Stock News
Stay informed and invest with latest NEPSE news and analysis.
1 min read
आईपीओपछि रिलायन्स स्पिनिङको दमदार वित्तीय रिपोर्ट ९ महिनामै २६ करोडभन्दा बढी खुद नाफा १४ अर्बभन्दा बढी सम्पत्ति, जगेडा कोष चुक्तापुँजीभन्दा झन्डै चार गुणा बुक बिल्डिङबाट आएको कम्पनीले देखायो मजबुत वित्तीय आधार
NEPSE TRADING
·6 May, 2026
1 min read
सानिमा जिआईसीको लाभांश सुरक्षित गर्ने आज अन्तिम दिन बैशाख २२ गते, मंगलबार, सानिमा जिआईसी इन्स्योरेन्स (SGIC) को लाभांश सुरक्षित गर्ने अन्तिम दिन परेको छ। कम्पनीले साधारण सभा तथा लाभांश वितरण प्रयोजनका लागि भोलि अर्थात बैशाख २३ गते बुकक्लोज गर्ने भएकाले आजसम्म कायम सेयरधनीहरूले मात्र लाभांश प्राप्त गर्न पाउनेछन्।
NEPSE TRADING
·5 May, 2026
1 min read
याम्बालिङ्ग हाइड्रोको आईपीओमा आवेदन गर्ने आज अन्तिम दिन याम्बालिङ्ग हाइड्रोपावर लिमिटेडले सर्वसाधारणका लागि निष्काशन गरेको प्राथमिक शेयर (आईपीओ) मा आवेदन दिने आज अन्तिम दिन परेको छ। कम्पनीले बैशाख १६ गतेदेखि खुला गरेको उक्त आईपीओमा लगानीकर्ताले आज (बैशाख २२ गते) बैंकिङ समयभित्र आवेदन दिनुपर्नेछ।
NEPSE TRADING
·5 May, 2026
1 min read
एभरेष्ट कलरको आईपीओमा आवेदन दिने आज अन्तिम दिन एभरेष्ट कलर लिमिटेडले वैदेशिक रोजगारीमा रहेका नेपालीहरूका लागि निष्काशन गरेको प्राथमिक शेयर (आईपीओ) मा आवेदन दिने आज (बैशाख २२ गते) अन्तिम दिन रहेको छ। कम्पनीले बैशाख १६ गतेदेखि खुला गरेको उक्त आईपीओमा तोकिएको समयसीमाभित्रै आवेदन दिनुपर्नेछ। कम्पनीले आफ्नो जारी पूँजी ३० करोड रुपैयाँको २६.३३ प्रतिशत बराबर ७ करोड ९० लाख रुपैयाँको ७ लाख ९० हजार कित्ता शेयर निष्काशन गर्ने अनुमति पाएको थियो। यसमध्ये १० प्रतिशत अर्थात ७९ हजार कित्ता शेयर वैदेशिक रोजगारीमा रहेका नेपालीहरूका लागि छुट्याएर निष्काशन गरिएको हो।
NEPSE TRADING
·5 May, 2026
1 min read
कालंगा हाइड्रो लिमिटेडले सर्वसाधारण लगानीकर्ताका लागि आईपीओ निष्काशन गर्ने भएको छ। कम्पनीले जेठ ८ गतेदेखि दोस्रो चरणअन्तर्गत सर्वसाधारणका लागि शेयर बिक्री खुला गर्ने तयारी गरेको हो। यसअघि आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीहरूका लागि निष्काशन गरिएको आईपीओ बाँडफाँट भइसकेपछि अब सर्वसाधारणका लागि अवसर खुला गरिएको हो।
NEPSE trading
·5 May, 2026
2 min read
लगानीमैत्री वातावरण अझै कमजोर : नियमन घटाउन र नीति स्थायित्व दिन ढकालको आग्रह काठमाडौं — नेपाल उद्योग वाणिज्य महासंघ का अध्यक्ष चन्द्रप्रसाद ढकाल ले नेपालमा लगानी वातावरण अझै अपेक्षित रूपमा सहज हुन नसकेको बताएका छन्। अत्यधिक नियमन, अस्थिर नीतिगत अवस्था र कार्यान्वयनको कमजोरीले निजी क्षेत्रको आत्मविश्वास कमजोर बनाएको उनको भनाइ छ।
