Investorदरमखोला हाइड्रो इनर्जीको आईपीओ साउन १५ गतेदेखि सर्वसाधारणका लागि खुला
दरमखोला हाइड्रो इनर्जीको आईपीओ साउन १५ गतेदेखि सर्वसाधारणका लागि खुला दरमखोला हाइड्रो इनर्जी लिमिटेडले साउन १५ गते (आज) देखि सर्वसाधारणका लागि साधारण शेयर (IPO) निष्काशन तथा बिक्री खुला गरेको छ। कम्पनीले यसअघि आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरूलाई लक्षित गरी निष्काशन गरेको आईपीओ बाँडफाँट गरिसकेको छ। कम्पनीले १ अर्ब ३ करोड ५ लाख रुपैयाँ जारी पूँजीमध्ये ३८.३३ प्रतिशत अर्थात् ३९ करोड ५० लाख रुपैयाँबराबरको ३९ लाख ५० हजार कित्ता शेयर निष्काशन गर्ने अनुमति पाएको हो। त्यसअनुसार, आयोजना प्रभावित स्थानीयका लागि १० लाख ३० हजार ५०० कित्ता, वैदेशिक रोजगारमा रहेका नेपालीका लागि २ लाख ९१ हजार ९५० कित्ता, कर्मचारीका लागि ५८ हजार ३९० कित्ता र सामूहिक लगानी कोषका लागि १ लाख ४५ हजार ९७५ कित्ता शेयर बाँडफाँट भइसकेको छ।
NEPSE TRADING1 min read
Topसुन र चाँदीको मूल्य वृद्धि, लगातार बढ्दै
साउन १४ गते, बुधबार नेपाली बजारमा सुन र चाँदीको मूल्य बढेको छ। सुन प्रतितोला १ हजार ४०० रुपैयाँले बढेर १ लाख ९४ हजार ४०० रुपैयाँ पुगेको छ भने चाँदी १० रुपैयाँले बढेर २ हजार ३१० रुपैयाँमा कारोबार भएको छ। चाँदीको मूल्य लगातार तीन दिनदेखि बढ्दो क्रममा छ।
NEPSE TRADING<1 min read
Topश्रीनगर एग्रीटेकलाई आईपीओ निष्काशनको अनुमति
श्रीनगर एग्रीटेक इण्डष्ट्रीज लिमिटेडलाई नेपाल धितोपत्र बोर्डले आईपीओ निष्काशन गर्न अनुमति दिएको छ। कम्पनीले १०० रुपैयाँ अंकित दरका ३२ लाख ६२ हजार ५०० कित्ता साधारण शेयर निष्काशन गर्नेछ, जसको कुल रकम ३२ करोड ६२ लाख ५० हजार रुपैयाँ हुनेछ। नबिल इन्भेष्टमेन्ट बैंकिङ लिमिटेड यस आईपीओको बिक्री प्रबन्धक रहेको छ।
NEPSE TRADING<1 min read
Topकालिका लघुवित्तको नाफा र प्रतिशेयर आम्दानी उल्लेख्य रूपमा वृद्धि
कालिका लघुवित्तले गत आर्थिक वर्षको अन्त्यसम्म १० करोड ८० लाख रुपैयाँ खुद नाफा कमाएको छ, जुन अघिल्लो वर्षको तुलनामा ३६.४२ प्रतिशतले बढेको हो। नाफा वृद्धिको कारण खुद ब्याज आम्दानी र सञ्चालन मुनाफामा उल्लेख्य वृद्धि हो। लघुवित्तको प्रतिशेयर आम्दानी २६ रुपैयाँ ५१ पैसा पुगेको छ भने मूल्य आम्दानी अनुपात ३९.९६ र नेटवर्थ १८६ रुपैयाँ ४४ पैसा रहेको छ। कम्पनीको चुक्ता पूँजी ४० करोड ७६ लाख रुपैयाँ छ भने कर्जा लगानी ४ अर्ब ८४ करोड रुपैयाँ पुगेको छ।
