्रमा नेपाल बैंकका तर्फबाट निम्मित्त सहायक प्रमुख कार्यकारी अधिकृत दीपेन्द्र राज काफ्ले र दराजका तर्फबाट प्रोजेक्ट लिड (डिजिटल पेमेन्ट तथा फाइनान्स सर्भिसेस) रिशव थापाले हस्ताक्षर गरेका हुन्। बैंकले ग्राहक सेवामा नवीनता र डिजिटल संलग्नता बढाउने लक्ष्यका साथ ई–कमर्स प्लेटफर्महरूसँग सहकार्यलाई निरन्तरता दिइरहेको जनाएको छ। यस सहकार्यमार्फत बैंकका ग्राहकहरूले दराजमा सामान खरिद गर्दा विभिन्न छुट पाउनेछन्।

NEPSE TRADING11 Nov, 20251 min read

Investor

राष्ट्र बैंकको नयाँ व्यवस्था : क्यासिनोलाई विदेशी मुद्रा कारोबारका लागि इजाजत लिनुपर्ने

राष्ट्र बैंकको नयाँ व्यवस्था : क्यासिनोलाई विदेशी मुद्रा कारोबारका लागि इजाजत लिनुपर्ने काठमाडौं । नेपाल राष्ट्र बैंकले अबदेखि क्यासिनो र यस्ता प्रकृतिका संस्थाहरूले विदेशी मुद्रा कारोबार गर्नका लागि अनिवार्य रूपमा इजाजत लिनुपर्ने व्यवस्था गरेको छ। केन्द्रीय बैंकले मंगलबार एक सूचना प्रकाशित गर्दै विदेशी विनिमय (नियमन गर्ने) ऐन, २०१९ को दफा ३ अनुसार विदेशी मुद्रा कारोबार गर्नका लागि अनुमति (इजाजत) आवश्यक हुने नयाँ व्यवस्था लागू गरेको जनाएको छ। राष्ट्र बैंकका अनुसार क्यासिनोलगायतका संस्थाहरूले इजाजत प्राप्त गरी मात्र विदेशी विनिमय (भारतीय रुपैयाँसहित) कारोबार गर्न वा गराउन सक्नेछन्। यसअघि क्यासिनोहरूले स्वेच्छिक रूपमा विदेशी मुद्राको प्रयोग गर्ने प्रचलन थियो, जुन अब औपचारिक स्वीकृतिपछि मात्र सम्भव हुनेछ।

NEPSE TRADING11 Nov, 20251 min read

Latest

भारत सरकारको सहयोगमा नेपालमा ११ नयाँ समुदाय विकास परियोजनामा सम्झौता

भारत सरकारको सहयोगमा नेपालमा ११ नयाँ समुदाय विकास परियोजनामा सम्झौता काठमाडौं । भारत सरकारको अनुदान सहयोगमा नेपालमा कार्यान्वयन हुने ११ वटा उच्च प्रभाव समुदाय विकास परियोजनाहरूका लागि आज सम्झौतापत्रमा हस्ताक्षर भएको छ। सम्झौतापत्रमा नेपालस्थित भारतीय दूतावास, नेपाल सरकारको संघीय मामिला तथा सामान्य प्रशासन मन्त्रालय र सम्बन्धित परियोजना कार्यान्वयन निकायहरूबीच हस्ताक्षर गरिएको हो। भारतीय दूतावासका अनुसार, उक्त परियोजनाहरू करीब १ अर्ब १६ करोड रुपैयाँ लागतमा सञ्चालन हुनेछन्। यी परियोजनाहरू शिक्षा, स्वास्थ्य र फोहर व्यवस्थापनका क्षेत्रमा केन्द्रित हुनेछन्। भारत सरकारले सन् २००३ देखि नेपालमा हालसम्म ५९० वटा उच्च प्रभाव समुदाय विकास परियोजनाहरू सञ्चालन गरिसकेको छ। तीमध्ये ५०२ परियोजनाहरू शिक्षा, स्वास्थ्य, खानेपानी, सरसफाइ, सम्पर्क मार्ग र सार्वजनिक उपयोगिता क्षेत्रमा पूरा भइसकेका छन् भने बाँकी परियोजनाहरू विभिन्न चरणमा कार्यान्वयन भइरहेका छन्।