NepseTrading
·4 May, 2026
1 min read
एनआईसी एशिया बैंकलाई ५० प्रतिशत हकप्रद शेयर निष्काशनका लागि राष्ट्र बैंकको पूर्वस्वीकृति एनआईसी एशिया बैंक लिमिटेड ले हकप्रद शेयर निष्काशन प्रक्रिया अघि बढाउने तयारी स्वरूप नेपाल राष्ट्र बैंक बाट पूर्वस्वीकृति प्राप्त गरेको छ। नियामक निकायले बैशाख १७ गते बैंकलाई ५० प्रतिशत हकप्रद शेयर निष्काशनका लागि सैद्धान्तिक अनुमति दिएको हो।
NepseTrading
·4 May, 2026
1 min read
‘स्वर्णिम’ लक्ष्य : १०० अर्ब डलर अर्थतन्त्रका लागि निजी क्षेत्र अपरिहार्य नेपालको अर्थतन्त्रलाई नयाँ उचाइमा पुर्याउने लक्ष्यसहित सरकारले निजी क्षेत्रलाई केन्द्रमा राखेर नीति अघि बढाउने संकेत दिएको छ। अर्थमन्त्री डा. स्वर्णिम वाग्ले ले आगामी वर्षहरूमा अर्थतन्त्रलाई विस्तार गर्दै १०० अर्ब डलरको आकारमा पुर्याउन निजी क्षेत्रको सक्रिय सहभागिता अनिवार्य रहेको बताएका छन्। सोमबार नेपाल उद्योग वाणिज्य महासंघ को ६० औँ वार्षिक साधारण सभालाई सम्बोधन गर्दै उनले आर्थिक रूपान्तरणको यात्रामा निजी क्षेत्रलाई प्रमुख साझेदारका रूपमा अघि बढाउनुपर्ने आवश्यकता औंल्याए। उनका अनुसार सरकार केवल नियामकको भूमिकामा सीमित नबसी, सहकार्य र सहजीकरणमार्फत निजी क्षेत्रलाई सशक्त बनाउने दिशामा केन्द्रित भएको छ।
NEPSE TRADING
·4 May, 2026
2 min read
धितोपत्र बोर्डको नयाँ नेतृत्वको खोजी : को बन्ला अध्यक्ष ? नेपालको पुँजीबजार नियामक निकाय नेपाल धितोपत्र बोर्ड (सेबोन) को अध्यक्ष पदका लागि आवेदन दिने म्याद औपचारिक रूपमा सकिएको छ। अन्तिम दिनसम्म इच्छुक उम्मेदवारहरूले आवेदन बुझाएसँगै अब सबैको ध्यान नयाँ नेतृत्व कसले सम्हाल्ने भन्ने विषयमा केन्द्रित भएको छ। पछिल्लो समय बजारमा देखिएको अस्थिरता र नीतिगत अन्योलका बीच नयाँ अध्यक्षको चयनलाई पुँजीबजारको भविष्यसँग प्रत्यक्ष रूपमा जोडेर हेरिएको छ।
NEPSE TRADING
·4 May, 2026
2 min read
स्थिर सरकार आए पनि नेप्से दबाबमा : ‘क्लिनअप फेज’ बीच अवसर र जोखिम दुबै राजनीतिक अस्थिरता हटेपछि सेयर बजारले गति लिन्छ भन्ने अपेक्षा व्यापक थियो। तर अहिले देशमा स्थिर सरकार बनेको, नीतिगत स्पष्टता आउने संकेत देखिएको अवस्थामा पनि पुँजीबजार भने तत्कालै सुधारको लय समात्न सकेको छैन। करिब दुई तिहाइ नजिकको बहुमतसहित राष्ट्रिय स्वतन्त्र पार्टी को नेतृत्वमा सरकार गठन भए पनि बजारमा अपेक्षित उत्साह देखिन नसक्नुले लगानीकर्ताबीच नयाँ प्रश्नहरू उठ्न थालेका छन्।
NEPSE TRADING
·4 May, 2026
1 min read