NEPSE TRADING1 min read
Topइम्पेरमेन्ट चार्ज रिभर्स भएपछि आरम्भ चौतारी लघुवित्तको नाफा उल्लेख्य वृद्धि
इम्पेरमेन्ट चार्ज रिभर्स भएपछि आरम्भ चौतारी लघुवित्तको नाफा उल्लेख्य रूपमा वृद्धि भएको छ। गत वर्षको अन्त्यसम्म ६.८ लाख रुपैयाँ मात्र नाफा कमाएको लघुवित्तले चालु वर्षमा ९ करोड ४४ लाख रुपैयाँ खुद नाफा कमाएको छ। सञ्चालन मुनाफा ९३६% ले बढेको छ भने २.३८ करोड रुपैयाँ इम्पेरमेन्ट चार्ज रिभर्स गरिएको छ। प्रतिशेयर आम्दानी २५.७२ रुपैयाँ, नेटवर्थ १५६.१८ रुपैयाँ र मूल्य–आम्दानी अनुपात ४२.२८ गुणा पुगेको छ।
NEPSE TRADING1 min read
Topब्याज आम्दानीको वृद्धिसँगै हिमालयन लघुवित्त नाफामा
हिमालयन लघुवित्तले अघिल्लो वर्षको २० लाख रुपैयाँ नोक्सानीबाट गत आर्थिक वर्षमा ९ करोड १७ लाख रुपैयाँ खुद नाफा कमाउँदै उल्लेखनीय सुधार गरेको छ। यसमा खुद ब्याज आम्दानी ५८.५० प्रतिशतले र कुल सञ्चालन आम्दानी ५२.७७ प्रतिशतले बढेको मुख्य कारण हो। प्रतिशेयर आम्दानी ऋणात्मक ६३ पैसाबाट २८ रुपैयाँ ७० पैसामा पुगेको छ। ३१ करोड ९८ लाख रुपैयाँ चुक्ता पूँजी भएको कम्पनीले २२ करोड ७९ लाख रुपैयाँ जगेडा राखेको छ र ४ अर्ब ९२ करोड रुपैयाँ कर्जा लगानी गरेको छ।
NEPSE TRADING1 min read
Investorराष्ट्र बैंकको निर्देशन : ‘कर्जा असुली मात्र होइन, विस्तारमा पनि ध्यान दिनुहोस्’
राष्ट्र बैंकको निर्देशन : ‘कर्जा असुली मात्र होइन, विस्तारमा पनि ध्यान दिनुहोस्’ काठमाडौं — नेपाल राष्ट्र बैंकले वाणिज्य बैंकहरुका प्रमुख कार्यकारी अधिकृतहरुलाई कर्जा विस्तारतर्फ समेत गम्भीर ध्यान दिन निर्देशन दिएको छ। वित्तीय प्रणालीमा अत्यधिक तरलता रहेको र त्यसलाई व्यवस्थापन गर्न चुनौती भोगिरहेको अवस्थालाई मध्यनजर गर्दै राष्ट्र बैंकले कर्जा प्रवाह बढाई अर्थतन्त्रलाई सक्रिय बनाउन निर्देशन दिएको हो। चालु आर्थिक वर्षको मौद्रिक नीतिको कार्यान्वयन र बैंकहरुको तयारी विषयमा मंगलबार आयोजित छलफलमा गभर्नर डा. विश्वनाथ पौडेलले कर्जा असुलीमा मात्र नभई नयाँ कर्जा प्रवाहमा पनि सक्रियता देखाउन बैंकहरुलाई आग्रह गरे। गभर्नरले भने, “अहिले बैंकहरु असुलीमै केन्द्रित छन्, तर कर्जा विस्तार नभए अर्थतन्त्र गतिशील हुँदैन।”
NEPSE TRADING1 min read
Investorझापा इनर्जी लिमिटेडले आईपीओ निष्कासन सुरु गर्यो