NEPSE TRADING11 Nov, 20251 min read

Investor

राष्ट्र बैंकको निष्कर्षः जेनजी आन्दोलनपश्चात अर्थतन्त्र सुधारतर्फ

राष्ट्र बैंकको निष्कर्षः जेनजी आन्दोलनपश्चात अर्थतन्त्र सुधारतर्फ नेपाल राष्ट्र बैंकले जेनजी आन्दोलनका क्रममा अर्थतन्त्रमा परेको क्षति विस्तारै सुधार हुँदै गएको जनाएको छ। बागमती प्रदेशको आर्थिक गतिविधि अध्ययन प्रतिवेदन सार्वजनिक गर्दै राष्ट्र बैंकले आन्दोलनपछि बनेको सरकारले शान्ति–सुरक्षा, सुशासन र पुनर्निर्माणमा प्राथमिकता दिएपछि अर्थतन्त्रमा सकारात्मक प्रभाव परेको उल्लेख गरेको हो। ढिलो मनसुनका कारण कृषि उत्पादनमा केही असर परेको र भदौ महिनामा जेनजी आन्दोलनका क्रममा आर्थिक क्षति पुगेको भए पनि त्यसपछिका महिनामा सुधारको संकेत देखिएको राष्ट्र बैंकको मूल्याङ्कन छ। बैंकका अनुसार, नयाँ सरकारले प्रभावित व्यवसायका लागि राहत र सहुलियतका कार्यक्रम अघि सारेको, पुनर्निर्माण र सुशासनमा जोड दिएकाले आर्थिक गतिविधिमा गतिशीलता फर्किएको छ।

NEPSE TRADING11 Nov, 20252 min read

Top

अधिक तरलता नियन्त्रण गर्न राष्ट्र बैंकले बजारबाट ३० अर्ब झिक्दै

नेपाल राष्ट्र बैंकले आज (आइतबार) वित्तीय प्रणालीमा रहेको अधिक तरलता व्यवस्थापन गर्न ३० अर्ब रुपैयाँ निक्षेप संकलन बोलकबोलमार्फत झिक्दैछ। यो रकम ८४ दिनका लागि झिकिनेछ। बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्था सहभागी हुन सक्नेछन् र आज दिउँसो २ बजेसम्म अनलाइन आवेदन दिन सकिनेछ। गत सातामा राष्ट्र बैंकले १७५ दिनका लागि ४० अर्ब रुपैयाँ झिकेको थियो।

NEPSE TRADING9 Nov, 20251 min read

Top

नवील बैंकको पहिलो त्रैमासिक नतिजा स्थिर, नाफा घटेपनि परिसम्पत्तिको गुणस्तरमा सुधार

नवील बैंक लिमिटेडको नाफा १४.५७ प्रतिशतले घट्दै पहिलो त्रैमासमा १ अर्ब ७५ करोड रुपैयाँ पुगेको छ। यो अघिल्लो वर्षको २ अर्ब ५ करोड रुपैयाँभन्दा कम हो। ब्याज आम्दानी ५.७७ प्रतिशतले घटेको भए पनि शुल्क तथा कमिसन आम्दानी ६.२९ प्रतिशतले बढेको छ। बैंकको निक्षेप ६.१० प्रतिशतले बढ्दै ५५६ अर्ब ६१ करोड रुपैयाँ, र कर्जा प्रवाह १.९९ प्रतिशतले बढ्दै ४२१ अर्ब रुपैयाँ पुगेको छ। निष्क्रिय कर्जा (NPL) ०.९७ प्रतिशतमा झरेको छ भने पुँजी पर्याप्तता अनुपात १२.६७ प्रतिशतमा स्थिर छ। नाफा घटे पनि बैंकको परिसम्पत्ति गुणस्तर र स्थिरता सुधारिएको देखिन्छ।