कडा प्रहार : मनी लाउन्डरिङविरुद्ध सरकार आक्रामक, कर छलदेखि इन्साइडर ट्रेडिङसम्म दायरामा सरकारले सम्पत्ति शुद्धीकरण (मनी लाउन्डरिङ) नियन्त्रणलाई थप कडाइ गर्दै कानुनी दायरा उल्लेखनीय रूपमा विस्तार गरेको छ। संघीय संसद् अधिवेशन नभएको अवस्थामा संविधानको धारा ११४ अनुसार मन्त्रिपरिषद्को सिफारिसमा राष्ट्रपति रामचन्द्र पौडेल ले ‘सम्पत्ति शुद्धीकरण (तेस्रो संशोधन) अध्यादेश, २०८३’ जारी गरेका हुन्। नयाँ अध्यादेशले वित्तीय अपराधका विविध स्वरूपलाई पहिलोपटक स्पष्ट रूपमा मनी लाउन्डरिङसँग जोड्दै कडा कानुनी निगरानीको बाटो खोलेको छ।
NEPSE TRADING
·4 May, 2026
1 min read
हिमालयन डिस्टिलरीको नाफा १५% ले वृद्धि, ८५ करोड नाघ्यो कमाइ नेपालको मदिरा उत्पादन क्षेत्रमा सक्रिय हिमालयन डिस्टिलरी लिमिटेडले चालु आर्थिक वर्ष २०८२/८३ को तेस्रो त्रैमाससम्म उल्लेखनीय वित्तीय सुधार प्रस्तुत गरेको छ। कम्पनीले चैत मसान्तसम्म ८५ करोड १३ लाख रुपैयाँ खुद नाफा आर्जन गरेको छ, जुन अघिल्लो आर्थिक वर्षको सोही अवधिको तुलनामा १५.१६ प्रतिशतले बढी हो।
NEPSE TRADING
·1 May, 2026
3 min read
नेपाली शेयर बजारले प्राविधिक रूपमा महत्वपूर्ण सपोर्ट जोनलाई पुनः एकपटक सम्मान गरेको संकेत देखिएको छ । बिहीबारको कारोबारमा नेप्से परिसूचक २०० दिने मूभिङ एभरेज र ट्रेन्डलाइन सपोर्ट नजिकै पुगेपछि त्यहीँबाट रियाक्सन दिँदै डोजी क्यान्डल बनाएर बन्द भएको छ । यसले बजार हाल निर्णायक मोडमा रहेको र अबको चाल महत्वपूर्ण हुने संकेत गरेको छ । चार्ट विश्लेषणअनुसार २०० दिने मूभिङ एभरेज आसपास बजारले विगतमा पटक–पटक प्रतिक्रिया दिएको इतिहास रहेको छ । अहिले पनि सोही स्तरमा बजार टिकेर प्रतिक्रिया दिएको देखिएकाले प्राविधिक रूपमा यो क्षेत्र बलियो सपोर्टको रूपमा पुष्टि भएको छ । आरएसआई करिब ४० को आसपास आइपुगेको छ, जुन सामान्यतया ‘रियाक्सन जोन’ मान्न सकिने प्राविधिक विश्लेषक अजीत खनाल बताउनछन् ।
Dipesh Ghimire
·30 Apr, 2026
2 min read
भट्ट–अग्रवाल प्रकरणमा सीआईबी सक्रिय, कर्जा दुरुपयोगदेखि सेयर कारोबारसम्म छानबिन विस्तार प्रहरीको केन्द्रीय अनुसन्धान ब्युरो (सीआईबी) ले व्यवसायी दीपक भट्ट र सुलभ अग्रवालसँग सम्बन्धित प्रकरणमा अनुसन्धानको दायरा थप फराकिलो बनाएको छ। यसअघि सम्पत्ति शुद्धीकरण अनुसन्धान विभागले सुरु गरेको अनुसन्धानसँगै अहिले सीआईबीले धितोपत्र, बीमा र बैंकिङ कसुरसँग जोडिएका विषयमा समेत छानबिन अघि बढाएको हो।
NEPSE TRADING
·30 Apr, 2026
1 min read
नर्भिक हस्पिटलको आईपीओ प्रक्रिया अघि बढ्यो, बुक बिल्डिङमार्फत मूल्य निर्धारण हुने नर्भिक इन्टरनेशनल हस्पिटल एण्ड मेडिकल कलेज लिमिटेडले बुक बिल्डिङ विधिमार्फत साधारण सेयर निष्काशन गर्ने प्रक्रिया औपचारिक रूपमा अघि बढाएको छ। कम्पनीले आफ्नो जारी पूँजीको २० प्रतिशत बराबर सेयर सार्वजनिक निष्काशनका लागि तयारी थालेसँगै संस्थागत लगानीकर्तामाझ प्रारम्भिक चरणको प्रक्रिया सुरु गरिएको हो।