झापा इनर्जी लिमिटेडले आईपीओ निष्कासन सुरु गर्यो झापा इनर्जी लिमिटेडले आज साउन १४ गतेदेखि आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीहरूका लागि प्राथमिक शेयर (आईपीओ) निष्कासन गरेको छ। कम्पनीले नेपाल धितोपत्र बोर्डबाट असार ३१ गते अनुमति पाएसँगै कुल ९ लाख ५० हजार ४७५ कित्ता आईपीओ प्रतिकित्ता १०० रुपैयाँ दरमा निष्काशन गर्न लागेको हो।
NEPSE TRADING1 min read
Investorआजको विदेशी मुद्राको विनिमय दर: डलर १३९ नाघ्यो
आजको विदेशी मुद्राको विनिमय दर सार्वजनिक, डलर १३९ नाघ्यो नेपाल राष्ट्र बैंकले आज (साउन १४) का लागि विदेशी मुद्राको विनिमय दर सार्वजनिक गरेको छ। बैंकका अनुसार अमेरिकी डलर एकको खरिददर १३८ रुपैयाँ ६१ पैसा र बिक्रीदर १३९ रुपैयाँ २१ पैसा तोकिएको छ। पछिल्लो समय अमेरिकी डलरको दरमा निरन्तर वृद्धिको संकेत देखिएको छ। युरोपियन युरोको खरिददर १६० रुपैयाँ २८ पैसा र बिक्रीदर १६० रुपैयाँ ९८ पैसा रहेको छ। युके पाउण्ड स्ट्रलिङको खरिददर १८५ रुपैयाँ र बिक्रीदर १८५ रुपैयाँ ८० पैसा, स्वीस फ्रयाङ्कको खरिददर १७२ रुपैयाँ १५ पैसा र बिक्रीदर १७२ रुपैयाँ ९० पैसा कायम गरिएको छ। त्यस्तै, अष्ट्रेलियन डलरको खरिददर ९० रुपैयाँ २० पैसा र बिक्रीदर ९० रुपैयाँ ५९ पैसा, क्यानेडियन डलरको खरिददर १०० रुपैयाँ ७७ पैसा र बिक्रीदर १०१ रुपैयाँ २१ पैसा तोकिएको छ। सिङ्गापुर डलरको खरिददर १०७ रुपैयाँ ६३ पैसा र बिक्रीदर १०८ रुपैयाँ १० पैसा रहेको छ।
NEPSE TRADING2 min read
Investorप्रतिरोध पार गर्दै नेप्से ३ हजार विन्दु माथि, प्राविधिक रूपमा बलियो संकेत, ठूला ब्रोकरहरूबाट उच्च खरिद दबाब
प्रतिरोध पार गर्दै नेप्से ३ हजार विन्दु माथि, प्राविधिक रूपमा बलियो संकेत, ठूला ब्रोकरहरूबाट उच्च खरिद दबाब नेपाली सेयर बजारले मंगलबार ३ हजार विन्दुको मनोवैज्ञानिक प्रतिरोध पार गर्दै नयाँ उचाई हासिल गरेको छ। नेप्से परिसूचक ३०.७६ अंकले बढेर ३००२.७ विन्दुमा पुगेको छ, जुन विगत ५२ साता यताकै उच्च विन्दु हो। आइतबार नेप्से इन्ट्रा डेमा ३०१३ सम्म पुगे पनि बजार बन्द हुँदा २९६४ मा झरेको थियो। तर मंगलबारको बजारले फेरि उकालो लिँदै ३०२८ सम्म पुगेर अन्त्यमा ३००२.७ मा क्लोज गरेको हो। प्राविधिक विश्लेषण अनुसार हालको प्रतिरोध क्षेत्र ३०००–३०५० विन्दुबीच देखिन्छ। यो स्तर पार गरेपछि अर्को प्रतिरोध ३१८०–३२३० विन्दुमा रहने अनुमान छ। तल झरेमा बजारले २७५०–२८०० विन्दुमा सपोर्ट पाउने प्रक्षेपण गरिएको छ। यसपटकको बजार वृद्धिले छोटो समयमै धेरै विन्दु पार गरेकोले अझै उचाई बाँकी रहेको संकेत मिलेको छ।