NEPSE TRADING6 Nov, 20251 min read

Economy

पुँजीगत खर्चमा भारी गिरावट, विकास गति सुस्त

चालु आर्थिक वर्षमा सरकारले पुँजीगत खर्चमा सुस्तता देखाएको छ । अर्थ मन्त्रालय मातहतको महालेखा नियन्त्रक कार्यालयका अनुसार असोज १८ गतेसम्म पुँजीगत शीर्षकमा विनियोजित ४ खर्ब ७ अर्ब बजेटमध्ये मात्र २२ अर्ब खर्च भएको छ । अघिल्लो वर्षको यही अवधिमा ३२ अर्ब ५६ करोड खर्च भइसकेको थियो ।

NEPSE TRADING5 Nov, 20251 min read

Investor

मन्त्री कुलमान घिसिङको अन्तर्राष्ट्रिय आह्वान — “नेपालमा लगानी गर्नुहोस्, स्वच्छ ऊर्जाको उज्यालो भविष्य सँगै निर्माण गरौं”

मन्त्री कुलमान घिसिङको अन्तर्राष्ट्रिय आह्वान — “नेपालमा लगानी गर्नुहोस्, स्वच्छ ऊर्जाको उज्यालो भविष्य सँगै निर्माण गरौं” ऊर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकासमन्त्री कुलमान घिसिङले अन्तर्राष्ट्रिय समुदायलाई नेपालका जलविद्युत् र सौर्य ऊर्जामा लगानी गर्न आह्वान गरेका छन्। उनका अनुसार, नेपाल अहिले स्वच्छ ऊर्जाको नयाँ युगतर्फ प्रवेश गरिरहेको छ र विश्वका साझेदार राष्ट्रहरूका लागि नेपालमा लगानी गर्नु दिगो भविष्यमा लगानी गर्ने अवसर हो।

NEPSE TRADING29 Oct, 20252 min read

Economy

राष्ट्र बैंकले ९० अर्ब तरलता झिक्दै – न्यूनतम १० करोड र अधिकतम ५ करोडका गुणकमा बोलकबोल

नेपाल राष्ट्र बैंकले बैंक तथा वित्तीय प्रणालीमा बढ्दो तरलता नियन्त्रण गर्नका लागि आज आइतबार पनि ९० अर्ब रुपैयाँ बजारबाट निकाल्ने भएको छ । राष्ट्र बैंकले उक्त रकम ४२ दिनका लागि निक्षेप संकलन उपकरणमार्फत झिक्न लागेको जनाएको छ ।

NEPSE TRADING26 Oct, 20251 min read

Top

१७ निर्माण कम्पनीहरू कालोसूचीमा, सार्वजनिक निर्माणमा सहभागिता प्रतिबन्ध

१७ निर्माण कम्पनीहरू कालोसूचीमा, सार्वजनिक निर्माणमा सहभागिता प्रतिबन्ध नेपाल सरकारको सार्वजनिक खरिद अनुगमन कार्यालयले देशभरका १७ वटा निर्माण कम्पनीहरूलाई कालोसूचीमा राखेको छ। कार्यालयले बिहीबार सूचना जारी गर्दै ती कम्पनीहरूलाई एकदेखि दुई वर्षसम्मका लागि कालोसूचीमा राखिएको जानकारी दिएको हो। कार्यालयका अनुसार ती कम्पनीहरूले सम्झौता उल्लङ्घन, निर्माण कार्य समयमा सम्पन्न नगरेको, वा कार्य सम्पूर्ण रूपमा सम्पन्न नगरेको कारण कारबाही गरिएको हो। सार्वजनिक खरिद ऐन, २०६३ को दफा ६३(१) बमोजिम ती कम्पनीहरूलाई कालोसूचीमा राखिएको जनाइएको छ।

NEPSE TRADING16 Oct, 20251 min read

Investor

अमेरिकामा अर्थमन्त्री खनाल र एडीबी अध्यक्षबीच भेटवार्ता, नेपालका परियोजनाबारे छलफल