NEPSE TRADING
·30 Apr, 2026
2 min read
बुक बिल्डिङमा सहभागी हुन नेप्सेको आह्वान, संस्थागत लगानीकर्तालाई दर्ता–नवीकरण अनिवार्य नेपाल स्टक एक्सचेन्ज (नेप्से) ले बुक बिल्डिङ विधिमार्फत आईपीओ प्रक्रियामा सहभागी हुन चाहने योग्य संस्थागत लगानीकर्तालाई दर्ता तथा नवीकरण गर्न आग्रह गरेको छ। नेप्सेले सार्वजनिक गरेको सूचनाअनुसार धितोपत्र बोर्डबाट अनुमति प्राप्त संस्थागत लगानीकर्ताले तोकिएको प्रक्रिया पूरा गरी अनिवार्य रूपमा दर्ता हुनुपर्नेछ भने यसअघि दर्ता भइसकेकाहरूले वार्षिक रूपमा नवीकरण गर्नुपर्ने व्यवस्था लागू गरिएको छ।
NEPSE TRADING
·30 Apr, 2026
2 min read
बजेट तयारीमा सरकार व्यस्त: युद्ध, महँगी र सहकारी संकटबीच चुनौतीको चाप आगामी आर्थिक वर्षको बजेट निर्माणमा अर्थमन्त्रालय पूर्ण रूपमा केन्द्रित हुन थालेको छ। अर्थमन्त्री, अर्थसचिवसहितको टोलीले विभिन्न क्षेत्रका सुझाव संकलन गर्दै बजेटको खाका तयार पार्ने कामलाई तीव्र बनाएको हो। प्रत्येक वर्षझैँ यस वर्ष पनि जेठ १५ गते बजेट सार्वजनिक गर्नुपर्ने संवैधानिक समयसीमा नजिकिँदै गर्दा मन्त्रालयले निजी क्षेत्र, विज्ञ तथा सरोकारवालासँग परामर्शलाई प्राथमिकता दिएको देखिन्छ।
NEPSE TRADING
·30 Apr, 2026
<1 min read
बीमा क्षेत्रमा सम्पत्ति शुद्धीकरण छानबिन: आठ कम्पनीका संस्थापक लगानीमाथि अनुसन्धान तीव्र सम्पत्ति शुद्धीकरण अनुसन्धान विभागले बीमा क्षेत्रमा गरिएको लगानीको स्रोत र प्रकृतिबारे व्यापक अनुसन्धान अघि बढाएको छ। विभागले विवादित व्यवसायी दीपक भट्टसँग जोडिएको लगानी रहेको हिमालयन रिइन्स्योरेन्ससहित आठ बीमा कम्पनीका संस्थापक लगानीमाथि छानबिन गर्ने निर्णय गरेको हो। पछिल्लो समय बीमा क्षेत्रमा देखिएको तीव्र विस्तार र त्यससँगै उठेका शंकाहरूलाई ध्यानमा राख्दै विभागले अनुसन्धान दायरा फराकिलो बनाएको संकेत देखिएको छ।
NEPSE TRADING
·30 Apr, 2026
3 min read
सेबोनको सुझाव आह्वानपछि लगानीकर्ताको कडा आवाज: उठे बजार सुधारका गहिरा माग नेपाल धितोपत्र बोर्ड (सेबोन) ले आर्थिक वर्ष २०८३/८४ का लागि धितोपत्र बजारसम्बन्धी नीति तथा कार्यक्रम तयार पार्न सरोकारवालाबाट सुझाव माग गरेपछि सामाजिक सञ्जालमा लगानीकर्ताहरूले सक्रिय रूपमा आफ्ना धारणा राखेका छन्। बोर्डको आधिकारिक फेसबुक पोस्टमा आएका प्रतिक्रियाहरूले बजारप्रतिको असन्तुष्टि मात्र होइन, सुधारका लागि स्पष्ट रोडम्यापसमेत प्रस्तुत गरेका छन्।
Dipesh Ghimire
·30 Apr, 2026