NEPSE TRADING2 min read
Investorलगानीकर्ताले लाभांश छनोटमा के विचार गर्ने? – बजार विश्लेषक अजित खनालको सुझाव
लगानीकर्ताले लाभांश छनोटमा के विचार गर्ने? – बजार विश्लेषक अजित खनालको सुझाव काठमाडौं — सेयर बजारमा लाभांश सिजन सुरु भएसँगै ‘नगद लाभांश राम्रो कि बोनस सेयर?’ भन्ने बहस तीव्र बन्दै गएको छ। बजार विश्लेषक अजित खनालले आफ्नै फेसबुक पेजमार्फत लगानीकर्तालाई लाभांश छनोटबारे व्यावहारिक सुझाव दिएका छन्। खनालका अनुसार यस विषयलाई दुई पाटोबाट विश्लेषण गर्न आवश्यक छ— पहिलो, कम्पनीको समृद्धि, विकास र पूँजीको आवश्यकताको सन्दर्भमा र दोस्रो, सेयर लगानीकर्ताका लागि हुने नाफा–घाटाको हिसाबमा।
NEPSE TRADING1 min read
Topएनआईसी एशिया बैंकद्वारा ८.१७ प्रतिशत ब्याजदरमा ‘ATHOT Loan Against Share’ योजना सार्वजनिक
एनआईसी एशिया बैंकले ‘ATHOT Loan Against Share’ योजना सार्वजनिक गरेको छ, जसअन्तर्गत ८.१७ प्रतिशत वार्षिक ब्याजदरमा शेयर धितोमा आधारित ऋण लिन सकिनेछ। योजना अनुसार अधिकतम १५ करोड रुपैयाँसम्मको ऋण प्राप्त गर्न सकिनेछ।
NEPSE TRADING<1 min read
Topनेप्से करिब ४ वर्षयताकै उच्च विन्दु ३००२ मा, कारोबार रकम सामान्य घट्यो
मंगलबार नेप्से परिसूचक ३०.७६ अंकले बढेर ३००२.०७ विन्दुमा पुग्दै करिब ४ वर्षयताकै उच्च विन्दुमा पुगेको छ। कारोबार रकम भने अघिल्लो दिनको तुलनामा घट्दै १८.५२ अर्ब रुपैयाँमा झर्यो। मुक्तिनाथ कृषि र ट्रेड टावरसहित ४ वटा स्टक सकारात्मक सर्किटमा पुगे। कारोबार रकममा हिमालयन डिष्टिलरी शीर्षमा रह्यो। १३ उपसमूहमध्ये ११ उपसमूह उकालो लागेका छन्, जहाँ अन्य उपसमूह २.५८% ले अगाडि रह्यो।
NEPSE TRADING1 min read
Topएशियन लाइफ इन्स्योरेन्सको हकप्रद शेयरमा आवेदन दिने म्याद साउन २० सम्म थप
एशियन लाइफ इन्स्योरेन्सले ४२% हकप्रद शेयरको आवेदन म्याद साउन २० सम्म बढाएको छ। जेठ १४ सम्म शेयर किनेकाले आवेदन दिन योग्य छन्। कम्पनीले १४.२७ लाख कित्ता शेयर प्रतिकित्ता १०० रुपैयाँमा निष्काशन गर्दै १ अर्ब ४२ करोड रुपैयाँ संकलन गर्ने लक्ष्य लिएको छ। निष्काशनपछि चुक्ता पूँजी ४ अर्ब ८२ करोड रुपैयाँ पुग्नेछ। आवेदन मेरो शेयर र सी–आस्वा बैंकमार्फत दिन सकिन्छ।
NEPSE TRADING1 min read
Investorलगातार सर्किट लेभलमा कारोबार भईरहेको समता लघुवित्तले ४ हजार कित्ता संस्थापक शेयर बिक्रीमा