अमेरिकामा अर्थमन्त्री खनाल र एडीबी अध्यक्षबीच भेटवार्ता, नेपालका परियोजनाबारे छलफल विश्व बैंकको वार्षिक बैठकमा सहभागी हुन अमेरिकामा रहनुभएका अर्थमन्त्री रामेश्वरप्रसाद खनालले बुधबार एसियाली विकास बैंक (ADB) का अध्यक्ष मासातो कान्डासँग भेटवार्ता गर्नुभएको छ। भेटका क्रममा नेपालमा एडीबीको सहयोगमा सञ्चालन भइरहेका परियोजनाहरूको प्रगति, उपलब्धि र हालका चुनौतीहरूका बारेमा विस्तृत रूपमा छलफल भएको वासिङ्टनस्थित नेपाली राजदूतावासले जनाएको छ। भेटमा नेपालका लागि अमेरिकास्थित राजदूत लोकदर्शन रेग्मी, दूतावासका आर्थिक कन्सुलर युगराज पाण्डे, भ्रमण टोलीका सदस्यहरू तथा एडीबीका उच्च अधिकारीहरू सहभागी थिए।

NEPSE TRADING16 Oct, 20251 min read

Investor

नेपाल राष्ट्र बैंकले सार्वजनिक गर्‍यो ‘नेसनल पेमेन्ट स्विच’ र ‘नेसनल पेमेन्ट इकोसिस्टम’ — अब सबै डिजिटल भुक्तानी एउटै गेटवेमा एकीकृत हुने

नेपाल राष्ट्र बैंकले सार्वजनिक गर्‍यो ‘नेसनल पेमेन्ट स्विच’ र ‘नेसनल पेमेन्ट इकोसिस्टम’ — अब सबै डिजिटल भुक्तानी एउटै गेटवेमा एकीकृत हुने काठमाडौं, असोज २८ — नेपाल राष्ट्र बैंकले देशको वित्तीय प्रणालीलाई व्यवस्थित, एकीकृत र सुरक्षित बनाउने उद्देश्यसहित एक ऐतिहासिक पहल गर्दै ‘नेसनल पेमेन्ट स्विच (National Payment Switch, NPS)’ र ‘नेसनल पेमेन्ट इकोसिस्टम – मास्टर रिफ्रेन्स डकुमेन्ट’ सार्वजनिक गरेको छ। नेपालमा मोबाइल बैंकिङ, क्यूआर कोड, अनलाइन वालेट र कार्ड–पेमेंट सेवाको तीव्र विस्तारसँगै वित्तीय प्रणाली डिजिटल युगतर्फ तीव्र गतिमा रूपान्तरण हुँदै गएको छ। तर, यससँगै पारदर्शिता, सुरक्षाको मापदण्ड र एकरूपता कायम गर्नु प्रमुख चुनौती बन्दै गएको छ।

NEPSE TRADING14 Oct, 20252 min read

Investor

तिहार लक्षित गर्दै राष्ट्र बैंकले यस वर्ष सुनको असर्फी वितरण नगर्ने, चाँदीको मेडालियन मात्र बिक्री हुने

तिहार लक्षित गर्दै राष्ट्र बैंकले यस वर्ष सुनको असर्फी वितरण नगर्ने, चाँदीको मेडालियन मात्र बिक्री हुने काठमाडौं, असोज २८ — आगामी तिहार (धनतेरस) पर्वलाई लक्षित गर्दै नेपाल राष्ट्र बैंकले यस वर्ष सुनको असर्फी बिक्री नगर्ने निर्णय गरेको छ। राष्ट्र बैंकको टक्सार महाशाखाले जारी गरेको सूचनामा असोज २६ गतेदेखि चाँदीका मेडालियन (सिक्का) मात्र बिक्री वितरण गरिने उल्लेख छ। टक्सार महाशाखाका अनुसार यस वर्ष लक्ष्मी मेडालियन (१० ग्राम) को मूल्य रु. ३,००० तोकिएको छ। प्रत्येक व्यक्तिलाई १ वटा मात्र मेडालियन खरिद गर्न पाउने व्यवस्था गरिएको छ। त्यस्तै, गणेश मेडालियन (१० ग्राम), गजलक्ष्मी मेडालियन (१० ग्राम) र गाई मेडालियन (१० ग्राम) पनि रु. ३,००० का दरले बिक्री गरिने सूचनामा उल्लेख छ। यी सबै मेडालियनहरू चाँदीका हुनेछन् र सीमित मात्रामा उपलब्ध हुने जनाइएको छ।