लगातार सर्किट लेभलमा कारोबार भईरहेको समता लघुवित्तले ४ हजार कित्ता संस्थापक शेयर बिक्रीमा लगातार सर्किट लेभलमा कारोबार भईरहेको समता घरेलु लघुवित्त वित्तीय संस्थाले ४ हजार कित्ता संस्थापक शेयर बिक्रीमा राखेको छ। कम्पनीले विभिन्न संस्थापक शेयरधनीको नाममा रहेका ती शेयर बिक्री गर्न लागेको हो। कम्पनीका अनुसार, उक्त संस्थापक शेयर खरिदका लागि हालका संस्थापक शेयरधनीहरुले आवेदन दिन सक्नेछन्। इच्छुक संस्थापकहरुले ३५ दिनभित्र कम्पनीको केन्द्रीय कार्यालय बनेपामा आवेदन दिनुपर्नेछ।
NEPSE TRADING1 min read
Investor‘शुभ लक्ष्मी कोष’ले १६% लाभांश घोषणा, साउन १३ मा बुक क्लोज
‘शुभ लक्ष्मी कोष’ले १६% लाभांश घोषणा, साउन १३ मा बुक क्लोज लक्ष्मी म्युचुअल फण्ड अन्तर्गत सञ्चालित ‘शुभ लक्ष्मी कोष’ले आ.व. २०८१/८२ का लागि इकाइधनीलाई करसहित १६ प्रतिशत प्रतिफल (लाभांश) वितरण गर्ने घोषणा गरेको छ। साउन १२ गते बसेको सञ्चालक समितिको बैठकले उक्त निर्णय गरेको हो। कोषको कोष प्रवद्र्धक लक्ष्मी सनराइज बैंक रहेको छ भने योजना व्यवस्थापक तथा डिपोजिटरी लक्ष्मी सनराइज क्यापिटल लिमिटेड रहेको छ। लाभांश वितरणका लागि साउन १३ गते (मंगलबार) बुक क्लोज गरिनेछ। सो दिन बुक क्लोज हुने भएकाले साउन १२ गतेसम्म कायम रहेका इकाइधनीले मात्र यो लाभांश पाउनेछन्।
NEPSE TRADING1 min read
Investorएशियन लाइफ इन्स्योरेन्सको हकप्रद शेयरमा आवेदन दिने म्याद साउन २० गतेसम्म थप
एशियन लाइफ इन्स्योरेन्सको हकप्रद शेयरमा आवेदन दिने म्याद साउन २० गतेसम्म थप एशियन लाइफ इन्स्योरेन्स कम्पनी लिमिटेडले असार २५ गतेदेखि निष्कासन गरेको हकप्रद शेयरमा आवेदन दिने अन्तिम म्याद साउन २० गतेसम्म थपिएको छ। यसअघि कम्पनीले साउन १३ गतेसम्म मात्र आवेदन दिन सकिने व्यवस्था गरेको थियो। तर निर्धारित अवधिमा पर्याप्त आवेदन नपरेपछि बिक्री प्रबन्धक मुक्तिनाथ क्यापिटलको सिफारिसमा आवेदन म्याद थप गरिएको हो। नेपाल धितोपत्र बोर्डबाट स्वीकृत अनुसार, कम्पनीले हाल कायम चुक्ता पुँजीको १ः०.४२ अनुपातमा हकप्रद शेयर निष्काशन गरिरहेको छ। यसअनुसार, कम्पनीले कुल १ करोड ४२ लाख ७९ हजार ३१२.४८ कित्ता शेयर प्रतिकित्ता १०० रुपैयाँ दरमा जारी गरिरहेको छ। कम्पनीले यस प्रयोजनका लागि जेठ १६ गते बुक क्लोज गरिसकेकोले, जेठ १४ गतेसम्म कायम रहेका शेयरधनीहरुले मात्र आवेदन दिन पाउने छन्।
NEPSE TRADING1 min read