NEPSE TRADING14 Oct, 20251 min read

Investor

सुनको मूल्य तोलामा ८ हजार १०० रुपैयाँले बढेर सर्वाधिक उच्चस्तरमा, चाँदी पनि रेकर्ड मूल्यमा

सुनको मूल्य तोलामा ८ हजार १०० रुपैयाँले बढेर सर्वाधिक उच्चस्तरमा, चाँदी पनि रेकर्ड मूल्यमा काठमाडौं, असोज २८ — नेपाली बजारमा मंगलबार सुन र चाँदी दुबैको मूल्य इतिहासकै उच्च स्तरमा पुगेका छन्। नेपाल सुनचाँदी व्यवसायी महासंघका अनुसार आज (मंगलबार) छापावाल सुनको मूल्य प्रति तोला रु. २ लाख ४८ हजार ५०० कायम भएको छ। यो मूल्य सोमबारको तुलनामा रु. ८ हजार १०० रुपैयाँले वृद्धि भएको हो। सोमबार छापावाल सुन प्रति तोला रु. २ लाख ४० हजार ४०० मा कारोबार भएको थियो। महासंघका अनुसार यो मूल्य हालसम्मकै उच्च हो। महासंघले अन्तर्राष्ट्रिय बजारमा सुनको मूल्य निरन्तर बढिरहेको बताउँदै सोको सीधा प्रभाव नेपाली बजारमा परेको उल्लेख गरेको छ। अन्तर्राष्ट्रिय बजारमा अमेरिकी डलर कमजोर भएपछि लगानीकर्ताहरूले सुरक्षित लगानीका रूपमा सुनतर्फ आकर्षित भएका छन्।

NEPSE TRADING14 Oct, 20251 min read

Investor

गरिमा विकास बैंकको १०.५३ प्रतिशत लाभांश घोषणा, ६ प्रतिशत बोनस र ४.५३ प्रतिशत नगद लाभांश वितरण प्रस्ताव

गरिमा विकास बैंकको १०.५३ प्रतिशत लाभांश घोषणा, ६ प्रतिशत बोनस र ४.५३ प्रतिशत नगद लाभांश वितरण प्रस्ताव काठमाडौं, असोज २८ — गरिमा विकास बैंक लिमिटेडले आर्थिक वर्ष २०८१/८२ को मुनाफाबाट शेयरधनीहरूलाई कुल १०.५३ प्रतिशत लाभांश वितरण गर्ने प्रस्ताव गरेको छ। बैंकको सञ्चालक समितिको बैठक सोमबार (आश्विन २७ गते) दिउँसो ३ः३० बजे सम्पन्न भई सो निर्णय गरेको हो। बैठकले बैंकको हाल कायम चुक्ता पुँजीबाट ६ प्रतिशत बोनस शेयर र करसहित ४.५३ प्रतिशत नगद लाभांश वितरण गर्ने प्रस्ताव गरेको छ। यसअनुसार, शेयरधनीहरूले बोनस र नगद गरी कुल १०.५३ प्रतिशतको लाभांश पाउनेछन्। बैंकले स्पष्ट पारेको छ कि प्रस्तावित लाभांश नेपाल राष्ट्र बैंकको स्वीकृति र आगामी वार्षिक साधारणसभाबाट पारित भएपछि मात्र शेयरधनीहरूलाई वितरण गरिनेछ।

NEPSE TRADING14 Oct, 20251 min read